Rachelchanxp的個人專頁

入咗去點餐之後，店員慢慢整齊咁擺好餐具，已經覺得依個係小店少有嘅儀式感，然後好surprise見到Menu有好多好特別嘅選擇，唔係平時大路嘅意粉，已經覺得好別出心裁。叫咗一碗西班牙凍湯同一個開心果碎青醬耳仔粉。餐具嘅選擇，有風味，擺碟亦都好靚，令我好感受到有用心諗過，製造一個儀式感俾大家。平時基本係好難見到有凍湯嘅餐廳，叫咗個嚟試，鮮甜，特別，亦都做到凍湯嗰種口感。至於個耳仔粉驚艶到我，個配搭，非常之夾，burrata芝士，青醬，切咗片嘅蕃茄仔，食食吓好似仲有油浸茄，俾咗個驚喜仔我，每一個食材都加添住依道菜嘅風味。選擇耳仔粉亦都係一個好好嘅選擇，隻耳仔可以掛到好多青醬，食落去非常之滿足。如果掉轉用意粉就未必有依種滿足感。而耳仔粉本身口感亦都煙靭，呢種少有嘅選擇比到一種新鮮感我。而我發現食材嘅切法其實都非常之講究，切片嘅蕃茄仔啱啱好，一片嘅份量，唔太多，所以味道配襯得啱啱好，亦都做到裝飾嘅效果。當中似乎有洋蔥或乾蔥，嗰種粒粒嘅size ，係食落去好有口感，但又唔會搶咗主角嘅光環，亦都可謂係配襯得非常之好。只可以講，喺食緊依道菜嘅時候，會有幸福嘅感覺，令到我覺得要每一口都要慢慢感受，先至尊重到依道菜。（好似有少少誇張但真）心入邊亦都好想問廚師青醬係咪自己整非常之好食。店員嘅服務亦都好好，亦都好親切，臨走嘅時候亦都不忘說句，下次再見，正正依一句下次再見，令到我印象深刻，心入邊都講咗句一定會。依一間餐廳令到我覺得佢哋係好有Passion，喺香港好少令我感受到咁唔公式化，咁有自己諗法嘅一間餐廳，非常之感恩香港有依類型嘅餐廳，希望佢哋生意興隆，順利渡過經濟低潮，長做長有！好建議馬鞍山嘅朋友仔去試一試，我覺得咁高質嘅小店喺馬鞍山係我嘅福份💕依個質素，呢個服務，但係有依個咁有性價比嘅價錢，真係非常之值得支持一下。如果佢開店喺其他地方就真係唔止依個價錢了。 小店嘅位置有限，如果大家有興趣，可以先打去問一問有冇空位再去～…查看更多

買完嘢飲，佢俾枝幼飲管我，我想要支粗飲管換咗支。拎完先見到寫住話額外每枝飲管要收錢（提示唔顯眼)，見佢望住我，我就即刻問一問可唔可以拎，其實只不過係客氣講聲，個店員即刻勁臭串咁講下次唔好自己拎。真係笑死人，開咁大間舖頭，每枝飲管收一蚊。唔想俾人自己攞就收埋佢啦，又要擺出嚟又要話人。正常人都會下意識去拎，佢個提示又唔擺得明顯啲。而家我由幼飲管轉去粗飲管都俾人西，點做生意？咩服務態度？嗰個女店員仲係後生女，有啲感嘆依家啲人細細個已經咁西。我相信依間舖頭嘅老闆見到咁多負評關於態度問題，都仲係咁，都睇得出管理不善，對員工嘅培訓唔夠，又或者佢自己都係咁嘅人。如果唔係依一條街，得佢呢一間，佢做獨市生意，咁嘅服務態度咁，咁度縮，水準就一般，仲擺出一個高高在上嘅態度，我諗真係冇人做佢生意。另外，成間舖頭一望上去全部都係塵，作為食肆依種衛生情況真係不堪入目，希望多啲同類型舖頭開喺依邊，依間就長做長冇。…查看更多

一直住係黃大仙，成日想搵個休閒啲嘅地方坐下睇下書做下野都似乎冇寫意嘅選擇。好開心依度開左間cafe令到我可以有個地方打等！一定要支持下！佢嘅性價比幾高，雖然附近冇其他選擇，但佢嘅價錢唔算貴。我去嘅時候都唔算多人，可以靜靜地做野。佢地係小店，只有幾張枱，所以用餐時間係一個鐘，不過如果冇其他客人要用位，佢地都唔會趕你走。我叫左杯焙茶latte，原本以為佢做街坊生意，水準唔會特別高，但係都幾好飲，味度夠濃，亦都有拉花，有驚喜！由舖頭嘅裝修到野飲到野食，都feel到有用心諗過度過，唔係hea做！下次會再去！希望之後會有啲熟客優惠就更好！鼓勵人繼續去！…查看更多

叫左個set 好唔掂 個魚係又唔熱又燶左又冇調味 切個pizza都唔得 一塊大一塊變左一口pizza個set448加1 都食唔飽 個set唔係平 我諗甜品要得體少少 但係俾左兩粒泡芙加cream 講到service 都好唔得 個waitress係掟隻羹俾我 要隻碗就係濕嘅 而佢語氣都唔好 面口都唔好 本身bk枱話朋友生日 落左名 點知甜品係泡芙 都好難會有suprise開心到 何況佢冇寫任何happy birthday 真心唔明點解咁多like。。。我真係覺得好垃圾…查看更多

好正 黑松露芝士小籠包正到暈 黑松露控芝士控啱曬 好夠味 醉雞都超入味又嫩 涼拌牛展又好味 配搭得好好好高質 好過去樂天王朝食 呢個價錢仲要咁嘅質素仲抵 絕對物超所值 唔試唔知有驚喜 美食在民間 …查看更多

收50食一細碟烏冬 3啖食完 4粒魚蛋 加杯好伏嘅綠茶牛奶 真心不了 另外有個收46蚊 預計係大份薯條加野飲 杯野就細細杯 m記奶茶咁 薯條就份量少到喊 仲要黐住條毛仔 嚴重覺得俾人坤錢 單都唔想埋 個職員又黑口黑面 得罪佢咁 真心伏到喊 強烈建議大家唔好中伏 不過講句公道說話 個香蕉奶昔都幾好飲嘅 不過就真係唔值嗰個價錢囉 一定唔會再去 本人甚少寫食評 但係想花啲時間費事大家中伏…查看更多

正面食評😏😏😏😏😏😏😏😏😏😏😏😏😏😏下午茶好平超級值得一試40元有找包飲品小食有幾款唔同湯底 有麻辣酸辣沙嗲清湯 又有幾款少有嘅面 淮山麪 蕨根粉咁要左個麻辣米線 唔錯 個自家手打魚腐幾正…查看更多