gglau4001的個人專頁

貪平入咗去，點知係伏嘅🙂個牛肉飯叫左接近半個鐘先到，以為整咁耐好好食啦？放心係吉xx質素🙂雞扒烏冬過雞扒唔熱既，都唔知係唔係整定！戲肉嚟啦，返到屋企「立即肚痛」！係立即！鑒於我晏晝冇食過嘢，所以😃個老細態度又差，問吓嘢都黑晒面，唔知以為我求你俾野我食？我俾錢你賺個喎👋🏻個老細仲有鬧啲侍應添，做佢員工真係慘，成餐飯就係聽到鬧鬧鬧同埋一堆黑面嘅人出野慢唔關個客事掛？檢討一下個廚房質素同速度先再嚟黑我哋面啦！咁嘅時勢仲咁樣做生意真係黐線，你嘢食一般都算啦，又要唔乾淨又要受氣👎🏻👍🏻👎🏻👎🏻…查看更多

落咗單20分鐘，先發現漏單。正常應該即時整返俾個客，點知重入單重新排隊，人哋啱啱嚟已經有得食，我地仲要「再」等多20分鐘。同個侍應講，佢淨係識覆「我知呀，我知呀！入面個影印機無墨！」 一聲「唔好意思」都無講過，最嬲係你漏單 但你當我重新落單重新排隊？！！！我食個平飯等你40分鐘食幾粒餃子！勁無禮貌。啲餃子好食都唔會再去食，落街食啲街坊野都受氣👎🏻唔推介！！ 想伏想嬲就去試下！ 個侍應仲喺度做緊架！👎🏻👎🏻…查看更多

第一次食阪神，用外賣app叫既。叫左冷烏冬+3隻雞翼。冷烏冬唔冷，配料蛋+蟹柳。無咩味一般，無意見。食左一半倒，唔想再食。雞翼就真係食到火滾。一打開，哇！春雞既雞翼？ 細到乳鴿咁！仲要其中兩隻已經翻炸再炸，硬過石頭。係咬！唔！開！架！根本啲雞翼已經唔食得要掉落垃圾桶，仲可以出外賣比人？！唔會再幫襯！會叫朋友都唔好幫襯！大佬雞翼都成$8隻！比啲咁既質素人？最嬲係好明顯外賣先咁樣出比人，做生意一兩隻雞翼都慳！ …查看更多

我地兩個人食，由於份量太大（超抵），飽到食晒唔曬，打包左兩個盒走！😂首先一黎就係蒜蓉包條+咖哩軟殼蟹👇🏻1.蒜蓉包超超超好食💓 點埋咖哩汁perfect. 唔點都得，本身已經好香蒜蓉味+脆邊！2. 軟殼蟹$138 有兩隻蟹 ！抵！ 個咖啡汁唔辣既，+甜甜地。個汁太多，食晒啲蟹都仲有成碗，撈埋飯都仲有🤣 3. 燒蠔，$18/1隻；夠大隻，略嫌個辣汁太辣，就咁落lime汁就算。 一人可叫兩隻！5. 燒聖子 都係$18@， 幾大條下，唔錯💓 6. 青咖哩雞+叫左一碗白飯個白飯好鬼大碗，裝到多左一碗咁。青咖哩—辣！ 中意食辣既就岩！ 椰仔味濃，撈多兩碗飯都得 👍🏻👍🏻7. 因為太辣叫左杯芒果冰，好好飲！ 解倒辣！ 夠凍！ 正！8.之後黎多個馬拉箋炒雜菜。超級辣！ 全場最辣係呢樣！ 略嫌賣相一般！ 影相唔靚！9. 菠蘿蟹肉炒飯好大份呀救命🤣 碟碟都咁大份，最後呢個食左一半打左包！ 聽日返工做lunch! 幾好食！ 有住家feel! 10. 最最最後…. 燒豬頸肉！全場最好食，無誇張！有咩可能$88 咁大份？個汁好傳統泰式汁！ 汁都打包埋！😂必叫豬頸肉。100分！椰汁糕係送既！ 好有味好甜，like!!-總結： 又大份又唔貴！ 又好食！上碟速度快！可能今次兩人食叫多左（低估左份量）唯一缺點可能係賣相（碗碟唔夠泰式）值得一試！👍🏻👍🏻…查看更多

今日第一次去食啲嘢食好難食，個面同啲配料喊到不得了，杯嘢飲又冇乜味，溝水咁樣。最緊要係裏面有一大浸煙味，唔知邊個食煙呢到唔食煙嘅人入去食真係好難頂。最後就係，啲侍應同員工態度好差，我哋嚟幫襯你㗎嘛，比錢你唔好食仲要態度唔好。咦唔好態度嗰個係老闆娘老闆黎，ok再見👋🏼不再幫襯…查看更多

高質意粉！好食過出面啲連鎖意粉屋、ucc、夢見屋 etc日日都食🤤價錢抵！ 開喺元朗簡直浪費左。誠意推介大家！$60價錢$100既味道（無誇張！）我食開雞肉意粉、三文魚同卡邦尼！…查看更多

店員好無禮貌，勁西面，唔比帶狗可以出聲，又要企喺我地後面睥住晒！一路行一路眼超超！已經路係坐得舒服！價錢貴，質素差。出去食事旦一間都好食過佢。個竽圓一咬就散，布甸勁甜但又係好散！啲配菜勁少，菜單見倒好多料，出到黎係份量一半都無！ 食完好谷氣，垃圾到爆，爭啲想唱衰呢間野。 我地仲要食完返到都話肚痛，我痛左成兩個鐘！唔係因為見深井無咩糖水店，一定唔會份黎呢間食😪不過好就好在，呢間野唔爆，我諗呢頭啲人都知好伏…查看更多

食過n咁多次，窩夫最好食唔洗講。今次唔食窩夫。試下其他野，賣相真係99分！心太軟個朱古力味好濃，流心熱既，會流出黎。個碟都好靚，但比較唔方便食流質野/雪糕，好難「筆」起黎食😂😂個朱古力筒唔夠脆！ 感覺掙咁啲野。好食過麥記好多！ 夠脆夠林，熱辣辣架！個甜酸醬正過點甜醬！好大碗，丸子夠多夠好咬。但略嫌個宇治唔夠味，綠茶味偏淡，美中不足處。總結而言係不錯！ 除左窩夫都有其他野值得試架！ 不過都係窩夫最好食！…查看更多

呢間食過三次，中午放飯黎食～ 次次都食唔晒，好夠份量，飯又多，又有野飲同點心，仲有一壺茶。太貪心叫太多，但$5x咁多野食又好抵！熱辣辣上台，真係岩岩蒸好！good! （上圖係兩個餐黎）外賣就喺門口買，都係即蒸！單點或叫套餐都得，單點無咁抵，但都唔係叫貴價～ 小台黎講算多野食！店內其實唔大，預左會坐得迫少少/搭台。但都好過去酒樓得位！呢度上餐算快，好快食完lunchtime仲有時間行下。推介！ 唔想去茶樓又想食點心好去處！…查看更多

呢個係全店最貴既餐～牛排肉飯，係幾好食！肉多飯就顯得唔係好夠，食晒啲飯仲有幾舊牛剩返，多啲飯就好啦！ 男士食可能唔夠飽！150g！呢個係最多人食，味道係唔錯，但個牛有少少un, 再林啲就好喇！ 始終價錢都唔算平，份量好夠就差在啲牛要咬多幾口先咬爛。至於店內環境，轉左新鋪多左位，但一樣係好迫。由於要自己取餐又要好似canteen咁執返執啲餐具去返却口（日式），中間條路好窄，食得唔太舒服，要迫黎迫去。琴日食戈陣仲要天花版滴水，好在無滴落我碗野度😂😂…查看更多

每次都係為左豬手要黎食。好好食！ 雖然要等8個字倒製作，但係好值！ 可以話呢個係招牌呀～ 好入味！大蝦🍤意粉，蝦夠份量夠大隻，意粉係好好好入味，粉量岩岩好！經典卡邦尼，個汁好濃好夠味，結結地既，唔想咁結身可以唔好撈隻蛋！ 呢個推介，好食過出面好多所謂卡邦尼！墨魚汁海鮮意粉，有蝦、魚、青口&魷魚。我覺得個魚最好食！ 墨魚汁好濃，都係結結地身！廚房&cashier 位置。要自己出去買的，買完佢送野食過黎。餐具、水都係自己搞掂，所以佢唔收+1架！…查看更多

第二次食，價錢偏高，但好夠飽，唔係一般既煎隻蛋煎條腸一個包就無野食。個包上面係類似薯容忌廉（我估）醬，好rich。 左邊係焗薯，可轉做沙律。上面係漢堡，炒蛋可轉太陽蛋，半熟蛋等等！ 再跟一杯果汁，我簡左蘋果汁。睇落唔飽，食落其實好豐富！呢個比上面個餐再飽啲！女仔既話兩個人食岩岩好。白色碗既小食有其他簡架，我就簡左熟蘋果同雜果，焗薯轉左做薯角，buns轉左做多士（有4塊） 。 店員講英文的，餐牌都係英文，有啲煮食用字會睇唔明，但你問佢地就會教你點簡。唔錯…查看更多

車仔意大利粉，簡兩餸+一個汁！ 煙三文魚好新鮮，有兩大塊！牛粒就爭少少，無咩味。個白酒忌廉汁我好鐘意，睇得出係識煮架！意粉亦唔錯，硬度適中。 絕對唔係一般茶記啲好淋一pat醬既意粉！最重要係起餐好快，叫左無耐就有得食，慢一要等位都唔洗等好耐。 總括而言，想食好食意粉又唔想好貴就岩晒喇，但唔好預期份量好大呀，女人食可能岩岩好，男仔食既話就或者爭少少，最多叫多個小食。環境幾好，小店feel！ 細細間但又唔迫。…查看更多