Chanmomomo的個人專頁

所有野都幾好，設施夠玩、員工友善、食物正常。小朋友玩得開心。計埋食物，其實同平時啲playhouse價錢差不多。但好熱！冷氣不足，仲要用射燈射住啲餐枱。希望改善。…查看更多

門口光頭阿叔態度悪劣，不適合接待客人！農年新年都未過，想同啲客開年！睇呢到評價，我唔係第一個話光頭阿叔態度有問題，公司留意下啦！野食幾好，其他侍應都正常。咁巴閉，唔好做帶位囉，食完都一肚氣！…查看更多

每個星期六我都會去元朗嘅綠在區區回收，今日回收完係附近見到呢間小店裝修得幾靚，被吸引左入去！😍見佢價錢都好親民，幾十蚊一個lunch set，dinner都可以唔洗$100填飽個肚。👍🏻叫左一份紐西蘭一級肉眼扒，同一份蟹籽蟹肉忌廉汁扁意粉。🍝跟餐仲有一個南瓜忌廉湯、小餐包。🍞南瓜忌廉湯用料充足，感覺好健康！ 🎃 五成熟紐西蘭肉眼扒，煎得啱啱好，老公好滿意。🥩老公仲加咗錢，要多一杯白酒，配埋份牛扒，佢話無得頂！😋蟹籽蟹肉忌廉意粉，睇相就知好足料啦！ 🦀 啖啖蟹籽蟹肉，好正啊！ ❤️ 今餐用杯熱茶畫上一個完美句號。 🍵 估唔到係元朗嘅小巷會有一間咁用心嘅小店！…查看更多

繼續發掘元朗美食😍 今日嚟到十十，佢最出名係酸菜魚 🐟 🐠 Appetiser 叫左花雕醉雞，入味，又嫩口 🐥 🥃 仲有炒萵筍，脆脆地、清清哋，襯返重口味酸菜魚，就係最好嘅配搭啦！ 老壇酸菜魚 🐠 酸菜魚有得揀大、中、小辣，因為同行朋友唔食得辣，我哋就叫咗小辣。呢個酸菜魚好足料啊，有好多舊魚，有芽菜，仲有啲薯粉係入面咖，食到好滿足！😋呢碟有成十隻蝦，好足料！🦐 呢碟好辣咖，啱哂重口味嘅朋友仔！🌶️糊椒沙白豆苗湯🌱食完咁多辣嘢，叫返個菜，啲湯係飲得咖！啲蜆新鮮、無沙，呢味必點呀！👍🏻😋食埋甜品芋圓冰粉，飽飽啦！😘😻Waitresses好好招呼，環境亦雅致，適合情侶、朋友聚會。👏🏻🫶🏻…查看更多

20:30係尖沙咀做完facial，見到呢間魚蛋粉仲開緊門，而且人頭湧湧，不停有客入去，一於入去試下。坐低先發現，原來唔只有魚蛋粉、牛腩河呢啲野食，仲有梅菜扣肉飯、蟲草花雲吞鴨腿湯跟白飯等等，照顧唔同客人嘅需要！有啲夜所以唔食咁heavy啦，叫左四寶河(加色)、凍檸菜、芥蘭，健健康康的一餐！睇見隔離枱啲魚肉春卷、炸魚皮好吸引😍 但我一個女仔食唔到咁多 😆芥蘭條條爽口、無渣豬肉丸有肉汁魚皮餃夠大粒墨魚丸，my favourite!白魚蛋有2粒承惠$62，尖沙咀嚟講，又抵又飽肚又滋味！下個月做完facial都應該會再嚟😁…查看更多

呢間小店唔係熱鬧嘅街頭，但全晚都有客人入嚟，咁就知佢有自己吸引之處！小店裝飾好靚，好igable，全晚都播住耳熟能詳嘅歌，好好feel！😍串燒有個爐仔全晚慶住，儀式感呀呢啲係！🥰左起: 燒雞🐔、燒羊🐏、燒牛🐄、魷魚酥🦑、豬腩肉🐖、薯仔片🥔最推介燒雞、豬腩肉！👍🏻薯仔片就同想像中唔同，入口較軟身。必叫燒膳呀！燒帶子跟住食番啲菜，必點燒茄子，同超長九菜！未夠飽，就叫啲澱粉，呢個迷你肉躁飯有少少甜味，夠特別！滑滑腸粉，估唔到串燒店嘅腸粉會咁好食！食串燒緊係要飲野咖啦，杯荔枝沙冰夠哂足料，食到尾都仲未飲完，夠哂解渴！仲有出面好少見的王老吉，正！😋咁又渡過左好開心嘅一晚啦，推介屯元天街坊一定要嚟呀！…查看更多

提早同老公慶祝情人節住係元朗咁耐都無發現呢間隱世、高質西餐廳🍴！Menu都幾多野揀，花多眼亂，一於問吓店員有咩推介，其餘交比親愛的老公揀。蘋果玫瑰花茶，微甜、夠熱、有花香，啱哂女士係呢啲天氣飲。Appetiser 叫左煙三文魚牛油果莎莎多士，又靚又好味粟米南瓜湯，跟熱辣辣香噴噴蒜蓉多士，正 👍🏻烤大啡菇黑松露rissoto，忌廉味香濃，大啡菇夠juicy。雖然係素食，但好夠飽咖。店員推介的慢煮巴馬火腿黑松露野菌釀雞卷，睇得出好考功夫的一道菜！出面塊parma ham烤到脆卜卜，入面啲雞肉好嫩，中間仲有一層雜菇，廚師花咗好多心思呢。二人承惠500幾蚊，獲得遠離小孩的浪漫一晚 🫶🏻 我同老公都好滿意！…查看更多

係The One shopping完，經過見到「茶墨」，我就最鍾意飲珍珠奶茶㗎喇，但係之前未聽過呢間舖頭，睇見佢張poster杯野飲幾靚就決定嗌一杯試下。😍鋪頭有少量位置比大家行到攰坐下，但我趕住番屋企就決定轉takeaway。必叫黑白中國水墨風 — 麻糬芝麻烏龍鮮奶茶，店員推介加$28要個set配件甜品，我揀咗富士蘋果芝士蛋糕。🍰🧋好快就拎得！一個字，靚！🥰搭左半個鐘地鐵，番到屋企竟然都仲keep到個樣！麻糬芝麻烏龍鮮奶茶有好濃嘅芝麻味，麻糬口感煙韌。😋🍡細細件富士蘋果cheesecake夠清新。 🍏 🍎 睇見佢其他產品就冇咁濃烈嘅中國水墨畫風，但係都好似藝術品一樣咁靚喎，值得下次再試吓。…查看更多

成日都過元朗，不過留係YOHO MALL嘅時間比較多，今次衝出YOHO MALL，行多幾步路，搵到呢間勁高質cafe - Sole Coffee。平日14:00嚟到，呢個時間過左lunch，環境比較清幽。想食個light lunch，叫左個素食avocado smash toast 🥑 🍞 ，加埋店員推介、打卡一流的tiramisu coffee ☕️ ！Avocado toast有驚喜，牛油果味濃，麵包同牛油果中間有一層好香嘅牛油🧈！伴碟嘅沙律菜亦夠新鮮！小店店員寧舍親切，教我Tiramisu coffee 先飲一啖，搞勻再飲一啖，咁就試到唔同風味。呢杯野甜甜地，啱哂怕咖啡苦嘅sis！呢間小店絕對有下次，推介！👍🏻…查看更多

今日嚟到The One入面的清淨Cafe，可以悠閑過一個下午的地方！睇個名以為係食素，點知充滿驚喜啊！餐廳的空間幾大，裝修簡潔有格調，同三五朋友嚟都適合。仲有户外範圍，應真chill！去過日本的洋食屋都知道，呢類Cafe有好多選擇，pizza、burger、飯、意粉、雞翼…… 應有盡有。Lunch set好抵食呀！宜家好多餐廳都自助落餐，夠哂方便呀。今日食個quick lunch，叫左浜松名物 — 牡蠣丼 🦪，拼凍烏龍茶。牡蠣丼出面好少有咖，當然要試下啦！炸蠔鮮味，熱辣辣，外脆內軟，仲好多汁。沙律菜亦夠新鮮。今餐非常滿意呀，成碗清哂！下次同埋朋友嚟，就可以叫更加多嘢啦。好想嚟試Pizza，同埋大受歡迎的美國黑毛和牛丼！！…查看更多

午飯時間，想搵間坐得舒服啲嘅餐廳，就嚟到美麗華嘅burgeroom。呢到裝修走工業風，又有霓虹燈，好適合打卡，不過今日我自己一個就唔係幾好意思啦哈哈。🤭今日揀左蜜糖芥茉大烤菇煙肉牛肉漢堡、扭扭薯條、水蜜桃冰茶 。呢個lunch對於一個女仔嚟講好似有啲太豐盛，但我要獎賞下自己工作嘅辛勞。 漢堡好足料，熱辣辣，好滿足！舊肉夠哂肉汁，生菜夠新鮮！扭扭薯條分量充足，美中不足係炸得有少少偏乾身。水蜜桃茶夠冰凍🥶Long lunch 舒舒服服坐左個幾鐘，員工招呼都好好。🤗其實佢個lunch set都幾吸引，不過我鍾意食扭扭薯條多啲所以先散叫，大家可以考慮叫番set，經濟實惠啲。下次happy hour要同同事落嚟飲野 🍻 🍻 …查看更多

15:15下午茶時間，嚟到呢間貓貓cafe。未入門口，已經有兩隻貓貓迎接我。🐱🐱一入嚟，就見到牆上嘅壁畫，店主話係佢自己親手畫嘅，好有特色，打卡一流。呢個時間叫lunch set 會抵啲。野食好快就嚟到，味道同service都係家庭式，好親切。叫左肉躁鳥冬，花枝丸，同埋店主自己煲嘅冬瓜茶。食之前記得撈一撈個烏冬，咁就每啖都好味啦！等緊食物嘅時候，啲貓貓係咁八八掛掛地嚟搵我。原來呢個鐘數係貓貓放飯時間，明明訓緊覺嘅都突然變得好活躍，係到跑來跑去。店主好好人，仲俾咗啲零食我，等我可以近距離接觸貓貓。勁得意呀！ ！原來呢度四隻貓之中有兩隻係店主領養，好有愛心💗，一定要支持！如果係一家大細，或者拍拖，就更加要來啦。…查看更多

今日做野經過尖沙咀，發現呢間黑白型格cafe，小店不大，座位不多，顧客卻絡繹不絕，好多人買咖啡！被吸引入去。Menu有好多野食，risotto、意粉、all day breakfast、沙律、beagle，野飲都有好多特式選擇。今日得自己一個又好肚餓，叫左個carbonara試下，再加埋我最鐘意嘅hojicha latte (呢個飲品唔係周圍有咖) ! Hojicha latte上面嘅拉花好靚，睇得出barista 嘅心思意粉因為係即刻煮嘅關係，要稍等一陣。有好香濃嘅蛋黃味一路食一路發現好多客人鐘意同barista哥哥傾計，呢度真係好好service 食完lunch，買多杯iced americano叉足電下晝繼續搏殺。下次再嚟要食 beagle同soufflé pancake…查看更多

之前食過幾次crowne plaza嘅tea buffet，覺得唔多野食，唔太impressive。今日，家姐生日，見佢又做緊discount，決定試試佢嘅dinner buffet，喜出望外！清蒸龍脷，又嫩又滑！長腳蟹、龍蝦，源源不絕！龍蝦有膏，蝦夠新鮮！有我鐘意嘅馬刀背熱食最欣賞燒豬腩肉，白切雞亦不錯。呢到出名甜點多款朱古力脆皮mousse，必食！鮮果tart夠新鮮又有小朋友最意的朱古力fountain下次再嚟試午餐！…查看更多

買左兩件 芒果同士多啤梨非常失望 浪費金錢懷疑d likes都係買番嚟非常普通的拿破侖絕不會試第二次拿破侖點可以係淋㗎係咪賣過夜、唔新鮮的貨比客人Custard過甜又不香$20都比多佢…查看更多