karen0109的個人專頁

今日經過大坑見到火車頭，都記得好似係有啲名氣，一入內油煙味極重，但係既然開咗門就坐低試一試啦。食物上菜非常慢，連飲品也慢，向職員追過進度，但係冇人理會。結果仲有一碗美食一杯未飲都起身埋單走人。味道只屬於非常普通質素，唔可以話係好難食，但係唔會想再食。再令我匪夷所思嘅地方係，聽到隔離枱想話碗麵嘅湯太少，想添少少湯，個男經理就話，冇得加湯。今時今日飲食業難做？依然有餐廳排晒隊。呢間真係要好好檢討下點解負評越嚟越多！…查看更多

08-09-2009 晚上9:17分致電北海道叫外賣，接聽又自稱老闆既男人話截左單，我話張外賣單張話9:30喎！佢話9:30係收工時間，9:00就截單架啦！咁我話，唔係喎，張紙寫外賣時間係12:30p.m.-9:30p.m.(見相片)。跟住佢都仲係話9:00係截單，態度極差.....我話咁你就唔好寫外賣時間至9:30啦！一係就加多句係後面，寫住截單為9:00！即時呢個男人完全唔想sorry或解釋就cut我線......實在激死我！之後我再打番去，佢仲企圖唔聽電話，好耐都唔肯聽......之後接聽後我話，你可以講句話唔好意思印錯左，或印漏左咪得囉！使唔使態度咁差仲cut人線呀！佢話，做生意唔使俾你話呀！態度一樣咁衰....單從呢一句，就知『老闆與客人既關係』，佢就一點都不明白！仲話你鍾意點投訴都唔理得我咁多.....恭喜晒呢位老闆，我係元朗住左廿幾年，我會介紹你呢間北海道俾我所有朋友知！食左咁多年飯，未曾試過調轉角色，鋪頭老闆可以鬧個客........真係好嬲...........＊以上全為事實＊…查看更多

13號晚，男朋友生日，見開飯裡的泰菜中，好評極多。另外由於1月既生日效應，食西餐食滯左，於是便試試這泰菜啦~~~book左位，唔使點等，入到去坐位算舒服，由於唔想諗食咩，所以即時拍板《二人餐》，加多個豬頸肉及兩杯特色飲品！其實整體都唔錯，上菜既速度快到得驚人呀~相信係點菜後既5分鐘內已上足8成。不過唔係咁，又點翻多幾轉檯呢？食物要彈既係個黃咖哩雞配蒜蓉包，個咖哩真係好淡，好似好稀咁既！希望有待改善:(望到隔離檯個西貢香芒牛柳粒配脆麵，真係好想食，下次一定要食呢個呀！總括是可encore的~:)特別讚既地方係....生日既話，佢會『免費』幫你映張即映即有送番俾你！大張個隻喎！！！…查看更多

上星期日去過一次，但食唔到.....因為亞蘇效應，個日實在多人到等位都等死呀！結果，買左個菠蘿油行街就算啦！上到車食覺得都好食，但唔熱，凍冰冰既！我以為係外賣，所以冇整熱！算佢啦~~今日，係閒日，我諗應該會小d人，所以再駕車去多次。今次真係小好多人啦！仲有位泊車添！我同男朋友兩個人，叫左一個菠蘿包、一個豬扒包、一碗餐蛋麵、一杯紅豆冰同埋一杯涼粉冰。逐樣講啦~~~~~~~~菠蘿包：今日坐低食，但原來佢地都係唔會整熱既，算好食，但真係唔係好食到好似亞蘇 個樣咁啦！我個人覺得，旺角好出名個開好食d豬扒包：個包軟熟，件豬扒都好味！仲有幾條洋蔥係入面吊下味，good~餐蛋麵：非常求其，如果唔係咁肚餓，唔好叫！紅豆冰：最好係呢個，d紅豆真係好大粒，口感一流呀！而且唔會太甜，好味！涼粉冰：都算好味，唔太甜！總而言之，可以的話，唔好假期黎呀！豬扒包係假期既日子要等超過半個鐘架！…查看更多

去到呢間燒烤店，沒甚橫裝，但由於非常肚餓關系，一定要開餐啦！叫左芥末羊拾壹、燒墨魚丸、肉醬意粉、燒牛仔骨。意外地，全部都好得呀！！芥末羊拾壹：食入口，冇騷味，有好香既芥末味，小小功鼻，好正！推介！燒墨魚丸：入面有墨魚粒，超爽！肉醬意粉：好多芝士，I like it ~燒牛仔骨：雖然唔係好厚，但Juicy~下次一定會再食！…查看更多