yuickmok的個人專頁

係open rice book位還享優惠，揀了無限時段。可以慢慢食之前也食了幾次，水準還保持到。不過今次無左芝士龍蝦🦞，變了凍龍蝦。蟹腳好細只，無乜肉，仲黐殼，好難剪。張枱仲係細到不得了，放左味架加餐具盒已經無左半張台，只好疊起佢。限定派既芝士撻同朱古力撻有2個都好重口味，好濃好香，食一個就夠了，2個就會濟。生蠔好creamy，無左檸檬角🍋，得檸檬汁。片皮鴨即片都唔錯，熟食檔變左關東煮🍢。串燒無左我最愛嘅鰻魚…查看更多

第一次試，不是7:30前離座收費388+1,貴過燒肉放題。自助飲品，雪糕甜品，小食。其他QR code 落單。食物質數都可以，刺身，燒物大至上跟其他放題店無分別。值得一食既係: 花雕鮑魚，酒煮蜆，避風塘炒蟹。粉絲帶子，面頭炸蒜，好野味。串燒方面，牛舌咬到牙骹軟，放棄。天婦羅蝦好厚粉。大至上都無漏單，只係某D野食等好耐先出。枱好細，叫多小小都無位放，仲要無人收野，全部人都係出餐，咁既價錢真係可以有好多選擇。…查看更多

我地準時6:00入坐，9:30走🤣超滿足。海鮮新鮮，凍蝦勁大只勁爽彈，鮑魚都爽口彈牙蟹腳夠鮮甜為一就係refill好慢，可以不停食蟹腳三文魚都好好食。限時燉湯，我飲左三盅哈哈。無限時可以慢慢品嘗，仲可以傾下計食，open rice book仲有折，好抵食，座位闊落舒服😌…查看更多

已經食過好幾次，之前用消費卷又送現金卷，所以不停幫襯食完又有食完又有會員仲有會員套餐，飲茶又有折，味道保持水準，份量多，最大好處，上枱全部野食既溫度都好夠熱真係趁熱食既食物更加好食😋。待應主動，服務好夜晚叫4人餐個濃湯翅勁足料，湯夠濃龍蝦肉厚實，非常鮮甜，係條魚蒸到過左小小，有小小鞋。炒飯亦好夠鑊氣。仲送埋甜品，真係抱住個肚走，哈哈😆 早上飲茶我都超鍾意點佢個灌湯餃，湯底好濃。XO炒腸粉同脆麻花都好正…查看更多

佢D湯類都好好食，尤其豬肉丸，大大粒又juice食過返尋味仲有沙薑雞都好正，面頭撒上好多沙薑，送飯一流，雞都好入味，滑得黎沙薑味好重，底又墊左菜芯，又有番茄，青瓜。如果再瘋狂可以買一樽沙薑自己煮餸樓面個叔叔超有禮貌+親戚…查看更多

通常一有人介紹就變多人。。而家連lunch都唔做，15:00才營業，為有收工去買，仲要到店買，唔可以電話order講就講等半個鐘，實際上係等成個鐘，如果唔等得就慎重考慮因為我都等到不耐煩，吹了2次才有天光等到天黑，拿到外賣第一時間返屋企，因為就快餓死，返到去二話不說就開動雞真完全唔肥但都有啫喱效果算係做得好出色。一款醬汁帶微辣，係我係紅磡區內食過最高分的一間皆因返工在附近所以身痕去試下，特登去食就肯定唔會…查看更多

4點拿walk in飛，5點食。揀左食中間個餐，第一次食，別有不同，服務態度好，員工夠多，收拾同出餐都好快手，基本上沒有漏單出現，上菜超快。。。雖然點既款唔多，但出面也有個位俾你夾配料，飲品也不多選擇。不停叫安格斯牛，沙白，水連，呢3樣是覺得最好食的。鴨血超薄一般，沙白無沙食幾多都唔怕水連爽，可能平時都無食過，所以覺得好好食😋join會員仲免費鴛鴦鍋成晚都不停點，食，點，食，無時間傾計最後甜品雪糕完成了戰鬥…查看更多

自己製作，買先從碗仔拿出黎，仲係暖暖的，好多豆，仲唔甜，超好食價錢又平，白色砵仔糕仲有好香椰奶環境就係屋企feel...店舖細細，下次可以試下茶菓，見佢都好多只味。…查看更多

朋友生日，想同佢去食自助餐，諗住食好小小，就揀了呢間，卜了8:00,場好細，野食只有靠牆那2個長位，生蠔開定晒係雪櫃拿出黎。感覺不新鮮，顏色仲變了。刺身得4款，仲要更普通的。熱食蒸點心，仲要放2層，咁熱，地方又細，如何一個人拿起上面個層既籠，仲有手夾下面既點心呢仲有碗仔翅牛雜仲要硬到待應把刀都切到撻Q,心知不妙湯只有南瓜湯，炸魚柳，印度咖喱+飯。全場野食10只手指都數得晒俾成8百幾食啲咁既野。。。。連湯麵都無，突然好想食個套餐米線。所有野食都極普通。只有甜品係最滿意成晚…查看更多

疫情前差不多一個星期食一次，每次都叫4,5個送。疫情後都沒有再去，突然天氣涼了好想食大排檔就去了，每次都唔小得叫佢地既招牌幾款，6點去到已經無剩子，好失望。叫了桂林生腸，炸蠔餅，啫啫雞煲。黎到一啲都唔熱，生腸唔靚，好多膜同黑色野，完全無鑊氣蠔餅個粉浆好硬，凍左更硬蠔仔🦪完全無味，唔知食緊乜。。啫啫雞煲仲差，黎到完全無炸炸聲，又係唔夠熱，豬膶老，雞好鞋。全部質素差晒:(:(:(我諗應該唔會再幫襯。因為太難食所以沒有再叫其他野食。雖然加了價，但質素維持不到…查看更多

上網買左百幾蚊嘅套餐炸雞放題去試試。上去搭lif都要排好耐，因為只得2部細lif,上去要預15分鐘。劃紙仔交單，有炸雞同焗雞，只是面頭揸唔同汁，pizza真係食唔出佢講既4只味，感覺全部同一只味，配菜夢卜好好食，其實炸雞真係食唔得多，因為會好濟但每次落單都熱辣辣上台，都係保持好既口感，脆脆又夠熱頂盡都係每人食到10件雞突然好想食湯類嘅野，太濟。。再叫其他野食有半價。但埋單要另外收加一既錢，點解唔一個價收晒，分2次俾錢…查看更多

價錢合理，份量都夠，一定飽。早餐個蒜茸多士好正，豬扒夠淋亦都好夠味配左腸仔，可惜得一條因為好好食想。粟米夠甜牛油充足。晚餐雖然有啲貴，但食完飽爆雜扒超滿足，雞，豬，魚🐟夠味唔鞋，仲有意粉或炒飯跟，炸魚柳長到折埋蒜茸汁好正加15蚊仲可以有盅湯，無味精幾好飲雖然樓面唔夠人手，但好似無人會用QR code落單我試過入去落單，都幾覆雜，一般人都應該唔會去研究佢舉手叫人算所以要搵人落單都等好耐，不過佢地都有耐性同你落單。…查看更多

我係佐敦都返左成年學，附近野食都食得7788,好多都伏味十足，又貴。突然見到點心到，抱住麻麻地的態度去試吓，入面座位好小又窄，不過見佢價錢唔貴，仲要無+1,都接受啦。我點左網上最多人叫既幾款野食。因為即叫即蒸所以等耐小小，況且仲要假日lunch time, 點心黎到都熱辣辣既，出晒煙我覺得最出色係個腸粉，中間脆卜卜個塊同成個腸粉好夾，又唔流。仲有流沙包都正，不過個流沙有啲稀，食得慢就流到成手都係蒸飯岩岩好，我鐘意乾身嘅飯，粒粒分明下次可以再去食…查看更多

第一次試真係唔識揀，但佢又無招牌野飲，真係令人選擇困難 最後店員推介水果茶，不設少冰少甜，店員說沒有+糖水但見舖頭好多都係新手，仲培訓緊，所以都等了成10分鐘先出到杯茶，平時見咁多人等所以無試，今次見無人先試下，如果趕時間唔建議買味道ok,甜度適中，係真係水果甜，值得再飲，但要等無人既時候…查看更多

新開又咁岩下午茶見佢有海南雞飯$28就試下，仲包野飲仲好大支，幾抵哦。係個雞唔係好夠滑之外，其他都唔錯，個蘿蔔好夠味，又爽，酸酸甜甜好開胃，個汁都好夠味野飲仲要冷泡茶不太甜非常解渴消暑…查看更多