想問一句相片中係咪原盅椰皇燉雪蛤膏所用的「原隻椰皇？」今日下午跟太太到觀塘糖水佬食原盅椰皇燉雪蛤膏。一上枱看見果隻「原隻椰皇」勁似翻用過咁，椰肉發黃，椰皇邊發紫。向店員查問後，起初話換一個俾我地，後來一個好似師傅咁中年男人好似同個店員做場大龍鳳咁話「你一定要俾鐵匙啲客先食到啲椰肉呀嘛。」又話個椰皇燉左2至3個鐘之類咁。最後仲幫我倒晒入面啲嘢出黎，證明有肉。倒完就走開去，完全過份！講返啲糖水，得個甜字一啲椰青味都冇，枉佢話燉左咁耐。當佢中年人走開，就剩底一個椰殻同倒落隻碗度既糖水，睇見都嬲。成肚氣咪嗱嗱聲埋單走人囉。最離譜既，之後打去深水埗間總店問佢地啲原盅燉椰皇椰肉係咪白色，有冇椰青味。佢都係答白色有椰青味，咁仲驚，即刻問一問自己頭先到底我食緊乜？深水埗糖水佬仲串我「先生你都埋左單走左囉，而家你都係想要個回覆姐，我而家好忙遲啲覆你。」其實下午17:30左右糖水店又會有幾忙呀，大家心照啦。一句講晒，冇下次。…查看更多
