le_gourmet_homme的個人專頁

今日早上11點，入去想食個晏。***一入門口，唯一一名侍應正在玩手機，完全冇注意到門口有客人企喺度。***既然侍應唔理我，咁我自己入去搵位。我行到入去中間，那位侍應才發現有人入咗嚟。***明顯佢見我冇喺餐廳門口等／入咗去，面容不悅。佢話：先生，請問有咩幫到你？（即係叫我唔好再行入去。）***我話：一位丫，唔該***然後佢同我講，而家早上11點，你要45分鐘之內交返張枱你O唔OK？***等你落單，等廚房煮到出嚟，都冇咗15分鐘，即係你趕我30分鐘裏面食完，埋單。***貼錢俾人趕，相信冇乜人有呢個癖好。所以立即離開，去咗隔籬街明寶石食乳鴿焗豬扒飯餐（$98）。***個人立場：List 已 black，永不錄用。…查看更多

上野先生調製的日式雞尾酒就是業界的頂峰，但是這個食評什麼都不會有，只會show收據一張。是晩是Bar De Lux 周年慶，本人剛好一個月前訂座，捧一捧銀座神級調酒師上野先生客席的場。。。9:30到場，環顧四周，並不似日本酒吧格局，客路也是典型蘭桂坊酒客，上野先生也忙得木無表情。。。長話短說，上野先生的手藝仍然是無懈可擊，但是巧婦難為無米之炊，日式酒吧最講究的元素之一：冰，質素奇差，布滿小氣孔，硬度強差人意。。。主場水平不足，某程度亦影響咗大師嘅表現。White Lady 因為冰的問題，再加上侍應不恰當地拿着酒杯，到枱飲用是只是微冷。。。之後最詭異的事情來了：對面枱的俊男美女（實是中男中女），竟然拿起他們的小棒棒吞雲吐霧VAPING。還要是菠蘿口味的煙蛋。。。於是大家精美嘅日式雞尾酒全部變成大家樂菠蘿特飲，整個氛圍實在是低級到極點。。。說捧場，我們真的是捧場。90分鐘之內，點了七杯。換來的是怎樣的服務？。。當我們還有調酒未到，就已經有一位侍應跟我們說你們的時間快到, 請問仲有冇需要？。。無奈，但是我當然會點最後一杯。。。幾分鐘過後，賬單離奇地出現在我的座上，我並沒有叫埋單，侍應亦沒有詢問我能否先結帳，然後就毫無預兆地被埋單了。。。作為顧客，感覺就是被人趕走了。。。然後⋯⋯就在沒有然後了。。。完。。後記：我當然有現場表達我嘅不滿，身經百戰嘅酒吧經理當然有表演佢精湛嘅演技，但係我冇需要過分渲染，所以詳細內容就不再敘述。。。這是一間日式酒吧嗎？。。我不知道，最少酒吧經理對於這個問題嘅親口回覆是：「我們不是」。…查看更多

係舞鶴食咗好多年，雖然不是常客，但每年總會去一兩次。前菜三品：磯蠑螺，湯葉蜆湯，芥末蟹肉長芋蜆湯味道高雅，鰹節湯底味道做得紮實。芥末蟹肉長芋蟹肉鮮甜，輕微芥末味亦能喚醒味蕾。磯蠑螺惹味下酒，唯一不足是可以先去內臟，食起來比較方便。金線鯛：師傅運用厚切去帶出鯛魚的甜味。關鯖：新鮮，油脂感豐盈地在嘴裏散開。天上鰤：一夜熟成，魚油因而向魚皮滲透，甜味充足。由於脂肪經過充分轉化，上述二品皆油而不膩。(Katsu)炸北海道珍寶帶子：外皮酥脆，帶子僅炸至輕熟糖芯，你再配上台灣烏魚子的咸香，席間眾人至愛。岩手丸吉蠔·脆口，海水味同甜味之後滲出嚟，裙邊越𡁻越有味道。啱啱知道舞鶴而家lunch同埋夜晚都做埋A5和牛紙火鍋, 料理長親自Serve嘅Sukiyaki同埋炸金星豚豬扒，心思思叫咗份紙火鍋試吓。嘩，件和牛成個面盆咁大，湯汁味道調校得宜，甜度剛好，與和牛互相輝映。差一點想叫碗白飯撈汁。和牛質素亦佳。今晚的白子十分漂亮，師傅提供天婦羅和醋汁兩種食法。香箱蟹配蟹籽汁，蟹籽汁增強了蟹的鮮味，充分顯出師傅敏銳的味覺和熟練的手段汁煮鮟鱇魚肝，今天的肝極肥美，熱食更能夠將各種味道引出來。是令人想喝清酒的一道佳餚。北海道白鳥貝，除了鮮甜，一點雜味也沒有。松葉蟹肉春卷，頗中式的春卷皮，包裹着和風餡料和鮮甜蟹肉。熟食師傅手工不錯，春卷炸得很脆，但蟹肉一點也不會過熟。雖然Omakase還有多款壽司，但由於自己貪心點了紙火鍋，吃到這裏已經有一點吃不下，只能挑選幾款精品。赤貝／赤身／小肌／黃海膽其餘中拖／秋刀魚／沙甸／等等就無福消受。Andy師傅的原則是，客人離開時要飲飽食醉，歡迎追加壽司，除海膽外大部份品項不另收費。我通常都會追加幾件，不過今日已被K.O.，只能望魚輕嘆。今晚飲自攜Chablis白酒，free cockage. 師傅話新客一次生兩次熟，第二次開始都會免開瓶。舞鶴在omakase界算是老店，風格不造作，服務親切有禮。板長Andy有達20年的「鮨歷」。從他的手藝、交談中可以看出他味覺的敏銳，亦是廚師界實屬少數。服務 ⭐️⭐️⭐️⭐️食物 ⭐️⭐️⭐️⭐️⭐️價錢 ⭐️⭐️⭐️⭐️（抵食）…查看更多