pangdeedee的個人專頁

冇食到最出名嘅醉雞，食咗雞煲翅同埋胡椒豬肚雞，我哋揀咗食米線同埋刀削麵，米線配啲湯好好食，但刀削麵好出色，麵有筋度，麵側邊仲有啲波浪紋嘅切痕令到佢嘅口感好豐富。雞湯濃郁有料，雞肉香而鮮甜，食得出有條過少少味但係又唔會太重手。胡椒豬肚湯尤其出色，見到一粒粒嘅胡椒喺個湯度，食得出應該係喺雞湯再煮出嚟，豬肚調味都不錯，胡椒嘅辣唔係留喺個嘴好耐，即使唔係食得好辣都可以一試。店員嘅服務態度都好好，面帶笑容咁樣叫我哋坐低。係一間食得好開心嘅餐廳，用心製作！…查看更多

甜而不膩，清爽，夏日首選，隱世乳酪雪糕。咁啱遇到嘅店員都非常之友善，同我介紹咗店舖最好食嘅嘢，尤其是係開心果醬，冇諗過同乳酪雪糕嘅酸味咁配，抹茶麻薯都好煙韌，仲有健康藍莓做底！…查看更多