xip的個人專頁

三文治甜甜的，有層次，還有點紅椒粉，超級飽肚。奶昔有別一般香港買到的，五花八門，今次選個外國風情的，花生醬朱古力奶昔，兩者很夾，可惜我食量太少，剩4份1杯要投降了。別看區區一杯奶昔，一份三文治加薯條，食量較少的，吃了一天都不用再吃其他東西。環境而言，位置是很有假日感的，內裡裝修令人有放假感，可惜等位太耐，餓了，今次外賣住先。我坐在門口等了大約20分鐘，即叫即做，不錯。價錢而言，未吃時覺得貴，因爲就三文治加飲品就百多元，吃過後就知，其實都合理，因爲很飽。…查看更多

平靚正，基本上唔會反對，不過姐姐如果可以快dd 就更正，祝客似雲來。對上一次叫咗個2餸薯粉，見到姐姐整緊其他食材，我估可能剛開鋪，而且我當日好得閒，所以慢慢等，無咩所謂。講返整體味道，味濃，唔太油膩，湯底仲有少少花椒粉咁，夠晒住家feel架。之後想再買，見到姐姐有幾張單在手，而且我睇咗menu 一陣，佢先去整果d單，我果次趕趕地，就無幫襯佢了。其實佢地都好攪笑架，我見之前運動員東奧拎獎佢地都有折俾客人。…查看更多

唔錯唔錯剛剛入黎以為普通餐廳仔夜晚人唔多，花園仔位置坐得好舒服，傾計一流。野食方面，當晚選擇唔算多揀咗海鮮冬蔭湯飯，有誠意，足料。比目魚軟熟，味道剛好。小食方面雞翼好味雞軟骨都唔錯。太好食，太舒服，唔記得影咗先食。…查看更多

同屋企去晚飯，野食大致滿意，不過九點打後就唔同晒，首先講明九點三last order不過九點一過就幾個人輪住問😫其實野食都未到齊...不過屋企人話想試多點，就加咗「泡菜年糕」同埋「點黎聚聚」。呢兩樣超快到。之後馬上收埋我張現金券⋯⋯唉，之但係，我甜品係叫起佢地無咁做，奶凍就唔凍扣分...最後我走咗發現，竟然無上一個餸！「腐乳蟶子」成百蚊個餸！可能有人話我無睇完再睇係我唔啱，但係我趕住走，無計。張現金券有用等同無用😿…查看更多