肥忌廉的個人專頁

以前都有幫襯過大圍店兩次，烏溪沙幾次，今次再黎大圍店，極之失望。1) 價錢走文青路線，但食物質素不成正比。唐揚雞塊炸粉佔七成，都唔知食緊炸粉定食緊雞2）鮭魚飯團鮭魚只得手指甲皮咁多3）想要杯熱水，畀左凍水4）$150先收Visa，頗不方便5）一貫地環境好窄，好有壓迫感6）定食大部分都係炸物，唔想熱氣都唔得，以前有既漢堡/豚角煮都冇左7）食物飲品千篇一律冇新意失望，見證了一間好餐廳的衰亡，唔會再幫襯！…查看更多

嗌左個外賣，同餐廳都唔係話好遠路程，我諗3分鐘左右，等左大半個鐘到問下伙計出左鋪未，想知大約要幾耐到，接電話果個一開始同我遊花園，講話「佢出左去啦，要幾耐唔知呢~」我追問之下，聽到佢地對答知到佢未出去，你水我都唔緊要，最火係佢上到黎燥我話唔洗打黎吹單，我平心靜氣話想了解下，佢又燥我話唔洗黎了解，我曬左個冧，佢轉個頭口噏噏左幾句，價錢又唔係平，食物就真係一般啦，嗌左個公司三文治同魚蛋麵，外賣盛惠$89，三文治仲係暖👍🏼魚蛋麵就鹼水味幾重，麵質一般，冇下次…查看更多

晨早流流，諗住去食個炒蛋多士通心粉，粉就未食到，已經食到個西面。服務員零服務又脾氣差，餐廳地方狹窄，未有侍應招待，本想直接入座，立刻俾個西面侍應喝止：先生請先買野食！然後收銀台旁只有個小小的餐牌，正當我在睇吓有咩食，侍應馬上反問：唔係未諗好食咩啊?態度十分差！款式少連奶茶都無，仲要阿華田勁淡！在我下單之時同樣有幾名食客被無辜惡侍，一般的食物、狹窄的環境加上低劣的態度！簡單破壞了我的good morning😪👹👹👹…查看更多