member_6653的個人專頁

店舖未開張前,夜晚經過見到,就已經俾佢個鐵閘吸引咗,難得收早,就算返咗屋企沖好涼,都想落去試一試,但可惜未坐低就已經有一個不愉快嘅經歷,就係我地想坐4人枱,諗住可以坐得舒服啲,但樓面個妹妹唔比我地坐,要我地面壁思過,這是我地最討厭的坐位,樓面唔俾坐嘅原因,佢話呢張係4人枱🙄但係全場只有3張4人枱,點解其餘果2張4人枱都只係坐咗2個人,但就點解唔俾我地坐,但之後果2個人入嚟又可以坐呢🤷🏼‍♀️我真係諗唔明,如果唔係我地已經買咗食物卷,我一定會唔幫襯,即走,因為唔想失禮同樓面嘈,所以只好心心不忿面壁思過咁食呢一餐😭講返呢間舖頭先,menu拉麵款式只有兩款,小食都係得幾款,menu一眼就可以望晒,其實好岩我呢啲有選擇困難症嘅人去食,餐廳格局都似日本嘅拉麵店,門口設自助點餐售賣機,買好後樓面就會收卷叫你坐低等食,電視仲要係播緊tv asahl ,岩晒掛住日本嘅我。【豚骨湯麵】$75湯底係豬骨味,沒有驚喜,有香蔥和雲耳配襯,幼身拉麵麵質適中,叉燒沒有肥位,食落冇咁香口,但都林身不會乾柴。【蝦味噌豚骨拉麵】 $85豬骨湯底加味噌,可能有櫻花蝦,所以感覺有啲鹹,拉麵叉燒同上,配香蔥和粟米。【餃子】$35底部煎至金黃色, 餡料唔多, 但都有肉汁總結:沒有驚喜,加上樓面,所以我地係唔會再幫襯㗎。…查看更多

好耐冇食過炸雞啦，特別掛念，尤其係韓國果d，冇得✈️唯有係HK止下渴先啦！疫情關係，其實人唔多，但唔明點解d店員係都要將d人坐埋一齊，明明其他地方仲有好多位🤔今次因為同媽媽嚟食，而媽媽又唔食得辣，自己又減肥中，所以叫咗個招牌凱撒沙律，沙律菜蕃茄仔都好新鮮，加埋煙肉乾麵包粒芝士一流呀，仲有一隻烚蛋，岩晒減肥嘅我🤣另外叫咗半半烤雞，即係有2種口味，每種半隻雞，我揀咗韓式BBQ醬煙燻烤雞+蜜糖香滑烤雞，蜜糖香滑烤雞，甜甜地幾好味，但本人比較喜歡韓式BBQ醬煙燻烤雞多d，可能因為我比較鍾意燒嘢食🤣2款雞嘅肉質都好鮮嫩多汁👍🏻藍莓特飲就冇乜特別…查看更多

行完街又唔知食咩好，咁啱經過見到又未食過就諗住試下！咁啱係下午茶時間，有下午茶餐，佢有ABC揀，A係小食，B係粉麵飯，C係飲品，我地揀咗A+B+C$96和B+C$78越式香茅雞翼撈檬：個麵完全冇味，一定要加個酸汁，雞翼都唔錯幾好味扎肉湯河：扎肉冇乜特別，河粉好淋牛油雞翼：都幾好味，但好油青檸梳打：冇特別，一定唔會差啦越南有機熱花茶：飲落有一種熟悉嘅味道，但我又講唔出係咩味可能因為疫情關係，冇乜人店員服務都良好…查看更多

自從疫情開始就已經沒有外出用膳了，襯住而家唔太嚴重就出嚟抖下氣吧！呢間餐廳，每次去完一田買嘢都會必經的，一直都好想試，今日終於都有機會啦！入到餐廳感覺都幾舒服，唔太多人，比較光猛，本人不喜歡黑蚊蚊嘅餐廳😅坐低冇耐，店員會添加橄欖油和黑醋之後說麵包焗緊，要等一陣，麵包嚟到熱辣辣的，好好味，所以我們都食晒🤣食完都飽了😅慶幸我們只點了2樣食物和2杯飲品，但到最後都係食唔晒🤦🏼‍♀️我們點了它斯肯丅骨牛扒：用炭燒的，有BBQ風味，但肉質唔靚，唔好食，咬到牙都痛埋，配菜有白汁芝士焗薯片和香蒜西蘭花及菇（最好味係個菇🤣）海鮮濃汁波士頓龍蝦意粉：有火箭菜及巴馬臣芝士係面，個自家製濃汁有d喊，太多黑椒，好彩龍蝦食得出係新鮮嘅青蘋果冰茶：好清新👍🏻蜜桃冰茶：飲完條脷好唔舒服…查看更多

牛肉餅 $38有2個，超多肉汁，勁好味😋蔥油餅 $34 2塊 一開4 ，唔太油，唔差咖喱羊腩 $78 ，本人本身唔太喜歡食羊，所以都覺病甦味，配菜嘅薯仔好好味！大漠風沙雞 $145 半隻，雞皮脆口，正上湯白菜仔 $61 正常，冇特別高力豆沙 $25 2個，飯後甜品一流平時都好少嚟到九龍城食嘢，因為對我嚟講地點唔太方便，但今次係老細帶我地兼車我地嚟食，因為呢到嘅老闆娘係我地嘅客人，所以要嚟幫襯下，而且食物真心好食，有機會都要再嚟食👍🏻…查看更多

大家都唔知食咩好，但就定咗係朗豪坊食😅朋友食過話好食，就嚟試下啦！秘製德國鹹豬手：配酸椰菜及薯蓉豬手外脆內軟，唔會好乾身，薯蓉都好好味德式香腸拼盤：配酸椰菜及燒薯好似都有4-5款唔同大小嘅腸，但味道就唔覺有太大嘅分別香脆魷魚圈：好味，唔會太油龍蝦汁海鮮意式燴飯：好濃味，海鮮只有蝦同青口，但味道唔差甜品黑森林芭菲：同平時食嘅黑森林蛋糕一樣味🤣焗鮮蘋果卷：熱食的，酸酸甜甜都唔錯因為我地有買蛋糕去，需要收切餅費$150，但如果叫2款甜品就可以免收切餅費啦！…查看更多

去到西貢經常路過都好想入去試吓，但係難得入到西貢食西餐又好似覺得唔岩咁😅難得今日係食生日飯，當然就可以入去試下啦🤣入到去好有懷舊嘅感覺，燈光較暗，幾浪漫咁🤣一行4人，分別叫咗羊鞍，澳洲M5和牛肉眼扒，精選牛柳和安格斯柳眼扒，另外叫咗個炸雞翼，每個餐都會跟餐湯同飲品！羊鞍：平人覺得好騷,喜歡食羊嘅人應該會好喜歡澳洲M5和牛肉眼扒：好油膩，而且有陣燶未精選牛柳：係最好味的！肉質夠林！安格斯柳眼扒：牛味重，有口感！炸雞翼：唔夠入味！整體嚟講，有啲似貴價花園餐廳嘅感覺🤣…查看更多

經常去日本嘅我,差不多每日都會經過呢間新開嘅居酒屋,當然心思思想嚟試下啦,點知......一坐低野都未叫就會俾碟前菜你食,係日本椰菜,都幾好食,只係有D爛咗都俾你食！我地叫咗招牌梅酒：佢話係自己釀製,但只係釀咗3個幾月就攞出嚟賣,飲落係有梅味嘅,但就唔可以話好好飲！味醂河豚干：唔會燒到好乾身,正常！石板燒M6澳洲和牛：落單前都已經問咗店員係咩貨,咩部位,因為怕會係根位,咬唔到,店員話放心,果個部位唔會,點知俾我地嘅有3件正常3件係咬唔開的,果3件完全食唔到!之後店員話係貨源問題,真係好失望,有D被騙嘅感覺！燒鮮鰻魚串：一般,個皮燒得唔脆,唔夠香口！名古屋雞翼：同平時食嘅名古屋雞翼嘅味道唔同,有D乾！燒和牛舌：師傅改肉時切法有問題,一客2件,一件正常,一件係完全咬唔開的,要吐返出嚟,店員見到都知有問題,即刻換過第二客俾我地！燒大蝦：燒到好乾身,唔好食！清酒煮蜆：蜆肉完全冇味,一D都唔鮮甜,有沙！燒原隻魷魚：魷魚冇味,唔鮮,個汁都唔好味！食物質素：差店員：優！會觀察客人,和客人溝通！地方：清潔…查看更多

難得lunch早收,即去佐敦搵朋友食個午飯傾下計！下雨天,唔想走太遠,所以朋友就帶我嚟試下食呢間餐廳啦！首先要去櫃枱點餐及付款,點好餐後拿着號碼牌子去搵坐位,之後店員就會跟著號碼牌送餐到你的坐位上,感覺幾好,唔錯,冇限時坐幾耐都可以!我地選擇了海南雞飯套餐：無骨海南雞飯$62 配蜂蜜紅茶+$4海南雞冇乜特別,都係凍冰冰的！芝士叻沙組合：芝士叻沙麵$58配蜜桃冰紅茶+$8叻沙味濃郁,好味！有芝士,雪場蟹爪棒,片頭,豆卜,芽菜及雞蛋！平民餐廳,唔錯！lunch可以一試！…查看更多

每次經過都好想入嚟試下，但感覺同朋友聚會好似唔係好適合咁！今日老細突然話請食飯，當然即刻推介試食呢間啦😆果然冇令大家失望👍🏻而且座位寬闊，坐得舒服，其實同朋友嚟傾吓計飲吓嘢都係一個唔錯嘅地方！牛肉壽喜燒定食：雖然牛肉唔多,但係肉質唔錯,唔會太硬,味道仲好好味！另外有個半熟溫泉蛋,可以就咁食或者撈埋一齊食！生薑燒豚肉定食：豚肉好有薑汁味,不會好肥膩！特盛黑麻油濃厚豚骨湯拉麵：雖然有黑麻油,但食落唔會好油,湯底好濃郁,麵質都唔差,豚肉都好好食！2個定食嘅飯都係用日本嘅珍珠米,粒粒分明！仲有個雜菜湯！另外全部都有兩小碟前菜:裏面有豆腐粒,香菇和雜菜！…查看更多

鍾意打邊爐嘅我,無論天氣有幾熱,都會周圍去試下未食過嘅新野😋今次嚟到夫妻肺片,我都係上OpenRice搜查附近餐廳搵到的！我地點咗鴛鴦鍋:夫妻鍋(麻辣鍋)+美人鍋(養顏花膠雞鍋)台式麻辣鍋：本人覺得完全唔辣養顏花膠雞窩：好正👍🏻值得推介，建議先飲湯後加食材😋手切牛小排細份：無得彈！喜歡重牛味的必食！龍蝦：宜家做緊follow IG 半價優惠，抵食👍🏻扇貝：好明顯俾人偷走左舊肉嚟做帶子👎🏻青口：無特別，正常繁花似錦：其實係雜菜，但唔知點解會有沙律菜係入面，從未試過將沙律菜煮熟嚟食🤣黃金卷：正！但嚟到要即刻食，放耐咗會唔脆！鮮蝦菜肉餃：D蝦都幾新鮮，唔錯！整體嚟講都唔錯，係價錢貴咗D，但食物質素都唔差，值得一試！而家除咗follow IG有幾款海鮮半價之外(只能選一樣)，而且Like Facebook火鍋配料都做85折呀👍🏻…查看更多

係旺角行完街唔知食咩好，咁啱經過見到（虹橋）又唔使等位,就衝入去試吓啦！佢有Dinner set menu，有餐湯,沙律,主菜及飲品！但佢個主菜唔係好啱我食,所以冇叫到Dinner set！佢除咗有Dinner set之外,當然有散叫嘅menu 啦！咁我就叫咗個白酒蜆肉意粉，侍應話加$12就可以有餐湯+飲品，當然加埋啦！餐湯有西湯同埋中湯揀，我揀咗西湯,係蘑菇粟米忌廉湯！另外叫咗個去骨海南雞配香雞油飯跟中式餐湯，凍檸樂要加$3！仲叫咗個小食拼盤，拼盤有紫蘇葉蝦春卷x2 蜜椒單骨雞翼x4 法式芝麻蝦多士x2 咁平民價錢嘅餐廳期望唔可以太高！不過不失！…查看更多

呼吸咖啡係一個聊天很好嘅地方,沒有限時,2-4樓都係屬於呼吸咖啡的,6點多嚟到,大堂有指示話要上4樓登記,當時因爲唔多人,所以唔使等位,到晚上8點左右就開始多人,甚至爆場,但都唔算太嘈,設有室內及室外,室外可以俾客人呼吸🚬,的確係一個談心唔錯嘅選擇👍🏻環境：室內室外設計都幾特別，地方清潔。洗手間就有陣味，但係可以接受！店員：有禮貌，好好人，好nice！食物：不過不失，尚可接受飲品：唔錯！都幾好飲！會想試埋其他！…查看更多