ข้อมูลส่วนตัวร้าน or#tm66706298

星期日去左呢間餐廳食炸豬扒，點左個2人套餐，有兩塊炸豬扒、兩條炸蝦、豬肉卷同埋蟹餅，前菜、椰菜、麵豉湯同白飯係任添既，飯可以揀白飯或燕麥飯，我哋各揀左一款。食物整體係水準之上，炸豬扒外脆內軟，完全唔會乾或者柴，椰菜都好新鮮，切得好細同埋好脆，落埋柚子醋或者芝麻醬真係好好食，我本身唔鍾意食沙律都食左好多其他食物味道都唔錯。見到有d食評話職員態度唔好，可能我去個時比較少人，又唔覺有呢個問題，反而服務同其他餐廳比仲幾好，杯茶唔滿會斟，見我地d前菜呀椰菜冇咩剩又主動問我地要唔要refill，本身環境都大坐得舒服，下次想食炸豬扒都會再黎呢度食…ดูเพิ่มเติม

入去前要填資料及量體溫，填好資料個店員已經好唔耐煩咁叫我哋「你量埋體溫先入去啦唔好咁心急」，講到好似我哋未量已經衝入去咁，但其實我哋根本冇入去。入座後點咗炒辣雞，見其他人點呢道菜都會有店員幫佢哋撈d雞同芝士，但個店員上菜比我哋之後就走左，完全冇幫我撈。d水飲晒唔主動斟，叫佢哋斟又扮聽唔到，最後終於有人黎斟但竟然對住我哋翻白眼。埋單嗰時見到食滿200可減50就問佢係咪有呢個優惠，佢話要visa pay先有，比張visa佢碌，碌完出張收據根本冇減到50，問返佢先話要係open rice個app度比先得，咁我比張Visa嗰陣點解你又唔出聲！重點係d食物都唔好食，d雞勁甜，食左幾舊已經好膩，仲要成三百幾加服務費，簡直係貼錢買難受，唔會再去。…ดูเพิ่มเติม