SiuYingss的個人專頁

新年前諗住幫屋企人買酥角，早一日收工過去賣哂，見佢開8點又寫新年前照常營業，咪諗住朝早番工前去買埋，去到差唔多9點，個後生男士（據聞係而家老細）大大聲話10:00先賣，我都好聲好氣話我其實淨係想要角仔😢（佢已經有貨係度），就已經串串貢咁講話你咪10:00先番黎囉，我都仲笑住答左佢一句因為我要趕住番工啊🥹，然後佢竟然講一大輪野串人，又話你要番工，明啊，我明啊，咁我地都要番工既，下刪一堆字……(我冇聽佢講完我就轉身走左😮‍💨)真心，我係見開8:00我先特登行過去，我都唔係一開門就企係度，搞唔切啲貨我理解，但其實唔駛咁串係咪啊？🥺如果係解釋下點解未賣得，我都唔會晨早流流就打呢篇食評，但果句:咁你咪10:00先番黎囉，真心想問咩態度😮‍💨講番個角仔，我之前買過一次係幾好食(如果唔係我都唔會番工前突登過去買)，但係旺角不乏傳統餅店/好食既角仔，咁既態度真係好令人卻步，我都唔知係咪我小題大做，但一朝早就受啲咁既氣就真係唔係幾好受🫠🫠…查看更多

星期六慶祝朋友生日，見open rice好多好評咁就book左呢間餐廳食飯，點知就中大伏！當日我地食左2個頭盤，一個蒜蓉包，一個芝士雞肉夾餅，兩個小食味道唔錯，但俗量較少！之後食左個香蒜帶子意粉，辣辣地，幾好食，不過問題就黎喇，兩個扒一上，我地o哂嘴，首先，朋友個肉眼原本叫medium well,後來改medium，waiter回覆ok,之後我個鵝肝拼牛柳要medium rare,點知一上枱個肉眼硬到吉都吉唔入，我地都算，但個牛柳切開起碼medium去到medium well,同番個經理反映，佢一開始同我講話個邊會熟啲，我就切開中間同佢講一樣都係熟過頭，點知佢竟然攞張卡黎同我對色，大佬，我自己都做西餐，日日都對住啲扒，你唔係咁樣黎同我對呀麻，之後我話呢個一定唔係4成，佢就攞番入廚房對單，先發現落單果陣個waiter根本就落錯左就medium well,果下真心嬲左，仲要攞番黎問我咁係咪即係冇問題，而且個牛柳起渣，餐廳除左話free甜品之外咩表示都冇，但我想講我原本就有生日個甜品，根本就唔需要多一個甜品總括而言，落錯單個waiter冇覆單，又一句sorry都冇，之後仲要懶funny咁同我地講，真心一肚火唔覺得好笑，之後個經理自己連4成熟定7成熟都分唔清，仲要攞張卡黎同我嘈，一啲專對知識都冇🙄埋單1300蚊食啲咁既食物質素同咁既服務態度真係一啲都唔值，只好black list永冇下次！！…查看更多