twinbee的個人專頁

佢剛開去試一次 望menu貴 而且同下面街外賣店啲野食味道一樣 叫罐可樂 。黎到自己開 。狂嘔泡 頂 你搖完先比我？？我已經好耐無見過開可樂會嘔泡…仲要無店員留意到 我要不停叫先叫到有店員幫我接走罐可樂…碗麵同外面店買既一樣味 但貴好多 料少好多 出面仲好味啲 。所以無下次啲丸切開一半扮多..寫咩一百二百字食評 。已經無野寫。唔知點解咁貴 但食丸呀果啲 無野好食 唔值唔值 唔知點解咁貴 但食丸呀果啲 無野好食 唔值唔值 唔值呀 。大圍小食附近都有檔涼皮 涼皮我覺得唔好食 但啲料同調味..即味精味粉不錯 哈 比呢間抵…查看更多

觀塘雞飯 個相片。漏咗。無得edit 唯有另加一個。不過主打外賣 大部份熟既都係叫雞飯😂推介觀塘雞飯，辣雞飯，藥膳湯飯最重點係胡椒鹽，啲雞唔係好林，少鞋，但點胡椒鹽勁好食。（相片係雞飯）識咗好幾年，雞飯加嗰啲汁同埋啲薑蔥蓉係幾好味。只能食得勁少辣嘅就唔好叫辣雞飯。食到譚仔至少三小辣 平時我食野會叫小辣至中辣既 （但我又唔算好食得辣…）其實佢辣椒加上面 或者可以叫佢加少啲。但佢無汁 一定要配辣椒 太少個飯會好悶 得雞肉同飯。而佢雞肉唔似外面手撕雞撈晒麻油芝麻 佢似白切雞果類feel既手撕雞。但無汁 乾啲既 單靠辣椒配飯。但好夠味。條脷都…唔會太感覺到其他味😂。…查看更多

觀塘雞飯 辣雞飯 我間中因為佢 由牛頭角行過去幫襯下。之前周末係觀塘活動 間中去食雞飯 朋友介紹..後來無去觀塘 間中係牛頭角都行去食。簡單手撕雞+飯+好味醬油汁+飯上淋上特製蔥油+上面加配菜：香脆卜卜聲既配菜我總忘了叫咩名…+爽爽口感似荀 果啲唔知咩配菜。**我好鐘意佢個「雞飯 」$46有雞飯 有凍羅漢果水（好好味，熱有蕎麥茶） 仲有好好味既湯 我覺得好抵喎！個湯有好大片厚厚地果啲係咪叫紫菜 好𡁻。 「辣雞飯」上1-2年新出 好鐘意 但都幾辣 似果啲椒辣 上面有好多綠色既辣椒 配飯好爽。但我會食到流鼻水。一試愛上果種辣…但唔識形容。但真係辣。有啲似台灣剝皮辣椒果種🌶️青色的。「藥膳雞脾湯飯」我都有食過，雞脾係勁林 煮到一篤就散開，好似手撕雞咁但無咁滑 有啲實既，佢個精粹係個胡椒鹽，點個鹽 超好味😂。**叫最多都係雞飯 同辣雞。有一排掛住個辣，有機會就食辣雞，今日叫咗普通雞 有蔥油有汁 多啲味。（辣雞無汁 主要靠辣椒 👅但配黎送飯好爽 不要過份自信😂慢慢少少椒配飯 同埋要叫凍飲 真心辣 愈食愈辣。無辣度分 我會放開啲辣椒 逐啖加少少 如果撈咗 我驚頂唔順 食唔到落去。）食過醉雞卷 我自己一般。佢啲海哲 雲耳 個好清咩桃膠糖水 都好味。唔記得粉皮定咩皮有少少厚 個汁好味。+$7溏心蛋 品質比較浮 阿姨掌握技巧唔穩定…流既 但有時會熟過頭…今日穿咗隻蛋..好彩個心ok。都算老主顧，廣場多咗競爭，佢堂食只有2-3個位 偷開在門口，就留個comment. 真心食評。…查看更多

（寫食評 主要因為要反映俾店家知鵝肝真係唔熟。。好像有見食評 說過唔熟 親身經歷咗。）為咗食鵝肝飯 特登由新界搭車出佐敦食～入去叫個$120鵝肝飯加凍奶茶，立即收走咗餐牌，唯有上openrice睇番仲有咩小食。。後加$18炸蠔。上菜好快 座位尚算不錯。上鵝肝飯 好靚 仲有支撈飯特製豉油，三塊煎得好靚鵝肝 有葱有脆脆有啲好似辣菜餔之類既配菜。先試鵝肝 好味，試蛋 好香，撈埋呢啲配菜更好味。炸蠔到，食到中間…都幾唔熟下…炸得 未必係鮮到可以生食卦… 睇相食到第三塊鵝肝 中間紅到….真係唔敢食…鵝助好貴 食少一忽仔其實都蝕咗….但唔敢博 實在好生… 唯有咬咬塊煎香既皮 同比較外圍 中心無食…唔想中咩菌同蟲… 其實真心驚 有啲覺得搵命博…店家請train好廚師有技巧處理不同厚度的鵝肝 內臟不熟 可以好大劑。 真心好味道，個飯有心思 配菜豉油加零一更好味，但未熟透真心驚。奶茶細細樽估唔到。鵝肝飯真心好味 可以再食 但我會額外要求煎熟啲…..…查看更多

路人甲路過 見一名四眼瘦哥哥店員將啲櫃裡面既蛋糕執緊位...係疫情下 咁樣可能掂到啲蛋糕 無任何工具 用手...更甚係無戴手套....我同一名男路人都側目望住 我唔知佢係咪同我同一想法 但我邊行邊忍唔住再望 真係賣貴蛋糕既店 都咁樣處理蛋糕？好唔衛生 就算你無掂到 個客見到都驚啦...我買過送比同事 同事話好食 我未食過 但請檢討一下員工服務及training. Ensure the hygiene n safety of the food …查看更多

一個人突然好想食韓式炸雞.....平時食炸雞都好多朋友一齊去 家下又限聚二人 而且晚餐又無埋 突然心血來潮想食，搵間好味又份量少啲既。大部份韓式炸雞都好大份而且成二百一碟...以前同朋友食過呢間 覺得幾好味😋 用openrice仲有得book位 仲有飛行里數 即刻book 四點半（十二點一點左右book) 有得訂座就可以慢慢出去 而且我唔係九龍區～ 突登出去為咗食炸雞架😝上次食過個辣炸雞 記得辣得好味～但係真係幾辣 上次可能小辣已經好勁。平日我都算食得啲辣 麻辣火鍋都會食～但記得上次好辣。今次保守啲叫bb 辣～ 辣度還好 佢啲辣係有㕷山後勁既 好彩毛有香芋沙冰😝不過我望啲客 除咗一枱有水樽水杯 其他都無提供 心唸我叫飲品一回事 但水應該要serve埋囉... 沙冰啲冰好大舊 其實有啲難飲到 味道實好味既 一堆化學加糖水咋麻。炸雞好味 我鐘意佢店舖好企理 有個放雞骨既桶 有鉗 總之我enjoy eating here 🥰🥰佢好多款炸雞 希望可以同朋友再去食啦…查看更多

服務員姐姐唔夠醒目～相信佢本身真係唔係一般人士～予以體諒...餐具拎黎要我用雙手去接...可惜我正忙於打機...但要立即去接餐具～因為佢看來不會想到放餐巾加放下餐具。念在💛有愛～體諒。在於一間餐廳，跟一個店長推介菜式-咖哩吉列豬柳...店長推介請先試食一下品質。豬柳完全overcooked 乾得很 用門牙咬不到 全程我要用大牙才勉強咬得開... 豬扒吉列皮好靚好脆 但豬扒無乜味 無醃？咖哩 日本咖哩正常味道 賣相其實都靚 但十分可惜 豬扒實在係餐廳吃過吉豬既最唔ok質素... 香蕉薄荷朱古力賣相靚 好味道 呢個讚。地方尚算舒適，亦有💛愛。。我還是會再給他機會 但我不敢再點豬扒類了...若非想到有愛的話 我未必會給OK。但可能其他菜式ok just 豬扒掌握得未ok…查看更多

在這疫情時間，所有食肆生意都很差，打算支持一下小店，所以去了這家小店一試。一入去肥阿姨/阿姐（其實年紀唔大）就問「食咩？」大佬我一拎起菜牌就問，你呢度又唔係賣燒味咁簡單易揀。點了個炭燒豬頸肉撈檬 熱華田，「無華田 奶茶咖啡檸茶檸水」有無咁窄呀你啲種類。很快到 賣相不錯 吃下去味道也不錯 豬頸肉真的有焦香味 有少少燶（炭燒應都這樣吧）我不會扮是否炭燒 但確實燒得不錯吃。後面來一枱好像母子 點菜比較猶豫 邊點邊討論 點了檬後再點了幾様東西 最後講 那個檬走葱... 「下次有要求就一次過講」哇..咩服務態度呀？ 人地唔係講完個柯打，再叫你番黎加要求喎... 我做路人都覺得唔合理啦⋯⋯但母子無出聲。旁邊來一個阿婆 點菜依依呀呀 點很慢，心唸阿婆會否被罵...又好彩肥姐有啲良心... 後來阿婆話 「杯可樂唔好幫我開 我拎走返屋企」...肥姐同廚人房講 又竟然佢好似對呢位老人家寬容少少喎。後來聽母子問可否拎杯熱水 因為個濛既湯好咸。阿婆都搭咀話 係呀 好咸呀 我都要杯水 （好彩我食撈檬...）整體而言，這撈檬的配料不是特別好吃，我印象中好似無花生或無乜花生，而我愛撈檬其一原因是配花生好好吃。炭燒肉 係好味既。飲品無選擇。服務態度係不太好。未必會再去。𣎴過無乜人（呢個時勢梗係） 可以坐好耐囉。。。完。…查看更多

價錢$40四件小籠包 $40三個生煎包 $8一杯茶或水 $60-70一碗麵。這價錢的收費 難道仍不值得有良好的客戶服務嗎 一人客就被「安排」坐bar枱 其他位很滿嗎 不見得。一安排這樣坐已想走了 一人客才賺錢 因一人消費不會低而且很快會走... 本來還安排坐廚房門口 我真不覺得付這樣的錢 我要獲這樣對待 那我去吃麥記好啦～ 坐下連讓你放包包的層格 或籃子都沒有。so good 我們香港的服務態度～ 連一些火鍋或日式小吃店都有籃子給客人放包包 機場客除了寄放的行李 一定還有隨身包包 連這個也沒設想 你怎麼在機場開店？ 用餐當中 心想這種機場的店 我是旅客就留了對香港壞印象了... 在機場跟在尖咀街上不同 更代表著香港... 又貴（飲品香港本來就幾貴 這家一杯就廿幾至三十 可樂$22 豆漿$20... 小籠包 皮厚 汁跟肉是好吃的 ..想起台灣 X泰X 的服務態度確實是超好（雖然他們香港店也比台灣弱很多）但他們小籠包好像較好... 機場這家翡翠幫襯過好多次...愈來愈令人失望...機場在換一些餐廳 這家如沒改善 也沒留下的必要吧... 埋單攪超久的... 最後害我連車都趕不上...…查看更多

$48 六隻 只可選一款味 點了三重芝士雞翼～即叫即炸 但不確定是否翻炸～ 領餐時問你要膠叉還是膠手套 其實有點不環保... 木筷子或竹籤我覺得可行 不過有些客人可能覺得不好用也不定...他的盒子有請大家疊起來 好像可回收 其實只盛雞翼 站著吃 用一些重用的更環保 因為雞翼也有用牛油紙盛著。外表雞翼炸得蠻嚴重...即有點黑 都幾燶...芝士醬超濃 味濃texture also thick 味道不錯～ 看他餐牌有幾款都幾特別 玫瑰 檸茶 咸檸 之類，下次會再試下。每碟都有一小牌子（竹籤加貼紙）宣傳有用 但個人覺得好浪費 而且也在你付的$裡面～吃幾隻雞翼太快了...這樣更顯得這些沒必要的包裝浪費～看到廚房有位男士在抺鼻涕..可能是老闆 因為炸雞翼不是他（幸好...）不過還是廚房內 已經沒戴口罩 衛生注意一點... …查看更多

十點幾來吃 其實是宵夜...所以只想喝個湯 聽朋友在荔枝角試過不錯 之前見到這店在這附近 這晚就試試～ 想叫花膠螺片燉雞湯 但原來好多款湯賣完了 想喝雞湯 但只剩無花果雞湯 我想吃湯料哦...所以改為叫 蜜瓜螺片燉瘦肉湯。原盅上 好熱～有匙羹 筷子 原來裡面瘦肉都幾多 有一片螺片 但...蜜瓜...不像蜜瓜 好像是其他...冬瓜？又不像 不過都會巴所有料吃完 好味道！而且確實無味精 像住家湯 亦確實原盅燉 個盅睇得出～ 會再去試其他湯 好多人吃蒸飯～ 好像也不錯... but 我明明之前路過 見到餐牌很多「售完」的牌...但這次無貼...貼一個 但五六個湯都沒了 進去買時才知... 及這裡自助 付錢 自助取餐盤及食物 再自行放餐盤架上..希望省了的錢是在價錢反映了 而不是硬省人手～ 這裡價錢還可接受～…查看更多

黃雨紅雨前之前 趕時間又落雨 見北越印象中係連鎖店？入去叫了香茅牛肉撈檬 一向很愛吃撈檬...但這是我吃過最難吃最不值的撈檬... 牛肉跟香茅無關係 哪有香茅？燒牛肉也不算 較像肥牛？！最奇怪是那魚露....咩味黎？我沒吃過這樣...淡又怪怪的 不是變壞 但不像魚露... 不是我認知那家連鎖店嗎 為何質素會這樣～ 我記得配菜也跟一般撈檬不同 一看就覺得 ...怪怪 而且沒甚麼料 ...又沒花生碎...希望他會進步...阿姨們又要將啲客堆埋單人同一張枱...…查看更多

無影到相 但我們只喝過幾口茶就走了 請店家注意衛生問題 地點跟小巷確實易有不衛生情況 話說我們坐上層 點餐付了現金 回上層等 先送兩杯茶 自助式 付現金 都fine la... 送上方型鐵盤 crab cake with garlic bread （相信是美心排包來...）怎麼看到有些黑影在盤邊.. 以為蟻啦..叫朋友停手 揭一下盤上牛油紙 哇 下面一堆昆蟲 可能是微小強 圓形一隻隻 有十幾廿隻 侍應拎個盤都留意唔到？ 一熱佢地亂走...嚇死人...間店太有情調 黑黑而看不到吧... anyway我們已嚇到 即要求退款走人...我信昆蟲在任何店無何避免 但店家要小心囉... 太嚇人而無拍照 一看到就把盤子搬去另一枱了...…查看更多

點了甚麼貴的一人餐 有刺身幾片 煎銀鱈魚 牛扒 前菜小沙律 白飯 天婦羅.. 刺身正常但不特別讚 魚還可以 牛扒慘淡過茶餐廳那些 又乾又un .... 甚麼和牛還是日式甚麼牛蛋包飯。 牛腩跟我下午茶餐廳食差不多 汁太濃太咸 整體就是...不好吃 食剩1/3 ...壽司拼盤試了個$200 一般般...不見特別鮮... 整體就是 我不會再來 因為價錢過貴又不見有質素 下面居酒屋上星期食貴六七十 同樣跟父母食 佢地都讚好多 下次翻食果間好過 果條$170蚊銀鱈魚 我牙痛的老爸到今天還在讚...怪不得果間咁多年...btw 廣咁既價錢 啲枱係好輕身郁黎郁去 一踢就郁果啲 令人感䑁好渣....…查看更多

荃灣大食代食過一次海南雞 雞十分鞋 黑豉油無味 雞斬到亂七八糟...因為很想吃海南雞 到尖沙咀這次試多次機會... 臨近收工 只剩一碟雙併雞 海南加豉油雞 數量加起來我應是被昆 零零碎碎湊合的樣子...根本剩多少就給我多少... 前面一遊客不懂拿甚麼醬汁 指指劃劃 店員不加理會... 雞的質素呢.. 原來這家店不管那家分店 海南雞都是鞋到爆 我吃過最難吃的海南雞...我不會再幫襯 連鎖冰室的沁母南雞都比這家所謂專做海南雞的好...這家店還要出現在旅客區敗壞香港名聲嗎...有夠難吃的海南雞...…查看更多