飯桶2.0的個人專頁

Encore List之一嘅酸菜魚店 幾鍾意佢嘅酸菜魚湯底 頂癮得黎又多款式選 午市同晚市嘅一人份系列都係一樣價錢（~$70 幾）酸菜魚金湯🌶️🌶️尼個湯底我食過兩次 一次配鯛魚 一次配鱸魚 口感各有不同 鯛魚口感爽脆 而鱸魚就滑嫩 自己就偏好滑lu lu 嘅鱸魚多D～而佢嘅酸菜魚金湯 非常惹味 酸度尤為突出 再加上不斷滲入口中嘅辣味 開胃到爆 😋魚同配菜嘅份量都十分充足 食完一兜再加埋主食米線 好飽😂米線偏硬身 可能因為佢分開煮 老壇酸菜湯🌶️Menu上辣椒係少過酸菜魚金湯 所以無點到 友人咁岩唔食辣 佢就點左走辣 可能因為唔辣嘅緣故 所以味道無酸菜魚金湯咁出位 食落酸度比較淡 適合唔係好重口味嘅人口水雞🐥口水雞份量都OK 味道就比較失色 醬汁唔係重慶個種偏辣嘅辣椒 食落醋味比較重 雞件都幾滑 …查看更多

元朗巴士總站尼個鋪位 之前係另一間好好食嘅米線店 可惜執左 依家轉左手 但都係賣米線 不過特別之處係佢係用砂鍋煮 現叫現整 砂鍋酸辣米線（酸辣湯底🌶️）酸辣湯底味道似平時食嘅酸菜魚湯底 酸味適中 不過辣度就唔係好出 湯頭有唔少酸菜 芽菜 同雲耳絲 配菜叫左豬軟骨同海帶 豬軟骨麻麻 肉質偏硬 D軟骨好似脆骨咁 咬落Ka Ka聲 有D失望 海帶係偏長條嘅海帶絲 正常發揮 熱豆漿（+$3）豆漿黎講 佢真係好健康 因為完全無味 無豆味又無甜味 好似飲緊水咁🤣不過佢質地係傑身D 唔似街邊買嘅豆漿 天氣轉涼 有碗熱辣辣嘅砂鍋米線落肚都OK嘅 不過就未能驚艷到我…查看更多

招牌酸辣湯米線🍜（秘制豬腩肉、豬軟骨、蘿蔔）小辣🌶️飲啖湯底 已經俘虜Sa妹嘅胃 無特別叫加酸但真係好夠味 小辣就唔算辣 好似Sa妹咁嘅重口味人士 覺得友人兜中辣更能帶到湯底嘅風味 配料方面 秘制豬腩肉切到每塊薄身 而且主要係瘦肉位 唔會好膩 豬軟骨大大舊 蘿蔔甜而且juicy 招牌酸辣湯米線🍜（蘿蔔、豬紅、冬菇）中辣🌶️冬菇大舊厚肉 炆得入味 豬紅就不過不失 …查看更多

8點幾去到 咁岩唔使排隊 舖面比較細 坐得會逼少少 🍜酸辣小鍋米線（豬軟骨、蘿蔔、腩肉、墨魚頭）微辣🌶️一黎到 已經見到好大碗 份量超多 先講湯底 真係好岩Sa妹口味 係我想要嘅酸辣呀 夠酸夠辣 雖然微辣 但都食到出曬汗 成兜野有好多酸菜同肉碎 岩曬Sa妹D重口味人士 豬軟骨幾出色 燜到入味軟淋 完全唔會柴 相比之下腩肉就較為遜色 肉質偏硬 墨魚頭粒粒都大舊有咬口 蘿蔔香甜而且無渣 🍜酸辣小鍋米線（豬頸肉、竹笙、蘿蔔）微辣🌶️豬頸肉切到薄身 不會好多肥膏 但味道唔算好出色 不過不失 竹笙就吸收曬湯底嘅酸辣 食落過癮 …查看更多

尼間小店舖面比較細 位置不算多 係旺角消防局對面 不過Sa妹今日3點幾先黎Lunch 等幾分鐘就有位lu~🍜豬頸肉、豬軟骨、海帶酸麻辣米線 （小辣）豬頸肉份量好多 兩邊焦脆 入口完全焦香四溢🤤豬軟骨都夠軟熟多筋 唔會Hai 海帶就剪到一塊塊 易送米線 佢嘅酸麻辣湯底都幾辣下 辣中帶麻 酸味就不太有 Sa妹選左小辣 都出曬汗 佢小辣下面係有微辣同小小辣選🌶️（微辣<小小辣<小辣）🍜炸雞扒、招牌腩肉、竹笙、蘿蔔酸麻辣米線（小小辣）炸雞扒新鮮炸起 咬落仲係脆口 肉質嫩 食到好香濃嘅孜然味 腩肉就肥瘦參半 同樣入味 香甜蘿蔔配埋吸收曬湯汁嘅竹笙 過癮～除左湯底唔夠酸之外 都無野好彈 樣樣配餸都正 推介豬頸肉同炸雞扒 下次再黎試埋佢其他湯底同餸先…查看更多

最近好Hit嘅九頭鳥 🐦大家都話係譚仔2.0 當初佢第一間中環店已經每日排曬長龍 灣仔分店人潮不算多 好彩去到仲坐到最後一張吉位～🍜重慶麻酸辣米線 (豬軟骨、螺旋藻、魚腐）睇個Menu Design都真係以為黎左「老譚」😂湯底選擇、辣度選擇都神似 又係D湖南酸辣 雲南酸辣個D🤣辣度同樣分10小去到特辣 值得一提係佢嘅配料選擇多樣化過「老譚 」豬軟骨算大舊 但係肉質偏Hai 唔係軟熟型 味道無咩特別 螺旋藻反而不錯 爽口而且滲入左湯底嘅辣 至於個重慶麻辣湯底 個人覺得3小辣都唔算辣 感覺同係「老譚」食嘅10小差唔多 （純個人辣度口味）酸味十分淡 麻味多D 🦑麻辣墨魚頭 $32咁嘅價錢黎講 佢份量真係肉眼可見嘅少 但食落係不錯的 爽脆有口感 黏上麻辣紅油 如果份量多返D會更好 總結一句 好好食又稱不上 只係比譚仔好食同多選擇(溫提：食完都係超級口渴）不過蘿蔔青菜 各有所愛 Sa妹就較鍾情於雲桂香版嘅酸辣湯底～…查看更多

招牌套餐-川亭口水雞酸辣米線（小辣）口水雞份量算大份 醬汁十分惹味 夠曬香辣 而且可以充分地滲到雞件 舊舊都滑嫩十足 至於米線本身嘅湯底小辣得黎真係幾辣 不過就不太酸 配料都不少 Sa妹最鍾意D榨菜 口水雞涼麵（微辣）涼麵味道相對上較酸辣米線淡 可能因為微辣嘅關係 份量都不少 Sa妹試過用口水雞醬拌入去食更滋味 麻香升級 不過佢鋪面比較細 坐得會比較辛苦 繁忙時間要搭檯同人坐對面（但無隔版）…查看更多

荃灣的確係一個米線福地 米線店真係多到數唔曬 今次又唔打唔撞經過見到間 就試佢啦～麻酸辣湯底小鍋米線（小辣）佢嘅麻酸辣湯底認真不錯 完全唔會唔夠味 酸中帶麻香 米線方面佢係類似車仔麵店個D米線 偏粗身同硬 至於配料 最出色應該係佢嘅辣腩肉 醃得好入味 蘿蔔都清甜無渣 其他則不過不失 值得一提嘅係 尼間嘅面底可以免費轉菜底 岩曬正在節食中嘅友人 佢就叫左娃娃菜底試下 不過菜底就唔算多菜 整體黎講都surprise 左Sa妹 本身見佢冷冷清清 本身都不大期望 但食落又真心不錯…查看更多

🍜六餸十鍋米線 （$68）黎齊D嘢後只需依次擺入石鍋 等幾分鐘 就可以開餐咯➡️酸辣魚湯🐟 & 極品蟹黃湯🦀️‼️以下是重點‼️酸辣魚🐟湯底幾不錯 酸酸辣辣 夠頂癮～極品蟹黃🦀️湯試落就好淡 得好少嘅蟹黃味 略失望…而米線就過硬影響口感 至於配料 除左豬軟骨夠入味之外 其他通通都同街市買返黎嘅原材料一樣 原味無添加🙂 麻辣小龍蝦雖然係一早整好的 不過味道都係差小小 建議大家如果叫配料 都係叫返D佢本身有醃製過嘅 味道可能好D鋪頭係位於樓上 尚算易搵 係花園街轉角位 座位都幾多 Dinner時間唔需要等位 除左米線配料選擇多同幾特別外 整體而言留不住Sa妹的胃 （雖然酸菜魚湯底係幾不錯）不過大家可以一試自己親手Dum D材料落去煮嘅趣味…查看更多

大熱元朗名物-手工糯米糍 每次經過都見老闆娘自己一個落力地猜 條龍又長期咁長 今日終於的起心肝試下 究竟有咩吸引之處～足足排左45分鐘 終於買到 食落真係名不虛傳 先講份量 $36蚊一盒（6舊） 舊舊都好大件 性價比不錯 再講口感 佢每舊都皮薄餡足 一咬開 大量嘅花生餡湧曬出黎 形容佢做「爆餡糯米糍」一D都唔誇張 餡料中夾雜住少量芝麻同砂糖 香得黎唔會太甜 正…查看更多

今次黎到大埔 GoogleSearch下有咩米線 見尼間有4星評價 唔試唔得啦🥢招牌手工涼皮 $29+ 雞腎 豬耳 $18 （小辣）糾結甚久 Sa妹最後叫左招牌涼皮 涼皮食落爽滑 而且厚實 唔會一夾起就斷 雞腎豬耳份量都OK 不過調味偏淡 再講返成兜涼皮嘅調味 不足之處都係淡 食唔到咩味道 小辣都係完全無辣味 Sa妹忍唔住問店家攞左辣醬 加左佢比嘅辣醬之後 成件事好食返…. （佢嘅辣醬其實真係不錯）🦑麻辣墨魚頭 $38墨魚頭爽口彈牙 帶有陣陣孜然粉同芝麻香 但係 敗筆又係唔夠辣 唔係Sa妹太重口味 而係佢嘅辣好似失左蹤咁 Sa妹都係要點返兜辣醬再食 果然滋味升級 瞬間清曬成兜！🐔二荊條雞翼 $28/3隻 $38/5隻尼個真係今餐最夠味嘅 雞翅一咬落去 肉汁爆於口中 表皮煎到香脆 面頭嘅辣椒粉極為惹味 正呀！其實以上D嘢食真係唔差 只係味道太淡實在太淡 如果調味再重手D就會好好多～下次再黎試佢嘅米線…查看更多

🍜酸辣豬軟骨蘿蔔、鴨血(+$10)米線（小辣）$57佢每樣餸都幾大份 豬軟骨大大舊 不過燜得稍淋 軟骨有D黏黏地嘅感覺 食落似牛筋 不是爽脆的 不過味道不錯 都幾入味 蘿蔔就不過不失 唔算太清甜 而鴨血 肉眼可見 都係非常大舊 食落幾滑 可惜味道不太夠 至於湯底 令Sa妹好失望 又唔酸又唔辣 最重要一環失分🐔蟲草花雞湯米線+海帶 $64Menu上係有兩個手指公👍 Sa妹Expect應該都係店內王牌 但黎到一試個湯底 完全唔係個回事 味道非常淡 而且同坊間養生湯底差天共地 唯一值得讚嘅係佢嘅雞件 件件都幾滑嫩 而且雞味濃 🌶️口水雞 $50小食黎講 尼兜口水雞都幾貴 同米線差唔多價錢 再講返佢嘅味道 D辣汁完全滲入唔到雞件入面 而且辣汁本身都唔辣 Sa妹瘋狂點辣汁都係覺得無乜味 友人唔係好食得辣都有同感 建議店家可以嘗試換下其他辣醬…..…查看更多

🍜藥膳農場雞桃膠養生湯米線養生米線 最重要當然係佢個藥膳湯底 但係….佢嘅湯底好淡味 食唔出有藥膳 如圖所見 清到有D似清湯 配料係不錯的 有紅棗木耳 雞件都幾滑身 米線就偏爽 唔係淋身 而桃膠嘅口感同味道都同啫喱差唔多 今次試新 Sa妹評價就係佢選擇都幾多📝除左藥膳湯底 仲有蕃茄湯底同喇沙湯底選 每種湯底都有好多種唔同Combination 米線配料同雞件份量都幾足不過養生湯底就真係太淡 欠缺左靈魂 …查看更多

蠔餅🦪肥姐蠔餅就食得多 唔知尼間有無肥姐咁正呢？結果都係失望 佢嘅蠔份量好少 食曬成塊可能得6-7粒左右 多數食到都係粉 相比起肥姐啖啖都係蠔仔 尼舖慘敗 不過佢比嘅酸辣醬汁非常惹味 都算加返D分🌶️酸辣鳳爪不得不讚嘆 酸辣鳳爪對比起蠔餅 份量足太多 滿滿一兜鳳爪 每隻都浸到酸味十足 加上佢嘅泰式酸辣醬 畫龍點睛 辣度酸度都滿分 完全停唔到口呀🤤…查看更多

經過旺角 咁岩見到想試好耐嘅鳳鳴居 之前Bookmarked嘅時候佢只係得上水一間店 宜家係旺角開埋分店 唔試唔得啦🤩無奈無左晚市堂食 唔知外賣水準如何素聞佢嘅醉雞米線受到不少米線迷嘅追捧 咁今次Sa妹都點返個醉雞米線🍜醉雞湯米線飲完一啖佢個湯底 驚嘆左出聲 太岩我口味啦 醉雞湯非常濃郁 帶有陣陣酒香同紅棗嘅甜香 入面嘅紅棗 木耳份量都幾多 適合鍾意食養生湯渣嘅人 相較之下 佢嘅雞件就無湯底咁出色 酒香味並沒有滲入雞件入面 食落係普通雞嘅味道 不過勝在唔會Hai 同埋份量足夠 🫔蜂巢春卷外賣返屋企路程都10幾分鐘 但佢個春卷真係令Sa妹意外地驚喜 因為真係好酥脆 係每一舊都Ka Ka聲 點埋喼汁 食到停唔到口🦢辣豉油爽脆鵝腸鵝腸的確非常爽口 底下仲有一堆芽菜 不過略嫌唔夠入味 辣味都好少真心覺得佢嘅醉雞湯底好掂 肯定會再Encore🤤🤤…查看更多