坐低嗌完嘢食之後，見隔離個個女食客都waiter主動比杯水，我枱面就空空如也，問咗兩次都唔記得俾水我。最不可思議嘅係，上菜居然係將個盤直接疊落啲餐具度🫠我真係成頭問號阿侍應仔，移開少少啲餐具，或者請我移開餐具，有冇咁難做？如果我嗌嘅係麵，倒瀉辣親咁點Lunch hour繁忙時段並唔係藉口，咁冇禮貌嘅侍應同埋餐廳，啲嘢幾好食都唔會有回頭客。食物方面公道講，個蕃茄醬汁甜酸適中，仲有啲蕃茄粒增加口感，牛腩亦都炆燉得幾淋。價錢就貴啲，呢個份量係完全唔值$103，不過開得喺中環都預咗，只係冇預計到咁嘅服務態度。…查看更多
