lamlamEmily 的個人專頁

葵芳新都會廣場的北京樓，平日午餐時段都要等很久才能夠有枱，今日去到取飛，只需要等一張枱就有得食，真的很不錯，兩個人安排坐4人圓枱，感覺很寬敞舒服，餐具有花朵圖案，很優雅漂亮，茶葉是有茶袋裝好，飲茶時不會飲到茶葉的，茶味香濃，而點心種類多，亦有前菜小炒及套餐可供食客選擇，點心材料新鮮，今日所選擇的蝦餃，白灼秋葵，煎藕餅，叉燒腸和灌湯餃都很滿意，各款點心內裡的餡料非常豐富，蝦肉爽口彈牙，服務員亦很有禮貌。…查看更多

螺絲粉只在大陸嘗試過，在香港就第一次食，在葵芳屋企附近新開咗一間秋香螺絲粉小店，所以就到來試一試，店內環境不大，設計簡約，座位不多，應該最多大約可以坐 20人，我們點選了一個招牌炸蛋螺絲粉及一個秘製牛腱螺絲粉，另外一杯糯香青檸檬茶及一個$20套餐，包一個飲品及一個小食，我選了青瓜及豆漿， 先講炸蛋螺絲粉，真的幾特別，炸蛋吸收了湯汁，幾好味道，而另外牛腱就幾軟林幾入味，如果下次再來就想试豬腳及鸭腎，我覺得這間螺絲粉的餸菜選擇比較多及特別， 整體都頗滿意。…查看更多

拉麵店試業中所以座位没有全部開放，好彩我哋早到唔洗等好耐，拉麵款式只有3種，我就試最平嘅$98真熬雞白湯，雞湯真係幾香，口感濃厚，藜麥拉麵可以自己選擇硬度，我覺得正常硬度幾啱我，麵質彈牙，碗內仲有兩片慢煮豚肉，雞肉及鴨胸肉各一片，3款肉都算軟林，由於湯底濃郁，感覺比較飽肚，老公就試$108嘅胡椒豚肚湯，豚肚份量較少但湯嘅胡椒味超勁，適合冬天食，因為好暖胃，呢個晚餐整體都算唔錯，下次有機會我想試埋花雕醉雞湯及煎餃子。…查看更多

葵芳新開荳子cafe，以往經過都好多人排隊，今日大約5點45分去到已開始排隊，6點鐘就安排入座， 店內環境寬敞舒適，我哋點咗個黑松露軟殼蟹意粉和帆立貝pizza另外加咗個羽衣甘藍沙律和龍蝦湯飲品就叫咗個黑糖薑母茶和榛子Mocha, 意粉中軟殼蟹炸得香口惹味，意粉內有很多雜菇增加口感，意粉軟硬度適中黑松露醬亦很香， 食完很飽肚， pizza屬於厚批，批底鬆脆批面上除了帆立貝外亦加上千島醬汁蟹柳及菇類 ，口感豐富，沙律菜很新鮮加上黑醋，十分醒胃。…查看更多

今晚想食龍蝦，但大約6點半到達海港酒樓就要等位，唯有轉去客滿庭酒樓，這裡有多款晚市套餐供應，我哋兩個人就選擇了龍蝦二人餐，有3個餸分別有西澳龍蝦伊麵，蒜蓉粉絲蒸扇貝及薑汁炒芥蘭，龍蝦大約一斤半重，炒出來都算大球，幾好肉幾彈牙，但伊麵就淋咗d啦！扇貝蒸得剛剛好幾鮮嫩，而芥蘭就好大碟及有薑味，最後送上渣咋糖水，豆類及芋頭煲得好淋，好吃啊！…查看更多

店舖古色古香，環境寬敞，坐位舒服，order咗照燒雞排和酥炸豬排便當，便當份量十足，最估唔到係有很多蔬菜類，包括小棠菜,西蘭花,秀珍菇及鮮冬菇，不過全部都是白烚，好清淡，還好雞排很夠味亦很嫰滑，豬排好酥脆有台灣嘅感覺，仲有一小碗紫菜肉丸湯，肉丸大大粒幾彈牙，湯就較淡，另外叫咗杯珍珠冬瓜鐵觀音，珍珠細細粒易入口好Q好彈，不太甜但茶味不夠濃，價錢方面都唔算平，便當大約$90，飲品種大約$40，每人平均消費要$150。…查看更多

星期日到茶泰食午餐，因為貪這裡比較容易有位😆我點咗個泰式蠔仔煎蛋飯，備註少油少鹽，蛋煎得微燶很香口，蛋內配埋芽菜及芫茜，增加口感，蠔仔份量亦足加上熱辣辣嘅白飯，食完十分滿足😋老公就點咗香葉肉碎煎蛋餅，肉碎炒得很香很夠味又唔太肥，合格。…查看更多

今日就去試試葵芳第一店豬排專門店，店舖屬於小店，設計簡約，座位不多，食物除了豬排丼飯和麵餐，還有特色小食，小食種類都唔少，例如有雲吞、炸豆腐和蠔、鹽酥雞、涼拌豬肚及玫瑰豆沙脆餅....，主食選滑蛋吉列豬扒丼飯，豬扒頗有份量幾厚身，不過肉質有d硬，另一個主食秘製煎豬扒陽春麵，呢塊豬排較薄身但就很夠味和肉質較軟，我覺得比吉列豬排好味，而小食炸豆腐和鹽酥雞都是即叫即炸，外脆內嫰，相當出色，跟餐加$5就有飲品，有可樂、豆漿、五花茶和竹庶芧根水，我揀黑芝麻豆漿唔太甜，值得一試。…查看更多

到荃灣行街shopping行到有啲疲倦見到有大快活就入去嘆個下午茶坐陣休息 ，入到去見到有個無敵大海景真係好驚喜呀！ 😍下午茶選擇了豉油皇雞髀和低糖蜂蜜綠茶 ，雞髀夠熱夠人未入味，綠茶不太甜味道唔錯， 由於海景太美所以我哋就食埋火鍋晚餐繼續坐多陣， 火鍋有兩個湯底喜歡清淡就可以揀冬瓜 重口味的就可以揀酸菜湯底 ，肥牛肉質一般 有d鞋， 仲有一個菜盆組合內有生菜南瓜芝士腸肉丸餃子等等 加埋烏冬或公仔麵都幾飽肚，其實食物味道不是重點，最主要是欣賞黃昏海景。😅…查看更多

之前去過呢間位於恒景商場嘅龍寶食晚飯，未夠6點已經有很多人等位，我見今日打風應該好多人唔出街所以就出來支持吓😆今日放假就食豐富d，先點個高湯瑤柱海參雞絲羮，湯內用料多湯底濃郁，口感十足，一窩可分到6碗，我和老公每人飲咗3碗好滿足呀！😋還點了晚飯孖寶-蒜茸粉絲蒸元貝及粉絲蝦煲，元貝來自北海道所以幾大粒但不夠彈牙應該是冰鲜貨，而蝦煲內有大量薑葱，所以蝦及粉絲都很夠味，粉絲亦很乾身爽口不會有油膩感覺👍晚市優惠有5蚊半隻雞，雞肉算滑但冇乜雞味要加葱油食才夠味，蔬菜類有香芹藕片炒淮山，清清地炒得很爽口，正呀！👏…查看更多

今晚約咗爸爸吃飯為方便老人家就選擇他樓下商場的煌宴酒樓，酒樓地方幾大，餐枱間距離夠遠，先點個適合夏天的湯水鹹蛋肉片豆腐芥菜湯，豆腐和肉片很滑芥菜清甜唔苦，另外叫了一份晚飯孖寶有清蒸沙巴龍躉仔和蒜茸粉絲蒸元貝，火喉蒸得剛好尤其條魚蒸得好嫰滑好好味，還有通菜炒蝦球，蝦肉爽口通菜幼嫩，支竹斑頭腩煲就正正常常冇特別，最後就是每位客人送半隻燒乳鴿，雖然唔洗錢但質素唔差喎，外皮炸得香口又唔會太燶，鴿肉保持到肉汁唔會鞋，所以整體都幾滿意。😁…查看更多

今晚兩公婆撑枱腳，安排坐卡位，座位寬敞很舒服，點咗四個餸，其中三個是晚飯皇牌推介，有上湯澳洲龍蝦，肉質彈牙鮮味，另一個是泰式醬煎蝦餅，煎出來不太油膩，蝦餅內有蓮藕粒食起來很爽口，加埋泰式甜酸醬就更美味，仲有一個是脆皮燒雞，皮脆肉嫩，要趁熱食啊！另外再加個豉汁牛肉炒涼瓜，涼瓜爽口，牛肉夠味不會太 韌，四個餸菜都煮得不錯。😋😋…查看更多

餐廳食物種類很多,例如有沙律,前菜,意粉,薄餅,扒類及甜品類 ,每樣食物平均價錢大約30元所以可以很開心地order多種食物, 今次我哋order咗周打海鮮湯 , 菠蘿什錦蔬菜沙律,黑椒蜆肉鐵板煮,香草牛油焗田螺,農舍薄餅 ,煙肉蕃茄意, 香蒜辣汁野菌西蘭花等 , 仲有飲品吧任飲 ,熱飲有咖啡茶類另外凍飲有橙汁汽水,餐廳出菜速度很快而且食物新鮮熱辣 , 雖然價錢平但味道就相當唔錯 ,見到成枱食物相當滿足 ,食飽後個肚更加滿足!😝…查看更多

由於上次已經試咗牛肉漢堡所以今次試炸雞胸肉 漢堡，包內有一塊厚厚的香脆雞胸肉,夾住生菜 ，醃青瓜和蛋黃醬一起吃，感覺上冇咁油膩， 雞肉份量充足不過我覺得鹹咗少少，如果下次再嚟我會揀返牛肉漢堡😋 另外叫咗一杯 TST Jam concretes 做甜品， 除咗有香滑嘅雲呢拿雪糕外亦有士多啤梨玫瑰果醬,士多啤梨果肉及酥餅上面灑上細細粒的粉紅色朱古力， 所以食起上來口感非常豐富， 可以一路食一路望住維港風景十分寫意啊!可惜太多人等位唔好意思坐咁耐所以食完就要走啦！😅…查看更多

星期日想出去食個下午茶但新都會廣場多間西餐廳及冰室都要排隊等位, 所以就上五樓見到一鍋堂唔使等位就即刻入去食100分鐘自助火鍋 ,雖然我哋選的是平嘅牛板腱套餐，但牛肉片肉質很好就算灼耐咗都唔會太鞋又唔肥,另外黑松露墨魚滑亦好食爽滑彈牙,其他的火鍋食材例如淮山片,鮮萵筍,蓮藕片,響鈴生根都很新鮮 出面有自助蔬菜區蔬菜種類非常多每一款蔬菜都會用一個碗盛載著分佈整齊另外飲品區有他們自家出品的飲料例如玫瑰杞子茶和薄荷烏龍茶,洛神花茶另外亦有大量紙包及罐裝飲品以供選擇 還有小食區有白雲鳳爪 ,大豆芽,炸南瓜片,芫茜燒賣, 軟雪糕等等非常豐富 ,100分鐘眨下眼就過,真係一個很豐富的下午茶呀!🤭…查看更多