apyizichong617的個人專頁

見佢新店開張有買一送一就諗住試吓啦，我哋都算多人，所以單上面嘅食物有啲多俾錢嗰陣時大概290幾蚊啦。店裏便有兩條友，兩個都係大陸人。咁我哋就等咗大概廿幾分鐘到，攞完之後我哋就返去食啦，發現有啲嘢少咗。咁都算啦，咁多嘢少咗啲嘢人之常情，然之後我哋打電話，打咗幾次都冇人聽電話，然之後我哋一齊返去間店度，望到佢哋兩條友喺度玩手機，嗰吓真係有啲想爆粗，但見佢冇好不耐煩就算數，跟住就即場幫我哋補返啲冇咗嘅嘢啦，但最重要嘅係佢由頭到尾一句sorry都冇同我哋講，仲要補償都冇。喂大佬我嗰陣時勁肚餓，然之後你俾咁嘅服務態度俾我？望到嗰後佢哋玩手機聽電話真係超嬲。講完服務態度講吓食物質素，佢哋每盒炸雞裏面都有年糕，但係啲年糕超級硬，完全唔係平時食開嗰種韓式年糕，似係嗰種未熟晒嘅感覺，然之後炸杏鮑菇嘅感覺有啲微妙，唔係我想像嗰種炸杏鮑菇，滿分10分比3分。跟住嗰啲小食嘅份量冇標準，有幾多有幾小全部睇佢心情。其餘嗰啲炸雞都正常。但應該都唔會再返嚟食啦。…查看更多