獻上人生第一個OpenRice食評，因為實在有點睇唔過眼。2022年9月17號星期六晚諗住飲杯飯後甜品，利申住喺愉景樓上 成日行開都冇幫襯，又見佢屹立咗咁耐，所以近近地去試吓呢間。去到counter，見到入面三位美女圍住玩iPad ，仔細一望原來喺度打電子麻雀。心知已經不妙….不過都算半金髮的姐姐落order， 先發現$40一杯嘢飲原來冇得走冰，連少冰都唔得 咁冇彈性嘅肥仔水餐牌都係第一次見識。整完杯嘢飲叫美女俾支羹我自己整走啲冰，佢west哂面咁話冇。返埋位繼續打麻雀，完。係…我明星期六晚要返工真係好唔開心 但你哋喺度吞噗逗人工之餘 仲要趕走客人 其實最唔開心嗰個應該係你哋個老闆sosadBtw叫咗半甜返嚟杯野好似冇減過糖，血糖比較高嘅朋友仔真係要小心呢間。就算第日點樣口渴都唔會再幫襯呢間🤡🤡🤡希望快啲有第二間肥仔水喺愉景新城代替佢…查看更多
茶古道
2022-09-17
以上食評乃用戶個人意見 , 並不代表OpenRice之觀點。
讚好
用餐日期
2022-09-17
用餐途徑
堂食
