wekipedia的個人專頁

星期六去KCC附近做野順便食lunch路過地下呢間Bugis見餐廳星期六有9折就想試下見到餐廳名叫bugis 以為係新加坡餐廳入到去見大部分人都係叫扒餐我叫左個叻沙黎食 以為無死啦點知碗叻沙完全唔係個回事連基本椰奶香都無湯底啖而無味湯底麻麻 配料都好一般豬頸肉肉質好硬魚片頭同食麵筋無分別麵底我揀左金邊粉輕輕一夾就斷我終於明白點解個個都叫扒餐啦結論係黎新加坡餐廳絕對唔好叫新加坡野食咁樣應該就可以避免中伏啦！…查看更多

Cova d 蛋糕一向都有信心保證不過食黎食去都係mango dome cake就有d悶咁啱朋友比左兩張Cova $100 coupon我指名要東涌呢間舖頭先用得咁我就唯一順便入黎shopping la揀蛋糕個陣見到呢個新出ge開心果味蛋糕就忍唔住買黎試下蛋糕係由一層蛋糕一層cream咁疊埋ge開心果味道好濃郁拍得住venchi開心果味雪糕咁濃開心果味整體蛋糕唔會好甜係mango dome cake之外ge好選擇！…查看更多

滿天星作為日本過江龍一登海港城就成為排隊熱店由於餐廳唔可以book位無論幾多點門口都好多人所以我一路都無黎食過今日趁住有時間就排下週末lunch時間大概排左個幾鐘先有位🤦🏻‍♀️叫左個招牌鰻魚蛋包飯個飯係無任何其他配菜ge不過鰻魚真係好大條蛋係日本蛋炒得好嫩滑入面包住d海鮮炒飯不過面頭ge肉汁唔係我杯茶d汁加埋鰻魚ge燒汁亦唔係好夾原價2百幾蚊一個飯真心有d貴不過用左coupon性價比都算唔錯…查看更多

話說海港城出左購物換coupon活動買完野可以換好多shopping 同dining coupon咁啱用剩一張Dining coupon 所以黎Starbucks 換野食我換左兩件藍莓芝士蛋糕($35@)加兩件普通牛角包($19@)加埋啱啱好$108 用一張卷淨係需要補返$58咁ge價錢真心抵牛角包普普通通啦都香牛油味但酥皮一般但係舊芝士蛋糕就好出色非常濃郁芝士味又唔會過甜上面d藍莓新鮮唔酸有coupon一定要買黎食啊！…查看更多

位於高銀ge Le Pan 一向都主打fine dine雖然未係米豬蓮見過佢ge大名但佢高貴ge 價錢絕對令我為之卻步不過疫情下, 比我發現Le Pan出左平價版lounge lunch普通餐$148 包餐湯同main course野飲要另外加錢我揀左個pork rack 要加$88餐湯係粟米湯,正常暖,都夠creamy蒜蓉包好香口不過一樣唔係好熱ge主菜睇落好細份,食落都夠飽配菜正常不過塊豬扒唔夠juicy整體表現只能話係正常用黎食business lunch 個場好靚,要自己比錢性價比就麻麻注意返佢上菜ge速度係fine dine咁樣ge所以要預留充足ge時間啊…查看更多

每次食lunch 講起大榮華,d同事都會話佢係元朗好出名d小菜選擇又多,價錢又唔貴難得今日約到幾個同事一齊去試下大榮華個場係普通酒樓格局因為疫情,所以檯同檯之間會加左d易拉架一入到去我先知道原來佢同榮華係同一間公司好多榮華ge product 呢度都有得賣我地一共叫左5樣野咕嚕肉同琵琶豆腐就正正常常茶記質素燒鴨雖然骨多左d,不過鴨肉唔會柴,依然保持肉汁焗魚腸我覺得太腥,係全晚唯一食剩ge野胡椒豬肚湯胡椒味唔夠,上檯後亦都好快凍,唔算好吸引最後酒樓會送一碗甜品, 普通紅豆沙咁lor埋單人頭一百蚊到,其實都幾抵食…查看更多

元氣同千兩作為同一集團下ge日式料理餐廳其實好多野食款式都差唔多但因為質素ge分別所以佢地價錢都有相應調整個人認為千兩散叫就貴左d但lunch set其實幾抵食千兩便當係我成日叫ge餐貪佢咩都有有刺身、鰻魚飯、薯餅、天婦羅、壽司同鯖魚每道菜質素都好平均其中薯餅係我最愛成個set我未試過可以食晒通常食9成已經飽到死但價錢都只係$138所以話如果想食個高質d ge日本料理但又唔想荷包失血千兩lunch set係唔錯ge選擇…查看更多

前日OT到9點幾居然有朋友同我一樣咁夜收工咁就要一齊去食返餐好gar 啦！本身打算食返個雞煲點知原來蜀府川鍋出左個10點後任食卜卜蜆，每位只係$98，性價比咁高就梗係試下佢啦！雖然我地得兩個人，但個卜卜蜆煲都幾大個店員有提醒我地等到湯滾起，d蜆開左口就可以食啦。本身以為任食就會將貨就價，點知d蜆肉隻隻都非常飽滿，配上蒜蓉同辣椒，非常惹味。後面加左兩轉蜆都keep住呢個水準，而且d蜆洗得夠乾淨，唔駛怕食到沙。雖然個煲有配青瓜，但係我地兩個食肉獸見隔離檯叫左碟韓牛好似好靚，所以我地都忍唔住叫左一碟。韓牛一黎到我地都哇左一聲，因為真係幾大碟。牛肉油花均勻，厚薄適中，雖然唔係好似日本和牛咁入口即溶，但一放入口就充斥住濃濃ge牛肉味，完全可以滿足牛魔王ge胃。最後加上個熱辣辣ge綠茶芋泥餅做甜品，為呢個宵夜畫上一個完美ge句號。所以話OT駛mud驚，食飽再繼續加油啦！…查看更多

weekend路過九龍塘但又未食早餐見到EXP門口居然有一條長長ge 人龍之前未食過佢地早餐所以決定試下雖然前面有十幾個人排緊隊但大概等左5分鐘就可以先係門口買野食先oder左個$65 ge 日式早餐份量令人滿意亦好似日本版all day breakfast 咁有好多唔同種類ge野食當中最好食就係條德國腸而其他食物都不過不失唯一我唔太中意ge就係呢碟野9成食物都係凍ge而我又咁岩order左杯凍野飲…查看更多

步入11月天氣越黎越凍,係時候整返個煲仔飯啦觀塘呢間潮豐打冷平時就係食打冷小菜每年都會係天氣凍ge時候晚市供應煲仔飯一黎就即刻叫左個七星伴月你以為係月餅咩其實月係指鹹蛋而配料就有臘腸,滑雞件,排骨,免治牛肉,蝦乾同瑤柱上台ge時候姐姐會提醒等焗一陣先打開食之前按自己喜好加豉油撈勻就食得熱辣辣ge煲仔飯加埋脆口ge飯焦真係一流我地仲叫左沙嗲肥牛粉絲煲同通菜兩樣野都係即叫即整超級送飯又唔會過鹹下次黎要試下佢d鹵水先,我見台台都有叫…查看更多

元氣今年一路都係每個月第一個星期三搞會員日會員全單8折最抵係連lunch set 都有得8折所以我同d同事成日mark住會員日就去元氣食lunch每次會員日都特別多人,記得提早少少遙距取票4個餐各有千秋我最後揀左C 餐赤海蝦連頭上,表面有光澤,食落好鮮甜三文魚同帶子就正正常常啦天婦羅反而有驚喜,新鮮炸起夠熱又夠脆,南瓜同番薯都好甜最後埋單$80都唔駛,呢個價錢性價比好高希望佢出年都繼續有會員日啦!…查看更多

疫情緩和又見到某APP有半價所以黎試下價錢半價後算好平價ge fine dining落左order之後就有開胃ge柚子jelly同自家製麵包麵包熱辣辣，牛油味好香而麵包亦好軟熟係咪好靚呢？可惜that’s all!所以食物ge擺盤都好靚，但食得出用料並唔係最上盛，就好似生蠔同紅蝦咁，唔係d好新鮮ge貨佢每樣食物都好似fine dining 咁整色整水 好多配搭但d味道可以話大部分都唔夾ge一個西餐廳ge甜品連連鎖餅店ge質素都無，真係令人失望埋單半價後兩個人都要千三蚊到(因為好多dish要加錢又要人開支百幾蚊ge水)朋友話分分鍾去返正牌米豬蓮fine dine lunch都唔駛咁ge價錢然後咁ge質素…查看更多

無論銅鑼灣開幾多珍珠奶茶鋪頭，呢度都係人頭湧湧，平時閒閒地都要等半個鐘以上對於超級懶排隊ge我黎講，唯有忍住唔飲住啦今日咁岩行開某大型百貨公司感謝週，血拼完又攰又口渴，望下個鐘，21:47！仲有13分鐘老虎堂就收工，諗住搏一搏，睇下飲唔飲到尾啖奶雞咁腳衝到去2155！隔離鋪頭棟左塊牌出黎話黑糖珍珠賣晒，踏正2200仲落埋閘tim！準時過天文台🙄講返老虎堂，門口雖然堆埋大概20人左右，但落單條龍非常短，得3個人je5分鐘之內我就已經落左單啦需要注意老虎堂ge黑糖珍珠厚鮮奶係不設任何選擇 無論糖度定冰度都無得揀等多5分鐘左右，我杯波霸厚鮮奶同虎虎生風厚鮮奶就到手啦！不得不講，佢掛杯ge黑糖條紋真係好靚，我暫時飲左咁多間都無一間可以做得到咁靚其實兩杯野唯一ge分別就係虎虎生風係大細珍珠都有，而波霸就淨係大珍珠雖然之前有新聞踢爆佢唔係手工炒ge黑糖，但係無礙佢黑糖ge香甜，加上珍珠煙韌，no.1 當之無愧！唯一不足就係略嫌佢冰多左dd，飲晒成杯都仲有1/4杯冰剩低…查看更多

全香港ge米線舖我估起碼都過千間間間ge特色都唔同有d sell 湯底有d sell配料特別不過呢一間就sell童年回憶係荃灣紮根幾十年，經過幾次搬遷終於落戶呢度雖然唔近地鐵站，但係因為名氣夠大食飯時間門口都永遠大排長龍蘿蔔腩肉中辣加蔥腩肉係鐵膽！佢唔似有d鋪頭係白烚d豬腩肉比你而係醃製過ge肉雖然重味，但係冇咁多肥肉加上有少少辣味非常惹味！加蔥免費gar如果鍾意蔥ge朋友記得加啦雖然一碗麻辣米線鈉同味精都肯定超標，但姐吃的不是米線，而是回憶！…查看更多

東海堂雖然貴為美心集團ge一份子但一向走貴價日本路線而佢ge出品都叫做有保證所以朋友生日我地都好鍾意買佢d蛋糕黎慶祝適逢宜家有信用卡咩咩閃付優惠買夠$200減$40所以我地就買左個白桃蛋糕外觀都幾吸引面頭鋪滿白桃同桃味蒟蒻都叫幾足料gar不過食落就好失望lor首先個蛋糕係由海綿蛋糕，白桃慕斯同忌廉組成ge坦白講，d白桃慕斯有藥水味 所以真係唔多吸引至於面頭d罐頭白桃仲恐怖一d桃味都無，淨係得個甜字朋友都話如果唔係見到個蛋糕寫住白桃，真係唔會知自己食緊白桃😅😅😅成個蛋糕最滿意係d白桃蒟蒻有口感又有淡淡桃味…查看更多