kapik1129的個人專頁

店鋪環境好大，座位唔會太逼夾。境觀開揚👍🏻坐得好舒服👍🏻👍🏻👍🏻👍🏻店員服務勁好，介紹左個2人火鍋餐俾我地，另外我哋仲嗌咗一個雞煲，有2個湯底揀咗一個辣一個唔辣，食物好新鮮。會再黎！…查看更多

自從食過一次鐵板，就一發不可收拾🤣🤣從此踏上尋找好味鐵板之旅。老公知我中意食鐵板，早早搵定資料再鎖定左山下。環境不錯，唔會太逼。服務態度非常專業，每一道菜上完都會講解產地來源、點樣食。食物新鮮不在話下，每道菜式都非常夠火候👍🏻👍🏻煮法唔係流水作業大同小異，同出面既鐵板係有分別。魚肉鮮甜軟滑、龍蝦鮮味爽彈👍🏻鮑魚煮得岩岩好 軟腍再配埋個肝醬簡直一流👍🏻👍🏻和牛唔洗講 牛味充足、軟腍之餘再加上油香🤤🤤🤤今餐埋單差唔多7千左右，肉都痛埋。但如果想一擊即中食好既鐵板 我係幾推薦既…查看更多

同屋企人慶祝生日，知我中意食海鮮特登book左呢間試下。估唔到咁有驚喜！首先環境唔錯，枱與枱之間唔逼👍🏻闊落舒服頭盤刺身新鮮好食😋海鮮夠新鮮，而且有啲新奇食法，例如一夜干、日本麵豉湯蒸紐西蘭帶子👍🏻基本上每一樣都係好食既，唔會有啲好食有啲唔好食，性價比高👍🏻蒸海鮮點少得個精華粥底🤡🤡🤡佢啲海鮮咁新鮮，所以好期待個粥底究竟會鮮甜成點🤤🤤🤤🤤味道當然唔洗講！鮮！到！不得了😆美中不足就係個粥太稀，好似飲粥水咁。工作人員都熱情有禮貌，會教你點食同啲食材係黎自邊到，所以成個用餐體驗都好好。推薦🤟🏻🤟🏻…查看更多

呢間野之前已經食過好多次，自從疫情開始少左出街食，難得今日出街食就遇上今日呢個情況，首先一入到去食食吓個麵分別有兩個店員擤鼻涕同埋咳🦠🦠仲要唔覺佢有洗手🌝🌝宜家呢個咁嘅情況衛生意識要非常之警覺，我個麵食到一半都唔敢再食🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️同埋店員都出名態度惡劣，加上衛生意識極差、真係要小心，就算幾好食呢段時間都唔好去住😢😢😢😢😢😢講返個面麵，以前其實真心唔錯、但依家個湯底越來越重味精，食完之後喉嚨勁乾，勁頸渴。同埋今日個雞髀肉一啲味都冇好似白烚咁☹️☹️☹️同埋個胡椒味好勁勁到有少少頂唔順，以前好明顯食得出湯底好鮮甜，雖然都係濃味但唔覺味精咁勁。…查看更多