eatthememory的個人專頁

近排放寬限聚令，同朋友係尖沙咀臨時有飯局，搵到間唔洗排隊又性價比不錯的上海菜餐館。例牌都係小籠包、雞絲粉皮、排骨炒飯依D門檻菜式，另外中叫左個生煎包試下。最驚喜係排骨蛋炒飯，炒飯粒粒分明，配料均勻，油份剛好，豬扒新鮮口感不錯；與眾多知名連鎖店能夠一較高低。生煎包$40 4隻咁既份量下次寧願叫多籠小籠包，可以一啖食哂，餡料有啲少。蟹粉小籠包中規中矩，略嫌味道不夠。雞絲粉皮最失望，醬料苦澀味偏重，粉皮較粗厚身。…查看更多

夜晚任朋友話事於是簡左蜜奄本膳話食D好日本家常菜。原本打算同朋友一人一個主菜再Share甜品Pancake，被告知無Pancake後就當支持米豬連。總括而言店員十分友善，只可惜如Pancake Sold Out，其他食物並無可取之處，請果斷回頭！我同朋友叫左 豚雙味 同 海膽卡邦尼烏冬；首先講個烏冬，烏冬太軟似煮到熟透無咬口，醬汁味道偏淡，厚切日本煙肉又乾又「鞋」似一塊鴨胸肉乾，但講緊賣$168未計加一，認真講真係好冇誠意。而雙味豚炸豚肉都算脆同好吃，只不過無Sauce 好乾爭爭，而另一邊紅羅白洋蔥燉牛肉味道偏淡不過不失，但整體而言一個餐盤上只有一碟飯一碟餸，如果係日本朋友家裡在客真係十分寒酸不被歡迎，賣$138定價真十分進取但又缺乏誠意。旁邊果台客叫左個Pancake賣相都算吸引，食完又冇咩聽到有怨言，我諗應該都算過得去掛？有心支持請記住只能幫襯Pancake，完。…查看更多

同朋友行完街就係荃灣廣場搵食，剛坐低係卡位就被店員要求將Shopping Bag拎起讓比另一台客人一齊坐，雖然7點半有半個場係吉既，連另一台客都覺得唔好意思，但店員仍然堅持，相信依間餐廳價值觀係店員既方便優於餐廳客人既舒適度。老實講麵十分滿意，湯又香又濃，麵食落爽口。除左飯似碟頭飯味道普通冇誠意外其他菜式都不俗。水餃要襯熱食，攤係碟上面好快會涼透。雖然該位店員態度不友善，但相信只是害群之馬，整體不俗。…查看更多

同朋友吃完晚飯又未想番屋企住，於是佢就提議食依間糖水。其實食完晚飯邊到會有甜品糖水唔洗排隊呢？但依間又真係唔洗。除左果位話黎依間一早諗好左簡抹茶窩夫之外，其他朋友諗左好耐都諗唔到食咩好，第一次食甜品咁迷惘而唔係花多眼亂果種。抹茶窩夫上碟好似炒左車咁，但其實味道都算幾好，而且果個窩夫外脆內軟，食落有抹茶味又唔會偏甜，但依餐見得人既只有依樣。另外兩位朋友放棄左選擇，就簡左最普通o既湯圓同合桃糊，味道要求高o既真係會接受唔到，我就覺得好正常冇咩特別，但大家唔好希望太高，而且相比我叫果樣其實已經算好好了。今餐伏中之伏，就係芒果小丸子（但因為小丸子賣哂轉芋丸），聽落覺得好似幾開心咁，但醜婦終需見家翁，一食落口就知咩事。其中一隻色既芋圓煮得唔夠熟，而且芋頭味又冇；果個芒果底先經典，完全冇芒果味，碎冰就有幾粒，如果唔係隻色黃色我都唔知係芒果，果球雪糕又係牛奶公司咁o既質素，你收我＄3x我都覺得好正常，但收成＄48會唔會覺得有d過份呢。依餐當食鋪租，但你唔好諗住可以坐好耐，我睇住佢趕隔離果台客走；食完感覺極不良好。…查看更多

其實如果唔係住果頭o既人都唔會專登去食！雖然好近西鐵站（出站大約行5分鍾）鋪頭o既位十分充足，夜晚果陣户外中會擺多十幾張台，但晏左去都可能要等一等位！餐牌選擇十分多，飲品種類應該都可以滿足到一部份朋友既口味，約埋一班朋友來坐下係唔錯既選擇。今次我同朋友簡左 白桃蜂蜜活乳酸梳打 同 菠蘿蜂蜜活乳酸梳打。仲簡左日本抹茶口味o既麻薯窩夫，上面配左紅豆、一球綠茶雪糕同埋抹茶cream，當每一口都有依三樣野o既時候幸福指數簡直要爆炸！窩夫入面o既麻薯絕對無偷工減料，吃起上黎中好纏綿。鋪頭紫薯都好出名，但因為晏就已經食到有小小飽，所以下次希望有機會再試下啦！…查看更多

聽朋友講之前依間野晚市都需要排隊，行街經過唔洗排隊於是就衝左入去食。我同朋友都好鍾意食上海野，坐低唔洗諗一定叫小籠包三煎包同雞絲粉皮，其他唔重要o既野就交比朋友決定，佢地就簡左小菜川香回鍋肉同埋津白炒年糕。首先講左d好食o既先！蔥油餅雖然望落好似手抓餅，但應該算上係比預期好o既野，溫熱o既蔥油餅食落口好煙韌又軟熟。其他正常既菜式有 小籠包 雞絲粉皮 同 生煎包，味道都符合預期滿意的。依家輪到講伏位了！雖然川香回鍋肉 同 津白炒年糕 一味係咸左d 同 一味 非常淡，但都叫擺得落口；但係瑤柱蛋白炒飯真的令人非常失望，吃下去的時勉強算得上有微溫，但係用料同調味十分難接受，食落口好似食緊有油光o既炒飯咁又冇咩味，咁o既價錢相信叫其他任何一尾炒麵炒飯都比佢好食！…查看更多