Joan Luk的個人專頁

今晚係同家人一齊去食飯，一入到餐廳入面全部都係波衫波靴同足球閃卡，雖然我同我家人都唔係足球愛好者，但裝修係好特別令人印象深刻。侍應服務亦好周到，因為我有個22個月大嘅bb同行，佢地用bb櫈(係IKEA 嗰款，我個人比較concern 因為我小朋友太坐唔定，只有呢類有扣嘅bb櫈先可以令我有安落茶飯食)，仲有小朋友餐具提供，都算係baby friendly 嘅餐廳。而且仲係黃店黎添😊！食物質素都唔差架，一開始個餐湯已經幾特別，係白蘿蔔湯唔係普通紅白湯，個湯好甜原汁原味飲得出佢地嘅心機，配湯嘅蒜蓉包都係熱辣辣又鬆軟，另外仲有個沙律菜配黑醋汁都好新鮮。雖則我點嘅係雜扒餐，有啲奇怪嘅配搭係雞扒、德國腸同牛舌。我個人比較怕牛舌會好韌，一黎到見到係厚切都幾驚，個食落又好林，連我小朋友都食到！有啲異想不到，而且side dish係紫薯溶同羽衣甘藍，唔係普通雜菜紅蘿蔔呀，豆呀咁。我家人點嘅牛肋條都唔錯，牛肉唔韌又有味，雖則唔係咩頂級靚牛嘅質素但都配佢地嘅價錢。飲品同甜品方面就ok啦~未去到cafe同甜品店水平，但可接受。杯熱朱古力唔夠濃味同較為細杯，至於梳乎厘平班戟就做到空氣感效果同有蛋味，但都唔夠好食。另外佢地嘅餐具都好靚好特別，會另人賞心悅目。…查看更多

環境我一上到去就見到個夕陽，有居高臨下嘅感覺，同朋友聚下chill吓係幾正。食物主餐牌嘅價錢貴咗啲，本人無試到。只係食咗甜品ruby peach同lava, 甜品擺盤精緻有心機，就算味道唔係話好驚喜都可以呃下like嘅presentation 😛因為我本來係被ruby peach嘅poster吸引而去食，但去到先發覺價錢偏貴，餐牌上寫嘅用料又唔係高級食材。所以只係點咗甜品，甜品賣相吸引，甜度適中，可惜無想像中咁驚喜。又未去到值差不多100蚊嘅價錢，如果60幾70幾都還過得去。服務一般，無特別好貼心嘅服務。總結我唔會去多次，因為唔係101-201嘅價錢，而且呢個價錢嘅餐廳有更多選擇，呢間絕對會比下去。…查看更多

環境浪漫，但多人時較噪吵。服務周到，你食完先會上下一道菜。而且有為我寫咗祝福語句，因為我係open rice book位有mark。食物精緻，高質食材，擺盤有心機。當日係慶祝囡囡一歲生日，叫咗5 courses set，牛扒好好食，唔會太肥，肉質鮮嫩，魚亦唔腥。雖然每一道菜都有松露，但絕對唔係全部同一種味道。整體係5星，雖然價錢係貴，但服務質素、食物質素同環境都值呢個價錢。我會推薦呢間餐廳for情侶食(不過情人節只有一個情人節menu set就太專制，有得選擇會好啲)，或者慶祝聚會，一家大小都可以享受fine dining …查看更多