pc747的個人專頁

屯門呢間開咗冇耐，元朗同旺角分店都食過，覺得水準有差小小，成個all day breakfast最好食就係個牛角包，其中一份嘅番茄有問題，個炒菇好味可惜過咸其他都只可以算一般，如果比呢個價錢，可以話係非常唔值，對於唔係成日飲咖啡嘅我都覺得個榛子咖啡唔夠濃，如果飲開嘅人應該覺得重淡。。。。🤨環境本來ok，不過因為開放式廚房，所以油煙味都幾大，食完成身味，呢樣我好唔中意，我估應該冇下次了，因為價錢同食物唔成正比:(…查看更多

屯門呢間芝味鳥 試過幾次 味道都幾好 唔會比嗰啲大嘅pizza店差，好鍾意食佢嗰個墨西哥香辣pizza辣椒真係好辣，中意食辣一定要試， 仲有佢個炸雞好大件， 有雞胸同雞上髀， 如果閒日星期一至五168蚊已經有一個大批加三件雞，再加三個客湯或者沙律， 兩個人根本食唔曬…查看更多

两公婆去飲茶，行咗陣卓爾居，見到附近有間酒樓，行入去試下，中午12點，唔洗等位，可能呢到係舊區，所以做街坊生意，唔爆，間酒樓都幾大，坐滿3份2人，點咗蝦餃，鳳爪排骨飯，咸水角，鮮竹卷， 腐皮卷，好飽， 蝦餃舊生先彈牙， 腐皮卷有驚喜， 個皮炸得好鬆化， 排骨飯軟硬適中， 食物應該係即蒸嘅，因為入咗單都等咗十分鐘先開始有嘢食 ，雖然酒樓賣相普普通通，但原來都唔錯 唯一一樣缺點 就係酒樓要行一層樓梯，佢 冇電梯， 其他大致上都幾滿意 下次再去過…查看更多

呢度算係我嘅茶餐廳食堂 差唔多一個星期食三至四日係平常事， 味道唔錯 卡位又多，平民化收費，一個晚餐60蚊左右包埋野飲，有糖水送，有例湯去邊到搵？有露天坐嘅地方，方便食煙帶狗嘅人…查看更多

今日一早去咗數碼港道玩， 玩咗大半日 ，有啲肚餓朋友就話成日去呢間嘢度食 我就第一次， 環境好正， 半開放式 出面可以食煙望住個半個海景， 好舒服好有度假feel， 餐廳仲話歡迎寵物， 啲枱凳好寬敞唔使同人逼唔使等位 舒舒服服嘆番個luch， 叫咗個brunch， 講真 食物 ok 但價錢有啲略貴， 環境搭夠， 不過可以坐足兩個鐘 舒舒服服，真係唔錯…查看更多

呢間坤記 好多年 都好似幾出名 病病哋又冇乜胃口就走咗入去食粥 兩個人叫咗炸兩炒麵 煎堆同 魚片粥，食唔晒。。。浪費，不過病冇乜胃口就真， 講真佢唔算好食， 只屬於一般， 個煎堆就唔錯其他嗰啲真係一般般…查看更多

朋友話想食放題，都係一個好提意，得两條友食乜都叫唔得多，放題就樣樣叫一件两件，啱晒我地人丁單薄啦😂 呢間漁屋係放題之中都算多選擇， 刺身都算幾新鮮， 味道可以，睇相就知😂😂😂两條女可以食咁多🙈🙈🙈聽日開始又要減肥了，服務一般般啦，坐得都ok舒服嘅…查看更多

呢間農家菜館 都有少少特別過人之處 標榜無味精比較健康 我個人覺得佢都算係少鹽少油， 因為有陣時啲餸會有比較淡味嘅感覺😂😂 好鐘意食佢個肉骨茶同肴肉， 值得一試就係佢個燉湯 每晚都行良賣完就冇， 有一兩次晏咗啲去都已經賣曬， 食完晚飯之後佢仲會送一碗糖水 ，每晚唔同㗎…查看更多

返工前趕 時間 食唔切早餐就會去美心買個包食， 講真以前食一個包都覺得有嘢落肚 ，依家啲包好似就係空氣咁樣食完等於冇食過 一定要加罐杯咖啡， 先至感覺到食過嘢， 不過對於返工一族冇得有要求嘅時候 美心真係好方便，去到邊都一定有 每一個西鐵站都會見到佢梗有一間喺左近買三個有85折…查看更多

呢間食口福成日都好多人排隊，每次經過都見到有人，所以就入去試下，都等咗成20分鐘 ，仲要坐滿曬人搭枱介意嘅就唔好揀，要快食快走 ，吹多陣水都會畀人睥住上次食過呢間食口福嘅魷魚絲幾好味，今次再返兜 ， 雞佢有好多款，今次我揀咗手撕雞同豬扒， 野食係唔錯，不過杯奶茶麻麻地，坐得又唔舒服， 但係我又鍾意食煎炸嘢冇辦法😂😂😂 …查看更多

食飽飽之後又想吹下水，就諗起呢間home sweet 甜品店，第一次黎真係已經愛上了，因為外觀全白， 裝修簡潔， 畀人乾乾淨淨，重有種小浪漫嘅感覺 ， 鋪面比較細， 每次嚟都要等位，不過都值得等，甜品選擇幾多，不過我獨愛佢嘅D24榴槤甜點，，佢話用馬來西亞嘅D24榴槤肉，蘆薈肉， 西米， 重有自家制嘅榴槤醬做成，我加咗9蚊要埋榴槤雪糕。。。。。。 一路食一路覺得好邪惡😂😂😂呢個甜品真係冇得頂，榴槤味好濃郁，但又唔太甜， 加9蚊嘅榴槤雪糕普普通通不過不失， 但係佢本身呢個甜品真係非常出色👍👍👍…查看更多

朋友生日今次去咗東海堂買蛋糕， 左揀右揀揀咗個人氣蛋糕，店員話係用純忌廉芝士及北海道優質3.6牛乳製作，頂層鋪滿白朱古力片，睇到都想食，我個人好中意牛奶同芝士，所以啱晒我，個蛋糕入口軟幼滑，芝士味濃郁， 加埋個餅底鹹鹹哋唔會太漏，最衰係我唔記得影蛋糕相，唯有攞朋友嗰張許願照上傳😂😂…查看更多

爽爽大大話話我都食咗十幾年，由細食到大以前格日就食，到依家搬咗屋都久唔久都會專登去食， 以前係熟客一坐低佢就會免費送杯自製菊花茶， 我最鍾意將佢所有嘅醉雞汁到碗伊麵到， 最愛佢嘅豉油溝辣椒油好香好夠辣，真係無敵， 通常去食都係食佢最雞久唔久都會食下豬扒， 宜家醉雞就分兩隻冰鮮雞同新鮮雞，我兩隻都食過， 但係其實差別唔太大， 雖然搬咗入去橫行，但係每次食都依然好多人，全場都爆坐滿曬人有陣時仲要等位， 我上次足足等咗成20分鐘， 不過自從佢搬咗入去之後，有一樣嘢我就好唔滿意 唔知點解佢依家要用膠兜堂食全部都係膠嘅食具 對於環保嘅我 其實都幾反感 每日製造咗好多膠嘅垃圾。。。。。呢點好無奈😭😭😭…查看更多

我記得細細個已經開始食永年 嗰陣時早餐成日食佢嘅腸粉魚蛋， 因為住喺附近， 所以一個禮拜都會食兩至三次 ， 呢度都係算係我嘅童年回憶， 以前睇住佢有一間細舖到租埋隔離舖頭，依家再裝修埋 ，又開埋分店， 但係感覺都係以前好食啲， 冇服務 ，係呢度嘅一大特色， 大部分元朗人都知道😂😂， 以前得一間舖仔嗰陣時反而係最好味， 每次排隊都已經要諗定食乜，好緊張（因為老細同阿姐阿叔都好惡🙄🙄）每一個步驟都唔可以錯，首先要揀麵，然之後繼續向前排隊先至再叫餸， 最後攞嘢飲， 其實食物保持到水準 只因為啲童年回憶總覺得以前嘅味道係好過依家， 依家都係會久唔久食下，懷念返以前😍😍…查看更多

近千色位置嘅老馮，鋪頭裏面嘅裝修都幾特別， 不過地方比較細位都比較迫， 第一次嚟呢度食，聽朋友講得多， 食物水準都唔錯，夠新鮮，味道都可以， 全部即叫即蒸所以都要等10分鐘以上， 蝦餃係必叫 ，久唔久歎下一盅兩件唔錯㗎…查看更多