G.Lam的個人專頁

見冇人排隊, 我入咗去呢間燒肉店, 但原來冇人排隊真係有原因的, 首先這店冷氣不足, 有幾部風機, 睇你運數,坐唔坐到附近, 吹到就可能好少少, 我就坐在樓梯對開嗰張枱,初時坐在靠牆那邊椅, 真係又熱又焗, 越食越熱, 可樂又唔夠凍, 想要冰佢又冇！唯有轉坐返對面櫈先感覺空氣流通返啲！今晚叫咗三個套餐500蚊, 價錢都唔平㗎, 分別有牛小排、牛肩肉、牛舌、牛胸腹, 澳洲M5, 套餐有泡菜及湯, 但都令人頗失望的！首先M5及牛小排,諗住會好味啲, 想不到每款牛都都差別不大, 牛舌也是硬, 所有肉質都較乾硬, 泡菜賣相就唔睇得㗎喇, 味道當然唔會有質素嗰啲啦, 湯就像淡淡的羅宋湯, 呢啲都唔會大寄望, 只係一心想食下燒肉當然冇諗過佢會咁差啫！…查看更多

簡單的生牛河,應該要有濃味的牛肉湯配襯,但這間湯底真的不好味,教令人失望! 生牛湯河牛肉有三件很韌! 炸軟殼蟹、炸春卷非常油膩感!尤其是軟殼蟹,除油膩之餘味道也不好味的! 滴滴咖啡超難飲! 熱華田非常甜, 佢應該係加咗煉奶! 冰鎮奶茶都係冇乜茶味咁囉! 其他款食物,味道都很一般! 整體來說不好味,但又唔可以講係難食。其實我寫呢個食評, 都係希望給對食物有要求嘅人的一個提醒啫! 呢個係消費者嘅權益, 希望餐廳在食物質素都能有所改善。…查看更多

今日時間倉卒冇睇到食評就入咗去呢一間 ，叫咗個梳乎厘pancake， 真係 難食到一個點！價錢又貴！ 但質素真係好很差！係我食過咁多間嘅 梳乎厘pancake黎講最差嘅一間， 味道質地 一啲都唔似梳乎厘pancake架！ 只係好似厚啲嘅pancake， 不滑鞋口的！ 反而相對天X茗茶 嘅梳乎厘pancake 都好食過佢好多，但人哋价錢平2倍囉！ 另外仲有杯 即磨咖啡(超苦)都係唔好飲架！ 食唔哂亦冇飲哂就走了😑 blacklist 必定唔會有下次！ 雖然如此 但員工的態度是好的。…查看更多