PoChang的個人專頁

天氣轉涼，明知多人打邊爐，所以我早起星期一晚book定星日晚枱，接線姐姐話分6:30同8:30兩圍，我book 8:30啦。佢起星期日晏晝call我confirm booking 8:30，咁我ok咗收線啦。我哋準時去到，同佢講x小姐book咗4位，個姐姐態度好差咁同我講"要等一個鐘！"我話我book咗，佢話book咗都要等。咁我book嚟做乜，一陣我都覺得ok，一個鐘？冇嘢呀化。仲要態度好差(個姐姐好似叫麗姐)我見佢D枱全部好似啱啱開始食咁，都唔知係咪唔理booking接walk in。總之... 唔會再去😡😡😡…查看更多

為了寫呢個小故事開account。我幫襯咗新品香十幾年，講真你問我係咪真係咁好食又未至於，食係食𠹭份人情味。老闆會記得我口味，撈麵問我加唔加薑蔥(因為之前加過)，油菜記得我要腩汁，呢啲小節都係小店令人留戀嘅地方。記得大概十年前我由灣仔方向行過去，差不多到天樂里，叫到有個婆婆起馬路除褲大便(我想講係呢個婆婆睇落明顯係精神有問題)，我冇特別理照去新品香坐低食麵，點知見到頭先個婆婆行左入嚟坐低，老板自動波捧上一碗青菜麵，婆婆食完就行食出舖頭(當然唔使俾錢)，睇得出成件事已經係習以為常，呢件事令我感受好深。希望老板好人有好報，身體健康。次次見到又有老店結業都好驚會到新品香... 一定要長做長有呀！…查看更多