abbypoon的個人專頁

終於等到無咁多人排隊😆等左5分鐘就有啦～叫左1️⃣原味泰式煎餅$34 2️⃣泰式青檸梳打$25食物+飲品會減$5👏🏻職員問我係咪依家食，估計如果外賣拎走嘅會加$1外賣盒🥡煎餅比較脆身，香蕉+朱古力醬真心好Match🥰下次會考慮試Nutella醬!! 青檸梳打夠大杯，33度天氣飲完真係好爽，有青檸味🍋小店亦有提供9折比醫護消防🥰…查看更多

平日午飯時間灣仔周圍都係人，無論外賣店、堂食都係人山人海。最後唔諗咁多直接入左 #百樂餐廳，叫左一個午餐 #吉列豬扒腸仔蛋飯，連湯+餐飲，食灣仔地段$48係非常好嘅配搭🥰多人嘅時候要搭枱，環境乾淨唔錯啊～羅宋湯都頗為驚喜🥰有牛肉粒、唔水塊吉列豬扒外層炸得好靚～ 熱檸水嘅檸檬有4塊仲要係好厚😂呢個快餐都食得好OK✅…查看更多

早上十點嘅Starbucks已經滿座，一杯Refresh 嘅飲品絕對係一個好開始。唔想飲熱？唔想飲Coffee? 第一次試咖啡及朱古力以外嘅飲品。 #草莓檸檬星冰爽🍓 杯中有多片士多啤梨切片🥰觀感上好真材實料，味道亦唔會好水，甜甜地唔錯啊～…查看更多

查過元朗市中心都搵唔到常見連鎖咖啡店，之後Google map就搵到「87 COFFEE」，睇招牌見到2014年開業至今，OpenRice都係一致好評😆店舖位置比較隱蔽位於內街的窄巷，見到OpenRice嘅好評就覺得可以試試🥰店鋪有兩層，選了樓上位置比較少人安靜🤫眼見一個員工做樓面、收銀，選了野飲就落樓下落單。就咁睇menu，餐廳主打咖啡、水果茶，食物方面有All Day Breakfast、飯、意粉🍝價錢親民，但今日就只叫了一杯 #榛子朱古力鮮奶，大大杯，好夠料，朱古力味濃，落夠朱古力粉🥰 好滿意啊!! 期待下次再來試佢嘅意粉/ All Day Breakfast!! 🥰…查看更多

入到元朗食咩？朋友介紹勝利牛丸😊店舖外觀為本地傳統粉麵店，店內面積大，多張圓枱，十分寬闊，多人時會搭枱。既然店名勝利牛丸，OpenRice 都見好多人大推，所以叫左碗 #牛丸米粉🍲$45有六粒牛丸。本身朋友推介後都OpenRice 睇下大家點講，睇完大家食評都好有興趣食牛丸麵🥹可能期望太高？實際牛丸是比較細粒，且味道較普通，沒有Juicy肉汁及牛肉味🥺。之後留意到有人叫牛筋麵，如果下次嚟到元朗諗唔到食咩考慮會再嚟試😆…查看更多

每次食千之味都係到會，一個合理價錢就可以免費送貨真係好抵✅九龍灣分店位於The Eastmark，穿過德福就到啦～ 平日14:00人流唔算好多，幾清靜，堂食區係開放式，空間感大。落單用QR Code，唔識整問職員都會回答幫手，最後喺芸芸嘅餐單裡需揀左「迷你三文魚粒粒海膽丼」，睇相⬇️會發現好豐富大滿足💕想有大滿足嘅感覺就去千之味啦～📸門口一睇就知點解我咁中意叫千之到會，因為$300就送貨了🥰📸迷你三文魚粒粒海膽丼（連壽司🍣、汽水/紙包飲品）+$8再有沙律、刺身好值！📸個碗睇落好細，但係所有嘢夾埋份量真係好多😆味道正常都新鮮📸另外每個套餐可以再加1款小食，加咗$20餃子一份（3件）有少少燶📸同行朋友加咗個刺身拼盤，裏面隻牡丹蝦條數長起碼30 cm🤣…查看更多

尖沙咀有好幾間酒店都係出名拿破崙，今次就首試試吓半島拿破崙蛋糕🤩網上預訂之後就到半島酒店地牢取貨，裝修係墨綠色格調好高貴嘅氣派，原來仲有堂食添，下次可以考慮High Tea🥰外層酥皮鬆脆，面層有焦糖味中間嘅Cream好軟滑好好味!! 個人喜愛食Cream，如果Cream份量再多點厚點就好了價錢合理，因為當中包含着品牌效應以及員工有禮嘅接待～ 另外店內仲有大大個半島熊仔比大家影相好可愛大人小朋友都紛紛打卡拿破崙蛋糕（一磅）$538 旁邊有環保冰存放格很貼心💕…查看更多

相隔兩個月又係Roger Luk 再落單2月試左 #無核車厘子黑森林蛋糕🍒 覺得唔錯就再落單了☺️今次時間極度緊急，前一晚凌晨落單CS竟然回覆接急單翌日可取真係好感激🙏🏻（大家唔好學我🙈）由於4月有好多壽星仔女，就訂左3個蛋糕，每個一磅試下唔同味🎂除咗味道同蛋糕外貌之外，我都覺得有以下嘅優點要稱讚✅寫名唔使加錢，手字亦靚靚的✅透明盒包裝+冷凍袋+環保冰袋(夏天或者遠程客人表示非常貼心，因為而家好多小店都已經要加錢了)✅餐刀、蠟燭都有齊今次已經係第二次回購，兩次取蛋糕剛好是陸總餅師出來接待，網上都睇過總廚經驗長達幾頁紙，但係接待我哋嘅時候有傾有講好友善，仲會分享整蛋糕嘅心得，我地都感到非常榮幸，連佢都知我哋琴日凌晨先落單，咁細微嘅事佢都會了解～ 我諗「接觸客人」就係佢自立門戶嘅原因？#1 士多啤梨拿破崙蛋糕🎂#2 士多啤梨黑森林蛋糕（加了櫻桃酒）🎂#3 皇牌芒果拿破崙蛋糕🎂 …查看更多

有次搭車經過見到淘大商場旁邊開咗間露天餐廳好Chill咁，今次就去睇睇咩來原來係泰菜，位置相對淘大商場比較偏唔係係集中區，而餐廳都好個個寬躺舒適，好適合休班閑High Tea~🌟星期日六、公眾假期要加一啊 泰式蝦炒金邊粉 - 賣相精緻、第一眼係大碟食落發覺份量都幾多、有獲氣🌟生菜包🥬 - 套餐加$10，因為係小食加購，本身對份量無咩期望，但我絕對低估左🙈好多汁、豬肉亦好香口同淋，$10好抵，一家要加！可樂🥤 - $6連埋冰底唔洗加錢用餐環境好闊落，亦有斜枱比輪椅出入。建議餐廳可以播埋泰文音樂增添氣氛午市餐牌 - 小食加購真係要加，大件抵食!!加購嘅生菜包有2件題外話💕有愛的泰COOL~ 食飯途中有小朋友哭鬧，職員走來送棉花糖比佢地🥰去之前睇完Openeice都小擔心，但整體感覺都好好，值得大家親身一試。…查看更多

已經第2次食，兩次食都係即整即出餐，熱辣辣＋賣相靚到呢...!! 店舖設計十分整潔，分開落訂區＋堂食區，每個便當都好有水準，今次同朋友食，自己叫左牛肉壽喜燒弁当，好耐無食某某牛飯，重光整得唔錯好味！但唔係區內人真係未必識來，咁高質嘅小店一定要大大力支持!! 店內無飲品賣，但能夠做好便當專注做好便當已經好叻，支持小店 :3…查看更多

友人生日選了朋友工作的荃灣! 每次經過都見到好多人排隊終於可以一試! 用Openrice訂位可以88折享用晚市2人套餐!! 所以一定要預早Book位！有折頭又唔洗等位 :3雖然閒日但都好多人，環境比較熱鬧，如果想靜D傾計就未必適合～食物方面真心性格比高，本身生日飯都預左食貴少少，所以食物係附合預期的啊!!二人套餐前菜簡左炸物，非常好味，仲有廣島蠔添絕對係正常發揮～ 到咗主菜，亦係我嚟呢間餐廳嘅目的就係食扇貝明太子意粉，擺盤同網上睇一樣都係咁靚，味道好Cremy 超中意!!嘢飲略為多冰，如果唔係夏天嘅話都唔錯幾Chill~ 下次有機會試吓book露天位置💕…查看更多