Lovefood_yum的個人專頁

有一日同幾個食肉獸朋友經過旺角搵咗呢間牛太郎食lunch😆 一坐低睇Menu當然就係嗌肉啦！店舖好細心每一款肉都分唔同gram數選擇。因為在場有食肉獸係到，所以我地嗌左最大gram數既肉肉係用鐵板上嘅，因為佢仲係好熱好滾，驚啲油彈到周圍都係，待應用紙巾cum住，有種好高級嘅感覺肉質唔錯，呢個價錢食到咁大塊肉性價比真係好高！另外值得一讚嘅係，佢有自助區，有白飯、味噌湯、沙律同埋嘢飲任斟，非常抵食！食完一個字講哂: 飽！滿足😆😆😆…查看更多

滋味滷味拼盤 有滷蛋、滷肉、鮮尤、紅腸、豬耳，基本上呢個前菜拼盤係好多款滷味，不過略嫌有啲貴，味道不過不失，如果少人叫餸食飯可以留返個肚食下面既美食👇🏻👇🏻👇🏻👇🏻韭菜豬紅豬紅除咗之前係長洲食過覺得好味之外，好少地方可以做到咁新鮮！呢間嘅豬紅好彈牙，個醬汁都好惹味，好唔錯！至愛既蠔仔粥呀嚟到潮州菜館梗係要試吓出名嘅蠔仔粥啦！蠔仔粥好少令人失望，而呢間凱富菜館嘅蠔仔粥令我有驚喜🤩大家都知蠔仔粥裡而嘅配料多數都係”林”既，但係佢加咗脆卜卜既魚干，問咗侍應先知道原來正宗嘅蠔仔粥係要加呢啲魚干！食咗咁多年蠔仔粥先知道，真係孤陋寡聞🤦🏻‍♀️d蠔仔都好新鮮，必食！豆豉鯪魚炒油麥菜因為係凱富菜館食過呢一碟餸，屋企人返到屋企即刻自己又試吓整，結果真係愛上左，不得了🤩…查看更多

聽朋友講觀塘有間係香港歷史悠久既上海小菜館，所以慕名而來。舖內有好多香港既舊相，menu上既電話號碼都仲係80年代既7位數字number好有歷史感!！其實佢係出名酸辣湯，但係因為怕佢會好辣，所以嗌咗粟米羹，超級大碗好多粟米，好足料，不過見酸辣湯咁出名，下次一定要試吓！回鍋肉有有啲辣不過好送飯，擔擔面個湯不得了，濃郁到漿住個口芽菜膳糊！男朋友一試難忘！d膳好彈牙，芽菜浸晒喺個醬汁當中，每一啖都好惹味，岩哂佢送啤酒🍻小籠包個皮偏厚，而且啲肉汁已經流晒出嚟，但肉味又係好濃，不過不失啦！百寶茶唔使講睇相都知道好足料，食咗成餐咁濃郁嘅餸菜飲番啖清香嘅熱茶好完美☺️…查看更多

附近睇完戲去搵嘢食，見到新華苑酒家好大間個招牌都好吸引，主打食蒸氣海鮮火鍋不過我哋人多就去咗食小菜。個特價餐牌真係好正，啲嘢好平！可惜每一張枱只可以叫一個特價餸，如果唔係真係想每一個都叫🤣 值得一讚嘅係個加拿大龍蝦伊麵，真係冇令人失望！啲龍蝦個份量係多過個伊面有足足兩倍，而且肉質新鮮、彈牙、結實，老人家都讚口不絕，食完一件又一件下次一定要試吓加$20加個焗芝士應該會更加惹味！可惜嘅係咁好味又有良心嘅餐廳居然係週末夜晚得咁少人幫襯，可能係因為位置比較遠嘅關係啦，希望間餐廳可以繼續做落去💪🏻…查看更多

首先門面同店內環境都係一間高級餐廳既氣派，裝修同格調都好高貴舒適！佢哋嘅魚生飯都有好多款叫法同配搭，最有趣既係一個set可以同時間叫兩個細嘅丼物，或者一個丼物配2個串燒，滿足唔同人嘅需要👍🏻我哋叫一個細丼物同串燒 ：三文魚腩海膽+鹽燒牛舌+鹿兒島五花腩串燒。佢哋嘅三文魚腩真係好肥美，海膽亦都好鮮味，串燒亦都調好哂味，就算唔點任何醬料都好惹味另外一個set叫左個海鮮什錦魚生丼，有差唔多10款唔同嘅海鮮魚生🤩而個帶子係好大粒，通常要去到日本近海嘅地方先食到咁大粒，感覺上餐廳揀食材方面係有用過功夫，咁嘅價錢有咁嘅質素真係好值得下次再去！個甜品都係我係日本好鍾意食嘅甜品之一🤤不過唔記得左叫咩名😅…查看更多

行經東區唔知食咩好，見到一間紅噹噹既燒味舖打正招牌食燒鵝就試下。阿爺燒鵝近大馬路，附近有好多住宅，想必一定係街坊食堂！叫左個2人餐，貪佢有肉有菜有湯有飯又有野飲😆首先黎既係邪惡金蛋同中湯，個湯好大碗而且好足料。而個金蛋不得了，因為落左咸蛋，雖然真係好邪惡但係叫人怎能抗拒再黎就係主角-燒鵝！肉係脾附近既肉，肉質好好，好香燒鵝味。一路食一路都聽到唔少人外賣半隻/一隻燒鵝，証明附近既街坊都好鍾意呢間燒鵝專門店👍🏻 另一招牌食物係鵝油撈麵，連鵝油都攞黎做餸真係食得唔好嘥😆…查看更多

幾個女仔想食日本野但又唔知去邊間食，毅然決定食放題本身都知道女仔去食一定冇咁抵，點知原來自己都仲有d戰鬥力，因為食物新鮮好味，食完一輪又一輪🤣餐廳地點激方便，旺角地鐵出口唔駛1分鐘就到！去到帶位個叔叔都好好人，幫我地開哂路又驚我地會撞親咁hahaa出面有個自助bar, 野飲同甜品種類好多！令我好驚喜既係佢有啤酒🍻！雖然我地唔飲，但係如果平時食飯飲開啤酒既人黎食真係好抵，因為平時係出面食飯飲一杯都要成50大元😓食物方面我地都好滿意，外面食得到既款式呢到都食到。而家放題既質素真係高咗好多，以前食放題叫10樣可能有3,4樣係伏，但御滿屋冇令我失望，幾乎每一碟都俾我地清哂😂另外更值得一讚嘅係餐廳dum本，每人跟一杯movenpick雪糕，好正 …查看更多

因為價錢唔貴，位置都方便既關係，鐵牛係午市時間長期都好旺，要第大約15分鐘先有位，亦都一定要齊人先入得。4個人有卡位坐，望出窗係中環上soho區既長電梯，有微微陽光照到入黎，感覺都好舒適😊食物方面，招牌紅燒牛肉麵，麵既份量唔多，牛肉就好大塊都炆得好林，湯底都好濃郁。牛頭沙茶貢丸新竹米粉就失色d, 雖然佢既米粉份量真係好多，但係就痴埋一餅野咁，令到食起上黎有d麻煩，而貢丸好dry可能係用比較瘦既豬肉黎整健康d, 不過始終都係覺得有d juicy既肥膏會好味好多。另外，個set跟野飲既，覺得佢地個奶茶好有茶味，唔會太過奶!…查看更多

呢間Pizza Express好大間，有好多位，唔驚要排隊等位。感覺今年多左新菜式，多左中西合壁既fusion菜，有新鮮感👍🏻燉牛肉螺絲粉係fusion菜，燉呢個方法係中式先有，d牛肉燉到好淋，個汁都似中式炆牛尾個汁，夾落螺絲粉完全冇違和感北京填鴨pizza 🍕 好有驚喜好好味! 首先第一次見pizza上面有蔥haha 個精粹係個醬到，真係完全係食北京填鴨會點既醬😆好特別，好惹味！每塊pizza上面都有1-2塊鴨肉好正！Le Rose pizza 🍕 一個正常有辣肉腸Parma ham既西式pizza，不過不失都幾好食. 值得一讚嘅係佢哋Pizza嘅size係有8大塊, 可以有多啲朋友一齊分享😊餐廳最唔好嘅地方係服務，佢哋上菜埋單拎嘢飲嘅速度非常非常非常之慢，三催四請都唔應人😤…查看更多

早左一個星期打去火間土book位食飯，因為一黎週末好易full, 二黎想坐榻榻米卡位既話就一定要早d打去預約。我覺得餐廳嘅特色係好啱約朋友傾計食飯，因為榻榻米卡位好似一間獨立房咁，私隱度極高，可以開懷聊天，而且燈光昏暗，令人好relax😊食物方面係信心保證，叫左10樣食物9樣半都好令人滿意，唯獨美中不足係個烤魷魚，可能烤得太耐，有點兒太乾同硬，其他都好好味！而且侍應嘅服務態度非常之好，我哋幾個女仔要求佢幫我地影合照佢都好樂意，仲主動問我地洗唔洗再影…查看更多

呢間位於德輔道中既越式餐廳，開業大概年半，見証住佢既食物質素愈黎愈好。首先鋪頭門口唔算突出，而且餐廳係要落一層，所以行過未必留意到呢間鋪既存在。lunch time等左大約5分鐘有得入座，我地3個人都有張大卡位，坐得好舒適。食物方面，由其是河粉同檬粉，個份量真係好大，比外面越南河粉大大約1.5倍！d生熟牛肉同牛肉丸都好足夠，唔會話多粉少餸。個set仲配埋一杯港式飲杯，都只係66蚊，係中環office區黎講真係好抵食！…查看更多

今次光顧長洲B&B，並冇用bed亦唔係食breakfast，而係食dinner🤤餐廳主要係泰式菜單，嗌左個明爐烏頭，碎肉生菜包同菠蘿海鮮炒飯。價錢一d都唔貴，每一樣美食都係幾十蚊，份量適合2個人有餘！明爐烏頭可以按自己喜好同侍應講辣度，而生菜包既肉碎就冇得轉辣度，不過辣得黎好香。菠蘿海鮮炒飯有至愛既肉鬆，飯裡面都有唔少既提子乾，同個炒飯好夾。飯裡面有好多唔同嘅材料，有唔同嘅咬口，好豐富！總括而言: 平靚正!…查看更多

強記美食座落係灣仔駱克道，係一間米芝連推介既小食老店。見到個裝潢一睇就知歷史悠久，鋪頭裡面有2-3張細枱，亦都擺左2張枱出後巷。一睇原來間店始於1950年，原來已經接近70年歷史！豉油王炒麵，感覺同一般粥粉麵鋪嘅炒麵冇乜分別。香煎蝦米腸粉，煎得唔錯都香口，但係麻醬少咗d同埋好油。兩碟既份量都比較細，唔知係唔係因為老店嘅關係，keep住左煮嘢食嘅方法都係落得多油d😅熱馬來甜品喳咋，好味，加左d cream係面好滑，紅豆起到沙👍🏻…查看更多

皇室堡4樓有幾間日式餐廳，每間都要排隊排好耐，唯獨Coco一番屋唔駛等位有得入😀Coco而家有得揀咖哩既辣度，亦都有得揀唔辣。雖然我唔太食辣，但基於唔係好明咖哩點樣可以唔辣，所以揀左”普通”口味，心唸日式咖哩應該唔會太辣，結果個辣度係完全可以接受到既，而d咖哩汁都好送飯，15分鐘就食哂成碟飯而個炆雞咖哩飯，d咖哩汁好似水浸咁，雞肉又少又硬，性價比低過豬扒奄列飯。最好味係炸雞塊，26蚊有8塊，炸皮好薄唔會食落好厚炸粉，感覺都冇咁熱氣。如果佢係配沙律醬唔係配茄汁可能會更加好味…查看更多

第一次去simplylife食tea, 原來tea set好抵食！車打芝士煙肉牛肉漢堡個份量好似一個full lunch咁，比Mcdonald既包大, 大細好似burgerking咁！個漢堡有濃厚牛肉味，芝士都好溶，成個包既味道都好豐富，雖然下午茶咁食法好邪惡，不過放縱下自己都好呀另外，有個新出既bakery product, 流心檸檬批，個檸檬味好清新，不過偏甜，d檸檬流心略嫌有d太多，甜得黎有d漿口，感覺漏得濟，最後食哂個批剩低d函😅杯熱朱古力好濃！幾正！本身都覺得甜度係適中，不過食完個檸檬批，杯朱古力變左做冇味，應該個批真係甜得濟😂…查看更多