mamaka的個人專頁

無老鍋登入尖沙咀後第一次嘗試。搭電梯上一層轉lift. 裝修同銅鑼灣一樣都係有卡位,燈光充足, 有包廂，我哋一行四人坐卡位。電話冇電，都唔怕，竟然有得叉電，仲要配埋充電線👍🏻服務好到不得了，好有禮貌，仲要普遍個個都水準之上。我哋都有啲唔好意思😅加咗幾次鴨血豆腐，但係佢哋嘅態度好好仲有講有笑。成個用餐感覺好舒服。上菜速度都好快，食物出品賣相及質量都好好，唯獨覺得個湯底味道就比較淡，鴛鴦湯底有啲唔夠辣。…查看更多

食物出品保持一貫嘅水準，仲有落地玻璃望住尖沙咀夜景加8:00幻彩詠香江。近期仲有折扣優惠，星期一二三/八折；四至日/九折，雖然封咗半個廳面，但係見到佢哋都坐爆曬重要開房，服務質素好好呀，傳菜姨姨都好有禮貌。叫咗個四人set, 加個擔擔麵。我最鍾意就係前菜拼盤同埋咕嚕肉。原筒豆腐花好滑，加埋桂花糖水正😋😋😋…查看更多

第一次嚟嘅時候係經朋友介紹及訂座，嗰一次已經覺得「嘩」好正。我好鍾意食辣，佢嘅辣，好啱我口味，而且仲有唔同程度選擇。是次再訪，依然都係「嘩」好正。好食到忍唔住，又大大碟實夠食😝真係要分享。因為地方唔係好大，所以一定要先訂位。定額人頭收費。揀選前菜及主菜。辣子雞好好味🥰🥰🥰酸菜魚正😎😎😎肥腸👍🏻👍🏻黃金蝦😋😋😋仲有個炒麵，真係不得了👍🏻👍🏻👍🏻鍾意食川菜嘅，真係一定要去試吓。…查看更多

😎既然嚟到大圍，😏搏下彩數去試吓新強記，睇吓有冇位。全場爆滿，不過好彩等咗唔使5分鐘就有位啦。我哋三個人，經理好好，問我哋有張 方形枱，比較細張啲坐唔坐。😅唔想等,我哋梗係坐啦。一場嚟到，點都要試吓新強記燒鵝王。加個杏汁燉白肺湯（八個人飲都夠）椒鹽脆豆腐椒鹽九肚魚 再加多隻金牌燒乳鴿三個人來講，其實都好多🤣🤣雖然全場爆滿，但係上菜速度快，都好好食，員工都好有禮貌招呼周到。好彩我哋早一步到，坐低之後，門口企咗好多人等位。…查看更多

門口喺地下，行樓梯上到去 好有日式小店嘅感覺，有傳統嘅廂房，但我哋嗰日就揀咗廳面枱坐，由於我哋食late lunch,過咗繁忙時段，立即有位，上菜速度亦順暢，但就係因為咁😮‍💨我原本想試嘅厚切黑豚井賣晒。員工見我惆悵之際，推介我試吓柚子胡椒雞腿排配雞白湯炊飯。所有定食都包括前菜，茶碗蒸及味噌湯，我有少少肚餓所以再加咗個三文魚刺身😜三文魚刺身～ 好肥美呀（食咗先醒起冇影相😅）😋😋茶碗蒸又香又滑，仲要熱辣辣😙正！雞腿排又滑又多汁，雞白湯炊飯清清地味道唔太濃，幾特別。😃…查看更多

首次拜訪由日本主廚打理的一宝天婦羅。一踏入店舖，傳統日式的裝修及佈局楊剩下彷彿置身於日本。欣賞日本人的細節及心思，連口罩套都係日本主廚由日本選購， 主廚更會跟着客人嘅進度來準備下一道菜色確保每一到菜式都係最好嘅。…查看更多

都唔知幾耐冇試過同朋友一齊食嘢。放寬後一行六人走訪銅鑼灣鬧市區的一條小巷，初嘗上年新開的餐廳。設有室外及室內，可能正值假日所以室內已經全滿，被安排到室外的位置。開頭怕坐室外會唔會熱，幸好天氣清涼，坐室外別有一番風味。叫咗10多款串燒及三個煮食。包括有五花籃，牛舌，魷魚，雞翼，冬菇，雞皮，青口，泡菜飯，銀雪魚等等等等。。。多到唔記得🤣。樣樣都唔錯，泡菜飯好特別，美味Creamy又唔會好spicy.…查看更多

約咗朋友仔喺馬鞍山行街，行街之前諗住食啲嘢先，朋友仔建議不如茶木啦，坐得都舒服。我哋就去排隊，等咗大約20分鐘左右就有位啦，叫咗兩個主食一個鹽酥雞，加杯美祿雪山。雞扒滷肉飯味道唔錯，墨汁意粉就差啲，可能始終係台式食物建議大家都係叫返滷肉飯炸雞扒之類，份量適中。可能鹽酥雞製作需時所以我哋食晒之後先來。同埋午餐時間客人比較多，叫咗第二次侍應先至攞幾杯水，但係值得一讚，佢都會問吓想要幾多杯？跟住之後都好快送上。…查看更多

之前成日去食尖沙咀食，偶然都會去銅鑼灣食但係今次第一次喺屯門到食。因為已經好耐冇晚市食，第二我老公好鍾意食小籠包，所以我哋一見到唔使等位就一行四人即刻坐低。叫咗兩籠小籠包，一個前菜，兩個小菜， 4份主食。佢嘅份量同之前食嘅都係一樣偏少，今次擔擔面嘅湯底我自己就覺得就淡咗，小籠包湯水不足，出品冇以前咁優秀。令一心為咗食小籠包嘅我哋有啲失望。服務方面一如既往都係做得好好。一個加分位- 返水返得快，差唔多做到一冇水佢就過嚟幫我哋收走去加。…查看更多

今日試咗一間上年 年底先開嘅西日式餐廳，一踏入餐廳，簡約優美嘅設計配以（雖然係假嘅）綠色植物嘅裝修，頓時一洗銅鑼灣人來人往嘅煩囂感，覺得好舒服。🤩🤩其實行完街入去飲杯咖啡都好正😍座位與座位之間比較近但係座位舒適。（始終銅鑼灣地段租金咁貴，物盡其用每一個位置都係好合理）仲有室外嘅露天座位。設有獨立男女洗手間，乾淨企理。叫咗個16小時慢煮黑毛豬三層肉意大利麵，香煎北海道帶子樱花蝦意大利麵及一個日夜brunch. 16小時慢煮黑毛豬三層肉意大利麵，三層肉皮脆，肉質嫩滑。香煎北海道帶子樱花蝦意大利麵，麵汁香口滑流。日夜brunch有驚喜。配搭好特別。（推介）…查看更多

假期同囡囡出去行街，睇吓寵物。行到肚餓見到間新開嘅冰室入去試吓。環境唔錯，食物都算多選擇。一人叫咗一份餐，跟餐有嘢飲，凍飲加$3特飲半價。囡囡試咗杯忌廉溝鮮奶加雪糕球，小朋友就鍾意飲不過我就覺得略為覺得甜。蔥油豬扒飯好正。…查看更多

我終於有機會同BFF到訪位於海港城一間上年先開嘅 鮨 央泰Sushi Hisayoshi. 我哋揀咗「雪月花」餐。（包括前菜有四款，手握壽司12件，玉子燒， 碗物及甜品）一坐低先奉上熱茶及微暖嘅毛巾 ，而今日嘅我哋嘅壽司師傅係Ivan，每上一款菜式佢都為我哋清晰介紹，每一份壽司都十分美味，超級新鮮 。 壽司飯味道出色，無論軟硬或師傅手握嘅力度都掌握得好好。Ivan 師傅（可能見到我個friend咁瘦，驚佢食唔晒🤣🤣）細心地問份量啱唔啱？啲飯使唔使少D？ 果然係有經驗👍🏻我個friend真係叫小飯。介紹返～～前菜（4款）蟹肉蒸蛋（ 蒸蛋滑到不能形容）靖魚剌身（連埋蘿蔔蓉一齊食口感好特別）軟蒸八爪魚（慢煮4小時之後再浸上24小時，完全入晒味，八爪魚肉身柔軟）白子（呢個我第一次食，其實又幾好味，食完之後可以飲埋個湯）手握壽司12件（鮮,肥美,超好味）碗物赤麵豉湯 （我覺得個味道濃咗D）玉子燒 （口感好似海綿蛋糕）甜品Wasabi 味嘅雪糕（口感同味道好特別，雖然係wasabi 味但係唔食得辣嘅，都可以食到。撳扁雪糕雪糕連埋個餅底一齊食仲好味）…查看更多

市區酒店內享用，重要三百幾蚊嘅晚市自助餐真係抵。地方唔大，但就勝在唔使行好遠去攞嘢食，對應返個價錢，款式選擇都唔錯.。到達後入座安排順暢，而人齊之後職員會送上每人四隻生蠔（肉質肥美）。職員勤快收已用完嘅碟，唔會擺到一枱都係。其實好多自助餐雖然有過百款嘅選擇，但真心有幾何試得晒，所以就算佢款式唔係太多，但對想食自助餐又唔想太貴嘅，係一個唔錯嘅選擇。冷盤- 四款魚生，壽司，冷麵，沙律吧，中西前菜及幾款嘅一口小食。熱盤都有成八款以上，配以糯米飯及中西餐湯。甜品除咗水果及糕點更有即整疏乎厘，pancake及Macaroon. 果汁就只有橙汁。…查看更多

滿天星～ 日式西餐廳。蛋包飯的專門店！標榜來自日本，選用蘭王雞蛋，俾佢嘅蛋包飯吸引，其實一路都想試，奈何成日見到條龍都超級長，所以一路都冇試。難得今日朋友請纓率先去排隊，既然唔使我等就梗係試一試佢啦點餐嘅時候，因為都等咗一陣好肚餓，我哋一人叫咗一個蛋包飯，蛋包飯啲飯熱立立加上雞蛋又夠滑，好好味呀再加杯嘢飲，朋友叫咗杯虹吸咖啡，我就叫咗杯綠茶拿鐵，住食完再加個甜品，點知食完個飯已經超級飽，最後只能夠放棄甜品…查看更多

本來都係諗住凍凍地食碗麵，仲要冇人排隊，見到有個二人set二百幾蚊都幾好。點知原來今日有下午茶餐$68（唔係唔叫呀！）下午茶餐包一個麵，一個小食同埋飲品。雖然麵嘅份量係少啲但係加個小食嘅蝦味飯糰（飯團size都幾大，有掌心咁大）都好夠飽。兩個人一人叫咗一個set，小食加咗$10餃子（三隻）和$15無糖綠茶。連埋服務費$177。地方乾淨，坐得舒適，食得飽肚，呢個價錢「正」。蝦味湯拉麵（湯味濃郁，麵條有咬口）…查看更多