Brielle0104的個人專頁

食物質素OK，但服務態度仍需改善。因為睇到網上好多人都有介紹過呢間酒樓，我第一次試過荔枝角分店覺得食物味道好好同埋服務質素唔錯，但由於我住港島，所以都想喺中環分店試吓。於是同屋企人一家三口，週末時間去中環呢間分店試吓啲點心。但一入去中環分店嘅位置好擠迫，三個人都係坐張迷你圓枱。侍應啲態度好一般，仲要叫極都冇人加茶同落單，淨係顧住去理啲大陸遊客。部份侍應更加木口木面，基本上純粹淨係覺得中環分店好味，但員工態度唔好，而且環境同荔枝角分店比較上嚟，好污糟。…查看更多

話說之前睇一個YouTuber介紹呢間露營生活，咁就想中秋正日9月17日同家人做節嚟食下靚嘢，坐下聽下音樂，所以就經OpenRice預約咗今日晚市嚟呢度試吓，但無諗過會遭到咁嘅對待，好失望。一坐低店員就話可以介紹一下今日嘅餐牌，分別有三個價錢$488、$688及$1088。咁本身一直諗住試吓就算同埋我哋屋企人都係唔食太多肉，所以就揀個最平嘅試吓。點不知個店員不停地sell，仲要因為知道我哋係叫最平嘅套餐，所以即時黑面對我哋，態度即180度轉變（要強調係高高瘦瘦，著全黑色衫，戴黑色帽，心口戴住個佛牌嘅男店員，照觀察佢應該係負責Sell套餐嘅，每一個客人坐低佢都會即時拎個餐牌嚟Sell嘅嗰個店員），而且佢嘅推銷手法真係非常之差劣，可以媲美推銷健身plan嘅sales⋯而且明顯地佢哋對叫$688以上set嘅客人特別好服務態度，例如係佢會主動介紹唔同嘅海鮮種類、食物種類同埋會幫埋手燒嘢食，相反全程對我哋就黑口黑面。我覺得既然咁介意客人叫$488平套餐，不如索性取消咗去，又或者可能統一或set一個高嘅定價就算啦⋯擺得出嚟餐牌都預咗唔同客人有唔同食法就會叫唔同價錢，何必咁樣對待客人呢？未去過嘅，我絕對唔會建議你去試，但若果你真係想去試，我會建議你叫最平嗰個就已經非常足夠。因為平心而論，食物質素其實一般，係比較行貨嘅食物。唯一係個和牛西冷有啲啲入口即溶嘅感覺，甜品都OK多款式，張露營凳比我想像之中好坐。但以上幾點都唔能夠令我想再返去食多一次，因為呢個店員嘅態度真係非常有問題，而且推銷手法亦令我好唔滿意。仲要埋單時，唔知係有心定無意，佢比錯隔離枱$1088兩位嘅單比我哋(但staff係睇到的，無理由會錯，更何況我哋係三個人⋯所以呢樣嘢得佢哋自己先知）。**補充多樣：其實我喺OpenRice book咗位佢寫明有88折，但埋單時佢同我講今日係假期前夕所以只得9折，但其實我之前已經喺電話度有再三問店員今晚係咪正常都會有88折，佢又答我係⋯既然係咁應該就一早同客人講清楚嘛⋯不過最後尾我都算啦，佢咁樣講我都費事再講咁多嘢直接埋單走人算⋯真心唔推介，唔建議大家去試，否則一肚氣！！P.S. 坐室內聽live music真係嘈到拆天，喇叭多又大聲，啲performer唱歌/唱生日歌唱到非常刺耳。建議想以吹水傾偈為主嘅都一樣可以唔駛嚟😓…查看更多

今日同屋企人經過太古城呢間誠品，第一次試呢間好有台式風味嘅椰小盅，感覺食物好健康，好清新。果然，同屋企人一人一個午餐。媽媽食咗個唐醋排骨飯午餐，非常入味，排骨膽膽肉，軟骨又可口！而我呢就試左呢一款牛腿肉飯套餐，牛肉味道非常濃郁，好入味，但又唔會太鹹，而牛肉質地亦好軟熟，份量比較多，好夠食！而是日套餐仲可以加$9要杯佢地嘅自家製豆漿，好香豆香味，而且仲好滑添！仲見到好多唔膽嘅甜品膽小食好想試，不過太飽了，唯有下次再食！…查看更多