SamuelNg8959的個人專頁

本來食開下午茶的肉碎煎蛋飯同埋牛肉船麵 但見到有新的鱸魚片冬蔭功麵就試試十分難食十分失望 講真全沒有味 湯底有顏色但又不辣 麵每一啖都沒有味道 魚也是很腥 我食了兩啖都真係食不下去 浪費了六十幾元 消費了但真係一肚氣講真 如果繼續這樣的食物質素 真的很快會結業被淘汰 加一也沒有服務 在康怡廣場其他食肆下午茶比你這間更便宜都有很多 但真的沒有一間這麼難食 我最終決定去買一個華御結飯團真係冇咁嬲 希望香港各大食肆用心製作 唔好讓消費者食完後悔 浪費時間和金錢…查看更多

難得喺旺角接老婆收工，由於老婆收9:00pm，要搵一間收得夜嘅，多數都係茶餐廳，又想試新嘢，所以就係OpenRice睇吓有咩好食，見呢間食評幾好，多元化，又有甜品，就揀呢間，特登喺花園街行咗10分鐘，嚟到呢度，環境尚算OK，老婆嗌咗個肉丁煲仔麵，我就叫咗個牛柳拼蝦，(叫嗰陣個侍應冇問我要幾成熟)叫完未夠3分鐘，煲仔麵已經嚟咗，我記得以前附近都係有煲仔麵，整嘅時候大概要10分鐘，你嗰陣真係又滾又熱，但係呢個，我諗個煲會好熱，但啲面同啲湯好似喺個普通碗度咁，食落去同普通茶餐廳啲常餐公仔麵冇分別，煲仔麵溫度真係好緊要，其實都冇所謂，都係一個公仔麵，但最大問題，老婆食咗三四啖，我都忍唔住想試吓，一試難忘，咁近廣華醫院，好想去洗腎🫠，鹹到癲咗，由於我老婆可以食到濃味嘢，佢覺得只係鹹咗少少，我就浸咗兩杯滾水到落去，煲仔啲湯都滿晒，味道先啱啱好，記住係兩杯水，又叫單計起等咗15分鐘，我先醒起我冇嗌幾成熟，所以就叫個侍應過嚟（同一個侍應），問一問佢，佢話呢個餐set死咗係七成熟，咁我唯有接受，到再等多20分鐘，我老婆已經享用完佢嘅煲仔麵，我個牛柳都未嚟，我就同佢講，我唔食啦，要走了，成個心情都冇晒，個感覺淨係得我一個人鋸扒，我願意比佢嗰餐同我杯凍檸茶錢，跟住有另外一個侍應，叫我等多一陣，即刻幫我追，呢個侍應態度好過上一個好多，跟住我個牛柳就嚟咗，我一切落去，應該係10成熟，welldone ，食咗第一啖，硬過石頭，之後我決定買單走人，跟住，侍應B同我講，下次早啲同佢講話上五成熟，我話我有講，同佢講返，係侍應A話冇得轉，理論上，唔想等咁耐嘅話，係咪應該整五成快過整七成熟？我啖牛柳要吐返出嚟，轉身就買單，原來收銀姐姐一路望到我哋糾纏，佢話識得唔開心呢餐唔收我哋錢，我話唔好最少都要收返個煲仔面前同兩杯凍檸茶錢，佢話唔使啦唔使啦，咁我先順返少少氣。講真。人生第一次食一間裝修唔錯但嘢食可以難食到呢個地步嘅茶餐廳。臨走嗰陣我仲同佢講真係要檢討吓如果唔係好快執，特登搵一間好少少嘅茶餐廳食吓嘢，點知會搞成咁樣，嗰晚我完全冇食嘢就返咗屋企，非常唔開心…查看更多

剛剛係土瓜灣做完野，好想食拉麵！就係OpenRice search,見呢間有1xx幾個like,就去試下！下午4:30,一個人都無，正！清靜地食我最愛既拉麵，叫左個櫻花蝦拉麵，食評，叉燒幾厚，足料，但無火炙感覺，仲要係凍凍地，可能呢個時間冇乜人食，係雪櫃攞出嚟，麵質要讚！係我鍾意嘅幼面，同幾好咬口！香港得幾間係咁！好難得！個湯。。。暖。。。可能本身熱，但上面所有配料都係凍，令到個湯極速變暖，食到第三啖麵已經唔熱，講真，食拉麵，最緊要個湯夠滾，佢黎嗰陣只屬於熱，要食得好急！仲要個湯極鹹，每一啖麵都要配一啖冰水，我諗都冇第二次🫠而且食拉麵要加一服務費🫠🫠🫠🫠…查看更多

突發想和老婆撐枱腳，喺銅鑼灣搵一間未食過嘅食店，自己突然間好想食pizza，經朋友介紹，好似呢間開咗冇幾耐，一於去試試佢，地點容易搵，渣甸街喺人和荳品廠對面，六點幾打去book，想book八點，間嘢或七點後唔接Booking，要Walk in，所以我7:30落到去等為驚冇位，等咗三個字就有位，還算OK，由於好肚餓，order咗雞翼同肉丸，仲有Pizza同意粉，諗都唔使諗，但最後都係食淨兩件pizza😂，我叫咗煙三文魚pizza，同埋煙肉忌廉意粉，個意粉出奇地好！佢個Pizza都不錯！最後埋單，$596，有機會都會返嚟再試吓其他，因為佢最出名應該係蘋果芝士pizza，但我真係對甜嘅Pizza麻麻哋！…查看更多

聽呢間日式串燒店聽過幾次，好想去試，今日太太生日大日子，一於去試吓！一入到去，小店但不會太逼夾，全吧枱，另外有4-5號個位，喺門口，正常四人枱打對坐，好有feel!店長非常nice,介紹呢支雪女清酒，好好飲❤️樓面同事亦非常細心，串燒不需多講，非常好食，尤其是個雞湯烏冬，好想再食，總括來講嘢食同服務，可以話接近滿分極力推介既日式串燒店，讚👍🏻👍🏻👍🏻一定會回頭！最後，要讚吓佢裝修，個廁所非常有心❤️(因為我對廁所非常嚴格😂)…查看更多

每一次想食雞煲，一定係第一時間諗起亞南，因為服務，味道都超好，地點又方便，之前經常食佢嘅乾煲，非常惹味，但上次試吓個胡椒豬肚煲，又意想不到咁好食，所以今次已經係第二次食，重點係，一定要叫佢過竹笙王，吸晒啲湯味，超級正！牛肉又非常正，我經常性都係見到好嘢就即刻擺落口，好多都唔記得影相🫣，同埋佢個炸牛腩，喺個煲未嚟之前做小食，都係必須嘅，非常喜愛，同埋個雞煲，無論乾煲濕煲，都係咁好食，佢係我雞煲飯堂！…查看更多

大概有年幾無黎，襯天氣凍左，一行5人整個mantalk 十下十下，叫返個招牌豬骨煲，6:30入到去，已經超多人，天氣凍打邊爐真係好爽，叫到成枱都係嘢食，水準每樣都好平均，真心冇得輸，價錢非常相宜，性價比超高，手切牛水準還是跟以前的一樣好好食，太心急食，所以唔記得咗影相😂😂老闆娘亦都非常Nice同細心，真係難怪咁多人食，但各位記住，叫招牌豬骨煲，配菜千祈唔好叫蘿蔔同粟米，因為本身個煲已經有好多，再叫就真係一定食唔晒，同埋食完真係一啲都唔口渴，味精真係唔算多！我一罐可樂都飲唔晒，水樽keep到嘅舖頭，真係超讚！滿足…查看更多

喺登龍街嗰陣時都成日食，食到個老闆都熟咗，知道佢遲啲會搬去灣仔，喺銅鑼灣區做嘢嘅我，都有唔開心，因為平時lunch都經常食，所以一開張就即刻叫啲朋友嚟捧場，水準完全keep到，有啲新菜式仲好食咗❤️❤️我唔記得咗影個水吧，呢個都係一個打卡位非常有誠意嘅泰國菜，地道泰國人開，暫時港島區食過最好食，估唔到有咁近地鐵站，行3分鐘就到，最衰我冇影張單，報唔到價錢俾大家，下次我會記得影個Menu，真心極力推介❤️🫶🏻…查看更多

平時見啲包幾好食，今日親臨食個lunch，一入到去，我都未開始安心出行，個阿姐已經問我你嘟咗未啊，嘩乜而家咁趕㗎咩，之後坐低，完全冇人理我，嗌咗四五聲。唔該。有個阿姐走埋嚟，呢個態度好少少，我講完食咩，佢完全唔出聲，我以為佢聽唔到，之後佢問我飲咩，我先發覺佢原來聽到不過冇反應，講返食物質素，其實正正常常，係個湯唔夠熱，我飯都唔夠熱，杯凍飲又好熱😂😂跟住有五個人入咗嚟，其中三個係小朋友，之後個阿姐同佢哋講話無位，但明明有張大枱，之後阿姐喺我面前講，三個小朋友點會比張大枱佢啊，咁我就明呢間餐廳請錯晒啲人🤦🏻一句講晒冇下次…查看更多

我一行四人，入左東記，因為家姐之前係熟食中心食開，話好好食，咁好介紹，但已經六點，熟食中心嗰間已經關左門，所以就由大埔火車站行遠少少過嚟呢度食，入到嚟，我叫咗碗，豬扒肉燥上海麵，豬扒賣相唔差，肉燥面就麻麻，食咗第一啖，碗麵似係擺咗10分鐘，有少少暖暖地，唔夠熱，係食麵食嘅大忌，跟住啲肉燥完全同個面唔夾，一碗麵成$44極級失望，豬扒還好，10分滿分俾5分，一句講晒冇下次！我家姐話以前真係好好食呢間似係翻版店舖我老婆叫咗碗酸辣湯底都係難食！但雞翼還可以10分滿分比7分…查看更多