waipiyo的個人專頁

同朋友farewell 食飯，佢一向都鍾意食有特色的食物，所以決定帶佢上黎食～整體都幾滿意！環境開揚，一d 都唔覺得好迫。分別叫左幾個前菜，特別推薦喱度既咖喱！小食拼盤： 無咩特別～雞肉串燒都幾好食，好juicy~微暖牛油咖喱雞，超正！配上印度薄餅～醬汁少辣易入口，雞肉都好嫩口👍🏻👍🏻忍唔住叫多幾個薄餅點醬食！羽衣甘藍沙律～配上油醋汁都幾好食！蒜蓉薄餅，點咖喱食到停唔到口，加多個芝士薄餅先！小食拼盤就普普通通啦！個人最鍾意食係嗰個雞肉串燒。…查看更多

本身都有玩音樂既我，成日都見到身邊既音樂朋友係喱度表演，但一直都未有機會過黎食嘢，今日正好同朋友路經油麻地，靈機一觸就走左上去支持下！喱間餐廳每個星期六7:30pm 都會有Live Music, 可惜，因為疫情關係，已經暫時了，真可惜！見到周圍既牆掛滿了樂器，電視播著音樂人的表演片段，聽著本地音樂，充滿了本土音樂文化的氣息！我同朋友分別點了兩份dinner set, 分別是周打忌廉湯，鱸魚及羊扒配薯菜加餐飲。周打忌廉湯口感都ok羊扒有酥咪，都幾厚身，啖啖肉。鱸魚好香口，外脆內軟。最喜歡是薯餅，好似麥當奴薯餅既味道！好好味！另外，值得一讚係醬汁，好creamy,味道一流！至於餐飲，我特地叫了特濃朱古力特飲，前所未有咁多Cream!! 正呀！同店主閒聊左幾句，都明白現在疫情令很多音樂表演者都失業了！同行既我當然深明苦況！各位音樂人要加油！撐住！💪🏼💪🏼…查看更多

同朋友食完晚飯，當然要食糖水啦！一路行一路搵就見到喱間糖水店，又醒起之前朋友介紹過，即管去試下！門口招牌好colourful, 入到去以綠白色為主，座位不多，尚算舒適～桃膠燉椰皇- 桃膠滿到差點瀉出來😍😍再加上又滑又香既蛋白！真係好正！食完不禁覺得皮膚會有好轉😆😆榴槤千層 - 非常足料，感覺自己好似食緊新鮮榴槤一樣！榴槤控必食！除左甜品好食之外，店員都好好招呼，會詢問私地食物味道如何～感到他們好關心客人的感覺！很有人情味！下次一定會再來！👍🏻👍🏻…查看更多

喱排凍左咁多，梗係去食雞煲啦！上網見喱度都幾多好評，就去試下啦！☺️喱度除左可以任食雞煲打邊爐，仲有得韓燒同埋食刺身！貪心既朋友，可以考慮下！😛上一層樓梯就到～地方好大好闊落，成層都係，開party 都仲得！😂坐低左之後，侍應生隨即問我地雞煲想食幾辣，我地揀左BB 辣，望望餐牌，原來雞可以無限加！加到夠為止，太好了！😍喱度既雞好滑好多肉！好入味！忍唔住黎多一Round! 出面有自助吧，見到好多花膠！仲有鵝腸！😍甜品都幾多選擇，不過食當時到好飽，已經食唔落了🤭飲品都有好多選擇，特別鍾意飲韓國粉紅色罐既朱古力奶，好滑好Coco!👍🏻整體感覺都唔錯，CP值高👍🏻👍🏻食完即刻介紹左俾身邊朋友，下次會再來！…查看更多

突然好想同朋友一路打冷，一路吹水，就黎左喱度啦！裡面環境都幾光猛，坐位都比較密集，有大枱有卡位，岩晒三五知己或者大家庭！我同朋友只有二人，所以坐卡位，一坐底就有炸魚小食，都幾香口，送飯送粥一流！之後叫左一份鵝肝三寶，豬紅同蠔仔粥！鵝肝三寶味道都唔錯，果度伙計話係每天一早新鮮炮製，鵝肝味道有點酸，同平時西餐果款鵝肝好唔同！我最鍾意反而係底部既豆腐，好滑好香！豬紅都好彈牙，外表結實，咬落去入面就很柔軟！最後就是蠔仔粥，好足料！除左好多蠔仔之外，仲有好多冬菇同炸魚皮碎肉！推介！…查看更多

喱間餐廳第一次黎，入到去見到個招牌，但唔見入口，周圍搵先搵到個正門！入到去，先發現原來環境都幾寬敞，座位之間都有空間，最吸引我就係卡位，好靚，不過得幾張卡位。侍應生全部都係印度人，要用英文溝通先得。Bar枱都幾特別！餐牌食物以印度菜為主，仲有一些西式食品供選擇！仲有水煙食呢！通常食水堂都要坐室外，喱間就唔駛，可以一路嘆冷氣，一路食野吹水！正！水牛芝士雞翼炸得岩岩好，外脆內軟，幾Juicy!一放上枱就俾佢既香味賣相吸引住！Carbonara 份量岩岩好夠兩個人，好creamy 好足料，意粉軟硬適中！薯條岩岩炸起，仲有我最愛既沙律醬！好新鮮好味！印度蒜香薄餅，我就覺得普普通通。侍應原本建議我地跟埋咖喱點會好食d,不過朋友無興趣，又怕食唔晒，所以齋食薄餅，可以真係連咖喱食會好d!香蕉smoothies 同Strawberry Smoothies,不過不失！Tirimisu 都不錯既，不過本人係芝士控，就覺得to士味唔夠濃，同埋可以再creamy D ,再多d coffee 味就更好！總括而言，喱度都唔算好嘈好多人，幾岩同朋友一齊食飯吹水！…查看更多

係Openrice 見到喱間好有特色的餐廳，就即刻約朋友一齊去試下！果然無辜負我既期望！喱間餐廳係一個好隱蔽的轉角位，仲要上一層樓梯，一入門口好似去左另一個漫畫世界咁，入面只有黑白色，周圍都畫上人手的繪畫，好特別！至於食物，主要是西餐，價錢方面都偏貴，不過都幾好味！喱個炸薯條配黑松露蛋黃醬好好味！薯條係我最喜愛的粗薯條，而且鹽同黑胡椒份量岩岩好，再加上好滑既黑松露蛋黃醬，真係食到停唔到口！服務員介紹左兩款特飲俾我地，分別係rose Tea 同Lavender Dream,兩款特飲都好清新，而且味道濃郁，賣相仲好吸引呢！主食方面，我地分別叫左香煎肉眼扒配紅酒汁及香煎盲鰽魚柳配臘腸意大利飯！朋友話牛扒煎得太熟，但不太un, 鹽就落得多左少少，略偏咸！至於盲鰽魚柳的，我就覺得煎得幾香口脆身，意大利飯加入左臘腸好特別，令意大利飯更加香味四溢！唔錯唔錯！最後到甜品，服務員介紹了一個很有特色的粉蝶花之丘俾我地！見到佢既外型，真係唔捨得食！喱個係朱古力brownie，好濃朱古力味，個殻係用糖醬做既，所以都可以吃，但就太硬了！😜整體來說，喱隻所有東西都好有藝術美，好好味！下次會再黎！👍🏻👍🏻…查看更多

同一位好大食既朋友食飯，當然要食放題啦！喱間放題位於旺角，就揀佢！上到去等左一陣就有位，服務員好親切有禮，食物亦都好快就有，我地仲食到成枱都係無位放！係度建議大家最好逐d逐d叫！刺身方面，個人比較喜歡三文魚同甜蝦！三文魚又大件又厚切，甜蝦亦好鮮甜！熱食方面，蟹粥好軟綿綿，好好食！焗蠔好味道，好開胃！仲有花膠食！比目魚就不過不失天婦羅都唔錯！一d都唔厚粉！岩岩好！壽司有好多款式，不過我地要留番個肚，唔食太多飯！但海膽手卷就一定要食啦！除左有熱茶，仲有Rose Hoegaarden! My favourite!整體黎講，都值得一試！基本放題有既野都齊備！…查看更多

是日朋友生日，因為佢好西餐，所以就揀左喱間餐廳同佢慶生啦！餐廳位於一幢新建的商廈入面，樓下大堂都好企理大體！上到去一出𨋢就見到一個屏風，上面掛住一些手語的介紹，侍應大部分都是聾啞人士，每次與她們溝通都需要用手語示意，好睇餐廳會提供一些手語教學俾我地參考，落單成個過程都好順利！餐廳環境都好寬闊好舒服，好有私人空間！我地叫左一個二人套餐，仲upgrade左2款小食～～蒜容包外脆內軟，仲有濃濃既牛油蒜香味！最緊要係個包仲熱既！南瓜湯我就覺得麻麻地，皆因薑味太重，但整體都幾香滑既！風乾火腿沙律 & 煙三文魚沙律，不過不失！蜜糖黑松露雞翼，我都喜歡！因為有很濃蜜糖味，但就食唔出有黑松露的味道。芝士焗生蠔，都不錯！如果蠔肉可以大粒d就好了！大蝦咸蛋pizza都幾特別，餅底好似餅乾咁脆，上面就像是黃金蝦的味道！龍蝦配香煎龍利柳，龍蝦都幾多膏，如果再大隻d就更好！龍利柳就比較偏咸，下次或許會試下其他選擇！整體來說，喱餐都滿意既！最緊要係學懂了一點點手語！學以致用！…查看更多

好耐無食放題，見朋友聚會，就揀左喱間！滿屋相信都係放題既始祖，上到去見到唔算多人，開頭都擔心會唔會中伏，好慶幸唔係！食物供應得好快，建議大家盡量唔好一次過落晒！我地就太心急，最後搞到無位擺食物！侍應都好勤快，周不時都會過來幫我地清碟～飲品選擇繁多清酒任飲雪糕任食特別喜歡這個大爆發壽司，入面分別係帶子，三文魚子及海膽！基本上最受歡迎的食物都一應俱全，我自己到最後都無機會食到buffet 枱上的食物了，因為實在太飽的關係！最後以haagen-dazs雪糕及榴槤雪糕作結，好滿足！…查看更多

有朋自澳門來，當然要帶佢食好食！見喱間餐廳澳門仲未有，份量亦好足料，最緊要係開得夜！咁岩大家之前都有野做，要好夜先食到飯，果度咁夜收就一定唔會催我地走，可以慢慢談心！Yeah!喱間餐廳地點係正尖沙咀酒吧最多既地方，好彩唔係地鋪，係二樓，否則一定又嘈又多醉酒佬！上到去，可能好夜，約10pm,只有幾枱客，仲有露台座位，我地被安掛左一張窗邊枱，可以一路傾一路望街景，不過，枱邊隔離有條柱，有時服務員未必會留意到我地，播放住K-pop雖然充滿著韓風，若音樂可以校細聲d就更方便傾計！我地點左蜜糖香滑烤雞、蟹籽沙律醬芝士雞蛋卷、柚子米酒同芝士炒年糕，整體都非常不錯！澳門朋友都食到津津有味！蜜糖香滑烤雞外面充滿了蜜糖味，仲好Juicy!蟹籽沙律醬芝士雞蛋卷入面既芝士多到可以拉出黎！外面醬汁都好足料好豐富！如果入面蛋醬可以做到日本果種內軟外乾就更加正啦！柚子米酒有好濃郁既柚子味道，好易入口！至於芝士炒年糕，仲可以拉芝！不過幾辣既，怕辣既朋友要留意啊！整體來說，都好滿意！下次會再黎！👍🏼…查看更多

上次一條友黎食飯，食唔到好多！今次岩岩中學同學約聚會，就即刻諗起表哥啦！😍仲可以食多幾樣野！Yeah!我地分別叫左蔥油雞、炸豬大腸、黑松露野菌炒南瓜、海鮮豆腐煲同黃金蝦！仲有例湯！例湯都幾足料！無落味精！蔥油雞就不過不失啦！黑松露野菌炒南瓜幾好食！菇味充裕，而南瓜食落去口感剛剛好！炸豬大腸係我咁多個小菜入面最喜歡既！外表香脆，內在就肉準鮮嫩！建議趁熱食！☺️黃金蝦都好好食！仲炸到可以連殻食！咸蛋黃散佈均勻！正！至於海鮮豆腐煲都不錯！豆腐好嫩滑！食完主菜，當然要試埋甜品！我最喜歡的甜品就是鮮奶燉桃膠，好養生又好味！西方d可以食cheese cake同綠茶黃桃蛋糕，cheese芝味濃郁！而綠茶黃桃蛋糕如果桃味再加強d就更吸引！食完喱餐飯，好開心朋友們都齊齊讚好！仲話第時會再黎幫襯！表哥，你係得既！👍🏼👍🏼…查看更多

朋友飯局，當然去d交通方便既地方-旺角啦！喱間餐廳地鐵站一出就到，仲有得玩煮飯仔，就試一試啦！入到去招呼非常好，一坐低侍應就好有耐性介紹佢地既招牌菜式-大阪燒，你可以揀廚房煮俾你或者DIY～但DIY就只有兩款可以揀，分別係豚肉燒及特盛海鮮大阪燒！再加其他野食😛😛蒜香牛油炒野菌：牛油味及菇味都好濃郁，食到我地停唔到口😝😝牛油帶子：帶子炒得乾身左少少，而且只有幾粒就賣120，有d唔多抵，但味道都唔錯既！之前就到主角大阪燒出場！😍😍侍應好細心咁俾左個計時器我地，仲講解左一次兩款大阪燒既煮法！當然聽完之黎大家傾傾下計好易會唔記得左，好彩都有個食譜可以睇番跟住做！我地一路DIY, 個炒麵就到左！麵條煮得好彈牙，調味岩岩好，好好味！仲可以放係鐵板上炒下翻熱！整個過程都好有成功感，仲可以同朋友比一比廚藝～喱個回憶好過一餐普普通通既飯局！👍🏼👍🏼…查看更多

剛剛係附近工作，有點肚餓。剛好見到表哥小廚，即管試一試！入到去覺得環境都唔錯，不算太迫，牆上貼左好多畫，燈飾亦充滿時尚感！睇一睇餐牌，都充滿著驚喜！除左最正常的中菜外，亦有其他特別具創意菜式！岩晒一家大細既喜好，皆大歡喜！我睇左個餐牌實在花多眼亂，最後就問侍應有咩好介紹！佢就介紹左鮮菠蘿咕嚕肉俾我，好！就點佢啦！仲加多杯巨峰乳酸呢！等菜既時間不算好耐，就有得食啦！咕嚕肉鑊氣十足，酸甜岩岩好！除左賣相吸引外，最緊要係啖淡肉，唔駛吐骨！😍岩晒我！菠蘿果真是鮮菠蘿，完全無罐頭菠蘿甜到漏！至於巨峰乳酸，就一般般，又未至於難飲！原本仲想食甜品，但一個人個胃大限，食唔到太多！下次有埋家人去先！😝😝…查看更多

聽朋友講棋哥燒味好好食，剛好路經天后見到有分店，就即刻行左入去！入面客似雲來，好彩今次唔駛等好耐就有位啦！入面裝飾比出面燒味店企理乾淨，高級茶餐廳格局！雖然迫左少少，但都坐得舒服既～餐牌價錢比普通燒味店略貴，但食物質素又相對好！一分錢一分貨啦！今次叫左個乳豬燒鵝雙拼飯，仲加左隻咸蛋！😂賣相非常吸引，食指大動呀！燒鵝有一層濃濃特別既煙燻味道，而且舊舊都係啖啖肉！😍😍乳豬外皮非常香脆，而且脂肪同肉既比例都係岩岩好，食落一d罪惡感都無，唔覺得肥膩！再加上咸蛋送飯簡直係絕配！至於服務，落單無耐就有得食，唔駛等好耐，非常有效率，服務員亦都好勤快！總括其食物質素同服務，物有所值！👍🏼…查看更多