cathy-chan1023的個人專頁

唔少人同我一樣都自認日本先係自己鄉下... 疫情期間冇得外出旅遊 思鄉病發點算好？😢今次就要介紹 十和田 俾大家，黎搵返日本既味道！今次嗌左👇🏼🔸 平成卷(左) 同 火灸三味壽司(右) 食材新鮮，仲要好足料😚平成卷係幾好味既, d吞拿魚蓉多到爆，仲要有魚籽同海膽係上面💗火灸三味壽司都ok既，但對比之下，梗係平成卷抵食d啦🔸三色丼三色丼可以話係十和田既signature 之作，基本上望落全店大部份人枱面都有一set! 唔好睇佢個碗好似好細咁，其實入面既份量一d都唔少，仲要又係好足料(料多過飯) ！一set包括有吞拿魚蓉，海膽 同 蟹肉蟹膏。個人黎講覺得蟹肉蟹膏最好味!!🔸燒明太子雞翼有少少辣，但個人黎講覺得普通，下次應該唔會再嗌。Overall 食物黎講都叫不過不失，主要係食料新鮮。另外環境方面，坐既位置都有d迫... 同埋最好一早book定位！…查看更多

今日同同事出去食lunch，因為疫情既關係，大家都經常帶飯返工，係間唔中先出去食一餐奢侈下~前菜有沙律菜同味噌湯今日午餐有:香蔥鮪魚蓉海膽丼 $138燒牛舌丼 $118鮪魚蓉超多，好足料，仲要海膽好新鮮，$138 係值得既 ❤️牛舌得六片，仲要唔係好大片，但食落味道超好的~ 只係普通鹽燒都好好味，又唔韌❤️環境同裝修都幾唔錯呀~ 樓層夠高，唔會好焗促，lunch time 都唔係好多人，但係坐既位有少少迫…查看更多

呢間既泡菜豬肉芝士手卷真係超推介呀~ 完全係一個人可以k.o.一碟，手卷入面既餡料有豬肉、芝士、醃蘿白，配上泡菜飯真係好惹味❤️另外，餐廳會為客人送上小魚乾，夾埋手卷一齊食再惹味d😋辣魷魚圈白冷麵真係麻麻地，睇落好辣，但食落唔辣，冇咩味。純粹係真係好大碗... …查看更多

因為疫情關係，真係少左好多行街拍拖既機會。今日好彩大家都放假，男朋友帶左我去食一間係銅鑼灣超有驚喜既蕃茄麵!!我地分別嗌左❤️秘製金黃鰹魚蕃茄清湯配稻庭麵 ($98)💙特級安格斯牛肩胛配刀削麵 ($70)❤️秘製金黃鰹魚蕃茄清湯配稻庭麵最值得讚既就係冷麵汁，酸酸甜甜，個味道好特別，食得出有鰹魚既鮮味。而冷麵汁質感好似啫喱咁，所以冷麵可以完全掛起冷麵汁。其他配料有 (胡麻、柚子胡椒、紫蘇、梅子金茄、炸乾蔥) 可以隨意放落去冷麵汁入面，個人覺得加埋配料真係再好味d😋可惜冷麵既份量有d少，食完都唔係好夠~💙特級安格斯牛肩胛配刀削麵刀削麵好彈牙，牛肩胛好軟~本身呢兩樣食物就好配合，加埋超濃既蕃茄湯底，整體味道好perfect~等候時間:我係午市既時間排隊，大約等左一個半鐘先排隊入到餐廳，好食既餐廳係要俾少少耐性啦~…查看更多

近排天氣咁熱，出街真係會想買杯冰凍既飲品飲下。提提大家，因疫情關係 最好搵個少人d既地方先好除口罩飲野啦~今次嗌左芝士奶蓋綠茶 ($22)芝士奶蓋好濃厚，鹹味偏重，個人黎講都幾鍾意鹹味重既芝士奶蓋。綠茶亦都唔會因為加太多糖水而過甜，整體味道融合。茶匠既飲品大杯得黎，價錢又唔貴，有機會既話會想試埋其他飲品。平日等候時間大約5−10分鐘，但係星期六、日就要等15-20分鐘。…查看更多

呢間 轉角·見 已經食過幾次~就係因為食過幾次，佢都保持到水準，所以想介紹俾大家🤗今次分別嗌左:❤️ 型男漢堡 $64🧡 經典牛堡 $58💛 特濃花生奶昔 $38💚 抹茶奶昔 $38❤️型男漢堡呢個漢堡最特別就係佢有紅菜頭同流心蛋~出面唔係好多餐廳有呢種配搭，佢既配料加埋個source 真係好好味。$64黎講 個漢堡絕對係好足料 加上牛肉大大舊又好juice，絕對係呢間餐廳既招牌burger~ 另外值得一提就係薯條，係好脆、好有薯仔味~之前有試過burger伴沙律，但係我覺得薯條好味d~🧡經典牛堡呢個入面係classic burger配料~都okay既 但係就冇型男漢堡咁特別。呢個burger令我驚喜既係入面既pickles~食親pickles 都好怕食d好酸既，但經典牛堡入面既pickles 酸味啱啱好，夾埋牛肉食都好好味架！💛特濃花生奶昔個奶昔係好有驚喜，個口感好rich，仲要有飲落有粒粒花生粒😋 但係飲完之後都幾飽肚😂💚抹茶奶昔相對起黎就冇特濃花生奶昔既口感咁rich, 佢係有淡淡既抹茶香，都一樣好好味😋🔹環境:位置寧靜，放假去食下野都幾relax，有室外同室內既坐位選擇。…查看更多

前兩日經過SOGO，走左去試超人氣既RAPL🍎之前係日本食過，真心勁好味，熱辣辣酥皮好鬆化，mix埋吉士醬同蘋果粒真係好match ❤️但係香港呢間RAPL就有點名過於實..首先，我買完即刻食.. 但佢係凍既 同埋 入面既餡又唔多.. 得好少蘋果，$42一個，呢個價錢真係唔係好值。…查看更多

一個人食飯食咩好？去 冰室 或者 茶餐廳 絕對係一個唔錯既選擇😋最緊要就係快 ! 靚！正！新記冰室既 芝士汁豬頸肉煎蛋撈公仔麵 真係好出名，之前已經聽朋友介紹過~芝士汁撈公仔麵食落唔會好滯，豬頸肉又好鬆軟，加埋煎蛋，真係好perfect ~🔹門面🔹用餐經歷如果1-2個人食既話，有機會要同其他人搭枱。上餐速度極快！一個人食飯既話，唔洗等餐既時候望住對面食客尷尷尬尬咁😂…查看更多

已經第二次食The Pantry，兩次都keep到水準，當中最欣賞就係佢既甜食，好味到爆，絕對係令人encore既理由！今次分別嗌左3樣食物:1. Pull Pork Lasagna Roll ($125)2. Prawn & Fish Sesame Toast ($70)3. Peanut Butter Banana Waffle ($95)❤️Pull Pork Lasagna Roll呢個手撕豬肉千層麵已經係第二次食😋佢有別於一般既肉醬千層麵，一般既千層麵都係一層麵，一層肉醬。但係呢個千層麵就用捲既做法，包成一條，一碟有三條，所以食落個感覺幾特別，加上豬肉因為係慢煮，食落好淋，好有質感，配合埋酸椰菜、番茄醬 同 芝士😋成件事真係好夾！仲有個重點係: 同朋友share既時候都好容易分，細心拮下就feel到每條捲既分隔，咁就唔洗切完之後掉到成枱都係醬啦😂🧡Prawn & Fish Sesame Toast佢既menu介紹呢個係 煎鮮蝦魚肉芝麻多士配辣椒青檸醬，食落多士係幾脆，但係蝦魚肉食唔出鮮味又唔算彈牙，同埋分量好少😅唯獨要讚既就係個醬 幾好味🤣但係我食唔到有辣椒青檸味，我食既係酸瓜碎加蛋黃醬既味，唔通佢俾錯醬我😂whatever 個醬係okay既💚Peanut Butter Banana Waffle家燕姐上身: 好好味呀~~花生醬、香蕉 同 朱古力 從來都係最佳既配搭！個窩夫好脆，加上花生醬、朱古力brownies 、杏仁碎、焦糖香蕉 同 雲呢拿雪糕，為呢一餐劃上完美句號。🔹環境室內裝修都幾靚既，以白色作主調，分左室外同室內兩個area，室外係餐廳出面既商場位置，而室內就當然係餐廳入面啦，不過都幾嘈下，同埋座位好近。🔹用餐經歷有80分鐘用餐時間，不過上菜比較慢，我食過2次order完都等左20分鐘或以上先到菜，但當然我既經歷只為大家作參考。…查看更多

平時食開既仙草芋圓都好甜，但係呢間就一啲都唔甜，仲好足料添呀☺️佢係黃店，鋪面貼左好多彩色memo紙，係旺中入面都幾易搵嫁🤗👉今次嗌左仙草有喜 ($31)入面有仙草，芋圓，小丸子 同 珍珠仙草❤️夠滑身，又唔係好甜，啱哂想食少甜既朋友芋圓🧡有咬口，又夠煙韌，一個字講哂 正小丸子💛一入口好軟糯，淋支支珍珠💚普通的珍珠，正正常常Overall黎講，👉初心👈既性價比好高！足料，好味，價錢合理！經過旺中不妨一試🙂…查看更多