ElaineXia的個人專頁

附近睇樓黎到呢度食lunch，餐廳細細間，但係幾有feel，出面嘅風混合室內冷氣伴隨啲好hea嘅音樂居然有一種去到熱帶國家嘅悠閒感。環境講完講食物，同媽咪一齊，叫左黑椒雞肉飯同煎halibut fish，都好好味，阿媽話雞肉好嫩好入味，我啲魚都煎得好嫩，同啲汁幾match。服務都係咁樣啦，又唔係五星級大酒店咪唸住將你睇做上帝啦，不過唔rude，都係咁話啦。覺得香港而家覺得好少咁樣嘅餐廳，反而會好可惜。以後黎經上環應該仲會黎呢度食。…查看更多

已經食齋食左一排，但係因為食齋好耐都冇食到啲日本料理，難得係香港見到日本素食，即刻係母親節個日同阿媽去左。首先我地根本唔知呢間唔係攞食肆牌，上到餐廳個waitress個面黑黑，但係想住算啦，啲服務質素就當見唔到，冇想到之後個waitress聽到我地第一次黎就好高傲咁話「我地呢度只有呢兩個menu，係套餐制」。不過看左下個menu，都冇乜問題，色情聽評價話唔錯，所以就話try下啦。但係個waitress黑口黑面將我地帶到一個靠近廚房（好嘈）嘅座位，明明其他地方都冇reserved，但係我話我想換個入面啲嘅座位個waitress就好似冇聽到咁，真係唔明好啲乜咁犀利。食物：個味道有啲太淡，清淡同淡mou mou係兩個概念咯，我阿媽好似唔係好接受到啲食物食完我地兩個都肚脹，不過客觀黎講，啲食物嘅擺盤真係幾精巧，但係實用主義者真係唔係好buy呢個，食物嘅味道並不如想像，而且有一味櫻花豆腐（熱食），個樣好靚，但係攞過來食兩啖就發現入邊根本冇熱到，可能係由雪櫃度攞出來擺入個蒸籠度係咁蒸兩嘢就算。除左黑口黑面個位小姐之外，有一位姨姨，係上菜時候好詳盡咁講解左啲食物，佢個人好nice，解釋得好詳細，辛苦曬佢。Anyways，覺得網路上嘅點評真係要信啲唔信啲，呢間嘢save左好耐，但係唔會再去第二次，因為食物同個價不成正比，都係食翻buffet，又平又靚又正。一星俾個造型，一星俾個講解嘅姨姨。…查看更多