az0309的個人專頁

蘭桂坊之串燒夜繽紛🤣🤣喺蘭桂坊兜左陣想搵個地方坐低飲杯嘢食下野… 睇落呢度唔錯，夠闊落👍🏻即刻叫杯啤酒涼下先～叫左杯Kirin Ichiban Frozen Beer 幾好飲，上邊加咗沙冰🍻🍺🍻🍺🍻呢間串燒餐廳都算多選擇，除咗串燒仲有飯有海鮮…. 串燒就唔使講，有好多款俾我慢慢揀.. 今晚要喪食串燒🍢豬頸肉，牛肋條，雞肝，牛舌，豬大腸仲有金菇肥牛卷👍🏻，翠玉瓜，牛骨髓架！掛住食唔記得影相🙈 大大隻香蒜廣島蠔，我連汁都飲埋😂👍🏻明太子玉子燒 好食呀～象拔蚌仔 and 帶子睇個樣都知咩料，兩樣都好食😋碳燒牛扒，雞翼，牛肉串好適合送酒… 好開心，食咗好多串燒呀～😂😂😂唔夠喉，再嗌多份燒汁牛仔骨呢個要食👍🏻👍🏻👍🏻最後加多份雞泡魚乾🐡 飽到反艇兩個人食咗17樣野想搵個地方一班朋友飲杯嘢食下野吹吓水，呢度係唔錯嘅選擇！…查看更多

神秘感的餐廳～揀咗$688 set叫咗兩款啤酒，大杯到呢抵飲呀先來第一個前菜三文魚泡泡 三文魚加泡泡，感覺幾清新喎之後就到火腿菠蘿賣相精緻，幾鍾意呢個酸酸地鹹鹹地嘅組合主角嚟啦鍾意食海鮮呢個set啱晒，白鱔+扇貝組合，朋友讚白鱔好食😋我就揀咗石斑+白鱔一向都鍾意食魚，石斑 冇得輸跟住就到主菜喇，雞同豬都好入味仲要幾大份添～～食晒成份都幾飽喎仲有炒飯 即炒即上枱最後仲有紅豆吉士醬多士甜品全部賣相都好精緻，影相打卡一流最怕食嘢趕頭趕命限時間就要走想坐多陣傾吓計都唔得呢度俾你慢慢坐，慢慢chill…查看更多

一段時間冇寫食評，唔想大家中伏而寫朱古力咖啡$50首先要讚杯朱古力拉花好靚… 其他全部唔掂😮‍💨得朱古力冇咖啡香味乳酪 $80味道正常，但小得可憐…早餐$100睇賣相已經唔掂，食物微温也講不上最離譜係三文魚，一入口就食到小小嗅味，我成啖吐返出黎😮‍💨😮‍💨😮‍💨過份左絕對唔係其他餐廳All Day Breakfast喺煙三文魚，佢地應該買平價大pack自己再解凍嘅三文魚😡一入口又腥又臭應該係我食過最差嘅ADB有心做落去就請用心整作食物…查看更多

完全估唔到喺大埔可以食到有質素嘅fine dining今次食咗個每人大約九百蚊左右 叫咗個5度菜嘅dinner set 同埋每人一杯cocktail 等我慢慢講前菜係鵝肝凍，靚到咁，唔捨得食囉好吸眼球開胃菜～ 蕃茄湯濃郁鮮甜，側邊仲有靚靚嘅花襯托喂，魚子醬啊魚子醬金箔多士，高貴到一個點！鵝肝酥皮撻我想講，呢個真係好好食味道好夾，鵝肝嘅香味襯托埋酥皮撻，不得了！Encore啊唔該主菜係傳統法式鵝肝牛柳。 鵝肝同牛柳係夾嘅！呢度菜嘅鵝肝好好食 牛柳我要medium ，冇over cook架好味呀另一個主菜揀咗慢煮西班牙黑毛豬鞍豬都幾大塊架，佢襯埋蘋果片，加埋一齊食又幾夾喎House wine :呢杯啱晒打卡，出曬煙Tango : 微微嘅橙味配Vermouth 比例啱啱好 最後甜品係芒果芝士蛋糕完美咁完結咗今日豐富美味嘅fine dining呢度環境好舒服啊，靜靜地聽住音樂，傾下計，Chill下拍拖/慶祝生日嚟呢度就啱晒～好有氣氛啊…查看更多

想搵間餐廳舒舒服服坐耐啲同朋友傾吓計食下野，尖沙咀K11 Chatterbox Cafe冇得輸，地點方便，食完野又可以喺商場行陣街😆星期一 過咗lunch時間先黎到人流唔多 有個舒服環境食嘢 🤩想坐吧枱位都得餐牌好多嘢食都吸引，我哋兩個女仔唔小心就到成枱都係嘢😂逐樣續約介紹吓先一嚟就揀咗個海南雞餐，碟雞俾我預計中大份好多，抵食又好食😋 👍🏻👍🏻跟埋餐飲揀咗咖啡，正正常常冇失禮我想講真心抵，嗰餐加$28就有碟油菜，我以為係雲吞麵嗰啲油菜😂 點知係一大碟小棠菜，仲要放得好靚仔😂👍🏻重點黎啦，真係必食推介，一定要食鹹蛋黃雞翼，超級勁多鹹蛋黃，雞翼又勁香👍🏻👍🏻👍🏻真係好好😜 下次都一定要再食煎炸野最啱我，春卷都好味呀👍🏻👍🏻再加多碟四季豆，炒得好香好入味，轉個頭就俾我哋K.O.晒成碟 👍🏻👍🏻呢餐真係好誇張😂三人份量可能都夠開心得滯嗌多左咁多嘢食😏😏原本諗住試埋佢嘅甜品架，但實在太飽，唯有留返下次！餐枱上邊甜品個樣好吸引，我睇中左個椰子雪糕🥥我會翻嚟㗎，等我呀😆每位$190有找飽到夜晚個餐都食唔到野，成功慳咗錢😅🤣LOL…查看更多

睇中左呢間餐廳一段時間，終於解封晚市堂食，即時book枱啦！一入門口即刻有個影相位餐廳行簡約風枱同枱之間唔會太密集，食起嘢上嚟都安全啲有個侍應妹妹好詳細咁介紹餐廳食物，同埋做緊個升級套餐優惠，再加一蚊任食甜品🍮聽到之後眼都突埋，心諗唔係咁正呀先來一個櫻花龍蝦湯，好香濃嘅龍蝦味正我哋當然揀咗升級套餐優惠秘製香辣雞塊另一個小食，香草蜜糖雞翼又係好味墨汁意大利飯配帶子三文魚帶子同個意大利飯都好好食，一陣間就俾我哋K.O.曬由餐湯到前菜小食，再到主菜都得，估唔到工廈入邊嘅餐廳有呢個水準，呢個廚師真係好得跟餐可以半價加個嘢飲，我揀咗杯特濃朱古力如果朱古力味可以再加重少少就好啦軟殼蟹安格斯芝士漢堡會唔會誇張咗少少，超級勁大份，真係食唔晒雖然已經食到好飽好滿足加一蚊任食喎飽都冇辦法點都要試幾隻味我哋好貪心試晒七件估唔到排到咁靚仲有個心心🤣🤣✨淨係個樣都加晒分富士蘋果-朱古力-原味-抹茶-忌廉芝士-Tiramisu我鍾意原味同抹茶，朋友鍾意朱古力呢餐非常之滿意，嘢食好味份量又夠餐廳又舒服，俾你任坐唔慢慢食，冇時間限制我哋都食左2粒鐘，係一個聚會嘅好地方…查看更多

深水埗小區有兩個好唔同嘅感覺，人來人往忙碌的小街道 VS 寧靜的角落喺深水埗行咗圈，經過寧靜嘅角落發現某處有10數人好似喺度等緊一啲野。八八卦卦行埋去睇吓，原來係一間餐廳，一間舊香港大宅風咖啡店有分半戶外及戶外位置攞咗飛仔大約等咗半個鐘，有禮貌嘅女職員為我哋安排咗室內嘅位置，高腳吧枱，選定位置就唔可以再轉位，冇用餐時間限制，眼見大家坐底hea 1hr頭頂有兩部大冷氣，有位男職員/或者可能係老闆😝好細心咁將冷氣嘅出風口調高，唔使吹到頭痛，感謝！我揀咗杯咖啡紅豆冰-☕️$48 味道正常，冇乜驚喜，有啲懷舊feel，襯返呢度朋友揀咗杯熱情果柚子梳打 - 🍹$45味道都係正正常常Coffee break嘅時間接近晚餐，所以我哋冇order食物！店內其實有提供蛋糕，鬆餅，意粉...等，都幾多選擇店內有一條深綠色旋轉樓梯連接上層好有歷史味道嘅樓梯，大家都會喺度打卡影相📸️我都唔蝕底影咗幾張🤣雙層係一個小小展覽室想知做咩展覽就自己黎睇啦補返張樓上視覺嘅相俾大家睇吓樓底真係好高，好有空間感，相約朋友嚟呢度hea下傾下計係正嘅！…查看更多

又到放假嘅日子，緊係要捐窿捐罅搵地方食好野今次揀咗錦上路一間Cafe，地點的確有啲格攝錦上路西鐵站搭的士入去唔使跳錶咁嘅天氣要我行入去就免啦😂假日4點左右到餐廳，喺我哋前邊有三台人等緊，留低咗名同電話仔周圍行左陣，其實附近冇嘢行，只係村屋群行返去餐廳好快就有位喇！佢哋分開咗左右兩邊餐廳，落order買嘢食嗰邊冷氣凍啲舒服啲架，太熱嘅話可以要求坐嗰邊，我諗佢哋都會盡力安排😉我揀咗杯花香果味系列朋友就揀咗杯果仁可可系列 大家嘅口味有啲唔同，佢鍾意重口味🤣🤣兩杯都好飲呀仲送咗幾粒果仁熱飲$48 /凍飲+$10叫咗件藍妹芝士蛋糕🍰 $48煙三文魚包 $78兩樣都好食呀賣相都好靚，個個都喺度影相📸打卡唔覺唔覺就喺度坐左兩個鐘走嘅時候天氣已經唔算太熱，我哋慢慢行返去西鐵站，咁好彩就俾我哋遇到日落嘅時間呢個鹹蛋黃簡直加晒分山長水遠入嚟錦上路係值得嘅…查看更多

周圍發掘一下可以舒舒服服傾吓計嘅餐廳。咖啡。食物。環境。 三樣我都睇重IG成日見到呢間餐廳，好似幾得咁，終於夾到時間可以過嚟食個Tea，Chill返陣平日下晝2:30到餐廳，啱啱有位唔駛等，我哋坐低咗之後見到開始有人等位。呢間餐廳位處碼頭附近，簡單啲來講即係戶外地方啦，環境好開陽好舒服，可以望住個海等位係正嘅。不過呢，大熱天時要喺戶等，要有心理準備會變黑人👩🏿揀咗最穩陣嘅cappuccino ☕️杯咖啡幾香喎，唔錯架👍🏻👍🏻都唔記得咗呢個係咩喇太燶喇，則邊嘅位置直頭食唔到，硬骨骨又苦我想叫佢哋換過份俾我㗎，但係個朋友話算喎有1/5食唔到，有啲失望囉我估呢個別情況嚟嘅，我唔好彩姐Apple Toast蘋果甜甜地唔酸，加埋塊包，麻麻哋啦餐廳嘅環境幾闊落樓底高，空間感一流，同朋友過嚟呢度飲杯咖啡傾吓計絕對係一個好選擇我哋兩個揀咗嘅嘢食就一般般啦，下次再嚟可以試吓其他餐廳對出嘅環境堅靚！…查看更多

本人係非常之鍾意食車仔麵😋去開深水埗差唔多次次都你食維記，今次要揾下有冇出名嘅車仔麵試下，一Search，就睇到文記好評如潮，咁就要黎朝聖一下我食咗佢哋推介嘅辣味魷魚🦑牛肚米麵秘製辣汁中辣先講吓佢個湯底，好夠味我鍾意食辣所以揀左中辣，對於我來講辣左少少少少，下次會試返個小辣😂米線好滑好食呀，牛肚都好入味唔錯，魷魚方面我嫌佢熟咗少少，食車仔麵嘅魷魚我自己口味鍾意生生地，因為鍾意爽滑口感另外朋友order嗰碗唔記得咗影相佢係揀咗豬腸雞尖牛孖筋幼麵沙嗲汁小辣我都有偷偷地試過佢嘅辣汁同埋餸雞翼尖好好味，一定要食牛孖筋好淋好入味，都係必食唔係間間餐廳都有鹹檸七，見到佢有得揀當然唔使諗啦正呀得閒實會再返嚟食呀…查看更多

喺呢啲時勢，真係要搵間舒服嘅餐廳Hea下吹下水，調劑一下納悶嘅心情竟然比我喺大埔發現到一間好有feel嘅酒吧我揀咗室外嘅位置，簡直就要大力推介一邊聽住餐廳嘅音樂，一邊飲住啤酒，嘆到一個點店員好細心介紹餐廳必食推介，仲有唔同酒類飲品嘅口味，第一次遇到咁熱心嘅店員😂😂我差唔多叫晒佢推介嘅嘢🤣🤣真係每一樣都好正，好好食😋佢介紹咗Cider， 清香嘅蘋果味，好啱女仔飲👍🏻炸燒烤菇配黑松露醬呢個送啤酒一流，烤菇好香口又多汁，再配埋個黑松露醬，一流呀炸魚薯條炸魚薯條一到，心唸唔係咁大份呀😱好多餐廳都係得一件魚，佢哋係有兩件呀，好大份好抵食，會唔會過分左啲呢🤩🤩我覺得好食過英國嘅炸魚薯條😂香蒜辣椒欖油意粉唔好睇佢個樣好似平平無奇咁，好香好味，一陣就清左成碟😅香雲酥羊架呢個又係好好味，點算啊，樣樣都好好味呀😂羊架三大件口感好嫩好多汁，鍾意羊嗰陣味嘅人一定大愛😍😍必食必食記住要Medium well，好食到你唔信😬俾大家參考下有咩飲價錢好抵食我一定會再返嚟食囉，門口位真係好正，吹着風聽住音樂啤啤佢，好似去咗歐洲咁爽等我。i will be back …查看更多

Lunch時間揾食，同行朋友已經講咗好多次想食outback，咁就outback啦餐廳都有一半嘅座位坐滿左喇，侍應安排左我哋坐嘅位置隔離枱冇人嘅🤗👍🏻坐得鬆動少少安全啲嘛我地都係揀lunch set先上咗每人一個沙律加餐湯沙律不過不失，佢係加沙律醬嗰種個湯就好好飲喇，好香濃好甜呢個應該係黑糖包，軟林林嗰款，都幾好食！但我自己本人鍾意食口感硬d嗰款，好難服侍我呢個黑毛豬-7成！ 仲見到有少少粉紅色嘅肉，食落口好香嫩，食晒成塊肉簡直飽到上心口😂佢仲跟咗少少飯，個飯都好好食，唔小心食晒成個！朋友揀咗個蝦炒飯，賣相都OK，都有好多隻蝦，聽佢講個飯都炒得好香餐飲我哋叫咗凍咖啡凍奶茶大杯到一個點😂好抵飲我好似飲咗一半已經飲唔晒建議大家一落咗餐就叫埋餐飲，一邊食一邊飲可能會飲得晒😬我食完個餐先叫已經飲唔落幾多…查看更多

又黎周圍捐窿捐啦搵嘢食今次去到屯門日式小餐廳🍴偽屋台呀😍🤣🤣 依家唔夠膽去旅行🧳呢度可以醫下思鄉病喎🤨2人前 。 叫咗兩個飯 + 兩個小食呢個吉咖喱列蝦飯推介個蝦炸得好好味呀，新鮮即炸，炸漿唔厚，炸得香脆！ 咖喱吉列豬扒飯，都好味呀雞軟骨係我嘅至愛之一，有雞軟骨食我應該都會order一份😂😂呢個雞軟骨都炸得好好味其實有好多餐廳嘅雞軟骨都炸到好硬，食兩舊就唔想再食囉！ 呢個唔會！黑山呢度炸得好香脆呀！我諗應該都係新鮮即炸！！單骨雞翼，有辣味原味兩款我鍾意食辣野呀嘛，睇到張相紅紅地就知道呢款係辣味啦都OK呀，但我會鍾意再辣啲囉🤨師傅認真工準備食物中👍🏻餐廳唔供應茶水，想飲嘢可以自己選擇飲品佢哋知道我地想洗餐具，於是專登煲水俾我哋，讓我地可以安心洗乾淨餐具先進食！佢哋仲要好有禮貌完全冇黑面感謝我會返嚟再食㗎…查看更多

我發現出去食野好多時都係食西餐，今日都唔例外😅😅2:00左右到餐廳，都係lunch set我哋揀咗L2同L7餐湯一般，好似淨係得白湯冇紅湯揀唔知係咪見到我哋兩個人食，所以分開咗兩份呢，都幾好喎，唔使自己切到一岩一忽薯條有少少凍咗，都算ok啦呢款包🍞幾好食喎，有豬扒🐷番茄🍅同生菜🥬以上幾樣野我竟然覺得個包係最好食😂😂左邊紅色嘅醬我就冇試過，因為發雞盲睇唔倒拿拿拿，呢個set可以選擇跟飯或者包，我對飯一向興趣不大，睇圖就知我揀咗咩啦咖哩OK啦，有牛有薯仔題外話每台客人走咗之後，員工都會用漂白水抹枱呢個時勢最緊要乾淨，佢哋做得到共同抗疫，香港人加油…查看更多

一行八人喺沙田新城市廣場一期搵食，我哋嘅策略就係邊間有位就食邊間我哋係懶人唔想等位好快間餐廳就安排左一個秘密位置俾我哋，餐廳嘅後方😃👍🏻嗰度只有幾張枱，一班人傾計啱晒，大聲啲都唔驚，唔使怕嘈到人我哋揀咗兩個二人餐，一個黑毛豬肉眼 + 一個M5和牛肉眼，跟咗個香煎鵝肝燴飯&三文魚意粉其中一個加$35升級龍蝦酥皮湯。甜品可以加錢升級Movenpick黑毛豬肉眼 - 唔記得咗影相😖味道同份量正正常常 M5和牛 - medium well我完全食唔到牛味呀😔有啲失望，諗住幾百蚊扒應該唔會太差掛！關唔關新年時間質素會差少少呢，大家都放假可能未必有新鮮材料！唔知其他食過嘅人係咪同我嘅感覺一樣呢，我會俾多次機會佢，遲啲試多一次M5，希望佢唔好令我連續兩次失望啦鵝肝燴飯好食👍🏻三文魚意粉正常酥皮龍蝦湯好飲呀原本跟餐嘅忌廉湯都OK，仲有餐包同餐飲咖啡好香散叫咗帶子惹菌南瓜意大利飯👍🏻帶子大大粒，南瓜飯好入味黑松露野菌意大利飯 - 又唔記得影相😅安格斯肉眼扒 $268Not bad 啦，份量都大嘅再加多個黑松露薯條總括來講食物質素真係一般般，但服務質素就要讚下👍🏻 …查看更多