Ducktak328的個人專頁

最近老公帶我過澳門慶祝生日，特登book咗「葡景軒」，估唔到咁有驚喜！生日飯真係要大力推介「葡景軒」！一入門口環境好舒服好有feel，餐廳員工幾nice！食物:-葡式炭烤八爪魚真係無得頂，必點好好食😛外層焦香脆口，咬落去又keep到肉質彈牙，炭火香慢慢滲出，食到唔停口！-葡式烤乳豬個皮脆到會發出咔嚓聲，切開嗰陣仲見到肉汁慢慢流出嚟！配埋特製醬，清新得嚟又解膩正啊！小食拼盤款式多樣，鹹香惹味，一次可以試曬咁多款👍👍-炙烤馬介休火候掌握得啱啱好，魚肉嫩滑唔會過鹹，表面炙烤得金黃香口。性價比高👏🏻👏🏻👍🏻呢餐生日飯由頭到尾都咁完美，已經同男朋友約定下次紀念日要再嚟encore！如果你哋都想同另一半慶祝特別日子，呢間絕對係唔二之選！…查看更多

好耐都冇過去西灣河.見朋友推介專登搵咗近海邊餐廳.今次食泰國嘢！食物：- 黃咖喱蟹肉配蒜蓉包咖喱香濃.蟹肉鮮甜.配蒜香包係絕配.充分襯托整道菜的層次感-海鮮冬陰功湯麵酸辣湯的滋味恰到好處.海鮮新鮮彈牙.麵條吸滿湯底好開胃-串燒沙嗲 雞牛各3燒得恰到好處.醬汁濃郁好香肉質嫩滑多汁都好香燒烤煙熏香味🙌🏻- 牛肉Sirloin牛肉肉質嫩滑.用香茅卷住好得意.亦都有少少香茅味.值得一試- 芒果糯米飯芒果好甜.搭配3色熱辣辣好軟糯既糯米飯👍🏻- Mango Shake & SINGHA 啤酒食泰國嘢必飲哩2款.芒果沙冰.消暑解渴- Fruit Float芒果汁橙汁菠蘿汁加埋椰奶嘅飲品.非常好飲👏🏻總結嚟講環境好舒服.食物質素都好好.好多選擇食物即叫即整.上菜都好快！…查看更多

喺銅鑼灣唔知食咩好.好耐冇食過冰室.同屋企人決定試吓!食物：-瑞士雞翼併花生醬西多士 瑞士雞翼夠入味配埋外脆內軟嘅花生醬西多士有啲邪惡但好滿足幾好食-西冷牛扒漩渦蛋包飯 牛扒煎得剛剛好.肉質嫩滑.加埋好靚嘅旋風蛋.揀咗芝士汁另上. 送飯好味👍🏻👍🏻-星洲炒米 有咖喱香炒得夠乾身又唔會好油。蝦仁叉燒同芽菜都有.味道好平均.炒得香好味😋-豬扒芝士撈丁 豬扒大大塊.好嫩滑調味都啱啱好.加埋芝士混撈丁.超邪惡但好過癮。芝士味都夠香.但係唔會好膩同好咸🫢-公司三文治配鮮蘋果雜果沙律好經典嘅食物.內餡層次分明.有好厚嘅午餐肉雞蛋.生菜.材料好多口感好豐富好食😋.-奶茶紅豆冰+ 鴛鴦紅豆冰紅豆冰夠腍唔會太甜同埋飲品好味總結嚟講食物各有特色。整體都好味.而且價格都幾親民.吾錯🥰…查看更多

同朋友約好周圍行街食嘢.我哋本身都諗好咗食日本嘢.經過見到呢間餐廳感覺唔錯.又有拉麵食所以入去試吓😬🍜 限定赤蝦拉麵 上枱已經聞到濃濃嘅蝦香.湯底好鮮甜.麵條掛湯力強.每一啖都帶住蝦味.仲有幾隻赤蝦肉質爽口.食完覺得好滿足😌濃郁味噌拉麵 呢碗湯底就完全係另一種風格.味噌香濃帶少少鹹香.麵條手搓麵錢偏粗.但咬落去好有嚼勁好味.配埋叉燒入口即溶好味😋煎餃子 外皮煎得金黃香脆.咬落去仲有肉汁.餡料唔會太油.配埋醋一齊食.味道更加突出👍🏻唐揚炸雞 炸雞外皮香脆肉質嫩滑多汁.調味唔會太重🙌🏻總括嚟講:呢間餐廳嘅拉麵同小食都各有特色.而最令我驚艷係赤蝦拉麵鮮味突出.赤蝦都好大隻好彈牙好好食👍🏻好滿足嘅一餐🙌🏻…查看更多

平時都好鍾意去旺中食嘢.見到未食過.又見到我最鍾意嘅和牛.所以決定試吓.在場都有枱可以即場食👍🏻食物：-和牛關西燒 係和牛蛋麵糊包住芝士🤪醬汁甜甜地好有日式風味.趁熱食仲有拉絲👍🏻-泡菜和牛炒拉麵 拉麵炒得唔會好乾.仲好彈牙.加埋泡菜估唔到咁夾.和牛.洋蔥吸晒醬汁好惹味👍🏻-鹽燒牛舌芯. 鹽燒和牛肋串牛舌係厚切而和牛肋串就油脂豐富d.但都係燒得恰到好處.外層微脆內裡嫩滑🙌🏻好食!總括嚟講:可以睇住喺鐵板上面即叫即整.味道都好好價錢都好合理.呢個價錢食到黃牛質素值得一試🥰…查看更多

之前都聽朋友介紹過.但係一直都冇試過.趁放假約咗朋友出街.專登晚飯過嚟試吓😗食物：-泰式虎蝦金邊粉 上枱已經聞到好香.虎蝦大隻彈牙.金邊粉吸晒醬汁精華.酸酸辣辣好開胃-泰式牛肉炒河粉牛肉炒得夠香唔鞋口.河粉煙韌得黎都唔會黐埋一舊好食👍🏻醬汁岩岩好唔會太重口味！🍢 沙嗲雞肉串燒 串燒外皮微焦肉質嫩滑.沙嗲醬香濃但唔膩花生味好香一齊食好味☺️泰式炒芥蘭 炒得好有火喉.芥蘭保持到好爽脆.蒜香味濃好惹味！泰式冰龍眼 清甜透心涼.有好多龍眼肉好清甜芒果冰沙 芒果味超濃郁.唔係嗰啲假味果汁.冰沙口感滑順飲落去又唔會太甜.食泰國菜必飲🥰芒果糯米飯 糯米煙韌得嚟唔黐牙.飯仲係熱嘅.椰漿好香芒果都好甜.好夾好味😋整體嚟講：一入呢間餐廳見到佢哋裝修真係好有心思.而且食品味道都好好.好有泰國 feel.味道都好啱香港人口味唔會太濃味👍🏻…查看更多

旺角真係好多嘢食花多眼亂.有時睇完戲已經好夜好多舖頭都閂咗.見到朗豪坊對出就有呢間開到凌晨三點嘅串燒店.啱晒睇完戲，所以入嚟試吓🙌🏻食物：1.黑松露野菌雞肉意粉用料講究.黑松露香氣配上滑嫩的雞肉和野菌，意粉炒得剛剛好，口感和味道都很到位。而醬汁都好濃郁好味😋因為同行有小朋友，所以店員好好將黑松露醬分開👍🏻2. 安格斯牛肋串肉質鮮嫩多汁，烤得微焦但不乾，醬汁滲入每一絲肉纖維，好食😋3. 西班牙黑毛豬肋串豬肉香濃肥美，肥瘦適中，入口成嘴都係烤肉既香氣，超級軟熟好味😍4. 鹽燒牛舌串燒至一點點焦邊的牛舌，配合少許鹽調味，展現原汁原味的獨特口感，彈牙又入味。5. 雞腎串質地爽嫩富彈性，處理得非常乾淨有嚼勁好味6. 秋葵雖然係好簡單既食材，但燒烤要燒得唔乾有水份都唔易，係健康又好吃既選擇。7. 菠蘿炭火烤出菠蘿獨特的甜美，一口咬下去就是酸甜交融既滋味🤪8. 泰國露筍脆嫩新鮮炙燒後更能吃出原始味道，加點特製醬汁更是完美。9. 蕃茄清酒煮沙白沙白夠鮮配上清酒煮後帶出豐富的層次感，配埋下面嘅粉絲好入味好好食💓10. 黑松露菌蝦多士（四件）外層烘得酥脆，中間蝦肉飽滿再加上黑松露香，估唔到串燒店都可以食到咁好食嘅蝦多士11. 蔭功豬（即五花腩）豬肉厚切但烤得非常均勻，脂肪部分入口即化，滋味無窮！整體嚟講：全部嘢落單之後15分鐘左右陸續上齊.全部即叫即燒非常新鮮.款式種類都好多.連意粉飯.牛扒海鮮都有得食.一家大細都啱食👍🏻👍🏻…查看更多

呢間鮮活之味我朋友超級推介，佢喺觀塘返工成日推薦好嘢食俾我，所以今次專登放假過嚟試吓👍🏻食物 :- 極尚濃蝦湯拉麵 主打嘅王牌！超濃蝦湯配上彈牙拉麵，用料好足，有蝦帶子叉燒雞肉，仲有啲啱啱煮熟嘅蝦味精華，打卡又好，入口更加驚艷！- 火炙牛板腱拉麵 見到有火炙牛，屋企人都好鍾意食牛，所以每樣都叫一款試吓，好豐富口感嘅，香滑嘅牛板腱燒到半熟，配上煙韌嘅麵條，啖啖牛味加埋湯底，一流嘅滿足感。另外加左芝脆飯丸兩粒＋糖心蛋半隻飯丸外脆內軟，夾埋裡面啲芝士，咬開嗰刻真係好正🙌🏻再加埋蝦湯兩種食法👍🏻糖心蛋熟得啱啱好，蛋黃流心一啲都唔簡單。- 南蠻炸雞餅配碎蛋沙律 外脆內嫩嘅炸雞🍗配埋少少酸甜口嘅碎蛋沙律👍🏻- 自家手沖支裝奶茶 試埋佢哋自家手沖奶茶，入口順滑又唔會太甜，無論配拉麵定小食，都perfect match！整體嚟講 : 雖然係隱世小店，但最出名嘅「極尚濃蝦湯拉麵」講緊嗰個湯底，純正蝦味濃香得嚟又唔會膩，絕對係試過難忘！火炙牛板腱都好好食，性價比好高，下次一定會再嚟食🤪…查看更多

見好耐冇食過放題同打邊爐啦.見淘大呢間開咗都未試過.趁屋企人放假同佢一齊試下👍🏻食物：揀左Lv4: 澳洲穀飼黑安格斯牛 + SRF 美國極黑牛放題 + 海鮮放題入到去就見到好多唔同嘅嘢食.食物擺放得好整齊.而且都分咗唔同區別好清晰.有好多唔同嘅丸類岩哂我.仲有好多熱食.甜品冷熱都有唔同嘅櫃放置.仲有關東煮🥰🙌🏻而飲品同埋醬料區都好齊全.有好多韓國嘅飲品.平時都好少買來飲.放題就可以一次過試多啲唔同嘅味道👍🏻鍋底揀咗黑蒜豚骨湯.上咗湯底之後店員會比埋一盤肉同海鮮.之後想食邊樣就自己再用code order.澳洲黑安格斯牛同美國極黑牛都好食.油脂分布清晰好靚.都好香牛味肉質好嫩.6-7秒就食得🙌🏻 而肩胛肉就會更加有口感.蝦.墨魚滑好新鮮彈牙😝而三文魚刺身都好新鮮好厚啖啖肉.丸類蔬菜都新鮮好乾淨.我最鍾意就係自助甜品區.超鍾意榴槤嘅我超多榴槤甜品👍🏻熱既有榴槤芝士撻.榴槤炸彈.凍既有榴槤大福.榴槤芝士蛋糕.仲有開心果泡芙🥰點單方面可以自己點榴槤蓉.好正😊食飽仲可以自己唧雪糕同埋食豆腐花🙌🏻地方又大又舒服冷氣都好夠.食得好滿足.想食嘅款式都有.下次帶埋屋企人過嚟食👍🏻…查看更多

我一向都對港式甜品好有興趣.因為香港食到傳統好食嘅甜品吾算好多多數都係食新派新式嘅糖水比較多.咁啱就喺鄰住買見到有coupon仲係港式甜品.咁所以就決定試吓呢間.我買嘅時候好抵$38兩個糖水等於買一送一🙌🏻今日就用咗coupon同老公去咗試吓.叫咗合桃糊同埋紅豆沙味道都好濃郁同好香好夠熱.但係覺得相對上比較甜.坐都坐得好舒服嘅.而價錢喺銅鑼灣嚟講都合理.但相比其他中式糖水就比較貴.見到有好多其他唔同類型嘅糖水仲有盲盒.係幾得意但係覺得普遍價錢都比較貴.未必下次會再食呢一間.中規中矩唔算特別推介.經過想食糖水都可以試吓既!…查看更多

同老公喺朗豪坊睇完戲.出嚟周圍睇下去食晚飯.見到舖頭好多人款式又多所以決定試吓🙌🏻食物：-川香鮑魚雞煲-片皮鴨半隻-蓮藕仔炒腩片-乾煸四季豆-白飯-凍檸茶-Asahi川香鮑魚雞煲啲雞肉入晒味.而鮑魚都好大隻啖啖肉.揀咗唔辣都好香好惹味.片皮鴨皮好脆.肉質都唔會太乾😛配埋青瓜京蔥包埋一齊食好味😜而蓮藕仔炒腩片.蓮藕好得意好細粒而且好爽.配埋肥瘦適中嘅腩肉好香好夠味.乾煸四季豆我最愛.外層微脆微焦.加埋啲鹹香嘅調味好惹味好正！真係好開胃搭配埋個飯食哂👍🏻整體:餐廳唔算好大但係坐得都好舒服冷氣夠凍.全部即叫即整.叫左幾樣都好抵食！唔錯下次同屋企人可以再叫多幾樣🙌🏻…查看更多

睇戲前同老公周圍搵嘢食.平時都好少食川菜.見到川菜好耐冇食所以今晚決定試吓!食物：-口水雞個汁好好味雞都好滑.作為前菜非常開胃-金湯酸菜魚(微辣)微辣啱啱好唔會太辣少少麻好惹味.份量都好多魚肉好滑無骨.入邊仲有萵筍薯粉鮮冬菇🙌🏻-湖南椒小炒肉超級香口惹味好夠鑊氣.小炒肉係五花肉肥瘦適中.吾會好辣-凍檸茶整體方面：餐廳上菜好快手全部即叫即整熱辣辣.而且份量好大我哋兩個人都食唔晒.價錢上喺銅鑼灣性價比非常高.而且味道都好正宗好食😋…查看更多

知道最近帝都酒店新開左中菜.一向都好中意食中菜既我.緊係襯星期日同老公黎試下啦！食物：叫左個晚市開心孖寶-上湯龍蝦配稻庭烏冬底-脆皮吊燒雞-花膠雞燉湯-藍妹啤酒 Light非常鍾意食龍蝦嘅我.龍蝦好爽口彈牙.調味啱啱好.第一次食龍蝦配稻庭烏冬.估唔到烏冬煙靭嘅質感配埋會咁夾而且非常掛汁好好食🙌🏻脆皮吊燒雞皮脆肉嫩.脂肪好少.所以一啲都唔肥膩.啖啖肉😋最後飲返個燉湯非常足料.好大隻冬菇花膠.非常鮮甜.最後仲送埋紅豆沙大滿足❤️我同老公都唔算好肚餓.見到孖寶份量都幾多.隔籬枱都係三至四人食.所以我哋就嗌多個湯同埋啤酒就夠啦.兩個人都食到非常飽.食物全部即叫即整熱辣辣.而且仲有推廣優惠性價比高🌟…查看更多

平時都比較少食越南嘢.見到好多人介紹而且喺附近好近.所以同朋友決定晚餐過嚟試吓！食物：-脆米紙薄餅-南乳雞翼-鳳爪沙律-咖喱牛肋條配斑蘭椰香飯-香茅豬仔骨-斑蘭龍眼茶-柑桔檸檬綠茶第一次食米紙薄餅.係好脆既米紙係底.食既時候配埋紅蘿蔔青瓜仲有臘腸一齊食.口感好豐富好脆加埋個醬好惹味👍🏻雞翼好香口配上南乳醬好食.冇骨鳳爪酸酸辣辣配上沙律菜係好正既開胃前菜.豬仔骨烤到岩岩好.一咬就脫骨.牛肋條非常入味同食到好香咖哩味.配埋椰香飯.超級下飯🙌🏻飲品都吾會太甜好飲好解渴！整體方面：餐廳較大坐得好舒服.地點係top商場後面.過左天橋轉彎就到真係幾方便.下次要再去試多幾款唔同既野先☺️而田最近餐廳仲有印花卡活動.基本食一次下次就可以減錢/送小食啦🙌🏻正…查看更多

一向都好鍾意食牛腩麵嘅我.經過見到銅鑼灣呢間好多人食.餐廳都好多種類所以決定試吓!食物:-(牛筋牛肚牛腩)三拼米粉-炸魚皮-炸鮮蝦雲吞-紅豆冰叫咗一個自製牛三寶米粉.牛筋同牛腩都炆得好腍好入味.係我鍾意嘅質感唔會太腍保持應有嘅口感.牛肚非常爽口彈牙👍🏻份量都好多.配埋米粉可以吸晒滷水汁😜炸魚皮非常脆同新鮮冇油益味.鮮蝦雲吞非常大粒都有好多蝦好彈牙.餐廳仲有紅豆冰唔會太甜好味👍🏻整體餐廳夠大坐得好舒適.而且冷氣都好夠.食物種類有好多.仲有提供飯.而且定價都好合理性價比高！…查看更多