daydayfoodie的個人專頁

青醬雞胸沙律配檸檬醋醬青醬的羅勒香味清新濃郁，檸檬醋醬增添酸香與清爽感。雞胸肉質鮮嫩，生菜爽脆，整體口感清爽輕盈。厚切意大利煙肉配卡邦尼意粉煙肉鹹香濃郁，外脆內嫩，卡邦尼醬濃稠奶香中帶蛋香，意粉彈牙順滑。檸檬汁烤雞煙肉芝士意大利三文治烤雞的香氣與煙肉的鹹香交融，檸檬汁增添酸香提味，芝士濃郁拉絲。外層麵包酥脆，內餡多汁柔嫩。生酮花生醬黑巧克力忌廉卷黑巧克力帶有苦甜風味，忌廉增添絲滑與甜度，低糖但不失風味。藍莓核桃蛋糕藍莓的果酸與天然甜味非常突出，核桃則增添堅果香。蛋糕體濕潤鬆軟，核桃帶來脆口與咀嚼感，是甜中帶酸的經典組合。泡沫咖啡香濃的咖啡帶有淡淡的焦香，上層綿密泡沫滑順輕盈，口感層次豐富。鮮奶巧古力濃郁可可香氣，帶有微微的焦糖奶香。口感順滑濃稠，入口即化，甜而不膩。蜜糖青檸梳打清新的青檸酸味與蜜糖的天然甜味完美結合，口感清爽提神。…查看更多

青醬雞胸沙律配檸檬醋醬保持一貫水準，每次必點之一。雖然係雞胸肉，但非常之軟腍入味，青醬令其味道又上升一個層次。新鮮爽脆嘅沙律菜，配上檸檬醋，fresh得嚟好開胃。當然唔少得嘅係油漬蕃茄，好惹味。All Day Breakfast品種豐富多樣，有外脆內軟牛角包，嫩滑炒蛋，煙肉，腸仔，雜菇，薯仔，蕃茄仔，牛油果同香甜嘅蜜瓜，係非常之全面，營養豐富又好味嘅全日早餐。厚切意大利煙肉卡邦尼意粉意粉好creamy，軟硬同味道都適中易入口，大大粒煙肉增加咗香味同口感。藍莓核桃蛋糕標榜自家製，用料足。外脆內軟，核桃甘香，藍莓酸甜，口感味道都好豐富。Cappuccino 香味濃郁，泡沫順滑，早餐必不可少。Homemade Lemonade檸檬+蜂蜜，酸酸甜甜好fresh。…查看更多

行經元朗教育路，見到呢間韓國菜好似唔錯，於是外賣嚟試下。新鮮辣泡菜睇賣相已經流晒口水，誘人嘅紅色醬汁，浸住白滑嘅泡菜，食落爽脆無比，鹹辣適中惹味，非常刺激食慾，送飯一流。烤牛肉紫菜飯捲餡料有烤牛肉、蘿蔔絲、青瓜絲、黃瓜、山楂同蛋，口感同味道都非常豐富。人蔘雞湯用料十足，有成半隻雞，仲有薑、蒜同糯米。雞嘅鮮甜味出晒嚟，又有人蔘嘅微甘，整個湯好鮮美。原味無骨炸雞雞肉整成球狀，外面炸到金黃香脆，裡面嘅雞肉嫩滑可口，味道都好惹味。韓式炒粉絲粉絲爽滑彈牙，配料有蘿蔔絲、冬菇、木耳同洋蔥，爽脆嘅菠菜增加咗口感，成個菜好fresh。…查看更多

喺附近剪完頭髮，肚餓，就近搵咗間日式餐廳醫肚，性價比都唔錯喎。煙花飯卷包裹住油潤嘅三文魚，上面再鋪上吞拿魚，口感軟滑，香口嘅脆片點綴，味道微辣，而且層次豐富金龍卷炸蝦外皮酥脆，蝦肉爽口鮮味，配埋芝士一齊做餡，飯卷上面鋪上厚切三文魚，再點上蛋黃芥末醬，味道同口感都非常豐富，真心值得一試清酒煮蜆大大隻肥美鮮甜嘅蜆肉用清酒去煮，蜆肉都滲透住淡淡嘅酒香味。配上洋蔥、海帶、海鮮菇，好fresh。天氣凍凍地飲返碗湯，十分暖胃炸雞軟骨色澤金黃誘人，外層酥脆可口，軟骨甘香惹味，亦可配上沙律醬，又係另一翻風味…查看更多

好耐無食放題，收工同朋友行咗陣街就去咗大瀛喜食食食😋😋😋款式都幾多元化，我哋差唔多每樣試一件，已好飽肚😆😆😆埋單連加一，兩個人$616，都算抵食！餐廳有自助小區，分別有凍飲，熱飲，雪糕，甜品，前菜及少量熟食。款式亦都好多元化，可以照顧到不同人士的喜好。整體黎講，餐廳食物質素，上菜速度，環境衛生都對得住個價錢，算係唔錯既選擇。推薦必叫美食金牌紅燒乳鴿皇皮脆肉嫩，又多汁，十分不錯鐵板蒜香蜜汁牛柳粒牛柳粒軟腍，味道適中芝麻雞翼外皮炸到香脆，好香口因為個人唔太好生野，所以主要食熟食多，不過建議每樣點一兩件試下先，因為真係種類頗多，怕試唔晒咁多款菜式，哈哈😆…查看更多

青醬雞胸沙律新鮮爽脆嘅沙律菜沾上檸檬醋醬，酸酸哋好開胃。仲有車厘茄、黑橄欖同埋最愛嘅意大利油漬乾蕃茄。主角雞胸肉，低脂健康得嚟又腍又滑又入味，青醬香味好濃郁，非常可口。檸檬汁烤雞煙肉芝士意大利三文治麵包外皮香脆，內裡鬆軟，夾住一層煙肉、一層芝士再一層雞肉，層次分明，香味濃郁，味道豐富。厚切意大利煙肉配卡邦尼意粉意式煙肉質感柔軟，口感豐富，味道鹹鮮。軟腍嘅意粉配上濃稠適中嘅忌廉汁，口感creamy幼滑，香味濃郁。All day breakfast豐富的全日早餐，有菇菌、薯仔、蕃薯仔、煙肉、香腸、炒蛋、牛油果、蜜瓜同牛角包，搭配得宜，味道豐富。生酮竹炭黑芝麻忌廉卷外表雖然係黑掹掹，但蛋糕好鬆軟，包裹住濃厚軟滑嘅忌廉，芝麻香味好出，加上生酮概念，值得一試。Earl Grey Chocolate香濃順滑，朱古力味香甜可口。Honey bee酸酸甜甜，夠汽解膩。…查看更多

龍卷風沙律🥗$76厚厚一層蟹柳，上面有鮮味蟹籽點綴，下面係新鮮爽脆嘅沙律菜，淋上酸酸甜甜嘅沙律醬，仲有脆片，增加咗香脆口感，成個菜都好清新嘅感覺，係好受歡迎嘅前菜。櫻花蝦茄子🍆燒$68茄子肉嫩滑juicy，淋上有櫻花蝦嘅醬汁，好惹味。黑豚豬頸肉串燒$28豬頸肉外表燒至金黃微焦，非常香口，肉質爽口彈牙，好入味。金龍卷$98每件都係米飯包裹住炸蝦，上面鋪上三文魚再點上芝士，既有炸蝦嘅香脆鮮甜，又有三文魚嘅油潤口感，加上芝士嘅香味，非常可口。富士山$88造型特別，用包住鰻魚、牛油果嘅手卷，堆成山嘅形狀，再喺上面鋪上厚厚一層蟹柳，唔單止造型加分，味道都不俗。…查看更多

性價比極高嘅雞煲😆😆😆兩個人隨咗有半隻椰子雞煲之外，仲任飲任食！人均消費先$200左右，飽到上心口🤣椰子🥥雞煲原汁原味椰子雞煲，用咗三隻椰子嘅湯底勁鮮甜😋😋😋海鮮-蝦、花甲、蠔蝦🦐肉彈牙，花甲鮮甜，蠔就一般不過不失肉-牛、豬、雞薄切牛肉，豬肉肉質都唔錯不同種類菇菜任均選擇！生菜、油麥菜、娃娃菜、金針菇、雞髀菇、草菇、鮮冬菇、蓮藕、萵筍、南瓜、冬瓜，薯仔等等仲有豆卜、響鈴、炸魚皮、各式丸同腸仔等最緊要唔少得有甜品啦！所以真係好高性價比👍🏻😆…查看更多

三文魚沙律沙律菜上洒上nuts，增加咗香味香口感，三文魚好鮮味，肉質嫩滑，仲有蛋。酸酸哋又爽口，係好開胃嘅前菜。明太子蟹肉意粉意粉上面鋪咗一層紫菜條，紫菜下面係明亮誘人嘅明太子，鮮明嘅橙色，咬落卜卜脆又鮮味。意粉煙煙韌韌，醬汁濃郁得嚟唔會太杰，有蟹肉嘅鮮甜，仲有粒粒蟹肉。比目魚墨汁意大利飯比目魚皮煎到香脆，肉質嫩滑爽口。墨汁完全將飯包裹住，而且比較濃稠。飯煙韌有嚼口，啖啖墨汁香味。凍芒果茉莉綠茶茶味好出，又有淡淡嘅芒果酸甜同茉莉香味，好fresh。藍金乳酸梳打酸酸甜甜又夠汽，消暑解膩一流。芝士撻芝士軟滑香濃，外皮酥脆，相當唔錯。…查看更多

越北綜合牛肉湯粉熱氣騰騰嘅湯粉一上枱已經聞到香味，湯底濃郁，鮮紅色嘅生牛肉，一陣間就喺湯嘅熱力下變熟，而且熟得啱啱好唔會太老，食落滑得嚟又爽。仲有牛腩片同牛肉丸，一樣咁爽口彈牙。爽滑嘅河粉浸住喺湯底裡面好入味。海防蕃茄蟹檬天氣開始越來越熱，食啲酸酸哋嘅嘢會比較開胃，誘人嘅紅色蕃茄湯底睇上去就非常吸引。呢個蕃茄湯底唔係太酸，味道偏甜，加上蟹嘅鮮味，好fresh。蝦丸爽口鮮甜，扎肉裡面有啲軟骨粒，食落咯咯脆非常有口感。仲有啲檬粉，配搭酸味係最夾嘅。河內芝心蝦多士外面滿滿一層芝麻，裡面嘅芝士就流晒出嚟，賣相已經相當吸引。食落有芝麻嘅香味，多士香脆，蝦嘅鮮甜，同埋濃郁香滑嘅芝士，口感味道都好有層次。水晶芒果沙冰芒果味好濃，夠凍夠fresh，仲有沙冰脆脆嘅口感，解膩一流。…查看更多

餐廳有多款適合生酮人士的菜式，如套餐飯類，當然少不了燒物，啱晒正在生酮飲食但又抵擋唔住串燒嘅人士。鰻魚定食原條鰻魚燒至金黃焦香，肉質油潤，淋上甜醬油，配埋煙韌軟糯嘅珍珠米飯，香甜可口。芝麻雞翼（4件）外皮酥脆，加上芝麻增香不少，肉質嫩滑juicy，味道都恰到好處。日本無激素雞腎(柚子胡椒)雞腎爽口，最特別係自制嘅柚子胡椒醬汁，既有柚子嘅fresh，又有胡椒嘅微辣，刺激食慾。芝麻八爪魚誘人嘅色澤，濃厚嘅醬汁，芝麻嘅香味，加上八爪魚嘅爽口，正。錫紙金菇金菇嫩滑爽口又juicy，大量蒜蓉令金菇充滿蒜香，更加可口。香芋地瓜丸(4件)外皮卜卜脆，食落煙韌，地瓜香甜，香芋餡香滑。甜椰椰脆皮年糕(2件)外面沾滿椰絲同砂糖，年糕皮微焦香脆，裡面煙煙韌韌，唔會太甜，係幾特別嘅甜食，非常值得一試。乳酸菌梳打酸酸甜甜又夠汽，解膩一流。獅烤桂花烏龍冷泡茶淡淡嘅桂花香味，茶味都ok。…查看更多

雪山叉燒包雪白嘅酥皮酥脆香甜，麵包鬆軟煙韌，配上juicy惹味嘅叉燒餡，味道一流。鴛鴦鮮蝦網米腸腸粉軟糯煙韌又滑，包裹住一層香脆嘅米網，裡面係爽口鮮味嘅鮮蝦，口感味道豐富。海苔鮮蝦腐皮卷腐皮炸到金黃酥脆但唔油膩，有海苔嘅香味又有蝦嘅鮮甜爽口，鐘意香口嘢嘅唔可以錯過。薑蔥牛柏葉牛柏葉爽口無比，薑蔥紅蘿蔔絲調嘅汁又香又入味，底下仲有麵筋索晒啲汁。沙爹牛仔骨肉質非常軟腍嫩滑，醃得非常入味，沙爹汁惹味可口。姫松茸翅骨燉瘦肉湯點心店都有汽鍋燉湯。湯清而不寡，有姫松茸嘅香味，加咗淮山圓肉，又多咗清甜味。價錢相宜，份量不少，味道不錯，性價比高。…查看更多

芝士醬酥排骨吐司(半份)多士烘到軟硬適中，夾住酥脆惹味嘅排骨，加埋芝士非常可口。配桂花雞翼，外皮酥脆，肉質嫩滑，蘸桂花蜜一齊食，清甜又唔膩。蕃茄湯米線，湯底酸酸甜甜好開胃，米線爽滑煙韌。加配小食手拍小黃瓜同紫菜貢丸湯，酸爽嘅小黃瓜係超讚嘅開胃小食，貢丸都好爽口彈牙。跟餐飲品熱玫瑰烏龍茶，茶味同玫瑰香味都好出好清甜。手工芝士蛋餅可揀火腿或肉鬆，揀咗肉鬆。餅皮外面微微焦香，煙韌軟糯，又有蛋、肉鬆同芝士嘅香味，口感同味道豐富。配外脆內軟，香甜可口嘅地瓜條，靜心玄米茶解膩一流。鹽酥雞排滷肉飯台灣美食點少得鹽酥雞同滷肉飯。鹽酥雞排嘅份量十足，外皮酥脆無比，肉質嫩滑juicy，鹹香嘅味道令人唔停到口，配埋香軟惹味嘅滷肉飯，最佳組合。加配小食涼拌貓耳朵，即係黑木耳，個醋嘅酸味好出，加上小小辣，木耳又爽口，強烈推薦。夏日水漾鮮果茶有鮮橙，藍莓，士多啤梨同火龍果，酸酸甜甜，好fresh。鐵觀音珍珠鮮奶茶珍珠Q彈，奶味唔會搶咗鐵觀音嘅茶味。…查看更多

位於朗屏站附近開業冇耐嘅一間小店，專做串燒！好耐都冇食我至愛嘅串燒，就喺屋企附近點可以唔試下。店面唔大，裝修簡約得嚟有個性，乾淨企理。廚房半開放式，可以近距離見到廚師忙碌，同埋未上枱已經聞到好香嘅燒烤味，流晒口水。老闆好後生，亦都好好傾，做野好有heart，為咗保持食物質素，都係即叫即燒，務求每位幫襯嘅顧客都食到新鮮好味嘅串燒。雖然等嘅時間耐咗，但嘢食好味就值得我哋點咗雞軟骨、雞腎、牛舌心、牛舌、豬頸肉、孜然羊肉。係久違嘅孜然味，濃郁得嚟唔會太鹹太重口。雞軟骨爽脆，雞腎唔硬又爽口，牛舌心嫩滑，牛舌有嚼口，羊肉一啲都唔羶。仲有皮脆肉嫩脆皮爽肉鱔，嫩滑肥而不膩嘅鹽燒三文魚鰭，爽口嘅肥牛金菇同煙肉金菇。蒜蓉花甲滿滿嘅蒜蓉，非常香口鮮味。蒜香茄子都唔輸蝕，多肉又滑又juicy。而家營業時間去到凌晨12點，以後宵夜又多一個選擇…查看更多

牛魔王拼盤有燒牛舌同和牛各2串，牛柳1串，冬菇1串。燒牛舌超爽口彈牙，又滑又多汁，味道適中，超讚！和牛肉柔軟，味道濃郁，配上醬汁更鮮味。牛柳肉質厚實有嚼口，黑椒味濃。冬菇外皮焦香，裡面嫩滑多汁。蜜糖燒全翼外皮金黃微焦，咬落好脆口，肉質嫩滑，蜜糖嘅香甜味滲入雞肉裡面，非常可口。汁燒活鱔外皮Q彈，肉質鮮嫩油潤。滑蛋牛拖羅飯牛肉啱啱熟，多汁甘香，滑蛋鋪滿飯面，粒粒珍珠米飯煙煙韌韌，撈埋滑蛋同牛肉一齊食，加上味道調校得非常好嘅醬汁，口感同味道都一流。…查看更多