viviansdays的个人专页

泰麵食過幾次，一開始鍾意食佢啲船麵，到後尾發現和牛炒飯先係王道。通返關之後又又又好多人排隊，想去意慾少減，但最近坐過一次counter感覺又唔錯！果日叫左兩個泰麵、通菜、炸豬頸肉、炸蛋，圖中既青木瓜沙律我地無叫，鋪頭話好襯炸豬頸肉，送俾我地試下，又真係好夾！雖然青木瓜沙律唔係咩值錢野，但佢地咁多人排隊又真係唔駛咁樣留客，作為客人都真係幾驚喜同feel nice，重點又真係好夾個炸豬頸肉🤣炸豬頸肉固之後好味，但就咁食其實都真係少膩，加埋青木瓜沙律一齊食正！炸蛋都真係大推，個醬甜甜地，加上流心蛋同炸漿，正到🤤至於坐counter，可以見到泰仔廚師們認真工作，真係隔幾道就會試味保持水準（好乾淨會用匙羹試完就洗），見我地叫得多野仲會follow我地幾時上個麵，我地OK先煮麵上碗，感覺超良好！…查看更多

是咁的，今日係我第二次食呢個雞了。一開始係同事先見到報道，我個人就有偏見嘅，以前喺 decent 餐廳做過既，自己另起爐灶時出品一定唔會差得去邊。海南雞飯日賣 200 份，咁啱仲要係報道出街第二日，本來諗住都無得食，點知我地有同事喺附近早咗做完野，就幫我地買返黎！排左 40 分鐘，好彩仲買到！除左海南雞，其他馬來咖喱我都覺得好吸引 ... 但要先抵抗到海南雞飯的誘惑，先至試到其他野。說時遲那時快，雞已買！一個餐仲有油飯同埋冬瓜湯。飯第一次食既時候好淡，今日第二次食有返啲味。不過我都係要撈甜豉油！哈哈哈。另外佢仲有薑蓉同辣醬。個雞去左骨，食落雞胸起肉起得薄，所以都夠滑；另外雞髀唔駛講，肉質超滑同彈牙。亦都唔會好大陣烚雞水味，我諗因為佢地會浸返凍水掛。總之，中環食飯，60 蚊三樣野，仲要呢個質素，我覺得可以一周一次（或者更多）既程度了。好想試埋馬來咖喱雞呀！…查看更多

後生時好鍾意食日本菜呀西餐呀咁，到有返咁上下年紀（姐姐年紀都唔細了咳咳）發現中國菜都好味！一黎啱口味，二黎多數食完暖笠笠唔會生冷（女人好忌生冷架 ...），三黎好啱一大班人食！不過好多時中國菜的鋪頭都會好娘或者好污糟（講緊好味果啲）。之前都有幾間去開，但又執左（我好鍾意去大力棒棒食中菜飲燉湯 ...），直至我發現德福開左上海姥姥！其實坊間好多上海乜乜物物，姥姥聽落優雅啲，而且裝修都好靚，位又坐得舒服！重點係野食！野食呀！上海菜我最鍾意食冷盤！呢度既醉雞超好食！夠滑又入味，啲雞件都唔係奇怪位，超好味呀！另外海蜇都係我最愛，哈哈哈，可惜啲外國朋友成日都唔識得欣賞 -____-另外分別係肴肉、素鵝、烤麩同埋青瓜，全部都好 fresh 好開胃！仲要自己拼三樣都只要 $85，可以一次過食幾冷盤，超正！另外係呢個海膽蟹粉拌麵！超香口囉！之前都諗咁樣 fushion 會唔會好怪 ... 不過啲麵加左蟹粉勁香口，條條都有蟹粉味，仲要加埋鮮味既海膽，勁好味！講起拉麵都不得不提呢個排骨拉麵！佢地啲拉麵係師傅即場手拉的！每條都見到有少少粗幼分別，呢啲就係手拉的證明！食落真係煙韌好味好多！上海菜當然要有小籠包！佢地四粒包都係 $35，又係超抵！爆 juicy 唔在講，豬肉仲好有咬口，好鮮甜！其他上海菜都好好味，menu 都仲有好多選擇！黑醋骨好惹味，鍾意啜骨必食！記得一定要食下菜呀哈哈！黃金蝦球，啱晒鍾意鹹蛋黃既人食，隻蝦仲勁彈牙～終於到我最期待的甜品囉！！！蘆薈桂花丸子！痴線集結晒我最鍾意既野食！丸子勁煙韌，仲有爽口蘆薈，完全諗唔到中菜有啲咁現代既甜品！奶黃南瓜餅係煙韌外皮包住奶黃餡，超滿足！仲有養生之選雪梨紅棗茶，女士真係一定要飲呀，補呀。成完成餐咁好味，坐下 chat 下咁，每人都只係百幾蚊咋嗚呀！…查看更多

終於等到呢間 cafe 係 openrice 開 page！上星期原本約左朋友去咖啡弄，等位時是旦搵間 cafe 坐下，最後反而叫晒朋友黎呢度好過！Cafe Yawn 門口超開揚，行過想扮見唔到都唔得。一入到去就有得試佢地嘅肉桂丹麥酥（我去果日咁啱 Soft Opening，唔知而家仲有無得免費試食呢～），蘋果餡甜甜地，唔會好似 custard 咁超甜，丹麥酥鬆得黎又唔會太油，正呀！馬上叫野飲同 cupcake，一邊睇書一邊等朋友～呢個角落一定好好坐～Cafe Yawn 咖啡選擇已經近十款，計埋茶類飲品都好多選擇。我 order 左逢聖誕節 Starbucks 都會出嘅 Toffee Nut Latte（最鍾意飲甜野），不得了！有九成似（咁講可能好侮辱 Cafe Yawn 的咖啡師傅，但我係覺得好好飲架～），好味！不過大家可能會覺得價錢貴左少少，都要成 40 蚊架。甜品就係檸檬蛋白 cupcake。個人好鍾意面頭果層燒蛋白，但就好驚檸檬餡太酸（每次食蛋白檸檬撻都有呢個煩惱）。呢個 cupcake 反而檸檬餡好少，蛋糕就結實得黎好香～好滿足！但女人嘅胃係唔可以睇少架，朋友黎左之後，佢試埋呢個綠茶 mousse。綠茶味好突出！不過 overall 都係預計之內，好味～但又唔係好味到彈起果隻囉，哈哈哈。鍾意綠茶甜品嘅人！呢個係好野黎架～原本仲想食 Banana Pudding（menu 張相好吸引！）不過賣晒，於是就試另一件看家甜品：扮 T 骨扒嘅 brownie！哈哈哈！味道就係 brownie 囉... 但賣相同上枱都幾搞笑，仲有朱古力醬俾你淋！新店黎講真係好唔錯～最鍾意都係佢夠開揚！店內播嘅 acoustic 版外國 pop song 都令氣氛好好～我已經決定聽日等朋友食飯嘅時候再去！Yeah…查看更多

利申：本身已經係亞坤 fans，自從第一次去新加坡之後就對佢地香脆的咖央多士、半熟蛋及偏甜的奶茶深深著迷。往後兩次再去新加坡，都一定要至少食一次（第二次搭凌晨機走，都要係機場食亞坤做最後一餐）。聽到亞坤終於要係香港開分店已經超級興奮，星期日第一日開舖已經要幫襯。新餐廳，不出所料，好多湊熱鬧的香港人。先介紹，亞坤係自助形式，自己搵位（等位）之後，再排隊去收銀落單。本身係等埋食物先返埋位，除非係飯或喇沙類比較耐既菜式，先至拎塊號碼牌埋位。咖央多士則可以自己等埋先攞返位。之但係第一日營業實在太多人，為免迫爆 counter，所有食物都一律用號碼牌。估計開業初期人流回復正常之前，都會係呢個形式。由於當日興奮過度自己一個人衝去試，所以馬上搵到個搭枱位。排隊反而用左 20 幾 30 分鐘，主要原因唔係收銀慢或者唔夠人，而係好多人都係第一次幫襯亞坤，唔知可以點叫野食，有時可以當一 set 既食物就散嗌，有時就係問 XXX 究竟係咩黎，收銀亦都太過友善地講解。如果啲客落 order 爽手啲，排隊其實唔會特別慢。落單後記得先在收銀隔離自助區餐具，如果個位無甜豉油都記得攞返支～等食物，又係果句，由於第一日客人實在太多（聽聞下晝 3 點已截龍，當日係 11 點開始營業），所以起碼 30 分鐘食物先至到齊。我叫既係 Set A，有齊最基本要試既：咖央牛油多士、半熟蛋兩隻、飲品。Set A $39，不過叫左凍奶茶之後就變左 $45，同新加坡售價差無幾。先黎既係咖央多士。成個新加坡都有得咖央多士，香港多士盒都有得食。但亞坤吸引既地方就在於，多士烘完兩邊，仲會切薄一半再烘。咁唔香脆都唔得啦！加上由第一代留落的清甜咖央，夾一塊慷慨無比的牛油，滋味真係無與倫比。不過當日等左 10 幾分鐘先黎，多士都凍左少少，亦都唔脆了。想品嚐百分百亞坤多士既人，不妨等過一排熱潮減退，或者無乜人既時段先黎。唔好俾美中不足既第一次，破壞左你對亞坤多士既印象。食多士食到一半就黎半熟蛋。香港人唔慣半熟蛋，但試新餐廳，就梗係試埋新野食啦，咁先可以擴闊下眼界架嘛。當初我都係第一次食，結果就認識多一樣美食。半熟蛋平時係用碟上，不過當日人太多（「人太多」三個字不停出現），於是就用外賣兜上。食時可加胡椒及甜豉油，我就只加後者。新加坡甜豉油杰身，而且好濃，加埋半熟蛋食時唔好落太多，唔夠先再加。蛋黃香加上蛋白滑，仲有甜豉油既鮮甜，不得了～強烈建議大家至少試一啖（而且一定要試蛋黃）。食完晒奶茶先黎，冰都溶左大半，比較淡，大家可以考慮叫少冰。亞坤以至新加坡的奶茶都偏甜，奶味重過茶味好多，同港式完全唔同。南洋咖啡則見仁見智，我自己本身都鍾意奶茶多過咖啡，大家自己選擇～至於其他飲品，例如咩冰或者摩卡，開業當日好似應付唔到，有啲客要轉飲其他飲品，講聲俾大家知，做定無得飲既心理準備～雖然當日無食正餐類，但附近既人都分別係我面前食左雞飯、喇沙同炸雞飯。聽到既評語如下：雞飯香（隻雞望落都幾滑）、喇沙比想像中辣，炸雞飯好多配菜（炸雞味都好香，即係炸野果陣味）。總結如下，新加坡味道保持得到，但係一開業好多野都拿手唔成勢，想認真試都係先等一等～…查看更多

呢間野, 一到lunch hour真係會好多人佢又唔催d客走有d姐姐食完真係會坐係度吹水吹到夠鐘返office...但係1點前都唔多人既, 外賣都ok快!湯底同米線都好味夠味同夠彈牙!!!最好味係紅燒炆肉!!!下次想再試埋豬扒/排骨!!!…查看更多

夜晚7點零過黎諗住要等但可能係平日所以唔駛等, 即刻有位仲坐左好耐添!外面都冇乜人等位... 哈哈本來一心諗住黎食三文魚飯但叫餐先知今日冇唯有一人一個滑蛋吉列豬扒同滑蛋雞其實兩個女仔一個滑蛋吉列豬扒都可以share因為真係好飽um... 雖然都係好味但其實冇乜特別最好味真係個三文魚同埋埋單時叫左一次但冇左件事...除此之外service其實ok加茶都加得好密!…查看更多

有公司包場開飯局一坐低行家話間野個廚係李生個廚最出名係羊架呢個係lunch set當日飯局就刪左價錢但都見到係$250位選擇都幾多, 前菜同主菜有4,5個選擇甜品仲有6個前菜要左parma ham配哈蜜瓜普通~ 而且唔記得影相, 哈哈主菜揀左羊但冇羊架所以揀左羊鞍好味~ 內質幾腍但就唔羶~我唔鍾意羶味, 所以ok但如果食羊係為左佢陣羶味的人可能就會失望了甜品揀左tiramisu不過不失! 都係好味~反而其他行家揀左bread pudding, 上面有球雪糕, 好靚!間野環境幾好坐得舒服, 伙計人都好好坐隔離位行家想係tiramisu上面加一球雪糕都no problem!…查看更多

一開始去到門口未peak time即刻就入得, 但由於只准坐1個鐘頭15分鐘又有人未到, 就唔拎位住到後尾peak hour就等得耐d~鵝片拼盤~ 仲可以揀多兩樣要左豬頸肉同墨魚鵝片真係好好味! 又滑又入味墨魚都好彈牙!豬頸肉就不可墊底d豆腐都好味!酸酸地好好味~雞好嫩, 粉漿又唔會太厚good!!!伊麵冇乜驚喜但係好味, 特別係d草菇但純粹個人好鍾意食, haha見到隔離檯食西蘭花, 又好想食, haha瑤柱好味! 整體普普通通啦~河粉入口好彈牙!淡左d~ 但都好好味!呢個普通! 個汁好"鯨"冇乜特別好味~ hee因為第一個拼盤的鵝片太好味~所以再叫個鵝片!!! 真係好好味~5個人食, 原本諗住叫5個餸預每人$100左右叫下叫下又加多幾樣但里單都係$506!!! 抵食!!!…查看更多

呢間野好多甜品都好好味一定會去多幾次!今次先分享招牌的芒果奶昔雙皮奶~重點係芒果 + 奶昔 + 雙皮奶一啖食落肚!好好味~ 先食到芒果味再mix埋雙皮奶呢隻味真係未試過呀! 好味!上次我仲食左水蜜桃仙子又係未食過的美味~下次再影相同形容 ;)…查看更多

間野係廟街附近自然次次食完煲仔飯都過黎食~上次去食的時候叫左個咖啡奶凍咖啡味超濃!!!周圍d點點都好好味~第二次食芒果雪蛤果個~個汁底有啲怪味... 有啲似藥水!但佢一條條的果凍口感超好~但整體成個野唔會想再食, haha我個friend就叫左十勝紅豆果個沙冰~佢話好好味! 淡淡地~ 好消滯 ;)…查看更多

呢間野食甜品都唔算貴但其實最抵係佢個set dinner!set dinner有成10款左右選擇我最鍾意係佢既焗出前一丁焗完啲一丁唔會會腍晒啲芝士仲好好味!菜式都好好味~我尋日食果個雞翼同牛仔骨牛仔骨好香甜! 正~我個friend就叫左炒飯好香口! 又好足料~都幾大份! 佢一個女仔都食唔晒佢個set dinner本身有送甜品加$30可以轉餐牌d甜品我就覺得唔太抵因為佢d甜品本身都係三十蚊而且, 佢送既甜品都好有質素架~尋晚就係芒果布甸伴雪糕我食過最好味係窩夫伴雪糕食唔食到就睇好唔好彩喇!…查看更多

諗住黎試下...一開波叫左個咸乳酪黎飲但真係飲唔慣... 哈哈哈！係甜到苦苦地既鮮奶...之後就叫左幾樣野食分別係土耳其沙律，羊肉捲，雞肉丸同烤雞配薯條～我本身都唔鍾意食沙律，所以普普通通啦～羊肉捲係最好味～個餅皮好有彈性！雞肉丸就太鞋～仲有甜品米飯布甸！好似椰汁糕，有一粒粒米可以趙趙下～好味！…查看更多

已經食左好多次，今次先寫！之前仲試過滑蛋吉列豬排同雞但最好味都係佢個燒三文魚飯！成個set有湯同前菜前菜三樣都好味！個湯都好飲～重頭戲都係三文魚飯！佢啲飯係壽司飯～酸酸地，咁大個飯都唔會滯！三文魚面頭熟左，但下面仍然係魚生～口感極好！加埋沙律醬同洋蔥食... 人間美味！真係試過先知！帶親朋友去都好評如潮架～有朋友話果度啲甜品都好味，但未食過！…查看更多

約左朋友食Lunch等位時間其實唔耐，但等齊人先有得入～所以其實可以再快啲！叫左蔥油雞排撈丁，凍奶茶同咖央西多我朋友話凍奶茶少甜好味啲～大家可以試下！蔥油雞排撈丁真係好味！食既時候撈埋晒，啲丁唔會太腍又有味，正！雞排都好好味～西多就普通～因為係咖央，所以冇蜜糖冇咁好食...但整體黎講，又快又好食！如果唔叫他野都唔算貴～一定會再去食！…查看更多