新界路人甲的個人專頁

星期日午市約兩點半入座，初初都好驚最喜愛的蜜汁叉燒王已經沽清。皇天不負有心人，慶幸食到遠近馳名，手切透光叉燒，足以媲美某燒烤集團嘅簿切牛舌，除開每片都係十蚊左右，非常抵食😋其他點心都中規中矩，唯沒有蜜汁叉燒王咁突出，令人一試難忘。😙可能已經接近四點準備落場，枱上面嘅吉碟吉籠堆積如同集團的寿司鋪仍未有人清理，等我仲以為電腦系統壞咗，埋單前會有職員前來數碟。好彩隔離枱埋單後仍然杯盤狼藉，可以騰出些微空間借來放少少碗碟，否則遲來的點心可能要再等一陣先有空間降落。😉…查看更多

外賣點餐，負責收錢同事態度一啲都唔友善，好似欠咗佢咁，令人反感。因平日人客唔多，點餐之後我坐喺外面枱櫈等外賣，食物準備好，職員就咁放喺枱上面就掉頭行返入鋪頭，連同客人簡單交代一句都冇，呢啲職員請返嚟倒米。叫咗個香蒜白酒蜆肉扁意粉午餐，配flat white及餐湯，分別意見如下：香蒜白酒蜆肉扁意粉- 可能係我期望太高，以為啲香蒜白酒煮咗蜆肉入味才鋪上扁意粉上面。結果係毫無驚喜，價錢與質素不成正比。估計係執好各種材料後再用微波爐翻熱後款客，扁意粉有扁意粉味、蒜蓉有蒜蓉味，唯獨蜆就只有雪櫃味。Flat white- 香氣淡薄，口感欠佳，有濃濃突兀的酸味。餐湯- 隔離傅記茶餐廳都好飲過佢。整體來講，網上評價都over咗啲，實際食落質素普通，職員態度欠佳，不予推薦。…查看更多