Mr.試伏專員的個人專頁

同朋友去咗間網上好多人推介嘅餐廳，心諗咁多好評，應該穩陣啦，點知完全係一場災難！我哋叫咗兩樣嘢，一個係荷葉飯，一個係金湯米線。荷葉飯一送到嚟已經有啲失望，米飯硬到好似隔夜飯，完全冇荷葉嘅香味，啲材料又少到數到曬，味道平平無奇，仲有種唔新鮮嘅感覺。再講個金湯米線，簡直係啲湯鹹到好似飲緊鹽水，完全壓過晒啲米線同配料嘅味道，仲有種唔知點形容嘅怪味，好似啲材料放得耐咗咁。食完之後我哋兩個都覺得好後悔，真係浪費咗個胃口。最離譜嘅係，間餐廳喺網上竟然有咁多打手話好食，仲有啲人話係「必食之選」，真係唔知佢哋係咪畀錢請返嚟寫好評。總之呢間餐廳我哋一世唔會再返去，真係冇陰公！大家千祈唔好中伏！…查看更多