eat7nei的個人專頁

鮨燐晚市omakase有好幾個選擇，入門黎講14件壽司性價比頗高，皆因仲有69折，埋單每人唔使一千。坐在板前看著師傅處理魚生刀功及技巧，先嚟一件蜜柑鯛，魚肉帶有果香味，第二件係赤貝第三件係針魚，配上辣蘿蔔蓉及紫菜，第四件係疣鯛，炙燒再加上適當配搭，特別惹味。🤤第五件深海池魚，呢件改得好靚亦好食❤️第六件係油分多嘅梳子魚，第七件墨魚，中間夾咗小半塊紫蘇，第八件為北海道帆立貝，薄切片後疊埋再握成壽司，可見師傅功架第九件係銀鱈魚油甘香，第十件池魚，十一件係鯖魚👍🏻第十二件係中呑拿魚，幾肥美帶有赤身部位的酸度，第十三件係炙燒大呑拿魚腩，釋放油脂，最後一件係海膽，大塊鮮美🤤亦有味噌湯及抹茶奶凍作結，成餐男人食亦覺得飽，餐廳位置唔多，最好book定枱。…查看更多

喺屯市有一間燒肉焰，向來聽聞都幾高質，而且座位闊落，環境舒適，非常值得一試。星期五晚非常熱鬧，幾乎坐滿，但店員都好好人，即使我哋只有兩個人都安排我哋坐卡位🥹名物！菠蘿汁鑽石和牛胸腹肉 連埋半舊菠蘿咁樣相，非常特別，而且牛胸腹肉界晒紋，即使一大條，但都比較易燒，牛味重！正🫡特上牛小排 $138一碟4塊 ，睇油花都知道非常漂亮，今次我哋就揀咗汁燒風味，佢另外仲有鹽燒可以選擇，肉汁非常香濃，唔使點燒肉汁都夠味🥰燒肉點少得厚切鑽石牛舌 $148同樣一碟4塊，而且真係大塊且厚切，牛舌呢種厚度好少有，特別爽彈，無可挑剔五花肉 $98基本五花肉，由於冇乜調味，每一款就可以試一試佢哋肉汁或者鹽等等。生蛋拌飯配漬海苔 $29好多人都鍾意燒肉配白飯，中和一下油膩感，我都唔例外，而且呢度嘅飯有生蛋同海苔，不過撈勻之後出奇地有少少乾🫣整體嚟講，環境舒適，價錢合理，而且呢度另外仲有燒肉拼盤，2個人黎食都好多選擇🤘🏻…查看更多

呢間扒房經平台訂位有成6折，咁抵食真係試下無妨😳CANDY SHOP平日嘅晚上，想飲mocktail多過cocktail🤫 於是就叫咗呢杯，橙 x 芒果 x 紅蘿蔔x Caramel，非常之健康又唔伏嘅選擇🤣香煎北海道帶子龍蝦汁扁意粉配三文魚籽帶子係刺身級數，兩面輕輕煎過，所以𥚃面仲係刺身質地，熱食黎講個人最鍾意呢款程度嘅生熟😍，配上三文魚籽，味道更豐富。扁意粉偏硬身，又啱啱好掛到汁，正常發揮燒美國安格斯西冷扒配黑松露薯蓉西冷睇樣燒得好perfect，medium就真係medium嘅程度，連側邊位都一樣咁靚仔，食落牛味都算濃厚👍🏻 配菜薯蓉亦夠黑松露味，不知不覺已經食晒成兜🫣…查看更多

提早同男朋友慶祝生日🎂揀咗呢間荃灣海之戀嘅法國菜餐廳🍴星期四平日夜晚嚟到，但係都幾full，可見人氣唔錯。成間餐廳格局都用藍色做主調，係有一種法國情調。頭盤揀咗雜錦凍肉拼盤份量超巨型，有風乾肉腸、意大利火、法式火腿同一大法國鴨肉醬，高質推介👍🏻男友鍾意食牛，主菜佢就揀咗牛脊肉配法國鵝肝，擺盤靚，仲有3塊牛脊肉，啱晒佢呢個食肉獸💕我就揀咗法國油封鴨腿，一切d肉就離晒骨，夠入味。甜品就我話事🤪叫左我最愛嘅Crème Brûlée👍🏻👍🏻👍🏻👍🏻呢個仲特別加咗coconut，大愛😍連埋男友飲咗杯紅酒🍷，埋單唔洗$1000😚食得開心最緊要…查看更多

自從開通左屯赤，要黎東涌行下outlet真係方便左勁多，亦都發掘左唔少東涌嘅餐廳，而呢一間金子半之助大有名氣，過江龍黎到香港開天丼店，見唔少youtuber都拍過😳車海老軟殼蟹天丼 $168食材有:車海老、軟殼蟹、小柱魷魚天婦羅餅、莢豌豆、海苔、溫泉蛋上天丼 $118食材少咗車海老同軟殼蟹，取而代之嘅係白身魚以及海老呢度嘅天丼比起平時見/食開嘅天婦羅深色，可以想像得到粉漿調味較重，但又唔會蓋過食材本身嘅味道，而且更為香脆。今次食晒海老同車海老2款蝦，拍埋一齊食先發覺係完完全全2個唔同層級😂😂車海老嘅鮮甜爽彈都係完勝海老，而軟殼蟹才都非常好食，強烈推薦貴d嘅呢款天丼👍🏻…查看更多

呢一間喺太和小小嘅cafe仔，近期大熱，而且午餐抵食，絕對值得你喺度渡過一個下午☺️午餐已包餐湯同飲品，我地就另外叫多個前菜檸檬蜂蜜糖漬蕃茄，好fresh好開胃，酸酸甜甜且蜂蜜香味夠，食落又唔會太甜👍🏻$88虎蝦龍蝦汁扁意粉出色，就我而言無論擺盤定味道都超出cafe水準，唔係得個樣，虎蝦開完邊仲好似做左個炙燒嘅動作，表面微焦香，意粉亦都掛晒d汁，好好食🤤$88橙汁BBQ手撕豬雞蛋仔水波蛋令人耳目一新，配搭上新穎口味大眾化，水波蛋切開後流心狀態很好，都真係幾飽。特飲跟餐有半價，抵加！😂…查看更多

相信荃灣人對呢一間喺荃新天地地下嘅西餐一啲都唔陌生，大大嘅落地玻璃對住大街，喺度嘆返個lunch真係最好不過🤤Lunch set款式選擇多，種類豐富，有意粉燉飯去到burger同牛扒都有。我就叫左個牛油果burger，漢堡分量十足，而且非常Juice，一切落去啲汁已經流到成碟都係，薯條亦都香脆熱辣辣，不錯！另外貴啲嘅一款lunch set跟埋小食同薯菜，特別嘅係佢呢度薯菜用咗紫薯泥，第二度應該食唔到🤓時令魚柳煎得非常出色，兩邊煎到乾身香脆，但依然保持裏面肉質嫩滑多汁，與其香味都好突出，非常推薦👍🏻呢度仲有d特式飲品，mocha朱古力味同咖啡平衡得幾好，至於梳打不飲我就覺得略嫌比較稀一些😯…查看更多

同朋友去銅鑼灣買完某牌子運動用品，順便發掘下有咩好野食～跟住就Search 到名館幾有打卡feel ，去到又見唔使等好耐，就決定入去試下♥️一坐底淨係個碗都特別吸引：我所有的不開心都是因為未食飽！😂醉蝦～一黎到首先試左個醉蝦先！🙊蝦肉爽口～淡淡酒香散出黎又幾開胃🤤酸菜魚～唔好睇佢個煲細細煲，原來佢勁深，勁多料！魚夠新鮮！唔會梅deaddead 🤣仲有薯粉係底，絕對唔驚唔夠飽🤤🤤點心拼盆～成餐飯最好食嘅野反而係呢個！每件炸物細細件！件件都好好食！有煎堆！炸奶！蓮蓉酥！仲忍唔住口食埋對面個份🙊🙊仲有個上湯浸白菜🥬～呢個就不過不失啦～總括黎講都幾正，坐得舒服，同朋友傾下計都唔錯。樓底都高，整體唔會太菜～想食下酸菜魚又想坐得chill 啲都可以考慮黎下呢度～埋單嘅時候我仲買左佢包麥茶添🙊幾正架！…查看更多

上網見到有人講而家一啲嘅中餐廳都會用日本sake搞返一個crossover，上網就見到一間酒家有做呢一個活動就走去試一試。坐低咗先發現，原來呢一間係需要成支清酒咁叫，而唔係一杯杯咁上，不過都唔緊要，唔太貴就叫咗一個蛋白蒸鮮帶子，配上南部美人吟銀河，算係三款酒入邊最貴嘅一支。講返主菜個蛋白蒸鮮帶子，質素比想像中高，喺蛋白面頭仲會用貝嘅精華整咗一啲芡汁，整體鮮味昇華左，蛋白亦唔過火，好幼滑嘅質感，而帶子鮮甜，大小亦算適中，搭配酒不錯👍🏻…查看更多

荃灣西呢邊，除左好多工廈cafe之外，其實喺商廈入面都可以收埋一間cafe！相信好多人都估唔到喺角落入面都會有呢間唔顯眼嘅Coti😯平時返工叫杯咖啡就少不了，lunch選擇都唔算少，店面一共就十個位左右，簡約乾淨，店員2人做到冇停手，服務認真，叫左個沙律配煙三文魚/雞扒嘅時候，佢仲叫我一定要揀雞扒！好食d🤣非常之nice！而的確香煎雞扒冇令我失望，拌胡麻醬食，雞皮乾煎得好脆，食落口幾乎0油膩感，沙律份量亦唔少，啱晒我呢d唔想食太heavy嘅人食，健康人生🥰朱古力大推！好香濃，好rich，識飲一定飲朱古力，仲會有拉花😆…查看更多

Akoya～酒場～入到去一支又一支嘅日本酒靜靜地棟哂係個櫃度～以為自己去左日本呀～♥️柚子沙律🥗新鮮又開胃明太子玉子燒🧈熱辣辣又勁好食串燒omakase🍢燒得好有心～少少黑焦都無Highball🍺忍唔住番杯～夠夠夠凍！正呀！明太子飯團燒🍙勁好食嘅飯焦！唔會太硬～記得要趁熱食～芝士海膽炸蠔🧀🦪全晚最好最驚喜嘅！食落去芝士同海膽超夾！個醬勁好食！♥️♥️燒和牛牛舌🍢食落去輕微溶係口入面嘅感覺～諗起都流口水🤤芋燒酌🥃係熱水配芋燒酌～勁好飲！晴耕雨讀🥃係冰水配佢～晴耕雨讀好有意境～都好好飲呀～下次要再帶朋友去呀～🤤🤤…查看更多

今日有同事last day，一齊黎到公司附近呢間貴價少少嘅Espresso Alchemy食返個farewell lunch，呢度晏晝都有set lunch，包左一杯野飲，或者加$10升級其他野飲。火雞胸蕃茄芝士意大利三文治$69用料都夠嘅Panini，蕃茄夠新鮮，食落都唔dry，叫左杯milk chocolate 拉花好靚🥰青醬雞肉忌廉長通粉$89長通粉煮嘅時間啱啱好，青醬帶點羅勒味道，承諾非常健康，醬汁亦唔會話太濃，加左杯Earl grey chocolate！大推呢杯🤤朱古力中帶伯爵茶味道，層次感豐富，非常特別✨香煎虎蝦配辣蕃茄汁意粉$118整體不錯，虎蝦大隻多肉，煎到啱啱好唔會過熟，價錢以lunch黎講略貴一點仲叫左個咖啡白朱古力西多黎share，呢個甜品甜得黎帶有咖啡嘅苦澀，唔飲咖啡嘅人都應該會中意，用佢黎做甜品收尾幾好☺️…查看更多

銅鑼灣登龍街一轉入去第一間見到嘅餐廳就係呢間食台灣菜稻埕飯店，位於地下舖，環境裝修非常別緻精美，服務整體覺得好舒服，最開心係就算二人枱都有卡位坐，私隱度高，仲要係用qr code落單，減少人與人接觸😀叫咗個呢度嘅招牌鵝不是鵝肉，係滷水鵝嚟嘅，而且下面仲鋪咗啲豆腐可以吸晒啲滷水汁嚟食，肉亦都唔鞋，肥瘦適中，但滷水汁應該可以更入味☺️另一個招牌相信應該就係蚵仔煎，呢度整咗個升級版，黑松露蚵仔煎蛋！價格合理，份量十足，點松露香味配上炒蛋已經邪惡，仲要加上唔細嘅蚵仔，冇得輸。一人再叫碗滷肉飯，簡簡單單亦好滿足，當然唔少得台式飲品，今次推薦黑糖珍珠鮮奶👍🏻✨…查看更多

同朋友相約喺北角，一見面大家都話好耐冇食過韓燒，上網搵左一輪先搵到間唔太貴質素又唔差嘅放題，高麗軒平日晚市$268就有得食。呢度餐枱夠晒大張，就算六個人一張枱都唔迫，出面其他小店，呢度就冇話一坐低就黎一堆前菜同埋鍋邊蛋，不過我反而最鍾意呢一點，咁多前菜都唔係樣樣食的咁就唔會嘥嘢啦👍🏻講返7點時段$268嘅menu，選擇唔多，但應該有嘅都有齊，而且仲有熟食例如煎餅人蔘雞湯等，但見到+$68就可以升級肉同海鮮，就揀左呢個，升級左有A3同prime等級嘅雪花牛，當然質素唔錯，雪花紋路靚嘅又唔會太油脂多。再黎係海鮮，我個人認為帶子>蝦>帆立貝🤤不得不讚呢度海鮮比想像中質素好，蝦係去左頭，但燒完出黎爽脆的，帶子亦相當高質，叫左2大盤食😳…查看更多

六小館風格行文青復古風，地方超級闊落而且坐得舒服，前菜花生當然唔少得啦，餐廳今晚幫大家諗好咗一個可以快速清花生嘅方法🤣🤣就係佢推出嘅新海鮮menu，會送埋2杯清酒比你，見佢咁抵，就叫左個胡麻明醬蝦球，然後再叫多個湯羹，每位上的，再加多個咕嚕肉，簡簡單單一餐飯。簡單之中帶點不平凡嘅首先係呢味胡麻蝦球，每粒蝦球拳頭咁大，而且前後早有全部俾個胡麻醬汁痴滿晒，蝦球爽口彈牙，同佢送嘅2杯酒一齊食亦能帶出蝦本身嘅鮮味。湯羹就正正常常，口感幼滑而唔漿口，而咕嚕肉賣相都唔差，肉大大嚿但唔多，酸甜平衡得到🤓埋單人均先二百多，實屬相當抵食，下次會叫一d有鑊氣嘅小菜試下佢嘅手勢先得🥰🤩…查看更多