fatfat4ever的個人專頁

🥇自己燒壽喜燒😋.今次黎到呢間自己燒壽喜燒既尖沙咀分店，試試佢哋個尖沙咀店限定既牛板腱壽喜燒大盛套餐🤤睇都見到牛板腱既油花分布均勻，淨係用黎打卡都夠照🤣🤣當然佢睇得又食得😝食落嫩滑得黎肉味濃郁💕 點埋啲蛋黎食係滑上加滑🤩呢度仲要係用蘭王蛋！正喇！.另外叫左個赤身並盛份量係細啲，平啲就啲肉就少啲油花，但肉味都唔差☺️關於點燒啲肉，枱上面有晒教學❤️店員都有教熱得濟要倒多啲汁，唔好燒燶啲牛😝個人喜好而言呢😆我同🐡🐡就鐘意有啲燶有啲焦糖feel ，所以後期個幾塊就落少少汁就好😋.食完晒啲肉，我地就先慢煮蔬菜，先再加烏冬🥰咁就有菜送烏冬食😁最後甜品仲有蕨餅，食落都幾好👍🏻提提大家記住book 位😂是關我地閒日夜晚去都多人😝…查看更多

🎖️朝早黎一個醒神開心果早餐😝😝.之前經過地鐵站已經係度買過一個酸種方包都唔錯，今日見到門口放晒花牌應該就係正式開幕😝入去睇下又真係多款過之前🤩有開心果既產品，作為宜家香港最常見口味，老人家都試一試先😝.$24 一個開心果提子酥😂我覺得似包😆滿滿既開心果加埋都唔算太少既提子食落去冇好甜，係啖啖滿足😋朝早食真係肥死😂😂單睇一個包真係覺得作為一個番工吊命早餐係好貴，不過加埋$8 一杯熱咖啡佢仲有flat white 簡，都算係咁😝總共$32 蚊，質素我就覺得拍得上好多cafe 坐低收埋你加一盛惠$80大元既level 🤣 番到公司chill 住苦中作樂一下都幾開心既😆.#fatfat4ever #fatfat4ever_新蒲崗 #木子烘焙 #新蒲崗美食 #鑽石山美食 .…查看更多

🥈第一次食希臘菜😝.西餐就食得多，但希臘菜就真係第一次食😝店入面放左好多酒樽作裝飾🍾藍白色為主調既裝修🍸好有希臘小島嘅風情💕我哋咁岩坐到近窗邊嘅位，可以望到出邊嘅狗仔散步🥰好寫意🌱.未食過希臘菜😂😂其實都唔知叫咩好🙈都係參考吓隔離枱，見人哋叫左一大條八爪魚鬚🐙我地又試試佢😝烤八爪魚鬚點埋隔離嘅鷹嘴豆嘴泥非常之夾，🐡🐡直頭想單點個鷹嘴豆嘴泥🤣叫咗個煎芝士，口感煙靭、香濃芝士味得黎又唔會過咸😋如果可以再拉絲多啲就好❤️芝士菠菜酥餅，又係另一個超濃芝士味之選🧀加埋脆脆嘅酥皮🥰大滿足！叫咗羊扒配薯條配tzatziki醬汁！岩晒平時喜歡點沙律醬既老人家我🤤…查看更多

🎖️會再黎食手工意粉🍝如果唔係個朋友搬左去跑馬地😂😂老人家我真係好少會黎到跑馬地食野😂😂朋友話食過呢間手工意粉唔錯，咁就跟佢黎會一會佢😝.前菜我地叫左 Zucchini Croquettes with Garlic Mayonnaise 炸得岩岩好脆皮香脆得黎又唔會𠝹到口，加左脆肉瓜令到到個餡都保持到濕潤，唔會好乾，配埋蒜蓉蛋黃醬呢個🤩我既致愛，比我用最後一舊清晒個醬🙊.主菜叫左兩款蛋黃手工寬麵：Pappardelle 同Tagliatelle 既口感好好，掛汁得黎又唔會太難咬，好岩我食☺️醬汁方面Pappardelle Bolognese 個蕃茄牛肉醬煮得好香濃，就好似食緊千層麵咁🤤Tagliatelle Amateiciana 同樣都係蕃茄醬，相比之下會較為酸啲開胃啲，正正因為係咁啲蕃茄仔就顯得特別甜💕下次會食埋店員推介好似烏冬既scialatielli，相信個口感會更加豐富😍甜品叫左 $108 Basque burnt cheesecake ，原個上比起出面好多甜品算係幾抵食👏🏻👏🏻入口香滑唔會漿住個口，食唔停口😝最後想提下大家😎如果平時慳住唔想開支 sparkling water，呢度係$10 一位任飲，非常抵叫😁…查看更多

🥈天口㷫最岩食涼皮🤤.熱死辣辣🔥真係唔駛出街坐係度都熱到出晒汗😂😂出一出街直頭成件衫都濕晒🥵所以要食啲辣野刺激一下胃口😝一黎到真係頂唔順要飲野先，氮氣西柚柚子茶飲落順喉又唔會過甜，清新版既水果茶咁🥰苿莉花茶就茶味更濃☺️.講番個涼皮先，叫左小辣，以老人家我黎計佢呢個辣邨係岩岩好😁啲面滑嘟嘟，一咬就爛岩晒我，不停食呀食呀🥰小雲吞一次叫左20隻，加左$2 叫呢個老壇酸菜雞湯，好似平時酸菜魚咁酸酸地幾開胃☺️下次要試重慶辣湯底先🤣仲有超鍾意佢哋個即炸糍粑🤤外面既炸粉唔會硬唔會刮到個口😝入面軟糯，個黑糖醬岩岩好夠點❤️另外，叫左熱拌麵就正正常常😆…查看更多

🥇已再去既潮州嘢打冷😋.其實早排端午節食飯同屋企人就已經嚟過一次，但6月真係太忙喇😂😂結果拖下拖下到今次🐡🐡好想食滷水鵝，我地又再黎食🤣我先第一次介紹番比大家🙈而家食潮州滷水鵝都係嗌返滷水鵝片岩我食😆冇骨啖啖肉，除咗食鵝片之外☺️呢度仲有潮州牛腩牛雜牛筋，我哋就叫咗一大碟牛筋🤤夠晒淋同滿滿既膠原咁啱晒🐡🐡同我老人家食👍🏻記住點埋潮洲辣椒油就梗加惹味🌶️.仲叫左個炸韭菜餃，岩岩炸起熱辣辣脆卜卜非常好食，但提提大家記住唔好食得太慢🙊老人家我食得太慢🤪啲炸嘢會油🥹人老左覺得天氣熱辣辣🥵點都飲番啖湯解下暑，紫菜豆腐蠔仔湯：唔使食蠔仔粥咁食咁多澱粉質，都有咁多蠔仔🦪食再加埋我最鍾意食嘅紫菜，仲有豆腐補充蛋白質真係唔錯😋走個陣見到佢有蟹同大眼雞，下次同屋企人再黎食先🥰…查看更多

🥈抵食撐枱腳之選😝.雖然同🐡🐡都識左好多年😂但我都深知千祈唔好因為咁就懶，女仔都係要啲儀式感🥰日日番工咁辛苦，終於黎到長假期，放工接埋🐡🐡黎呢度食下西餐❤️.$368 二人餐有兩個湯、兩個前菜、兩個主菜同兩杯野飲，雖然加一另計，但講緊宜家去café 閒閒地食一個意粉都要$100中到尾，一樣要加一🙈呢度就已經包左咁多野，係抵食既😝南瓜湯正正常常，前菜兩款，其中既白鯷魚茄子蓉多士就真係幾特別，茄子蓉食落幾清新❤️ 鯷魚其實係有啲似滑版既沙甸魚☺️仲要老人家我呢個魚骨磁石都冇食到有骨😍真係估佢唔到！個巴馬火腿係同個價錢成正比😆.主菜加左$50 就要左個蒜香白酒蜆肉手工意粉，最值得一讚既就係個意粉，唔會太硬但又保持到煙煙韌韌既口感😋平時手工意粉都好易食到老人家我胃痛🥹但呢間唔會😍😍加左$90 既封門柳就正正常常😝.另外，加左錢叫左兩個甜品💕百香果醬奶凍，好香濃奶味🥰配埋百香果醬酸酸甜甜咁❤️ TIRAMISU 好實在又夠香濃🤤推介大家去到都加錢叫，加$38 一個呢個質素都算抵食！.…查看更多

🥇滿滿湯汁小籠包🤤.好耐冇食小籠包，對上一次係半年前勁奇異咁係馬來西亞機場食左個小籠包😂😂今次黎到見到有小籠包，梗係要食吓啦❤️一籠4隻熱辣辣，皮薄得黎但唔易穿👍🏻經過🐡🐡驗證, 不停夾起影相又整跌，再夾又整跌🤣🤣都竟然冇穿 😝 入面係滿滿既湯，鮮甜得黎又唔會係死咸😋 如果唔係叫左條大大條松子魚, 怕做左大嘥鬼, 應該係一人叫一籠先夠食🤤.十次有九次見到menus 有松子魚，老人家我都會一定會叫😍今次又係兩個人食一條大大條松子桂花魚，真係飽到傻左既節奏😝一人食半條魚，醬汁酸甜味岩岩好🥰唔會太酸，同埋有好多配料，令個醬汁有更有層次。當然呢條魚我建議應該4個人叫先係岩岩好，兩個人食就真係多左D 🤣🤣 好彩我地仲叫左個口水豬手，個口水汁非常惹味，食到最後用黎點個松子魚就變埋做川味添😁 仲有好多野想食，但真係胃容量有限，下次同埋屋企人一齊先得❤️…查看更多

🥈水準依然大餃子😋.成日經過呢度都排晒長龍，未有機會再黎食！🐡🐡成日都話想食呢度既大餃子🥟難得今日放早就黎排下隊🤣🤣.想叫薺菜豬肉餃就已經賣晒🥹下次要星期六再早啲黎排隊先得🤪呢度既餃子不論煎定湯都係好飽滿😍仲係好大隻！湯餃：叫左一個好似冬菇肉餅咁香冬菇味既冬菇鮮肉餃同埋季節限定既西洋菜餃🤩鐘意西洋菜獨特香味既朋友仔都一定要食😍😍我下次黎都會再叫！.煎餃就試左佢哋金莎煎餃，啲金莎偏乾身唔算好油，冇比金莎覆蓋既地方就脆，麻辣餃就同佢幾夾😋但係個韮菜個味就好似比個金莎中和左咁，都係湯既韮菜餃會突顯到個韮菜味😝另外，仲叫左個煎豆腐補充多啲蛋白質，都算幾滑😁.#fatfat4ever_太子 #fatfat4ever…查看更多

🥉正正常常狗仔粉😝.近排連去完兩個旅行🤣真係要開啓慳錢Mode 😝 如果唔係邊有錢黎緊再去🙈中午係公司附近行下行下見到呢間新開既川味東東，見到個餐牌連個酸辣粉都要$38😂簡左個最平$32 狗仔粉，但係外賣要加$2 🤪即刻令我決定坐低堂食！.然後堂食竟然送一杯羅漢果茶，賺左😆杯羅漢果茶又清清地唔太甜幾好👍🏻個狗仔粉既碗都算幾大既，但料黎講我只係食到好多好咸既瘦肉😂😂最後身為澱粉質狂人既老人家我係食晒啲粉而留低啲肉😆堂食環境，宜家新開黎講都算幾乾淨，下次可以試試佢既$36餃子睇下掂唔掂先☺️.#fatfat4ever_新蒲崗 #fatfat4ever…查看更多

🥈軟淋牛筋沾麵❤️.平時經過咁多次，今次等埋🐡🐡星期六黎到終於試到呢間日本人開既拉麵店😍未開門之前已經排左5、6組人係前面，好彩入到去姐🤣🤣叫左一個牛筋沾麵同和牛牛骨湯拉麵😁.牛筋沾麵既湯唔會過咸但又夠味，覺太濃味既朋友仔仲可以自己加熱湯調整番個濃度☺️如果想飲番湯既精粹，就唔建議搵湯溝稀佢🤣🤣入面既牛筋非常軟淋，岩晒老人家我🤤可以再多幾舊就更好喇😆和牛牛骨湯拉麵，幾塊和牛夠淋夠滑，個湯飲落好清甜😍有啲似越南河既牛湯😋鐘意既話可以加埋辣椒同柑橘（我估係），咁就真係變左一碗越南河牛湯😝不過唔好落太多辣椒🌶️搞到個湯太辣會飲唔晒🥹.叫左兩件炸雞粉漿唔太厚又夠脆，味道就正正常常，宜家仲有個優惠係follow佢地IG 就有得送2粒章魚小丸子唔🤩我哋叫左兩碗麵，兩個人都follow 就總共送4粒🥳…查看更多

🥉打卡專用下午茶🤣🤣.見到好多人影呢個城市中的森林🌳想黎好耐🤣但試過兩三次都係比人包左場，今次終於食到😝入到黎發現間餐廳都唔係好大，窗邊位只有三張枱，提提大家book 個陣記住request 番😂😂如果唔係坐左中間係咩卡都打唔到🙈而且個個所謂既城市中的森林都係出現係相入面，現場睇就完全唔係個個感覺🤪.講番野食就真係一般般咁，純粹打卡靚😝茶就可以有好幾款茶包比大家簡，有塊樹葉仔咁幾得意🍃咁岩佢宜家仲同Anglo Chinese Florist做緊crossover ，$468/2位，再有加一，每人仲有籃假花仔拎走，係呢個地段黎講算係幾抵，只要你唔好太在意啲野食好唔好食😂😂只係想同班姊妹打下卡影下相，係可以的😆. #fatfat4ever_金鐘 #ammohk #fatfat4ever…查看更多

🎖️暖心法國菜小店.食法國嘢唔一定要去大餐廳，有時小店都會比到意外驚喜你💕今次黎呢間位於中上環樓梯小巷既一間小店，🐡🐡食完即刻話要約朋友再黎❤️.頭盤小食叫左蟹肉波波😋呢個波波平時係印度菜係加印度香料水去食嘅，今次就裝滿淡淡香料味既蟹肉，非常滿足☺️.講返我最鍾意食嘅主菜🤩慢煮湛江雞一次試晒兩個部位：有雞胸同雞髀肉包住雞慕絲，再配蠔豉汁😍好少係西餐食到蠔豉，濃厚蠔豉醬昇華左個雞味🤤雞胸非常滑，唔講以為都係雞髀，老人家我特別鐘意軟淋淋既雞慕絲❤️配菜係好多唔同既菇、唯一唔太喜歡就係個粉紅酸菇🙈另一個主菜係鵝肉，又係分咗兩個部位：一個就係鵝胸非常之淋同軟滑，一個就係鵝髀肉炸波波，我地自覺好快口食架別，但個外皮就應該比啲鵝油整淋左😂😂.本身諗住食完去食附近既仙草冰🤣🤣不過個店員充滿熱誠咁介紹佢哋既甜品，我地都忍唔住叫埋個菊花雪糕配茶芝士蛋糕☺️第一啖就愛上左呢個好香菊花味既雪糕😍配埋佢既脆脆食唔會過甜，仲帶出左菊花既香，相比之下個芝士蛋糕就平淡左啲😂但為左個雪糕下次黎都一定會再叫😝.#fatfat4ever_中環 #fatfat4ever_上環 #fatfat4ever…查看更多

🎖️濃味手工泡芙❤️❤️.未食之前有朋友話麻麻哋，唔係太值😂😂我係曾經有降低過個期望值🤣但今次經過竟然見到有黑芝麻湯圓同特濃意大利開心果麻糬味，即刻心動買比🐡🐡試！.唔知幾時開始，啲口味都真係變左，可能真係年紀大左😂😂以前覺得呢啲黑芝麻甜品只係岩屋企既老人家食🙈宜家次次見到黑芝麻都覺得好養生，好想食😆而今次簡呢個黑芝麻湯圓冇失望🤤唔會太甜又夠香濃芝麻味💕 開心果真係配得上特濃呢兩個字，佢都算係食過既開心果甜品既頭三位濃味，非常香開心果味🥰雖然呢個份量黎講個價錢都真係有貴🤣但我都係會再試埋個蛋糕Jar 🤩.…查看更多

🥈鬧市小菜點心店😋.話說🐡🐡滿心期待黎依度食點心😂入到去先發現原來夜晚冇得食點心，仲要想食既甜品榴槤雪媚娘都已經賣晒🥹老人家我真係笑左🤣🤣.結果叫左一個🐡🐡好鐘意食既白飯魚煎蛋補返，入面都有唔少既白飯魚，食到佢都好滿意😝叫咗一個叫做大肚婆炒飯嘅炒飯，雖然唔知點解佢叫大肚婆炒飯🤣🤣但入邊有叉燒、蝦仁、菜粒同薑粒，都算足料而且啲飯粒粒分明得黎又唔會過硬🥰岩晒老人家我😋仲叫左個川味口水雞，呢度主要以醬做調味，同平時浸滿晒油既口水雞唔一樣，唔知邊款先係正宗呢😂.已經決定左下次要中午黎食點心同十個榴槤雪媚娘呀🤣🤣.#fatfat4ever_旺角 #fatfat4ever …查看更多