KwanYi5416的個人專頁

放工間中揾間可以一邊慢慢食 一邊傾計既餐廳都幾唔錯 雖然都食過好多次雞煲 不過呢間有埋花膠雞煲真係幾特別 就諗住去試下!👍🏻環境：餐廳環境幾闊落 比起其他雞煲店會比較冇咁嘈 有落地玻璃窗睇出去 相對舒服❤️雞煲：滋補螺片花膠雞煲🐥原本雞煲既花膠湯底其實都已經入味😌👍🏻雞煲真材實料 雞肉多 花膠都多 欣賞👍🏻雞肉肉質幾嫩滑 唔會鞋靸靸 花膠亦係好大片 幾滿意 🙌🏻 湯底新鮮 唔係個啲味精湯🙌🏻 平時食開乾雞煲 偶爾食下呢類有湯既濕雞煲都唔錯 覺得唔熱氣得來 反而幾補身😌飲品：大咸檸七🥤好大杯 我地兩個人飲一杯 足夠了 冇咩特別 飲品質素滿意👍🏻火鍋料1：自制韭菜餃🥟好大粒 餡料充足 餃皮新鮮😍火鍋料2：自創爆芝響鈴勁大塊 勁新鮮 好鬆脆 呢個真係要叫來食下呀 絕好食 十分推薦💖😍😍火鍋料3：西班牙頂級黑豚豬肉片🥓肉切得幾靚 食落口感都幾好既 肥肉瘦肉分佈比較平均👌🏻咁樣落來兩個人都已經好夠飽 滿足既一餐❤️…查看更多

得到朋友的推介，黎到呢間聽聞都幾出名的餐廳聚餐。餐廳環境好有mood，綠色+金色歐陸式裝修好有格調，好適合情侶嚟dinner💝一入到去已經覺得好舒服，門口有啲梳化位比等位嘅朋友坐。我地叫左兩個前菜、兩個主菜、一個甜品同飲品。💕炸魷魚天婦羅配雞肝醬$128呢個菜名幾特別，所以我哋就叫咗😂侍應就叫我哋魷魚天婦羅+雞肝醬+多士咁樣夾住食。多士焗到脆卜卜好有口感，配雞肝醬perfect!再加埋魷魚天婦羅都不錯，不過會有少少膩😌💕忌廉白酒煮藍青口 $168呢個菜式好多西餐廳都會見到，正常發揮👌🏻💕貓耳朵意大利粉配茴香豬肉腸 $188貓耳朵意大利粉煙煙韌韌，好有口感。意粉汁有淡淡嘅芝士奶香，有少少驚喜👏🏻💕封門牛柳配薯蓉紅酒汁 $348我哋叫咗五成熟，牛柳煎得剛剛好，口感不錯。不過可能我食開重口味，牛柳略嫌有啲淡味，如果可以再加少少鹽會更佳😌👍🏻是日甜品 Brownie雲呢拿雪糕$88Brownie口感厚實，都好食😌👌🏻不過較甜五餅二魚 $160我又係俾個名吸引而叫咗😂上菜時侍應會將杯面上嘅木魚燒燶少少，帶出木魚嘅香味。酒底偏苦澀，但配上少少鹹香嘅木魚味，又有另一番風味😌👍🏻佢又真係幾盞鬼，配返五塊餅喺度😂整體來講，呢間餐廳嘅環境佈置非常出色，好適合情侶玩一班姊妹嚟食嘢同飲酒手打卡。我哋兩個人埋單千三左右，價錢中上小貴，但勝在環境有格調，如果有啲特別日子都可以嚟慶祝吓😌👍🏻…查看更多

同朋友去開銅鑼灣行街，就發現咗間幾低調嘅居酒屋😌間餐廳嘅logo都幾得意，壁畫牆都好正。💕關東煮 牛肋條一人前 $128好食，推介！牛肋條炆得好軟熟、十分入味。關東煮汁鮮甜，大根同豆腐都同樣入味😋💕汁燒牛脷 $88牛脷燒得好嫩滑，口感彈牙，唔會好韌，好食👍🏻💕炸串：海老、山藥、牛脷芯 炸粉嘅麵粉調配得啱啱好，唔會太厚身👍🏻配搭炸串醬汁同沙律，酸酸甜甜十分開胃。💕雞泡魚乾 $38雞泡魚燒得剛剛好，比較濃味，適合配清酒飲。芥末沙律醬同雞泡魚乾好夾👍🏻💕雞皮餃子 $58係炸過嘅雞皮包住餃子餡，覺得雞皮可以炸得再脆少少😌整體來講，依家嘅食物都屬於中上水平，食物都好有心機調配，好適合配清酒飲👍🏻餐廳服務都好好，每次上菜都好有耐心咁介紹食材同配搭。留意到佢有做200幾蚊任飲兩個鐘清酒，下次都可以返嚟幫襯下😌…查看更多

佐敦新開左間cafe，睇落好舒適又小清新，今次同朋友聚會就黎試下!有別於一般餐廳，呢間cafe門口有幾個位可以望到街景，可以俾人唞氣放鬆💕餐廳睇得出有精心裝修佈置，有雅典的木系同水泥元素，十分精緻。枱同枱之間好闊落，可以同坐得好舒服，可以班朋友一齊傾偈慢慢食😍晚餐有set dinner, 我同朋友每人叫一個set, 包沙律或湯、飲品、主菜、甜品，非常豐富！💕前菜蘑菇忌廉湯好濃郁，飲到粒粒蘑菇碎，係足料的感覺👍🏻蒜蓉包焗到脆脆地，正常發揮👍🏻🥩炭燒美國安格斯西冷我叫左五成熟，切開都見到煎得岩岩好。塊牛排好厚，但唔會好靭，都不錯👍🏻🍝松露野菌烤茄子意大利千層麵(需時約20分鐘)不枉我哋等咗20分鐘，上菜時熱辣辣新鮮出爐！雖然千層麵冇肉類，但味道都好豐富。千層麵咬落有口感，表面有好多芝士可以拉絲，但唔會太滯😍🍰甜品朱古力配忌廉嘅組合本身以為會好滯，但係味道調得剛剛好，唔會太甜，仲有淡淡地嘅朱古力苦澀味，好啱我口味😂不過最後因為太飽都係食得半個😂最後兩個人埋單$700左右，但係菜式都好豐富，又有甜品，食完都好有滿足感😍餐廳仲有個角落位可以打下卡，都幾有心思👍🏻…查看更多

同朋友係尖沙咀行街，就順便黎厚福街最多餐廳嘅H8晚餐。見呢間餐廳宣傳曾經係五星級酒店擔任大廚，都有興趣黎試下😌店面唔算大，但都算有少少mood👌🏻麵包拼盤上菜前會先上一盤餐包，有牛角包、麵包條、甜包，仲有果醬同牛油。三款麵包都好好食👍🏻佛羅倫斯蕃茄燉牛肚配法國麵包 $118蕃茄味好濃郁，但味道層次豐富，唔會得酸甜味😌牛肚好入味，咬落爽爽地有口感👍🏻松葉蟹味噌蟹盖鵪鶉蛋意大利麵伴白酒忌廉汁 $178蟹殼內的蟹膏鹹鹹地好香好開胃😍本身忌廉汁會有啲滯，但配返蟹膏就岩岩好，非常開胃👍🏻鹹蛋黃醬汁煙肉蘑菇意大利麵 $138醬汁非常濃厚，比平時的卡邦尼多咗鹹鹹地嘅鹹蛋黃味。幾特別，唔係周圍食到😌總體來講，呢間食物都高質，睇得出菜式都係經過精心搭配過，有少少fusion都幾特別。環境方面就比較貼地，唔會太浪漫，好多客人都係為左食物而來😌…查看更多

呢期天氣開始凍，都想食啲熱辣辣嘅嘢，呢日又黎食串燒🌝串燒店都有個好靚嘅bar枱，有好多酒可以揀嚟配串燒食👌🏻可惜要揸車，所以冇叫酒飲😌🍆麻辣川香肉碎茄子皇 $58 🌟必試一上菜時我哋就比佢哋的份量嚇親，係平時份量嘅兩三倍，十分抵食👍🏻茄子表面鋪滿肉碎同用左麻辣花椒油調味，非常惹味😍👍🏻好邪惡呀，但好食👍🏻🍗燒豬頸肉 $65 🌟必試比想像中大份，燒得好惹味，表面有少少脆脆地，啖啖肉好正👍🏻🐟燒白鱔 $68肉質鮮嫩，咬落去有少少爆汁，好juicy!🍖燒牛舌芯 $68份量都幾多，味道香口，但有少少韌，有幾塊咬唔開。🐓雞心、雞軟骨、雞皮雞皮燒得脆脆地，好香口；內臟方面都正常發揮，唔會食到唔新鮮嘅味道👌🏻🥦蒜蓉焗西蘭花 $58蒜蓉都焗得好入味👍🏻合格整體來講，依間串燒單價來講都唔算平，但份量偏大，都算抵食。環境裝修就有少少港式風格的bar咁，都算坐得舒服。上菜速度偏慢，但如果係約朋友一路傾偈一路食應該都還好👍🏻…查看更多

呢期係觀塘附近上堂，就諗住逐間試下東廣場啲餐廳。呢次試到呢間，本身諗住米線都好難煮得難食，點知中曬伏🤯叫左手抓羊米線，羊肉都有啲羊味，但好硬，唔太咬得開。個湯一飲中曬伏，清到冇味，似係水溝味精，米線就直情冇味🥲。同隔離嗰間黑山羊湯米線完全冇得比。服務方面都麻麻，啲待應唔知係咪太攰，竟然背對住我同我同台坐左大約半分鐘🌝！出街食飯咁多年都係第一次遇到咁樣嘅事。張枱其實好細，我自己一個食，望住佢個背脊，成件事好尷尬。最後碗米線真係難食到我食到一半就走左……查看更多

最近發現左間隱世高質素居酒屋，串燒同日本清酒都十分出色😌👍🏻餐廳坐落天文臺道，要行樓梯先上到去，位置比較隔涉少少。但平日都滿座咁滯，睇見有好多熟客幫襯😌嚟到居酒屋就梗係叫返支日本清酒啦，呢款都幾清新，甘甘地好易入口👍🏻蔥雞串 $42/串 荔枝豬腩 $32/串荔枝豬腩都好出色😍燒得酥脆嘅豬腩肉包住甜甜地嘅荔枝，甜味岩岩好消左豬腩的滯感👍🏻雞皮 $38/串超級脆，好似食緊薯片咁😍紫蘇葉雞皮蝦卷 $48/串脆卜卜嘅雞皮包住大蝦，仲有清新嘅紫蘇葉，正👍🏻牛舌 $88/串 🌟必食大推！係目前食過咁多間串燒店最好食！牛舌厚切，燒到半熟，牛味濃郁，口感嫩滑👍🏻燒白鱔 $75/串🌟必食白鱔鮮味濃郁，口感爽滑，有咬感😋表面嘅魚皮都好酥脆海膽松葉蟹蓋甲羅燒 蟹肉、蟹子、蟹膏味道層次豐富💕酢漬水母 $58水母酸酸甜甜，都幾開胃，好適合前菜進食👌🏻燒飯團 $38整體來講，呢間居酒屋串燒屬高質素，款款都好食冇伏，完全對得住呢個價錢。環境都好有格調，坐得舒適又好啱傾偈👍🏻想嘆番餐好嘅可以考慮來💕…查看更多

大圍地鐵站附近，最近新開左間串燒店，啲串燒都幾高質👍🏻我哋兩個人叫咗10幾款串燒，樣樣都幾好食無伏👍🏻🍆川燒茄子 🌟必試新鮮的蒜蓉配上秘製豉油鋪滿住成個茄子，十分吸引。茄子多汁，唔會太乾太硬，連皮都可以食埋，好食！🐓西京雞扒 🌟必試用日式燒法幾有驚喜，酒同味醂調好的西京汁甜甜地，完美帶出左肉的鮮味。再加少少蛋黃醬，都幾好食👍🏻🍗肉類食材食得出係新鮮嘅，燒肉嫩口多汁，惹味得來唔會落太多調味粉，食得出食材嘅原味😋🍡丸類比預想中好食，丸類通常都好易燒到有啲乾，但呢間咬落仲有汁，花枝丸同貢丸特別好食👍🏻另外會有個秘製沙嗲醬可以點肉，都幾惹味👍🏻小店店面就較細啦，迫少少，但係勝在有卡位，坐得都算ok👌🏻食物性價比高，食材新鮮，都值再返黎幫襯👍🏻…查看更多

呢間居酒屋喺天后都幾出名，估唔到而家都入駐尖沙咀，開咗第一間分店😌餐廳裝修都好有心思，好似去咗日本咁😍有好多卡位，坐得好舒服👍🏻🥗蟹將軍薯仔沙律 $108薯蓉加蟹肉，再加少少沙律醬，酸酸地非常開胃😍擺碟都幾有創意，擺喺蟹殼入面上菜。🍣吞拿魚拼盤 $288有京蔥吞拿魚軍艦、吞拿魚壽司、中拖羅壽司，大拖羅壽司、燒吞拿魚壽司。火炙愛好者表示燒吞拿魚壽司最正，入口即溶😍其他都好新鮮同厚切，高質！🦞芒果芝士澳洲龍蝦 $288雖然係芝士焗龍蝦，但係因為加咗酸酸甜甜嘅新鮮芒果，唔會覺得好滯👍🏻龍蝦肉份量都多，可以啖啖肉，食得滿足😍🦐炸櫻花蝦豆腐 $98豆腐表面鋪滿咗櫻花蝦，外脆內軟，點少少醬油汁，非常好食👍🏻🍹蜜桃烏龍茶熊茶 $58呢個冰造的熊仔超級可愛，造型好有驚喜😍烏龍茶微甜左右，有淡淡的蜜桃味👍🏻如果叫飲品都推介呢款💕🍹北海道士多啤梨牛乳乳酸 $48好香濃的士多啤梨味，不過可能因為係乳酸，所以比較甜，個人覺得如果怕甜嘅朋友可以叫返蜜桃烏龍茶😌正常來講，呢間居酒屋菜式都好有新意，味道上都做得above average, 值得一試。環境上都非常闊落舒適，有好多卡位，好適合一班朋友嚟傾偈慢慢食😌…查看更多

太子新開左間壽司店，同朋友都好好奇下，就黎試一試😌店面雖小，但都光線充足、十分乾淨企理，我同朋友都坐得舒服😌店內全部座位都係圍住師傅坐，可以睇到師傅製作壽司的過程！我地兩個人叫咗12件自選壽司同一個刺身丼。三色丼 $138魚生食材每日由日本空運直送到港，食得出新鮮感！海膽、帶子、魚子都滿瀉，食得好滿足😍值得一讚嘅係佢嘅壽司飯，粒粒飽滿有口感，味道也調得剛剛好，非常開胃😍12件自選壽司 $198因為我哋都鍾意食火炙壽司，所以叫左好多火炙類😍整體來講魚生都好新鮮，壽司飯手握力度剛剛好，唔會太鬆散/太硬，食物質素冇得頂！最驚喜嘅係佢嘅蔥吞拿魚腩壽司，淨係睇到張相都覺得流晒口水🤤留意到佢都有出一啲親民版嘅廚師發板，下次都可以再黎同朋友試下💕…查看更多

尖沙咀K11對面有間泰國菜開咗好耐，一直都好想試，今次就同朋友來食下先🌝間餐廳係地庫，雖然店面好大，但係因為見唔到餐廳內部，所以感覺上都比較隱蔽😌店面都好有心思，有架好得意的泰式砵砵車的士，打卡又幾岩wo🌝冬陰功湯 $78份量每人有兩細碗左右，味道調得剛剛好，唔會好似某啲泰國餐廳太鹹或太甜，都好滿意👌🏻鴨肉生菜包 $78平時食泰國菜多數都係得豬肉可以揀，鴨肉比較少見。炒得都幾惹味，食落有少少鴨肉香味，十分開胃👍🏻😍鹽焗烏頭 $128隻烏頭好大條，分量比想像中大，可以啖啖肉😍。魚外皮唔脆，魚肉比較軟熟，但未能食到新鮮感。越式燒春雞釀香茅黃飯 $188呢個菜式都係第一次食，幾新奇！成隻春雞包裹住啲燴飯，啲飯吸晒啲雞汁，好Juicy😂但又唔會太油要讚嘅係隻雞已經去咗骨，好方便進食👍🏻整體來講，呢間泰國菜菜式誠意十足，味道都好食，環境都好闊落舒服👍🏻我見佢都有好多大枱，好啱成班朋友放工嚟食飯😌…查看更多

黃大仙中心一向都多平民美食，留意到呢間餐廳超多選擇，同價錢都合理，今次就嚟試吓🌝我哋平日晚市嚟食，7:30左右，已經全場坐滿，開始要等位😌餐廳整體環境都算闊落，枱同枱之間唔會好迫，都算舒服👍🏻💛3 點刺身盛 $128刺身都正常發揮，唔會太薄，亦唔會食到唔新鮮嘅味道👌🏻💛火炙黑松露3點 $80個人好鍾意食火炙壽司😂所以覺得好正，唯一一點差少少嘅係表面放咗太多黑松露，有少少掩蓋左本身火炙嘅味道🌝💛雙重芝士鰻魚卷 $59份量比想像中大，鰻魚都不錯😌💛火焰左口魚牛油果沙律 $75第一次食呢種魚+沙律嘅組合，本身以為會好伏，點知mix埋一齊味道都可以接受。有少少鹹鹹地嘅黑松露再加火炙左口魚味，又幾特別同開胃😌💛黑豚肩燒丼 $82豚肉醃製得入味，配上燒汁都好開胃👍🏻珍珠米都煮得剛剛好，及格👌🏻💛燒日本廣島蠔(2隻) $48蠔殼雖然不大，但係蠔肉都幾大隻，新鮮程度一般。蒜蓉可以再香少少😌💛燒鱈魚棒 $50燒得好脆，有少少香香地的鱈魚同炭燒味，好適合配酒食。🥤宇治金時 $42有好濃郁嘅抹茶同牛奶味，仲有少少紅豆蓉，略甜咗少少，唔鍾意飲甜嘅朋友可以試下叫少甜😌🥤熱紫薯鮮奶 $35個人覺得太甜同太重奶味。我哋兩個人叫咗$600幾蚊, 都差唔多10樣野食，每樣份量都唔算細，食得好飽😂呢間食物水準正常，價錢都合理，有時想平平哋食下日本料理，又唔太高要求嘅時候，可以黎幫襯下😌…查看更多

旺角兆萬對面最近新開左間居酒屋，聽朋友講都唔錯，就嚟試吓先💕餐廳整體環境都算闊落，枱同枱之間唔會好迫👍🏻打開餐牌，發現價錢都幾親民，一個壽喜燒鍋都只係$58！✳️帶子甜甜地又食到新鮮感👍🏻✳️牛肉壽喜燒鍋湯底甜甜地唔會太鹹😌，牛肉同蔬菜嘅份量都好多，超高性價比！✳️三色魚生飯飯底調味調得剛剛好，開胃！魚生都好新鮮😍✳️鐵板薄切牛脷牛舌薄薄一片燒得剛剛好，有鑊氣得來唔會太硬，十分嫩口，亦食到好香的牛味。蒜片脆卜卜，都好香好好食👍🏻✳️三文魚明太子串本身好鍾意食三文魚嘅我好期待呢個，最後都係不負所望，非常好食👍🏻三文魚燒到啱啱好熟，食到鮮味同魚香。明太子太鹹，我會加少少落三文魚度調味已經足夠😌✳️燒魷魚筒燒魷魚軟硬適中，唔會太硬，但期待再重少少焦就完美🌝正常來講呢間都好有驚喜，雖然開喺旺角旺區，但價錢都好親民，份量亦好足，味道都掂，期待會返嚟食第二次👍🏻…查看更多

得到朋友介紹，特意來試吓呢間尖沙咀新開嘅隱世居酒屋。居酒屋細細間，但係睇得出花咗好多心思裝潢，好似去咗日本咁😌仲有一面牆放滿上百個左日式不倒翁😍場面好壯觀💛黑松露炸雞塊炸雞新鮮熱辣辣，外脆肉嫩，同黑松露配搭新奇得來都幾夾。蛋黃醬要俾個like，食得出係日本嘅味道而唔係普通餐廳的雜牌。💛壽喜燒鍋 入秋食返個熱辣辣嘅壽喜燒暖一暖個胃😍雪花牛肉高質有口感，其他食材都正常，整體來講都好食，不過個湯底略甜咗少少🤏💛壽司拼盤壽司魚生都正常發揮👍🏻要讚一讚佢個日式芥辣，食得出佢嘅新鮮感，唔似普通日式餐廳用粉溝出嚟嘅芥辣😌💛季節限定燒三文魚頭燒三文魚頭都好大份，肉質好嫩滑。不過火候可能唔夠充足，外皮燒得唔夠脆👌🏻整體來講呢間嘢食都正常，唔會中伏，如果同班朋友嚟食飯傾偈，都唔會太迫同嘈，環境比較舒服👌🏻…查看更多