apr8dvdzsrmv的個人專頁

推介我已經黎過好多次嘅高級鐵板燒日本料理店！！銅鑼灣呢間係旗艦店環境真係好到不得之了 寬敞舒適 好多間日式包廂 加上餐具同擺設 仿身去咗日本咁！而家四月仲有感謝祭限定優惠午餐同晚餐Set我order個set餐加咗幾杯cocktail都係千蚊出頭 第一次食鮑魚鐵板燒就係喺度鍾意日式鐵板燒嘅朋友一定要趁四月限定優惠黎打卡！！另外仲有sushi同串燒omakase質素都非常高 不妨試下～…查看更多

發現新開分店係附近即時去探店，點知第一次禮拜日去到full booking摸門釘，話最好提前係openrice訂座。第二次book好位去到就即刻安排入座。位置都算偏，揸車黎都冇乜車位停，但係環境就俾4.6星啦！！！門口露天位有一大塊草皮地打卡影相，擺咗個掛滿星星燈嘅心型木櫈同埋戶外檯櫈，望落應該未完全set好佈置，遲啲可能會完善。Menu啲嘢食好豐富好吸引，樣樣都想食！！！研究十幾分鐘order咗三個餸馬沙文咖喱牛腩食咖喱至緊要係啲汁，呢個掂啊！薄餅沾咖喱就完全感受到咖喱味好濃好正，牛腩夠入味夠霖，薯仔煮到好粉入口即溶，配菜口感爽脆最後先加落去唔會爛晒。椰子雞湯第一時間想講個湯真係勁足料有椰子味嘅清甜又有少少冬陰公陣味，都幾特別，一煲有4-5碗咁，我飲咗兩碗都開始飽肚。鐵板豬頸肉豬頸肉切到細細粒加上用鐵板黎整好野味，有啲似BBQ嘅feel不過又keep到啲肉汁口感juice。最後埋單七百幾，性價比唔算高，不過啲菜品質素加埋環境都OK嘅接受到呢個價。室內佈置環境非常有令人忍唔住影相自拍嘅衝動，服務亦都唔錯，好主動幫你弼湯收碟等等。如果下次黎會再試下其他菜…查看更多

由上年開業起就成日見到一到食飯時間餐廳門口都好多人排晒隊咁，忍唔住黎試下。蒜香甜辣秘制炸雞（💰118/6件）即叫即炸，肉質飽滿口感外脆內嫩！加埋啲醬汁，真系不得之了！！！！連我個唔鍾意食炸雞既朋友都話正！！芝加哥辣肉pizza（💰2xx）第一次食咁厚身既pizza，切開入面都幾多料，勁多芝士拉絲見到都流口水🤤⋯⋯口感好豐富，食落又唔會太漏。仲order咗個意粉唔記得影低，都OK好食既，不過就唔夠個炸雞同pizza咁出色，值得翻兜囉～…查看更多

有幾次夜晚經過呢間天丼門口都見到大排長龍，開始好奇佢有乜咁好食，估佢中午應該冇咁多人掛，於是搵日中午得閒就行過去望下。點知日頭11點幾去到都係要排隊，不過就冇夜晚咁誇張lor前面排緊五六個人咁，等咗十幾分鐘到我地。坐低嗌嘢食係電話落單，基本係set有飯有麵，我地兩個人就order兩樣試下唔同款。天婦羅兩個餐都差唔多有蝦、四季豆、蟹柳、茄子、菇都炸得好鬆脆，炸粉厚度適中、咬落去面層脆口裏層juice食到食材鮮味，不愧為招牌主打天婦羅！！個人鍾意個蕎麥冷麵多啲，配咗碗有wasabi嘅湯汁味道好特別，食落好開胃。不過碗麵同飯嘅份量對於男仔黎講應該少咗啲唔夠飽肚。lunch set價錢係六十幾到八十幾之間，以餐品口味黎講都算合理食得過。…查看更多

同屋企人忽然間想食燒肉buffet就嗱嗱淋電話search搵食，見到附近屯門呢間燒肉谷食評幾好就出發！！！去到五點幾入場冇乜人，揀咗「level4極上和牛海鮮放題」坐低。冇幾耐就黎咗份放題套餐內包含嘅燒肉，就咁睇賣相色水都非常好，試食晒發現間唔中有幾塊肉唔係幾新鮮，啲肉色變啡咗。之後自助落單list幾乎每樣都order晒，個人覺得最好食係最大條既牛柳同埋牛小排，肉質新鮮得黎又嫩滑，連小朋友都可以輕易咬開；其他牛肉類都屬於正常水平lor，牛肉選項都幾多下，仲有豬肉雞肉絕對啱晒食肉獸！！海鮮我就必食螺同蝦，雖然唔會話新鮮都扎扎跳，但係起碼唔會有腥味。呢餐整體黎講都幾滿足，環境服務4.5星啦，絕對可以翻兜！…查看更多

Friend話介紹佢私人飯堂帶我地黎田中，開頭見門面咁普通估唔到有驚喜，早啲黎排咗三四個號到我地。啲壽司上到黎真係嚇親🤣🤣🤣今時今日仲會有呢啲大件夾抵食既壽司，我最愛嘅鰻魚同埋三文魚腩壽司有手掌咁長360度包住舊壽司飯應該都仲有凸；軟殼蟹卷料足，外層包啲魚子爆滿；天婦羅拼盤有蝦、香菇、茄子、紅薯同蕃薯，全部脆卜卜😋；花之戀頂頭有粒帶子，成舊入口勁滿足啊！！我捻呢間係食過絕對翻兜，全部大大件又好食！！忍唔住想介紹朋友黎既餐廳lor🥰🥰🥰～…查看更多