Duck Duck的個人專頁

收到有個音樂盛會自助晚餐傳單，有買二送一，再加人就會有7折。 傳單上寫：品嚐一系列瑯滿目的自助餐美饌，包括滋味和風刺身、燒澳洲肉眼扒、幻彩片皮鴨、精緻甜品及Haagen-Dazs雪糕等。朋友生日諗住食個自助餐，就揀呢間。Whatsapp 訂位要先付全數先留位，都無所謂。食飯當晚去到，見到都幾多檯，仲有 live band setting，通道很窄。 我地張檯就係隔離房，其實環境仲寬敞，我哋係滿意的。齊人坐低就話上左個刺生盤先。之後就有一個煙霧瀰漫既刺生盤出現。 4人份，種類都算多，琳琳種種有7，8樣，還算新鮮。 但只得一盤，出去亦無得再拎。之後出去攞野食，但發現所謂自助餐的食物真的嚇了一跳。 冷盤：（罐頭）生果蝦沙律，酸蓮藕，手撕雞肉，菜，海蜇，兩碟 cold cut 凍腸。 連沙律醬也沒有。熱盤： 兩款湯及麵包，燒牛肉，預先包好既片皮鴨，西蘭花炒蝦球，苦瓜鴨殼，紅酒和牛面頰，滷水雞翼，咕嚕肉，蕃茄魚柳，櫻花蝦炒飯。甜品： 3款蛋糕，切到麻雀大小；豆腐花；Haagen-Dazs雪糕； 西瓜及哈密瓜片。仲有自助飲品，係罐裝汽水。咖啡熱茶都是自己去整。以上就是所有食物，收正價$588真的不值。 雖然所謂自助餐不如想像，但員工服務很殷勤，食物也refill 得很快，live band 表演也不錯。 但真心不明白為何要攪一個這種食物質素既所謂自助餐呢？…查看更多

坐低先知轉左餐牌，原本揀左既菜要重新揀過，而且選擇少左，但食落樣樣都唔錯喎！個蛇羹係同蛇王芬食既有啲唔同，呢邊真係羹，嗰邊似燉湯多啲。配料唔知點解有生菜絲 ？ 😅有蟹粉系列，食左蟹粉蟹膏撈麵同小籠包。撈麵好好味但係小籠包就一般。個個义燒好正，肥膏入口即溶。至於個個拼盤呢，全部都係酒既，最好味就係鴨舌同埋北寄貝。蟹粉蝦仁一般般。鹹蛋黃肉餅煲仔飯，有飯焦，豉油好好味，肉餅肥瘦適中。仲有臘味芥蘭煲，好入味。食完真係大滿足。不過人手不足，服務稍為不夠。…查看更多

見到新開張，於是同屋企人去試，星期日晚餐，4個人都可以訂位，又唔限時間，即時加分。地方企理，檯同檯之間還算有空位，不會背貼背。餐牌選擇不算多，最後叫左6樣野，上菜快，雖然份量精緻，但味道不錯。伙計勤快，態度好。星期日晚都仲有免費糖水，真感動！😆…查看更多

今晚一行4人去打邊爐。一睇餐牌，少左好多野揀，有點失望。叫咗本地手切肥牛，不過麻麻地，唔夠牛味。海鮮選擇少左，只係叫咗筒蠔，冇得再食蟶子皇。其他仲叫左四寶丸，菜，響鈴，等等。覺得最好味係最後加嘅牛頸脊。8點還檯，7點4就上生果，7點9就要埋單。成檯野未食完，攪到最後要食得好急。…查看更多

兩個人, 叫了3個菜, 1杯飲品。海南雞半隻, 份量 OK, 雞是不錯的。附上三種調味。印尼炒飯, 買相不錯, 飯很乾身, 可惜沒有了蝦片及沙嗲伴碟。湯浸娃娃菜, 清清地, 還可以。另外叫了1杯青檸梳打。地方開揚, 招呼不錯。最令我們有印象的是 ... 埋單差不多要$400。 有點想像不到 ... 所以暫時不會再去了 ~…查看更多

外國同事第一次到香港, 與他們吃韓燒。 當然是揀 "任食" 啦。平時聽說漢陽苑水準麻麻, 但老板卻提議這裡, 唯有跟從。 這間地方大, 乾淨, 侍應服務有禮, 因沒有人等位, 所以不用限時。食物分門別類, 有前菜, 熟食, 日本壽司, 燒烤食品, 甜品, 飲品。 整潔, 補給快。就算汽水也只是5蚊。侍應見鐵板黑, 即時自動更換。 收碟換碟也快。個人覺得牛仔骨, 肥牛, 最好味。 不過泡菜就一般, 很淡。吃完後改觀, 身上氣味也不大, 有機會會再去。…查看更多

以前這裡是"銀座藏人", 午餐晚餐都多人, 現在改為"今助", 人也是一樣多。今天去吃午飯, 幸好快一步, 不用等位。 門口沒有人帶位, 要入去大叫唔該才有位坐。餐牌看真後其實跟以前差不多, 都是定食, 但價錢上升了。跟朋友一人叫一個定食, 上菜很快, 不過食落卻覺得:魚生很凍, 仍有冰。跟餐的烏冬很硬, 好像未煮透。套餐的鯖魚雖然是煎了, 但卻是冷的, 也有點腥。白飯很硬, 已沒有期望是珍珠米。食完後跟朋友都一致認為這次水準是下降了。另外也發現除了一位帶位小姐是有笑容外, 其他的待應都很 cool。 …查看更多

生日飯選在這裡吃是貪新鮮的。一出電梯, 就有一位漂亮的小姐負責帶位。 樓上 (6/F) 是酒吧 - Lily, 樓下 (5/F) 才是用餐的地方 - Bloom。 沿途上, 侍應們都不停跟我們 say hi, 感覺良好。 這裡外國人比較多, 侍應及餐廳經理也是外國人, 連 menu 也是全英文的。 其實在這種地方吃飯, 對本人來說是有點不自在的。餐廳裝修很特別, 有點舊舊的感覺 (其實最特別是那個洗手間 .. 哈哈 .. 我們居然在裡面不停拍照 ~), 情調很好, 就算客多也不覺得嘈。Menu 只有一張單面 A4 紙, 但我們都分別選了頭盤, 主菜及甜品。頭盤是海鮮拼盤, 有龍蝦, 鮑魚, 蜆, 大蝦, 蠔。 平時我最怕吃海鮮, 但今次吃得最多就是我了, 真的很美味, 鮮甜。 還有 Crab Salad。主菜有羊, 牛, 豬, 魚。 第一好味是羊, 第二好味是牛, 相對地, 豬扒因要全熟, 吃起來比較乾, 不夠羊及牛多汁。 至於魚, 朋友都大讚很滑。 伴菜也被全掃一空。 特別是豬扒的伴菜 - 紅椰菜, 酸酸的, 跟豬扒一起吃, 化解了油膩感。甜品也只有幾個選擇, 我們選了3個: 藍莓新地, 芒果拿破侖, 朱古力撻。 朋友說藍莓最好味, 酸酸的, 很清新; 芒果拿破侖伴碟的雪芭很美味; 朱古力撻很香濃, 不過卻很滯, 幸好是大家 share 的。總括來說, 以這樣的收費, 服務, 食物, 地方, 都是值得的。 應該會再來呀 !!聽聞這裡還有消夜生蠔 buffet 及 生蠔 set lunch, 很想試呢 ~…查看更多

終於 book 到位喇 ~~~ 地方很大, 樓底高, 檯與檯之間夠空間, 雖滿座但唔覺得嘈。凍海鮮多選擇, 開始時仲有鮑魚仔, 好入味。 魚生亦多選擇, 最鮮甜係大大粒帶子。 熱食方面, 本人至愛印度食品, 正 ~~ 其他有天婦羅, 燒牛肉, 鐵板燒, 中湯 (佛跳牆) 等等, 都好味, 不過選擇就少 d, 但貴精不貴多嘛 ~甜品就比較遜色, 只得兩三款蛋糕, 不過有杯裝生果, 仲有好甜o既士多啤梨仔。 軟雪糕有兩種味, 不過食落一般。 所有甜品都有專人代取, 唔會好似其他地方咁, 整爛晒, 睇見都唔開胃。雖然滿座, 但無排長龍及爭野食情況, 非常舒服 ~最值得一讚係所有員工, 不論侍應及廚師都好有禮貌。 …查看更多

今次有10幾人, 所以包左間房。係呢度都食過幾次, 覺得d 野幾新鮮, 又多款, 價錢唔貴, 算係咁。加上又唔會漏單, 寫咩有咩, 分量亦唔細, 真係好滿意。唯一不滿就係甜品每人限一件(雖然係"點食紙"上有甜品揀, 但係有細細隻字話每人一件), 如果唔係張紙度出現, 等客人埋單時先送上, 感覺會好好多。…查看更多

已經來過幾次, 每次都幾ok。唔知點解今次會咁差。我地一行四人, 一早訂左檯, 有梳化位坐, 好開心。諗住食住頭盤先, 點知個waitress 一輪咀叫我地食佢地o既special。聽完之後覺得唔吸引, 就無叫到, 我地正埋頭睇緊餐牌, 想叫野時, 先發覺個女仔已一早行開左。中途叫佢地加水都好似唔好like 咁。後來食緊主菜, 佢叫我地埋單, 因為訂檯時講左要8點半還檯(當時8點45), 我地話未食完喎, 仲剛剛叫左甜品, 個waitress 話唔緊要, 可以埋左單再食, 但被我地拒絕。點知隔左一陣, 呢個waitress 就同另一個女人講, 我地唔肯埋單, 點知俾我個朋友望到, 當時甜品仲未食完, 但我地見咁唔受歡迎, 到個女人行埋位時, 我地咪順佢意埋單走人囉。當時都仲有好多空檯, 唔明做咩係要我地走。同埋當日大部份waiter / waitress 都面黑黑, 更加令我失望, 亦令同行第一次去o既朋友仔有壞印象。不過要讚o既就係個"帶子意大利飯", d 飯好香, 帶子又大粒, 有新鮮, 好正。…查看更多

由於呢間餐廳近我公司, 所以開左之後都成日去.每兩日有唔同O既午市套餐, 都係$45 一份, 我最鍾意食佢O既魚生飯, 次次都食晒, 好好味. 其他如金菇牛肉卷, 照燒雞扒等都好正. 都係$45. 所有餐都包前菜, 蒸蛋, 同埋餐飲. (Lunch 不收加一)不過唯一唔好O既就係, 有一個係O個度做野O既女性好唔客氣, 態度又唔好, 講野又寸. 如果去過O既人都知我講邊個, 雖然佢地D 生意好到做唔切, 但都唔好講埋D 說話來趕客. 希望佢反省下, 改善下. 如果改唔到, 就不如唔好同客人講野啦~ 至於其他侍應O既禮貌同態度就VERY GOOD 喇~…查看更多

以為只係搬左位置, 點知d 野食都衰埋~裝修係靚左, 地方亦大左好多. 不過好唔鍾意中間o個d 長檯. 點解唔可以分開4個4個位咁呢~ 如果成檯都係自己人就開心, 攪到搭晒檯咁, 真係唔係幾happy.d 野食真係好唔妥:海南雞飯d 雞好凍, 碟菜又凍沙爹沙爹又唔熱, 又無聲, 又無煙, 望落個鐵板度, 見到d 汁都””晒. 個沙爹醬凍到好似係雪櫃剛剛拿出來咁, 點完, 串沙爹連少少餘溫都無埋.鐵板牛扒又係無聲無氣, 連鐵板都唔熱. 份量係多, 不過唔好食呢~…查看更多

必食:羅宋湯串燒牛柳雜凍肉冷盤我自己覺得最正係呢幾樣~要改善o既係d 餐飲, 好唔掂囉!侍應態度ok 啦!…查看更多