bonnchu的個人專頁

路過呢間新開小店試業，即管入去試吓！ 見餐牌有味「味增豬腸牛蒡丼」，好有興趣一試！ 老公就點左照燒雞扒飯！ 兩個丼來到，賣相平實討好，急不及待要馬上開動！ 果然豬腸牛蒡飯做得好好味，豬腸好乾淨，食得出落過功課清洗，亦都好夠腍，個芡汁味道亦恰到好處，每一啖都要好好品嘗，出面真係少有食到呢味菜！ 同年青老闆傾落，原來佢話呢味菜，好花功夫同時間架⋯⋯😜照燒雞扒飯，亦無得挑剔，雞扒燒得嫩滑，照燒汁味道剛好，唔會太甜太稠！ 整體來講，我覺得值得支持，希望做落可加入更多新款式！ 💪🏻💪🏻…查看更多

一行三人訂枱食飯，明明樓下有位，但被安排上樓上，好似閣仔咁款，黑麻麻，幾驚有老鼠走出嚟！全晚得我哋一枱客係樓上！ 冬蔭公黎到，問長髮侍應男攞碗仔，半秒迅速黑面，咩料呀？無碗點飲湯呀😡之後成晚都唔見有人會主動上黎招呼，叫左甜品，「請」黑面哥執一執枱，又被黑面😥最最最離忍晒譜係⋯⋯埋單時，我哋一齊落樓俾錢，黑面哥竟然用呼喝嘅態度同我哋講「俾錢個個留低，其他人出去」，嘩，咩態度呀，話晒都係客喎，呢間野簡直『不知所謂』。 食肆負責人唔好怪香港人北上消費啦，顧掂自己啲服務態度先啦....個老闆唔知知唔知啲員工係咁嘅態度，定係都係一家親？？就算啲食物幾好食，都無得傾啦，如果服務評分有負數，得分應該係「-50」⋯⋯…查看更多