Ceci CHH的個人專頁

附近做野，OT 到過咗 lunch 時間，求其醫肚就同事貢入呢間茶餐廳，個名同個 logo 雖然 leung leung 地 (餐廳老闆唔好嬲🙏🏻)，但竟然有驚喜 ✨.... 有時.... 真係唔好睇表面呀 🤪 我太肚餓，叫咗 "豉椒排骨配煎米" $60，上枱已經勁香，豉椒帶有少少辣又唔太咸 🌶️；排骨唔算大件但份量都多，細細件就夠入味 👍🏻 最正係啲煎米，有少少焦香，我最鐘意D脆口野啦~ 🔥同事就話太熱無咩胃口， order 咗 "潮式紫菜肉碎蠔仔泡飯" $58，又係另一種風味 🌊。同事表示一啖落肚即刻覺得暖胃，蠔仔新鮮份量又多，本身無咩胃口都食曬成碗 😌我自己就麻麻地蠔仔，只係試咗D湯，湯底清清地帶海鮮味，真係唔腥 👍🏻 加埋紫菜，飲落好鮮甜 😋埋單連飲品$12X，味道好又足料，仲要出餐快，一定會 encore 💨 如果下次"不幸" 要再 OT，一定會試埋其他小菜，相信都唔會失望 😋…查看更多

今日啲飯腳都放曬假，得返自己一個食~ 去到呢間餐廳滿座，要等位，但打工仔時間有限，就轉外賣 🤪因為懶得揀，就咁嗌咗份海南雞油飯 🐥連外賣盒 $61，價錢同區差唔多，不過個飯好大碗 (唔知係咪外賣先咁多)，都幾抵食 👍🏻 個餐唔包飲品，但包咗個姬松茸雞湯 😍 真係重點黎，仲正過個飯 (雖然都唔差 🤣) 不過個湯真係超超超超好味!!! 天氣咁凍飲返碗濃湯真係好暖心 ♥️ 仲要隔咗油!!!! 如果可以添飲就好喇 🥺 個飯啲雞好滑 (啲皮都係)，份量足，完全無骨 😁👍🏻 我諗大部份海南雞飯真係 default 佢無骨，就算餐牌無特別寫明「無骨海南雞」都係咁話～ 因為試過一啲差唔多價錢或更貴，竟然會有骨，我以為嗌錯野 😵‍💫Overall 值得再食 👍🏻見飯/麵餐都多款，仲有雞煲串燒，不過打工仔無咁多時間 😅 下次帶同事 lunch 試下其他飯～P.S. 老闆娘超級好人 😍 咁忙都仲好好禮貌 👍🏻 除咗食物好味，服務好真係吸引回頭客！…查看更多

早幾日單拖附近買完禮物🎁就腳就食個 pho～好好味呀，又抵食，加埋凍飲都唔駛 $70 今日食咗半生熟牛肉湯河賣相好整齊 同上網啲廣告相一樣 👍🏻果然 keep 到水準個河啲配料都好味~但最正竟然係個湯 😍唔太健康但差唔多飲曬 😬個河粉好滑同唔散 (出面好多都散)所以要加加分!!見到隔離枱嗌咗啲小食，好心郁呀 🥺不過一個人真係食唔到咁多野下次如果有機會會想試下牛油雞翼同春卷我聽隔離枱係咁話好食 🤣呢啲打包就唔好味啦最後要平反一下見到有人話啲服務態度差可能已經炒咗啦 😂去嗰陣都好 full, 但啲員工好有禮貌 wo~同埋執枱好快手，出餐都Okay 👍🏻坐咗一陣等朋友, 見對其他客都係咁 nice…查看更多

難得過開港島，緊係要搵下啲特色餐廳 😗 同朋友食完 lunch，一路行下傾下計，攰攰地經過清風街就見到呢間餐廳 🍹 起初以為係西式酒吧，原來係 fusion 尼泊爾🇳🇵菜～裝修簡約，有個開揚路邊 bar 位，清風街唔算多車都唔駛太過食塵，可放心坐 🤣 室內大概 12 張枱，位置寬躺，唔駛驚同隔離枱鬥大聲 🔊 同埋因為有個 open bar seats, 所以空氣好流通舒服 😌純粹坐低傾下計，所以簡單點咗幾款小食：松露薯條🍟 配蒜泥蛋黃醬$78/份、尼泊爾豬肉餃子🥟 配祖傳蕃茄辣椒醬$88/7件、酥炸三文魚可樂餅配辣蛋黃醬$118/5件🤤 三款小食本身都好味，但最畫龍點睛係啲醬 ! 尤其係Momo (豬肉餃子🥟) 祖傳蕃茄辣椒醬～ 雖然餃子食落同平時港式/韓式無太大分別，但醬汁辣得來帶酸，本身怕辣嘅我都係咁點 🤪 而小食會等別推介可樂餅，新鮮炸起又熱又香又脆口，點埋啲凍嘅醬汁，好似食緊心太軟配雪糕咁，個口又熱又凍好複雜 haha 👍🏻👍🏻食野又點可以唔飲野呢～老闆介紹咗杯未 on list 嘅香茅檸檬梳打，食完咁多煎炸野緊係要舒緩一下熱氣嘅喉嚨 🥵 所以呢杯飲品介紹得好，希望之後會上餐牌啦 😙👍🏻 題外話：幾位老闆係尼泊爾年輕人，雄心壯志，喺當時疫情限制🚫都未放寬下都仲開酒吧 😳 香港人創業開餐廳都已經唔容易，更何況幾位後生仔用外語溝通，由搵鋪位、裝修、入貨等，到推廣餐廳俾區外人認識，都需要更多動力.... 傾傾下計話請埋我地飲野，所以杯飲品係唔知幾多錢 😅…查看更多

南豐紗廠有活動，雖然無養小動物都過去行下，行到攰就喺附近搵到呢間 Pet Friendly Cafe 🐱🐶 裝修都有心思，係比較貴高價的 Coffee Shop，主要飲咖啡、食 All Day Breakfast 同埋漢堡包 🍔位置寬躺 (枱與枱之間都有好多活動空間俾小動物)，約有8張枱，午市過後唔駛排隊～但都因為歡迎寵物，都吸引咗唔少人經過望下 😗餐廳人手不多，手機自助落單+付款，都算容易～嗌咗份牛油果大啡菇植物火腿漢堡 $118 🍔，加配松露薯條$8 🍟 同埋熱朱古力 $5 ☕️ 食物等咗好耐 (我諗半個鐘左右)，雖然有啲耐但店員都好好主動解釋唔夠人返工所以出餐會慢，俾咗份沙律我地食住先～ 👍🏻 漢堡包 🍔 份量 OK, 啡菇多汁好味～薯條新鮮脆口，配上松露醬好香 😋 朱古力夠濃，如果可以加 Whipped Cream 就正啦!!! (老闆要考慮下 😌)總括黎講都係一間輕鬆 Cafe，食物雖然偏貴 (六/日/假期貴$30) 但味道及賣相都不錯～如果餐廳有多啲寵物玩具/裝水器皿/寵物餐單就真係 pet friendly 了🐕🐩…查看更多

今日朋友請食下午茶 😙 但因為有幾位都太早食午餐關係，就喺附近求其揀咗間茶記～原來呢間茶記都有多年歷史，出曬名菠蘿油同埋奶茶，我仲以為係新野最近先開 😳 嗌咗啲粉麵飯 (焗馬來咖喱牛腩飯$52、咸魚雞粒炒飯$50、瑞士汁牛肉炒河$52) 同埋炸雞髀配薯條律 $48 外賣，原來下午茶滿$200仲有半打蛋撻送 😋 真係好滿足嘅 TEA TIME～ 配埋佢最出名嘅奶茶同埋足料紅豆冰(下午茶大大杯麵係加$3！)，個個都食到捧住個肚🤰🏻因為送咗蛋撻所以無嗌到菠蘿油，下次要嗌一個再加杯紅豆冰，試試佢有幾邪惡 😈…查看更多

其實深水埗真係好多好野食，今日去買野順便食飯，諗住簡單啲又唔想食茶記，就揀咗呢間江南瀨粉～有大概 30 個坐位，可能附近都多餐廳，所以基本上都唔需要等～坐底後個員工都會主動介紹下啲食物，粉麵店黎講啲服務都算唔錯 👍🏻嗌咗$60竹笙春卷酥炸雞翼瀨粉，唔駛5分鐘就有得食～蔥蒜放匙羹，好似我咁唔食蔥蒜但唔記得嗌走嘅朋友都唔駛驚 🤪 竹笙吸曬啲湯，爽口得黎又多汁；而酥炸雞翼分上，唔會浸落啲湯度淋曬 👍🏻 不錯～！…查看更多

返工忙到無時間食野，去旺角探個客之前就拿拿臨食個快餐～呢間應該都出名又平又快靚正 🤪 餐廳 20 張枱左右，下午茶唔駛等位，坐底拎餐牌睇完就可以按鐘/舉手搵樓面同事落單～簡單快捷，同埋唔駛5分鐘就有野食，啱曬我呢啲掛住做野然後餓到暈嘅人 😵‍💫🌪點咗一份M熱溶三色芝士燒肉丼飯$55，另加$20炸雞套餐連特製冰紅茶～同我一樣鐘意芝士嘅朋友仔一定要揀呢款三色芝士，好濃郁，用黎撈飯一流 😋 (但麻麻地芝士可能都覺得有啲「漏」) 而炸雞就麻麻地，炸粉好厚同埋只係微暖，感覺好唔新鮮 ❌ 未飲杯紅茶前以為係無糖，但飲落去有啲似檸檬茶，有點喜出望外 😳總括黎講快餐算唔錯，而且大多數客人都係自己聽住歌睇住電話，單拖食飯完全無壓力～…查看更多

其實好鐘意食餃子，所以如果獨自尋美食都會首選餃子，但幸運地今次有志同道合嘅朋友又係餃子愛好者🥟😋 放工就約咗去長沙灣荔枝角交界搵到呢間「好味餃子店」，啲餃子同間餐廳名一樣 🤪鋪頭唔大，15個位左右，不過簡單快餐，流轉都快，唔需搭枱/等位～而且坐咗陣都知外賣多過堂食 🥡$47嗌咗一份韭菜湯餃上海麵，送自製豆漿～另外再$47+2嗌多份10隻雙拼芫茜+白菜煎餃 🤤 湯餃好大隻又多汁，韮菜味好香，湯底都唔錯～煎餃香口，但唔似用餃子皮，因為啲煎餃包到好似餡餅咁 😳 煎出黎啲油份吸曬皮度，熱辣辣得黎好惹味 🥟‼️ 只係幾隻煎得太燶，食得唔係咁盡興... 同埋豆漿雖有豆味不過略甜 🥛但總括黎講係值得推介 👍🏻…查看更多

因為返工又去咗荃灣，呢個位唔算放便，但最緊要就搵到好野食啦 😋 圍住荃貴街呢個圈都有好多餐廳小店～呢間鋪唔起眼，簡單裝修，但原來啲食物好有驚喜 😳餐廳位置唔多有大概6張枱14個位，過咗午市繁忙時段所以唔使等位～嗌咗一碗牛筋&雞翼上海麵$44 🍜 + 一碗大豆漿 $10 🥣 上海麵可免費配榨菜滑雪菜 (好足料!)，湯底濃得黎唔太咸 👍🏻 (純分享："雞翼"原來係1隻雞全翼～仲以為係2隻雞中翼 😅 因為我唔識食雞翼尖) 豆漿大大碗，注意 $10係兩人份！重豆味，唔太甜，同埋可以麻煩樓面姨姨幫手煲返暖～😘 …查看更多

今日興起出街食 lunch，由同事帶隊去呢間餐廳，午餐時段周圍都好多人，好彩無 book 枱都好快有位 🤪餐廳格調高級悠閑，配上音樂都幾舒服 😌 荔枝角地區黎講午餐算係貴，但位於 D2 入面同埋西餐，所以都正常～ 貴唔緊要，最緊要係環境、衛生、服務同埋食物質素!有午市套餐，包沙律前菜 & 凍熱飲～揀咗份鱈魚柳漢堡配松露薯條 $128、另加 $10 加咗餐湯、配熱咖啡 🍔☕️ 可能唔多客人，上菜算快 (前菜飲品3分鐘左右送上，4 個餐主食約 10 分鐘內)～鱈魚柳脆口又夠熱，薯條即炸香口 🤤 整餐唯一失色係"松露薯條"原來係普通薯條配"松露Mayo", 個醬好淡味麻麻地～我見同事都要自己加鹽去吊味 😮 咖啡安排幾好，奶分開可以自行加奶量～題外話1: 咖啡套杯 & 匙羹好靚～啲女同事都話要影相📸️打卡 ♥️題外話2: 同事飲表示飲凍檸茶有驚喜，因為係港式凍檸茶而唔係西式凍檸茶 😂👍🏻👍🏻…查看更多

因為工作需要，今日去港島～餐廳位於鴨巴甸街，呢條超級斜路真係少啲體力都頂唔順 😵‍💫 朋友帶我金鐘轉小巴上堅道落車，由頂頂行返落去雖然無咁辛苦，但條路太斜，下雨天都要小心～！餐廳入口雖然不太顯眼，但入到去就覺得好清新舒服～裝飾簡潔，以旅行為主題 🌎🌏🌍 鐘意旅行 chill 下嘅朋友仔真係值得到此一遊 👍🏻樓下位置約5張枱，但原來仲有2樓 😍 樓上同樓下的小清新係兩種風格啦！好開心，上到2樓係中東風裝飾!! 好靚～坐喺度食野真係特別有味道 🤣 不過要 book 枱... 我地只可以坐樓下，食完先上去影下相 📸🧚🏻‍♀️起初以為食西餐，原來係台灣 fusion 菜 😮 嗌咗豆乳鹽酥雞便當 $88 , 本身以為啲雞無汁點會好乾，但咬落去外脆內 juicy, 同埋啲配料都有啲汁，所以食落都好惹味 🤤 加$20配咗酥炸花枝丸，3粒好似都有啲唔同味～但一樣都好足料又彈牙 🤪 飲品跟餐免費，嗌咗無糖四季春茶，食完熱氣野配茶就剛剛好 ☕️最後最後都係受唔住誘惑，嗌咗個焦糖脆脆香蕉糯米窩夫配提子冧酒雪糕 $138 😱!!! 唔係誇張，呢個甜品必食!!! 唔食正餐都要食 🧇♥️ 個窩夫唔甜，所以配上朱古力醬、香蕉同焦糖脆脆好夾又唔會太「漏」🤤👍🏻如果可以坐2樓，食住個甜品配上精緻裝飾就就 perfect 啦 😎 但位置唔多，真係要記得 book 枱!!…查看更多

今日同朋友短聚，鐘意食煎炸野嘅佢極度推薦呢間 Outdark 🇰🇷 我見咁多食評，應該都要 book 定位穩陣啲～ 但 6:30pm 後嘅預約時間無曬啦，咁就唯有食個早飯先去行街啦 😉因為早去，門口無人等位，但原來入面已經坐滿曬人 (所以真係要 book 位!) 用膳時間 90 分鐘～放心大家唔會超時，因為差唔多夠鐘時啲員工會每10分鐘過黎提你一次 🤪嗌咗一份雙拼炸雞 (原味+香蒜蜜糖炸雞，一份蛋卷同埋兩杯飲品，埋單約$440～炸雞份量大，夠熱，又多薯條+薯格，滿滿一碟，好啱啲鐘意食香口野嘅朋友 🤤♥️ 蛋卷無特別配料，簡簡單單，最出色係個醬汁！其中一杯飲品係 Strawberry Yogurt，酸酸得黎好濃好開胃，就算啲冰溶咗都唔會太淡 👍🏻總括黎講呢餐食得好味又開心，係音樂略嫌大聲，人太多+音好其實有啲難傾計～另外強烈建議想食的朋友仔記得要 book 咗枱先 😉…查看更多

去荃灣行街，行到有點攰就搵間餐廳仔抖一抖食個下午茶～好 local 的一間點心茶餐廳😌約20張枱，半滿，見坐底都係街坊，悠閑嘆茶～下午茶款式普通不過多選擇，嗌咗份鮮牛肉公仔麵配午餐肉煎蛋+熱檸水，價錢包熱飲OK、食物質素不過不失～簡單又一餐 😋…查看更多

今日又因為工作所以去咗荃灣區，同兩位同事一齊去咗越北牛肉粉～入去仲以為係去咗街邊茶記 😒 無論係員工態度、衞生情況同埋食物質素都強差人意.... 仲以為餐廳喺商場入面會差極有限 😪餐廳都算多位，午市黎講 turnover 都算快，等咗一陣有位～坐底後店員將餐牌扔落枱，態度很不友善 😵‍💫 嗌咗三份湯河兩份小食，食物味道還可以~ 不過同事嗌雞扒但俾錯咗豬扒 -_- 而食物賣相呢～講真啲碗邊都係油跡/汁醬，真心唔太開胃... 🥺荃灣區餐廳太多選擇，雖然體驗咁差應該唔會再食，不過都希望餐廳改善下，咁先可以生意長做～👍🏻…查看更多