星星人的個人專頁

屋企少爺1月中生日，年年我都會問佢想食咩，上兩星期佢突然話佢未食過威靈頓牛柳，佢睇電視見過鬼佬廚師整好似好正咁 🤔於是呢個呀媽就問下面書大人，谷友們都介紹我黎土瓜灣既tc bistros 話佢哋嘅威靈頓牛柳好出色，我位都已經訂埋，點知…. 政府突然宣布冇得食晚市，今晚之前嘅最後一晚，男友剛好放假，打電話去餐廳問仲有最後一件威靈頓牛柳，所有嘢都好似預備好俾少爺咁黑松露薯條，啲黑松露醬真係好香墨西哥餡餅好味四成熟既肉眼扒主角既威靈頓牛柳，佢話好好味我唔食牛，所以食豬鞍排，肉質都幾滑開多枝house red呢餐食左大約$1300，好味，會再encore…查看更多

今晚同老友見面，應該係開心的，仲要係 belated birthday dinner，呢間野 $238一位，食120分鐘，過時每20分鐘要收錢，食唔晒嘅嘢亦都要收錢，呢樣野我同我啲朋友都明因為人地要做生意，但好明顯呢間野就唔識乜嘢叫做語言的藝術，今晚我地食左兩個半鐘，期間佢哋嘅員工不斷地提我地夠鐘，同埋食唔晒嘅嘢要俾錢（提左好多次，提到我地都滾滾地，不過我地係ok的）最後佢哋係我地未食完嘅嘢成煲收左去，咁又係一個乜嘢態度呢？係咪一個做服務性行業應有嘅態度呢？呢間野其實環境同食物係幾好嘅，但奈何服務質素真係有啲問題，我諗佢哋嘅管理層要好好地考慮一下認真去面對呢個問題…查看更多

住西灣咁耐，成日都有朋友同我講 “你就好啦，咁近太安樓，可以成日去食好野”，朋友你太膚淺了，話我自私都好，好食既野，我盡量都唔想唱通街，呢間串燒小店，開舖冇耐就開始幫襯，可能我比較麻甩，好鐘意呢啲坐街邊風味，就連周年記念，我同另一半都會黎食 😂😂😂今晚又同朋友黎食，兩個女仔，有龍蝦（好新鮮）有牛肉有鱔（鱔皮仲要燒到好脆），仲有主角五層燒同啤酒，都只係每人二百蚊，去邊度揾？講個秘密比大家知：咪睇老細粗粗魯魯，其實好好人好有heart，知我有時要食素，都會送蒜蓉包俾我食…查看更多

6月1日晚, 同火星人係朗豪坊睇完戲後, 見佢呢排工作壓力大, 無咩心機咁, 打算同佢去擦番餐, 早前已經睇過新水記既食評, 只係一直無機會去, 今次決定帶火星人去食佢最愛既泰國菜一路行, 佢見周圍好靜, 已經開心眉頭緊鄒, 仲同我講"你下次唔好黎呢D地方", 去到門口, 見到大部份係男人, 幾乎想捉我走, 幸好一去到就有位, 我就立即坐低叫野食兩個人一共食五樣野同兩枝啤酒 (都幾誇張, 嘿嘿嘿), 然後再加多個咖哩炒蜆外賣俾屋企人, 埋單都係$352, 真係超抵蝦刺身, 好味, 彈牙白灼蝦, $18 超抵咖哩炒蜆, 好大碟, 食極都好似食唔完咁, 好香, 鐘意食辣既朋友一定會覺得唔夠辣, 但就好香咖哩味飛天通菜, 一般烏頭魚, 好味酸辣魷魚沙律, $18 只係普通, 可能我唔鐘意食酸野…查看更多

昨晚同呀仔一齊返娘家食飯, 打道回府時突然想食糖水, 於是走入大良八記, 之前食過幾次, 價錢同食物質素都ok昨晚一入到去見裝修唔同左, 仲以為轉左手, 跟住呀姐拎張menu俾我, 一睇, 無轉喎, 不過就貴左好多, 一個燉奶要$22, 之前都係十幾蚊, 跟住有個姐姐仔就立即講, 我地價錢改左, 不過用料都改左, 心諗, 算啦, 食碗糖水唧, 呀仔要左腐竹蛋, 我就要左湯圓, 個湯圓要$20, 之前都係十幾蚊, 都未食就已經知唔掂, 想"畢"粒俾呀仔試, 點知一"畢"就痴住隻匙, 連第二粒湯圓都整穿埋, 再食落口, 唉.. 淋pat pat既, d粉痴住晒, 真係好難食, 呀仔既腐竹蛋都唔好得去邊呀仔話東大街咁多間糖水鋪, 以後都唔會再去呢間, black list佢, 失望…查看更多

去魚湯專門店, 重點唔想食魚, 係食吉烈豬排, 其實小妹唔係一個魚痴, 魚對我黎講係可有可無, 我只係一個湯痴, 加飯桶, 第一次朋友帶我黎既時候, 介紹我食吉烈豬排, 其實以前我係唔食豬排既, 因為我怕食樹皮加庶"ja" 不過係佢令我改變, 佢地既豬排唔鞋不特止, 仲好鬆, 好有肉汁添, 一試就愛上左喇早幾日去左東大街某一間米線專門店, 佢地又係豬排出名既, 一日仲只係賣二百客咁, 一試之後, 都係一外如事唧, 仲係唔夠魚鱻既豬排咁鬆化同多肉汁 …查看更多