mmchole的個人專頁

好多年前食過，印象中呢檔豆腐花係唔錯。但今次再食之後我覺得以後都唔會再食。唔知係咪轉咗手，阿婆就見唔到，但就有個女人用純正普通話叫我去自己攞碗豆腐花。碗豆腐花拎到返嚟，已經覺得形狀好奇怪係好似布甸咁，企身既，正常食到嘅豆腐花，唔應該有呢種形狀。食咗兩啖，一啲豆味都冇，而且食落好有粉感，似係啲未成形嘅布甸，落得太多石膏粉。大家可以睇下張相，正常豆腐花唔會係咁既形狀，仲要賣$16一碗，又貴又難食。賣5蚊碗都唔會想食佢，或者街市豆腐舖買嘅豆腐花可能仲好食過佢。第一次用難食嚟形容一碗豆腐花。荃灣大埔嘅豆腐花好食過佢好多。另外，係冇黃糖提供，碗豆腐花已經加咗糖水，但食落似係糖漿，係死甜嗰啲化學劑糖漿。食咗兩啖加上碗豆腐花嘅質感，已經唔想再食。唔知係咪真係轉咗手，連食豆腐花要有黃糖粉咁基本嘅嘢都冇，定阿婆覺得無論賣到幾貴整成點都一定有人會嚟食。奉勸大家，唔好見到呀婆山水豆腐花就一定覺得係好食，完全係貼錢買難受。…查看更多

因為第一次食係食新鋪 覺得牛舌心同厚燒和牛都好正 所以決定帶屋企人去食。但因為上次去食新鋪 成間餐廳都好大煙 係大煙到好似火燭 所以感覺唔太好 就book左舊鋪 諗住同屋企人食可以坐得舒服小小。一入去坐底望一望張餐牌 發覺冇左牛舌心任食呢個set既 所以我就問店員 係咪兩間餐廳Menu唔一樣？個店員答我：唔會架 我地兩間既Menu都一樣架！指住牛舌個set話我知：拿 呢個咪牛舌任食囉但個刻我搵唔到新個鋪既Menu同上次食個啲相同佢對質 又諗會唔會係轉左menu 屋企人又話由佢啦 當試下新野 咁就算啦 照要左個吉列牛舌同要左A5和牛黑蒜薄燒。個牛舌一上枱 屋企人既臉色都已經變左 話咁既樣既，好啦 咁照燒，屋企人食左兩塊之後已經話舊牛舌似其求烚完 炸兩炸 放係到 邊個要就切放上碟咁 完全冇味又鞋又難咬，連refill都冇叫到 因為難食到連第一轉個碟都食唔哂！食左幾塊之後已經唔想再食！到A5和牛黑蒜薄燒，上枱望落好似唔錯，但味道極奇怪，我真係好想問老闆你食menu個陣有冇試過味？黑蒜陣苦味係完全蓋過左和牛既味，而呢兩樣加埋一齊 就係你食左一啖好油既黑蒜入口，又係唔知食緊咩，所以都係食唔哂！最後埋兩個人$350，屋企人係覺得完全唔值！都未試過和牛都可以食唔哂！對比上次塊新鋪食兩個人食左$410左右 我係覺得可以番轉頭再食 先會帶屋企人黎食，結果係好失望！於是我特登去番新鋪睇下個Menu係咪冇左牛舌心refill呢個set個所以個店員先會話兩間鋪既Menu係一樣，結果個Menu根本就係唔一樣！！姐係個店員誤導我 佢根本就唔知兩間鋪Menu唔同 仲死口話兩間鋪係一樣！！結果今次既用餐體驗，無論我定我屋企人都覺得好失望。…查看更多

早一個月已經預訂左聖誕早鳥優惠，連加$540一個人，一開始訂既時候係因為出面好多熱門自助餐都已經full哂，見到佢聖誕正日收費都只係5百幾所以就試試佢，當初都冇抱太期望，但食完之後，同朋友都覺得估唔到性價比都幾高。1. 食物：沙律冷盤等種類都唔小，好多同價位什至比佢貴既自助餐 沙律都會做得好hea，放啲沙律菜係到就算，但佢有幾款唔同既沙律簡，特別有個南瓜沙律，個個都話好食。另外，自助餐要有既刺身、熱葷都唔錯，最特別係有熱溶芝士，呢啲真係自助餐小見，我地都拎左幾轉，室外亦燒烤區，有燒牛扒、燒豬、燒牛舌芯、燒蝦同大粒既帶子，燒物真係做得唔錯，好小自助餐會有牛舌芯，而且佢既牛扒完全可以拍得住外面既扒房，外皮燒得香脆，但依然可以保持到5成熟既質感。值得一題既係佢既粥，好多自助餐既粥都只會提供白粥，但呢間都有心思，當晚有龍蝦帶子粥，入面都幾多蝦肉同帶子粒👍🏻，甜品方面，有個榴連布甸好好食入面住全部都係榴連容，但可惜只係出左一輪，其他既甜品就味道正常，可能因為當日係聖誕，棉花糖支棍都用左識發光既螢光棒去做裝飾，所以吸引左好多小朋友去排隊拎。2. 服務：無論執枱既姨姨定廚師態度都非常好，特別係外面燒烤區既哥哥，佢見到我地夾緊塊扒就即刻話燒過塊俾你啦呢塊熱啲。總結，去之前無論係社交平台 定OpenRice 都見到話呢間自助餐麻麻地，冇咩食物選擇，不過黎到之後就發覺，食物係貴精不貴多，好過某啲貴價自助餐好似好多野咁但每樣都唔好食。餐廳亦冇將貨就價，反而我地都覺得呢到既食物質素令我地覺得佢仲好多出面啲成千蚊既自助餐，所以食完係會想入黎再食多次。…查看更多

平安夜帶媽咪試下，1.先講價錢，當日收費$348 汽水任飲要加$20，total $ 368 + 10%，唔記得有冇收醬油錢。2.再講服務，座位安排上有啲奇怪，當日我地5點去到食第一輪，入座時見到計埋我地得3張枱，其餘兩枱都係2位 但就獲被安排坐窗4人卡座，而我地就被安排坐要搭枱既2人位，唔洗10分鐘，就安排另一枱2人客坐我地旁邊，而呢個時候全場依然都只係得4枱客，我地既感覺非常唔舒服，我都聽到旁邊既食客話點解咁多空枱 但就係要安排我地搭枱，如果係當時餐廳已差唔多滿坐，咁要搭枱就好正常，但當時係只有4張枱入坐，但又可以有人被安排坐窗邊，感覺好似有啲唔公平。3.講食物 兩個半鐘頭任食、先食所謂既小食 再有碗湯 跟任食雞煲 最後再打邊爐，小食其實只係啲炸物，湯就ok，雞煲味道唔錯但雞件好鞋，打邊爐方面，每次只可以叫6款，收得4百蚊位既任食，呢個做法令我覺得餐廳好小家，黎之前見到聖子皇、鮑魚等都任食就好似好抵咁，但真實係我地2個人每次叫得6款，每款黎得2件，我地數過其實加單加到5次到，點解得咁小？好簡單，食完佢啲雞煲小食，得番1個鐘45分鐘左右，然後佢會同你講交枱前45分鐘截單，所以叫得幾多轉？係海鮮都算新鮮，蝦滑個啲都錢好，真好多大蝦係入面都夠爽口，呢樣係好多餐廳都未必做到，但啲肉類就唔多掂，雲吞都唔錯，豬梅片都未解凍就拎上黎，所以都可想而知係鞋都唔會食得到，最後有杯雪糕，之後有睇食評話雪糕連食咩味都唔會問你就直接俾你，而當日我有問佢有咩味，所以都叫做有得簡。總結，400蚊位值唔值真係見人見智，我個人覺得呢個價錢食得好啲既餐廳大把，而我更唔推介一班人去食，因為傾得計黎都食唔到野，或者都係個句，400蚊可以有更多更好既選擇。未試但又心思思想去試既咪去試一次，但試完之後都唔會想番轉頭，而係會一種感覺早知用呢個價錢食其他啦。…查看更多

之前食過上環分店既下午茶同午餐都覺得唔錯，而且啲員工有禮貌，所以對呢間餐廳既感覺都唔錯。今日係附近做野，見到咪入黎試吓呢間分店既水準。首先入到去，可能啲員工太忙啦，我揮左幾次手先有人理我，都唔緊要，lunch time 明既。我見到枱上面佢餐牌係冇包括午餐，咁咪問對員工有冇午餐餐牌，點知佢一句撻埋黎：自己睇電視啦電視都有牌，而我坐係餐廳最後個排，我一定睇到係餐廳最頭個部電視啦，呢個設計好有問題。當啲客個個對眼都冇近視或遠視？埋單既時候，拎張單去收銀台，咁收銀姐姐正常都會講幾錢，雖然張單有寫，佢入完個銀碼 野都唔講句 咁我咪望下係幾錢囉，個餐$50，俾$60佢，佢找$10俾我 又野都唔講句，咁樣做收銀真係第一次見。…查看更多

朋友生日一行4人係OpenRice book 左星期六晚6:30既枱，去之前好清楚係限食兩個鐘。一坐底落單，個伙記落單既態度已經有啲串。唔緊要，香港文化 明既。食物質素就正正常常，冇乜特別會話好食令人記住既野，但千奇唔好叫佢個蕃茄三文魚餃，真係好臭！！重點黎啦，大約去到7:30左右已經叫我地last order，講番當時餐廳有一半都係空枱。唔緊要！限食兩個鐘呀嘛。點知去到8:10左右又吹多次話8:30要還枱，好，然後8:25 又再吹多次，而當時依然有好多空枱，包括4人枱或2人枱，門口亦冇任何人等緊位，10點後禁堂食亦仍然生效，姐係代表就算我地準時交枱都未必做到下一枱。而且疫情下既星期六既中環，會有幾多人黎食？去到8:25 我地枱面啲嘢依然未食哂，我未試過俾緊人均400-500仲要係中環既餐廳食到好似生死時速咁！啲staff會不停係你張枱前面望住你食完未 交枱未。好，真係搭正8:30 我地真係未食得哂 仲食緊條菜既時候，就過黎叫我地一定要交枱！如果你係一間150-300左右既打邊爐放題餐廳既話，我明，但唔係囉最好笑既係 當時依然有好多空枱 門口依然冇人排隊架！另外，隔離枱比我地更早入黎，但又唔吹佢地架喎，可能間餐廳係睇人啦！埋單1600蚊4個女仔，呢個價錢 咁既質素真係會嬲。總結，如果你想俾400-500入去食一間係咁俾人吹交枱既打邊爐就去啦，但絕對可以話俾你知去完你真係會blacklist呢間野 因為價錢差唔多但食物質素、服務比佢好大把，真係唔需要去食呢個！如果係想同朋友打邊爐 傾下計既更加唔洗去！因為你地冇時間講到野🙂最後，我衷心希望呢間餐廳既老闆會改善你既做生意模式，間餐廳係裝修同menu 有啲特別，但食物就完全冇特別可言，同埋係咁吹人交枱真係好趕客。呢種經營同定位，希望疫情之下仲捱得住啦😉…查看更多

同朋友食生日飯，佢話想食蠔，於是就介紹左呢間，佢話食過幾次都覺得ok，咁我又見到主餐牌有8折，咁聽佢講試下。最後兩個人埋單食左千幾蚊，係呢間餐廳呢個環境呢啲食物質素同服務態度，真係完全唔值。1.價錢貴但食物質素差呢間餐廳最大賣點係佢啲蠔$10隻，咁佢$10咪俾番$10一隻既質素你，一分錢一分貨。但啲差主菜就真係貴之餘又唔好食。🍕首先講個pizza，佢啲pizza 要$150-$190左右，其實佢呢個價錢都夠你係出面食間好小小既手製pizza，而唔係食啲個餅底好似食緊塊餅乾咁然後其求係上面加加蕃茄醬同芝士既pizza。🍝到佢啲意粉，我地叫左個軟殼蟹意粉，個蟹食左一啖已經油到唔想再食，個意粉既質感好硬，個蛋黃醬味道就ok，不過唔特別，我諗係超市買包意粉整到加個醬都整到呢啲味🥩緊住叫左個左個主菜要黑毛豬，正價好似$27x有8折，算叫做最好既一樣，不過唔特別，純粹慢煮過咁，不過呢個餐廳環境同服務質素收呢價，都太進取2.服務態度我地bk左8:30，我地搭正去到，係門口企左陣都冇人理，於是我地就入去搵人，個staff出黎話未汁好枱叫我地坐住先，但我地明明見到好空既二人枱，過左一陣，佢安排左張二人枱俾我地，但環同人地搭枱...都算啦，咁叫野食，舉左手成分鍾都冇人理，個staff係企係到背對住佢負責呢個area啲客🙂到上菜，同區差唔多價錢既餐廳，上菜都應該會分下先後，食平價既西餐廳都識得要冷盤或淡味既上先啦，呢間野完全冇呢個概念，我地叫左兩打生蠔，結果佢第一樣上既個pizza😄但佢又唔幫我地換番隻食熟食既碟，又要我地舉手先有。‼️‼️總括而言，呢間野人均消費都$400-$600，我覺得真係完全唔值，呢個價錢同區有海景有環境有服務既都大把，唔洗簡佢！冇謂好似我咁俾錢食垃圾！如果想食佢啲蠔，我建議係佢到食完啲蠔做頭盤，然後過隔離美麗華或者同區其他餐廳食主菜仲好！都係咁既價錢，但會覺得值啲！‼️‼️…查看更多

去呢間餐廳之前 聽話好多人講話啲野唔好食 啲服務態度又差， 但試完之後發現其實都唔係咁差，反而會想再去多次。早一個星期bk位，係母親節正日同媽咪去食，以為呢啲咁有名氣既餐廳正日一定會加價，點知都冇👍🏻因為係兩人枱 所以有得坐近窗邊 望正個維港食飯😍未叫野食之前 先黎左個牛油包先， 啲牛油唔似出面咁其求俾普通貨色黎hea你， 隻味似係自家制，出面食唔到叫左一個慢煮烤八爪魚，啲八爪魚食落好嫩，配埋個汁好好食好特別！之後再黎一個西瓜鴨肉沙律，鴨肉份量好多，搭埋啲沙律菜食 好夾👍🏻因為兩個人黎食所以試唔到威靈頓牛扒，太大份，所以叫左份西冷扒，牛味好重亦有啲燶邊，好正！最後叫左個檸檬批，我問個staff可唔可以係甜品旁邊寫字，佢話可以， 我以為佢係會寫係個批既旁邊，點知直接送多個朱古力慕絲蛋糕俾我地 然後係個cake既旁邊寫字 ， 好貼心😍👍🏻，但cake唔hea. 朱古力味好濃又唔甜，入口亦好滑！檸檬批既蛋白亦鬆配搭啲檸檬酸酸地 好解膩👍🏻總括而言，我覺得呢間餐廳並唔係啲人講到咁差，值得再去，希望下次可以試埋威靈頓牛扒🤤…查看更多

幾年前 鍋心岩岩開個時食過一次，個時仲係蒸氣海鮮 然後下面係慢慢煲成粥，但今次再食已經係變左用米水打邊爐 最後落粥膽一開始跟住openrice個地址行係去左鍋心燒海鮮，後尾打電話去問店員 佢地話其實係佐敦D出口轉右第一街口就直行到尾就到 行左好多冤狂路因為一已經bk左位， 所以唔洗等就入到去各種海鮮都好新鮮，一坐底店員就俾左蟹同蜆，之後我地再簡左幾款海鮮，都好新鮮除左海鮮之外，值得一提既係個粒芋頭豬肉丸，好好食！…查看更多

夜晚同朋友去到旺角 諗左好耐都唔知食咩，於是就試之前冇食到既屋喔。 今次去到冇太多排隊，不過都要排半個鐘。入到去望到個menu ，台式野算講算貴，而且食物種類亦並非太台式。因為我地都糧尾，於是就叫左算係最平既台式魯肉飯同乾貝蚵仔泡飯。 先講台式魯肉飯 $58 (如需飲品要另外單點)，好細碗，一個正常男人並唔夠食。 乾貝蚵仔泡飯 $64 (如需飲品要另外單點)完全係茶記既味道，不過都叫做大碗，食完都夠飽。係旺角台式餐廳黎講，咁既質素同價錢，我真心覺得唔值。…查看更多