tracy1507hk的個人專頁

補返母親節晚餐，媽媽話想食西餐；近近地就揀咗Amaronis食睇咗Set Menu覺得唔啱食，就各自單嗌咗啲前菜同main courseHam配蜜瓜係媽媽平時嘅最愛，佢話估唔到原來配啤梨度咁好食～啲火腿畀得唔吝嗇，一件生果一片火腿；份量啱啱好夠三個人做starter👍🏻啲啤梨確實幾甜下，沙律汁酸酸地，開胃一流呢個係全晚焦點之一青口唔算好大隻但唔乾，質地彈牙新鮮個白酒汁真係神來之筆，點青口又好西蘭花都好都好好味好鮮甜，媽媽同男朋友搶住食🤣Server好貼心畀咗隻碟裝住啲殼有加分～呢個係我揀嘅Carbonara啲汁十分濃郁絲滑好芝士～啲醬汁好足夠唔會乾憎憎！食落就略嫌淡味咗少少，意粉軟硬度啱啱好；自己加少少鹽就perfect了。全晚焦點登場🥹媽媽揀嘅Hanger Steak配薯條Hanger Steak我地揀咗Medium，出嚟嘅時候接近Medium rareServer好殷切問我地洗唔洗拎返入廚房整熟啲不過我地無所謂就冇麻煩Server，而且錯有錯着佢煎得好好食！牛扒表面有陣炭烤過嘅香味咬落去食得出冇乸過啲肉；唔鬆唔un仲要冇乜筋味道調配得啱啱好，最緊要係媽媽讚不絕口（喺香港實在中過太多牛扒伏，一係就overcooked，所以我一啲都唔介意佢生過我要求嘅程度好過熟得滯返唔到轉頭）薯條就正常，我幾鍾意佢唔油！食落冇咁大罪惡感🤣男朋友略嫌唔夠味，咁啱server行過聽到話畀啲芥末醬我地試吓，又ok喎，配埋芥末醬食落牛扒一啲都唔膩！呢個龍蝦尾意粉喺男朋友揀冇Carbonara咁濃稠多汁唔會越食越滯，啲意粉索晒啲海鮮濃湯汁好濃郁但唔膩好快畀男朋友清晒，龍蝦尾如果再大隻啲就正🥹唔夠喉🥹龍蝦唔un冇covercooked，食嘅時候容易離殼肉質唔霉，我覺得呢個意粉過關！我睇之前啲食評見嗰個都讚Tiramisu加上佢最鍾意嘅甜品就係tiramisu就嗌咗一件，冇諗到原來咁大件🤣夠晒三個人食有突呢個Tiramisu真係好好食啲咖啡味好出，唔苦啲cream又唔會太甜，個cake夠濕潤但又唔水唔會食落一pat嘢咁一啖咬落去平衡曬唔同層次👍🏻大推！！…查看更多

  係Yahxx!!團購買既coupon（2小時任食buffet），盛惠每位$128（未計服務費）；同父母專程去到Mega Box諗住食餐好既。坐低左發現個環境都幾大下，因為時間尚早所以人客唔多。我視察左一下周圍、淨係得附近一張長枱放左14款食物；對面放左自助沙律站&兩款湯。  我地屬於第一round既客人，食既野應該要係最新最齊全既，但係d食物竟然一啲都唔熱!!我攞左d烤蘑菇、牛柳粒、意粉、薯蓉...冇啦，d野食就係咁多咁上下。  先講湯；羅宋湯、夠熱，但完全冇味；感覺更加似飲緊辣辣地、酸酸地既水。再黎就係忌廉湯；有蘑菇、可惜一啲味道都冇！飲到成口粉，唔講仲以為食緊BB既糊仔:(。令我最嬲既係放係團購網頁吸引人既菜式一款都冇供應比buffet客（我見到隔離枱落order客有得點有供應架！）d咩葡式煙肉焗生蠔、焗青口、沙甸魚，就連最出名既葡國菜脆皮豬手一件都見唔到!!甜品就係葡撻；葡撻幾好食既、啲皮好酥好正，餡又好夠味佢地所謂既特色飲品就係荔枝味既水  食到我地背脊骨落！好似比人呃左咁 食左一round半就食唔落（亦都冇野好食）；最後仲要每人比多$24服務費先買單！就算係coupon buffet既客人都係客人呀；點可以咁貨不對版架！  絕對冇下次，嬲到要打上黎發洩下…查看更多

放左學去食晏，平時食開都係牛腩河，因為貪佢夠平又夠入味，:)最重要唔肥，今次兩個friend嗌左魚蛋河同雲吞河魚蛋河略為冇味，雲吞都算係咁，幾隻鮮蝦包成一個雲吞，但係食食下真係嚇鬼死！成條尾指闊度既綠色菜蟲瞓左係個雲吞河上面真係噁心之極！即刻叫佢換過碗，點知又有隻死蚊滋係到！算啦，費事再換。我個friend食都食唔落。衛生環境又差，坐係廁所位隔離，成日又烏蠅又蚊！可怕！唔敢再食！…查看更多

媽咪生日,搵左好多間日本放題先叫做搵到一間稍為啱心水,book位既時候個員工好似好唔耐煩咁- -不過冇所謂啦,志在食野啫...book左7:30其實已經幾多人下,如果walk in 既話都未必有位好!!講返正題,入座後立即睇睇有乜刺身,真係少得好可憐大概得8樣刺身左右,叫左9塊三文魚,比得6塊,好在啲三文魚都唔差,一直keep住叫,開始個時啲野食好快黎,食下食下,就開始甩單/遲單((15分鐘或以上keep得一次keep唔到第二次既番薯,前者軟得黎脆,後者硬得黎爽可能係我喉嚨痛,覺得呢杯凍/熱既柑吉超難飲,好la喉本身以為檸檬汁欠奉,原來已經滴左係地點料到,唔錯唔錯:)環境嘈左少少但最值得提既就係女廁去女廁竟然要穿過7到門所以女士們,要去女廁最好搵多幾個一起去,個到又係後樓梯,好容易出事啊@@@@…查看更多